(( طعّات )) .. أحرجت أصحابها .. (( 2 )) .. !!

سيّر علي واحد من الشباب كان يدرس معي في الثانوي
انا ناسي اسمه .. لكني ادري انه من آل فلان
ولا طرى علي الا (( عياره )) او على ما قال واحد من الشباب مرّي (( شتومته)) وابي اقول حي الله فلان والا ابو فلان ولا الله قسم المهم حاولت ابتعد من العياره او الشتومه او اللقب السئ قدر الامكان ,,
تقهوينا وسولفنا وراح الكلام وجا ..
وبعد ما خذينا لنا نهوه .. جا واحد من شيبانا ما فيه حيله يعرف امة لا اله الا الله كلهم ولا يمر واحد في الشارع الا نشد منه هذا من هو من خواله والخ الخ ..
سلّم الشايب قبل يقول كيف الحال ؟؟
قال مبارك ..
قلت لبيه ,,
قال الرجال هذا من هو ؟؟
قلت هذا طال عمرك رفيق ٍ لي ادرس انا وياه في المدرسه ومالي به علم ولا عهد وسيّر علي ذا الليل وهو ابرك الليالي لكن نبيه يتغدا عندنا والا يتعشا عندنا .. ابي الهيه بالعزيمه
قال العزيمه ما فيها شك لكن هو من قبل كل شي وبعده ؟؟
سكت انا .. والاخ قام يشوف الشايب وهو ساكت ..








قلت هذا من آل فلان
قال زين وش اسمه ؟؟

وسكت .. وهو ما زال يشوف الشايب وساكت ,,




قال الشايب : صب لي قهوه يا ابوك
خذا له فنجال وتوكل على الله وهوّن من العزيمه

والاخ المذكور الى يومك مدري وش اسمه ؟؟!!