₪ .الفيلســوفه. ₪

للتواصل فقط ..









[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
لإجلك بما إنّك تخصص فلسفه = ابا اتفلسف ثمّ قولي : فيلسوف
لو يعرف الإنسان ما لا يعرفه = ماكان يحتاج النقط فوق الحروف
ولو كان يملك له ( جناح و رفرفه ) = ضاق الفضاء بأهل الهوى من كل طوف
ومثل الرسائل فالظروف مظرّفه = أشواقنا وقلوبنا .. مثل الظرووف
ولو تستمر التقنيه .. والمعرفه = العالم ( إفلاطون ) يتحدى الظروف
بمشاعرٍ لو كان ماهي مرهفه = ماكان له دوله ولا صار معروف
والعاشق اللي مايثبّت موقفه = ياليت .. يختار الهروب عن الوقوف
لا يحسب انّ الحب وردٍ يقطفه = ويقدمه مثل ( الهدايا ) بالكفوف
الحب عزف . ونزف شعرٍ ينزفه = وإحساسٍ أرهف من رهيفات السيوف
ياعازف المزمار .. لا لا تعزفه = انا عن المزمار صايبني ( عزوف )
والفيلسوفه في زمان الفلسفه = تعرف رموز الفلسفه والفيلسوف
والفلسفه إن ضيّعتها المترفه = القلب منها .. جاز .. والخاطر عيوف
انا كذا .. والشعر تبقى أحرفه = والدمع .. ما ينهل .. مع دق الدفوف ..![/poem]