مصافحه أولى ..

المشاركة الأصلية كتبت بواسطة عبدالله بن عثمان

السلام عليكم و رحمة الله وبركاته

[align=center].. مقناص الحنيّه ..[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زين هد الطير و الخد متساوي = في حماد ٍ بين عوجا والحنيه
من طلع طيره يهده ما يراوي = كود قول أقضب يسمعّها خويه
في حمادٍ ما رعت فيه الرعاوي = محتمينه فوق جمس بوارديه
عقب سيله باذرة قفرٍ خلاوي = مخضرٍ فيه الكداده و النصيه
فيه برقا الريش تدرج في المهاوي = ما تبين في الزراج محاذريه
كل يوم وريشها غادي ٍ ثعاوي= من قرانيس الحرار الصيرميه
كل صاروم ٍ على الهارب رهاوي = لا صفقها ما تطب الأرض حيه
وخطو فرخ ٍ هاقي فيه الهقاوي = توه معلّم ولا بان صمليه
أشقر ٍ تشبه ثناديه النزاوي = راسه أرخم والسراويل برديه
ما نشد عنه المحرّج كم يساوي = ناصب ٍ له في العبور مناشبيه [/poem]

[align=left]و تقبلوا التهاني بـ العضو الجديد[/align]

ارحب ارحب ارحب
ياعبدالله بن عثمان
شاعر وصقار قصيدته تمثل لي الشئ الكثير لأنها تعبّر عن الصقارة الحقيقية
وكأني في رحلة الهدد للطيور بسماع هذه القصيدة التي تبينت فيها خبرة الصقارة بلا تصنّع


تقبل تحياتي وكثر الله من امثالك


أخوك/حسين الدوسري