الحب ماله حلّ ,,,,

المشاركة الأصلية كتبت بواسطة عبداللطيف الغامدي

السلام عليكم



مشاركه للتواصل ,,,,, اقبلوها كما هي ودمتم


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي لوما انت مخطي ومسموح = كان الجفا ما يندمل بالتّلاقي
لكن راع الودّ بالودّ مفضوح = ايامه احفاد السّنين العتاقي
ترجع به الذكرى على وضع مشروح = وتعوْد هقواته لما كان هاقي
والصّدر بيت ٍ لك من اللوح للوح = عسر ٍ على غيرك صعيب المراقي
(مال ٍ وجاره ) شوق ( والباب مفتوح ) = (سيّر) وراجع فالعهود العتاقي
أرحب ولالي في معاتبْك مصلوح = وانا ادري انْ جهد العتب للفراقي
وانته وانا صوتين مقفي ومبحوح = ما نلتقي ياكود لقيا طراقي
عفنا خطاوينا وجزنا من البوح = ونسيت ماقلته وانا اتعبت ساقي
تكتب ومكتوبك على الرمل ممسوح = وانحت لك جروحي على صخر باقي
وان قلت لك كم همّ يمسي على الروح ؟! = وكم صبح ما تغسل عناه السواقي ؟!
قل هكذا المشتاق ,,, عايش ومذبوح = واقول صادق ,,, سبّتي فـ اشتياقي
والحب ماله حلّ فالبال مـطروح = متزايد ٍ كنّه هموم العراقي
وتكتب وانا مجروح واقراك مجروح = وتروح لكن باقي ٍ لك بواقي
اسلم ورد الباب لاجيت بتروح = ولاتلتفت ونشوف حزن المآقي [/poem]

الله الله الله الله
يا سلام يا سلام
شاعرنا القدير والاستاذ العزيز : عبد اللطيف الغامدي
شهادتي في ابداعك مجروحه لانه مشهود لك من قبل المبدعين
شاعر عندك موهبه اصيلة ومدرك جزاله الابداع الذي تمثل بالجزاله
تقبل تحياتي وتقديري
اخوك:حسين الدوسري