سداح لازام إ نماريبه

الغالي / فارس بن عبدالمحسن

الله يسعد مساك

صح لسانك مليون مره وانا والله اللي اماري بك لا عدمتك
مدحك كبير ومتعدّي ومحرج

والحقيقه انك ابدعت وشرفتني الله يعز شانك ولا يخليني منك ولا عليك زود في كل حرف كتبته وقصيدتك وسام فخر على صدر اخوك

حاولت ارد وازريت

قلت ارسل لك هالبويتات ولا تعتبر رد صراحه ، لكن الله يبيض وجهك ليوم الدين وتقبل هذه المتواضعه ولا عليك زود مليون مره


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
المدح من كاسب الأمداح=تشريف غالي و ودي به

أحرجني الشاعر اللماح=من طيب قاف ٍ قصدني به

البيت بالقفل والمفتاح=يا حلو شدّه وتركيبه

عطاني عن العلوم إيضاح=ولا عاد لي عنه تجنيبه

يا الدلبحي والقلوب صحاح=راسك ما تنقص مواجيبه

الطيّب له راعي ومصلاح=ومثلك وشرواك يحري به

إعداد ما هبّت الأرياح=شكرا وللنار شبيّبه !

زود ٍ على زندك القداح=غالي ومن ربعي عتيبه

أسلم وسلّم فداك متاح=اللي ينفّخ لغابيبه

ردّه على الموس ابو تمساح=إليا فتل روس اشانيبه

وإلاّ أنت يا كاسب الأمداح=تبقا على العزّ والهيبه [/poem]



وسلمت يا بو عبدالمحسن ،،


..