عسكر بن مبارك ابوزهير الهاجري

بعض من قصايد جدي عسكر بن مبارك ابوزهير الهاجري رحمه الله


وهي مدونه في ديوان خلان الاشده


ومن اقوال عسكر ابو زهير التي تدل على طموح الرجال مع شح وقتهم يقول




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال العضيي عسكر في جوابه=وجده وجود مسمت بالجبايـر
اليا قل مابيده تزايـد عذابـه=وكنه يروغ بين صلف الذخاير
[/poem]

وقال رحمه الله في ابنه مبارك (ابو عايض) والدي حفظه الله هذه الابيات




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اذا دعيت مبـارك قـال لبيـه=ولبيه عشر كل ماهو دعانـي
والله لولا طمعتي فيه وارجيه=للموقف اللي مايجيه الهدانـي
لاجاه ضيفه ساق ماتملك ايديه=وبسط جنابه والجواب اللياني
واليا وزابه مجـرم بينجيـه=وغمٍ لكم ياناقليـن الوحانـي [/poem]




كان عسكر ابو زهير يشتري المواشي في الشتاء وفي نهاية الربيع يبيعها وفي احد الاعوام تأخر عليهم المطر وقضى عليها بسبب شح الارض وشدة البرد فتمثل بهذه الابيات وسندها الى رفيق له اسمه راشد



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا راشد المنعور يا عدم الاجناس=الحال فنـى ولابقـى الا قليلـه
لاذقت لاقوت ولاجانـي انعـاس=ومن كان مثلي حالته عزتي لـه
ياليت مالي كاتبه وسط قرطـاس=والا كـرامـات ندورنفـيـلـه
حنا تعودنا على قطع الارمـاس=نسري ليامن تاه خطوى الدليـه
وعشنا على الدنيا بعز ونومـاس=ولا خير في دنيا حيـاة هزيلـه
والله لـولا دلتيـن ومحـمـاس=ونجرٍ نصكه كل قرمـن يجيلـه
ان يخطر ان يدخل القلب وسواس=لين الطبيب يقول مافيـه حيلـه
[/poem]وفي احدى رحلات عسكر ابو زهير الى شمال الجزيره العربيه والى ديار حرب ومطير حيث كان يشتري الابل وبيعها في نجد والاحساء ولم يكن هناك عمله نقديه بل كانت نقود حجر ونقلها خطرا وفيه مغامره كبيره في ذلك الوقت فتمثل بهذه الابيات




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قام ضبيان مـع الصمـان يومـي=وزين ركبه يوم نسل الاش هايـب
كم قطع بي من طويلات الرجومـي=ديرة الدوشـان مرذيـن النجايـب
مركبه يبري من الكبـد الحثومـي=ومنوة اللي من ديار البعـد غايـب
اختصر في البعد من بعض العزومي=ما خلافي كون ورعانـن وشايـب
الرجـاء بمبـارك ينقـل همومـي=يحتمـل منـي جميعـات اانوايـب
والا التهمت عبيد جعله لي يدومـي=حي منهو سرنـي لارحـت غايـب
الردي جعله من الطيب محرومـي=ما قلـط بالرجـم قـدام الركايـب
يتعرض عنـد زينـات الرسومـي=وان بغنـه جعلهـن زود العقايـب
لعن اباكم يا مزوجـت الرخومـي=مفلس منهـو يجـوز كـل خايـب
ان لفو الهشال ماهـو بمهمومـي=ودك انه لالفـوا الهشـال غايـب
[/poem]
هذه القصيده قالها عندما مرت عليه سنوات عجاف مما ادى الى انقراض بعض من ماشيته




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يا المطلوب يا قايد الرجا=يا خيـر ولا انـت بالقطـوع
افرج لمن شاف الخلل في ذوده=يوم الثلاثـاء ليلـة الربـوع
سكينا حمرا ولاحـن نمشهـا=ومن صنع فايز حدهـا يـروع
فيالله بخت عود لذيـذ موقفـه=ومن المراجل ماهـو بخـدوع
والا بخت ضيف يدور للعشـا=يبيبغي الذرا وسلامـة جـوع
نقلط له الميسورفي ليلة القسا=وندعي لهـم بالعشـا بقـدوع
فمر على حيل كبـار روسهـا=عطايانا من الوالي المسمـوع
ومر ندور لاسبعات من البـل=كبار الظهور وبالحمول تـزوع
ومـر نقلـط بلـم وودامــه=يوم الردي من المرجله مذروع
[/poem]
وقال هذه القصيده خلال الحرب العالميه الثانيه عندما تعرضت البلاد كسائر بلاد العالم الى شح في الارزاق مما حدا بالحكومه الى ان تتأخذ اجرات صارمه من خلال الجهات المسؤله بنظام الحصص المحدده وكان للمرحوم صديق له يقال له احمد بن نويران المهاشير الهاجري وكان كريما وله مواقف في هذه الازمه العصيبه وقد عبر رحمه الله عن هذه العلاقه بهذه القصيده




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوجودي وجد مطـرود ضمانـي=وجد من عدى من المسقا قريبـه
كملو صحباننا فـي ذا الزمانـي=مابقى منهم صديق نلتـوى بـه
الركايب سـت والفرقـه ثمانـي=وان تبعت الهون يا والله المصيبه
جعل ابو سلمان يفـداه الهدانـي=هو مقر الطيب وهرورجه عجيبه
من هل الجدعا مروية السنانـي=كاسبين المدح لاجـات الحريبـه
باني قصر علـى زيـن المبانـي=ومن دخل في مجلسه قام يهذيبه
ارتكى لي يوم شطـات الزمانـي=يوم نسل اللاش ماينفع صحيبـه
السنافـي كامـل كـل المعانـي=وان تبين فيه شيـب زاد طيبـه [/poem]

والنعم فيك وفي جدك يا هادي

كملو صحباننا فـي ذا الزمانـي
مابقى منهم صديق نلتـوى بـه


لمحات شعريه جميله وبيوت تنز منها الحكمه




تحياتي/ حامد

:
:

(( هادي بن عسكر ))

الله يرحم جدك .. !!
ويجعل مقره الجنه ..

وعشنا على الدنيا بعز ونومـاس
ولا خير في دنيا حيـاة هزيلـه

مقاطع شعرية أصيلة .. !!
كل الشكر لك .. ياهادي .. !!

شعر جزل ومعبر ,,

صح لسانك ولسان جدك يابن عسكر ,,

تحياتي ومودتي

والله ونعم الشارب يابو مبارك فيك وفي ابوك وفي جدك
حمولةٍ ترعرعت على الطيب والكرم والمرجله


رحم الله جدك رحمةً واسعه .. واسكنه فسيح جناته
وبيض الله وجهك على هذا الموضوع القيّم



اخووك

الله يرحم جدك ويرحم أموات المسلمين

حقيقة موضوع دسم للغاية تشكر عليه ياهادي


ولي عوده للتعلم من الحكمه والكلام الجزل


تقبل ودي وتقديري

أخوك

صح لسانك ولسان جدك يابن عسكر

,والله يرحمه ويسكنه فسيح جناته

عسى عظامه للجنّه

،


الله يسكنه الجنه ولا هنت يا هادي على ايراد ذا القصيد الطيب
ننتظر المزيد لا تقطعنا منه وانت كريم والربع يستاهلون
كل الشكر


،

.

لمحات جميله ومقتطفات رائعه


.

الله يرحمه ويسكنه الجنة



هادي بن عسكر

لاهنت يالغااالي !!

بيض الله وجهك ياهادي ورحم الله اموات المسلمين وغفر لهم

امتعتنا في مشاركتك

تحياتي لك

الله يرحم العود

وبيض الله وجهك يا ابو مبارك

اخوك