.¸¸۝❝ رساله جديده ❝۝¸¸.

.
.
.

لم أكن في يوماً من الأيام من هواة القصيده الحرّه !

ولا أعترف في من يكتب هذا النوع من الشعر

ونزار قباني وربعه ولا ابّيزه <------- طبعاً ما دروا عنّي

الاّ أنني عندما قمت بقراءة هذا الشعر

مرّه

وأخرى

وأيقنت أنني كنت محروم وقاسي في حكمي عليه <----- مسيكين


وشخبطت فيه شوي ..

وكتبت

بعنوان

( الست الخوات )




بكتب معاناتي
وأستحضر الآتي
أوراقي من نور النهار
وحبري من الليل الضرير
وبنات فكري حاضرات
يمكن أثور وما أثير
يمكن أطير
يمكن أفكر وآتراجع
وأستخير ... !
لايازمن .. ماهيب عاداتي !

لو حولي الدنيا تثور
مااحسب عواقيب الامور
أقولها وبصوت عالي
أقول مايخطر
على بالي
بحر الشعر .. أبني على
موجه قصور !
ماخاف وآحاتي

مستقبل الست الخوات
مْن الكبيره للبنات
ماهو على مانشتهيه
واللي نبيه
الأيام تخفي كارثه
والعلم في المجهول
ياسامعٍ صوت الطبول
افطن لي .. وخلّك نبيه
واقبل تحياتي

الذيب والراعي جميع
ناوين تفريق القطيع
كلٍ يبي ياخذ قَسِم
بس ينتظر وقت
الحسم ..!
بيض النوايا مالها
خانه ودور
وعقارب الساعه
على الساعه تدور
ياغيمة ظروف الليال
مهما نزف جرحك كثير
مايتبع أمطارك وسم ..!
وتموت عندك
كل غاياتي ..

الروس تحيا في نعيم
واللي تحتها في جحيم
مهما حصل .. مهما جرى
هم في الأمام
بكل شيٍ فيه خير
وحنّا بموقفنا ورى
بس في الحزن والموت
وأهوال الزمان
هنا .. يجي الطابور
آخِرْه أوّله
حنّا نوقّف في مقدّمة الصفوف
بس هم هالمرّه ورى !!

ياصفحة التاريخ
ليتك تسمحي
أكمل عباراتي !
وأشرح معاناتي
ولولاي أخاف انهم
يحطوني عميل
واني على العالم وكيل
لكتب على وجه الحقيقه
كلمتين
يا عزّة أمجاد الجدود
الذل في الآتي !.


.



ونبقى !