ياقـــوم يالسفره لدار الخواجــات !

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هيضنـي اللي قال ينظـم قوافـيه = يبث لي شكواه في عذب الأبيــات
يقول حر القيض في نجد يشويه = إصمل على السفرة نقص الجوازات
قِـصّ الجواز وثبت الحـجز يا هيـــه = نبي نسافــر يم دار الخواجــات
قَصّ الجواز وطاري الحـجز مابيـه = أرض الوطن فيها الستر و السلامات
جوازي الصحرا ولاحــدٍ مهر فيه = هبة نسايـمها عــوافي و لـــذات
والقيــض قفــاّ ما بقى إلا شلاويه = نرقـب وداعه في ليالٍ قليــلات
عقب طلوع سهيل و الوسم يتلــيه = قنوفه مزابيــر صباح و عشـــيات
عسى بواكير الحيــا بأمــر واليــه = يجعل به ربــوع الجزيــرة مريفـات
غب المطر يصبح تســاقى خباريــه = يعلــّه الهـمـال ديـمـه و زخـات
الطــير في وقـت البرادين ندعيــه = يلــعب على الملواح كسرة و روجات
الريش في المقــياض توه مصـفيــه = ومجـربينــه في الهدد موسـمٍ فـات
خطرٍ على خربٍ كــبارٍ ثناديه = في الجو لا طقه غدا ريشه أشــتات
وإن قالــوا المقناص ناصل حراويه = الجيب جاهز و المــسالك وسيعــات
نمشي على اللي نازح البعــد يدنيه = صنع الجبان وجمركه في الأمــارات
الجدي عن يمناه وسهيــل قافيــه = يطوي الفيافي مثل طوي السجــلات
مع كل شغمومٍ بعــادٍ هقــاويه = سوالفــه عند المطــاليق ذربـــات
و تواعدوا فجّ ٍ خــلا ما وطــى فيه = عقب المطر ما داس به راعي الشاة
قفــرٍ زها نبته وطــاه وروابيه = فيه أم سالم في الضحى تزعج أصوات
في مــوقع ٍ عــاداتها ما تخليـــه = تلقــى مــدارجها جداد و قديمــات
لا طــالع القرناس في الجــو يفليــه = يشرف على ربدٍ تدارج مربــات
واستلحق المسباق من كـف راعيــه = ياقـــوم يالسفره لدار الخواجــات ![/poem]

[align=center]و سلامتكم [/align]