محمد بن الذيب(من رشايدة نجد والا من الكويت)

هذا هو king وهذي هي هواجسه واحلامه وحزنه وقصيده مبلله بالشجن ومسورة بالألغام يوجه هذه القصيدة
الى الشاعر والصحفي الرائع نايف الرشيدي ....مدير تحرير مجلة المختلف
ستجدونها بالمختلف




[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سبحان من در المطر وأحيابه القاع الهميت= الشكر له والحمدلله والفضل له والمن له
ياالمانع اللي تمنع وتعطي إلى منك عطيت = ياكافل(ن )رزق اليتيم اللي تولته أرمله
على محمد صل ياربي وسلم وآل بيت = محمد وصحبه وبلغنا معاه المنزله
وياصاحبي واغلا اصاحيبي يانايف ويت ويت. = علم رشايدة الكويت الطيب منهم منهله
رجال عبس اللي بنوا لي في قلوب العز بيت = احفاد مجد الماضي اللي يحفظه مستقبله
هاماتهم مثل الجبال الشم وأولها حفيت = سلالة العز القديم بعزها متسلسه
ودي اصرح لك وخاف انك تحطها مانشيت = وينسل سيف وينتخي عزوة وتقدح قنبله
ماودك إلى ضاقت فجوح الوسيعه كمبليت = ودارت عليك النايبات وتعّبتك المعضله
إلا رشيدي من رشايدة نجد وإلا أهل الكويت = من دون قاصر في رجال مجدهم مانجهله
لوإن ربعي يام من فوق الهقاوي لاهقيت = (................................................. ..)
في روسهم حب مايطحنه الزمان المستميت = وعيونهم تقبس شرار(ن) من شرار المرجله
لكن نايف لا أعدم من صحبته ولا خليت = من وقفته وقفة ..ورى وقفة ولاهي با لأوله
ياصاحبي نايف سعيد الحظ من حظه بخيت = ماكل راعي حظ حظه فاللزوم ايجمله
اشوف بعض حظوظ خلق الله مثل بنت السبيت = تاكل وراعيها مادامه يمتلكها تكّمله
اليا نويت تزور شيخ (ن) له على أهل الصيت صيت = اخذ معك قلبي يقول اللي با أقوله أوقله
وشلون مايرضى علي وأنا قبل ما أزعل رضيت = وشلون مايزعل علي وأنا اتشرف بزعله
ياسيدي ياللي على العالي المجد اعتليت = ارض (ن) مهي بارض(ن) زراعية ما تنبت سنبله
وسنابلك تملأ بطون الفقراء اللي تبيت= وايدينها لك فالسماء فكل ليل مشهله
ازهل ابو ضلع (ن) عوج وازهل ابو وجه (ن) شميت = لكن صدك ياطويل العمر وشلون أزهله
اتضيق بي ماليزيا او تتسع بي ماهنيت = إلا معا ذكراك في وادي يغرد بلبله
نفيتني في رحلة المنفى لكنك مانفيت= مقامك اللي كل طاري للمعزة يشعله
من سائل (ن) سؤال يطرح له سؤال وماعطيت = جواب يطرح له جواب إيحل لغز الاسئلة
اغيب عنك شهر كامل وانت مقفي مادريت =ولا نزل عندي غلاك ولا ذبل فيني وله
ومادام مابه وصل بعد مفارقك اجل ياليت = ياليت تسمح لي اغيب العمر عنك بأكمله
ذكرتك وطاحت دموعي من غلاك وما استحيت = إلا وقفت اصيح في دمعي غلا واستعجله
ماهو بعيب إليا بكيت اللي على بعده بكيت = رجّــال وابكي لي على رجال وين المشكله
بغيت ارسل لك مسج لكن والله ماقويت = من النبل تختار وسيلة وصل مستنبله
احساسي الصادق لا يمكن ينحصر قي كم بيت = ولو ينحصر في كم بيت الأجهزة ماترسله
واحساسنا اللي من مفارق شخص وإلا فقد ميت = بعض الهواتف حسها مرهف ماهي تستعمله
قصرت طايلة الأيادي لين طاحت واستويت = اتكبل يدي هيبتك وإلا ماهي بمكبله
مجرم وسوى له جريمة يوم غبت ويوم جيت = زبن علي ظلك لو ان ظل الجبال يظلله
ثنتين للمجرم فشرع الله واختر مابغيت = إما عفو عنّه هل المجني عليه ... او اقتله
ياصاحبي يامحزمي ياقدوتي انا غديت = على طريق المايل ومالي عذر غير أعدله
والعز ماهو بشت واخويا وكم برميل زيت = العز جدك ورّثه لابوك وانت تكمله
واللي سرى في ليل (ن) اسود موحش من دون ليت = ماهي تهّمه عوية (ن) من ذيب في راس اجبله
ياكم صباح (ن) قد غبشت وكم ليل قد سريت = وانا اكتوفي بالحمول الكايدات محمله
ماهو بمسرى واحد (ن) ودع هله عند المبيت = ولا خذاله ساعتين إلا وهو فحما هله
سريتها مسرى الملك عبد العزيز من الكويت = حتى حكم نجد المسمى من علّوه لأسفله
وإليا نويت اقول باسم الله إليا مني نويت = ويثور موج البحر والربان يثبت محمله
متعود أني لاحكيت اجهر برايي لاحكيت = ولا أفكر فالسنين الماضيه والمقبله
ماحد (ن) يحط فقبر احد بغيت او مابغيت = وان حط احد في قبر احد كل يحاسب بعمله[/poem]
شعر / محمدبن الذيب

[/font][/color][/size][/QUOTE]

لله دره من شاااااعر ..
وقفة صمت .. وعودة اخرى ..
ابو نايف .

شاعر غير طبيعي ابدا


وصدق من سماه المارد


لاهنت يا مهل .......... دمت

يعجبني كثيرا الشاعر ابن الذيب

في فلسفته الشعرية وتقديمة الجميل لكل فكرة يريد أن يقولها


أخوي مهل الف شكر لك على هذا النقل الجميل

مجنون شعر

مافيها كلاام

لا هنت يامهل

اي بالله شاعر مافيه كلام

وقصيده في غاية الجمال


لاهنت يالرويضي

ذكرتك وطاحت دموعي مـن غـلاك ومـا استحيـت
إلا وقفـت اصيـح فـي دمعـي غـلا واستعجـلـه
ماهو بعيب إليـا بكيـت اللـي علـى بعـده بكيـت
رجّـال وابكـي لـي علـى رجـال ويـن المشكلـه



الله يخرب بيت عدوه مجنون مجنون مجنون


قصيدة ابن الذيب دايم عن عشر

واشهد بالله انه ماظلم حظه تستاهلون يابني رشيد كل علمن غاااانم وكل مدحن كااايف

مهل الرويضي



شكرااا جزيلاا !!

الشكر للجميع على ماتفظلوا به

تقديري واحترامي

سلمتم

هكذا هو الشاعر محمد بن الذيب

مثير بكل ما يطرح .. من رموز الساحه الحاليه


صح لسانه صح لسانه ولاهنت يامهل

محبتي واحترامي

اخوك