بعد انقطاع....رحلة الحزن

المشاركة الأصلية كتبت بواسطة محمد معرفي

[poem=font="Arial,5,darkred,normal,normal" bkcolor="firebrick" bkimage="backgrounds/17.gif" border="double,4,gray" type=0 line=0 align=center use=ex num="0,black"]
يارحلة الحزن ما انتي ناوية بالرحيل=وانا تعبت اسرق الفرحة واغني لها

لوكنت ساكت على وجهي يبين الدليل=محتار فيها ولا ادري ويش اسوي لها

ما كنت اظن المحبة كف رجل بخيل=تحتاج غير المذلة ذنب تقبيلها

لاني بعايش ولاني في جفاها قتيل=اثر العلاقة ضياع وذي محاصيلها

راحت وخلت وراها كل هم نزيل=في عاشق قد تعود شوفة اكليلها

خلت لي الضيق والحسرات واّهات ليل=خلت لي الحرف واشعاري وترتيلها

خلت لي الصوت والصورة ونار وفتيل=خلت لي الذكريات وليل قنديلها

خلت لي المشط والشيلة وبيت الرحيل=خلت لي العطر والدبلة ومنديلها

خلت لي القلب في بنك المواجع عميل=يجني خساير سنينه يوم فقدي لها

واهديتها كل شي من كثير وقليل=ما عاد لي غير عمري لو ابهدي لها

لا جيت ابدعي عليها شفت دمعي يسيل=رغم الذي قد حصل مجبور ابدعي لها

لو كانت البنت في جيل وانا وسط جيل=بعيش عمري وانا عيني على جيلها

الله يقطع دروبك يالغرام الذليل=يوم ان الاشناب تتلذذ بتذليلها

ما عدت انا خل يطمع في مواصل خليل=واحلام اكبر من العشاق تأويلها

الحب دلة وقلب المهتوي بن وهيل=لو يحتمي بنها ما يحتمي هيلها

وانا اتخذت القرار ولا بقى لي بديل=ابهجر دلال حبي مع فناجيلها[/poem]

محمد معرفي


صح الساااانك مدد

امتعت واطربت يامحمد


لاهنت


أخوك