彡( أشياء 乂 أشياء ) 彡

:
:
تمادى في رحيلك ..
والسكن يا مفارق ..
بـ أثنين :
:
:
نزولك : وسط قلبي !
و
أرتفاعك : داااخل امواقي !!
:
:

:
:
:



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سود الليالي .. خريف العُمر = تقتل ربيعي .. على غفله
ليلي حطبها .. و صبحي جمر = والريح .. صوته يرفرف له
حتى الصبر زاد ناري سمر = واشعل من احلى العمر .. حفله
تدمُر حياتي .. ظروفي دمر = حتى اصبحت .. خايفه جفله
ليت انتظاري .. قطف لي ثمر= قبل اسقي الحزن واقطف له
وليت الليالي ماصارت سُمر = وافقد ورى ليلها .. طفله
اسأل ضياء الليل .. ليش الأمر؟ = وتصرخ فروضة .. قبل نفله
دنيا .. نسفها الزمان المر = اللي لك اعوام .. تنزف له
تذكر مع الليل .. لون الجمر؟ = و تذكر وش القلب يعزف له ؟
ساد الجفاف .. وتساقط تمر = و مالت طواله .. على سفله
لكنّ !! يا ليلي .. طلبتك مر = بال اقرب انسان .. واكشف له
خذ لي .. من اسباب هجره .. غمر = و من حالي بغيبته .. شف له
كأنه على العهد .. يأمر أمر = و الله لا اقدّره و آسف له
وان كان عايف .. طمرته طمر = و الله ما اناديه و آقف له
قلبي من الهجر .. شبع .. وضمر = ليت الزمن يوم .. ينصف له
وبيديّ .. مفتاح .. شلته عمر = ضيّعت بابه .. قبل قفله!![/poem]



:
:
:

:
:


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذبل رمش العيون من السهر .. واتلمّس المرقاد = رمى ثقله على صدر الصباح .. و عانق انعاسه
غفت عينه مثل عين السجين اليا ارهقه جلاد = تحت خده .. بقايا للأمل .. والصبر .. واحساسه
غفت عينه .. ولكن كانت الصحوة له بمرصاد = همس بأذنه .. بقايا حلمه .. اللي يلفظ انفاسه
دفع نفسه مثل طير ٍ .. تخيله بندق الصياد = ترك عشه على غصن الشجر .. يوم الخطر داسه
وثب .. واطلق كيانه للرياح .. وحزنه المعتاد = عليه من الهلع .. سود السحاب .. وخوفه الباسه
عليه من الزمن .. ( بصمة حزين ) .. وعين للحساد = عليه من الليالي .. غربته .. بين اهله وناسه!
وقف بين الأمل والياس .. والجثمان والميلاد = يصبّر حلمه اللي يحتضر .. ويشد له باسه
غريب .. ويمتطي صهوة ظروفة .. والحزن ميعاد = غريب وغربته .. غربة حياة .. ونفس .. وادراسه
غريب ولا صديق ٍ يعتبر عند اللزوم .. اسناد = غريب! الا وحيد .. وتطرق الايام في راسه!
ملامح شوفته .. لوحة رسمها .. كهل من بغداد = ملامح تحكي .. الحزن الأكيد .. وتقرع اجراسه
تجاوب نظرة اعيانه .. سؤال الجاهل النشاد = وتعكس واقع ايامه .. وتشرح قصة إفلاسه
تقول انه سجين .. وذكرياته في يديه اصفاد = تقول انه مع الغربة .. شرح حرمانه وياسه
من اخيوط الصباح .. يبروز الغربة .. وطن وامجاد = ومع جنح الظلام .. يغادر البرواز .. كراسه
حياته فوضويه .. وانحدار ومنحنى وابعاد = ولكنّه هرم .. يثبت على صحراء الألم .. ساسه
نزف قلبه دماه .. ولا بكت عينه فراق ابلاد = سكب دمه على بحر القصيد .. وفاض هوجاسه
هواجيسه .. على شط الحقيقة .. سفنها .. ورّاد = ومن عمق الحقيقة .. يسكب اصدق حرف في كاسه
حروفه لو تبخر .. ما احملتها السحب لأرض اعباد = ولو تبقى على البحر .. اعتذر .. لولوّه وماسه
لكم شكره وعرفانه .. ونبرة حزنة المعتاد = ومعزوفة عناقيد الأمل .. والصبر .. واحساسه!![/poem]


:
:
:

:
:



:

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بقايا من شتات انسانة ٍ .. عاشت مع الحرمان=بقايا من عصافير الامل .. والوقت واظروفه
تضم الذكريات و ينزف المنظر .. بلا عنوان=و ينزف دونها جزل القصيد وتبكي احروفه [/poem]

:
:

:


وآقف على الشباك .. وأقرأ ليال الأمس ..
ليت المكان هناك .. واعيش لحظة أنس ..
:
غريب بالغربة وحيد .. ارضي حزن تنزف قصيد .. واغمض عيوني لا تشوف .. :
ان المكان اصبح غريب .. وان الحبيب اصبح بعيد .. وان الحياة اتغيرت .. وان الحياة اتغيرت !
:
وحيد في هذا المكان .. اكابد اظروف الزمان .. وأسأل وصوتي من تعب ..
واسمع صدى صوتي .. انين ...
الصبر مفتاح الفرج .. يا صابرين الله يعين .. وحده سنة .. واربع سنين !!.. وحدة سنة واربع سنين!!

:

في كل صبح زطلته .. انادي بنبرة ألم .. انادي بنبرة ألم .. وين الصبر .. وين الصبر!!
:
ليت الزمن يرجع سنين .. واعانق الحب الدفين .. واقطف ورود الياسمين .. واعانق الوردة واقول ..
مات الحزن داخل حزين .. مات الحزن .. مات الحزن!!
وارسم حياتي للعيون .. بالحب والبسمة شجون .. وارسم على قلبي شعار .. ما للحزن عندي ديار .. مات الحزن .. مات الحزن!!
:
لو الزمن يرجع سنين .. ما كنت اقول اني كرهت .. شباك في شارع عمر .. شباك في شارع عمر!!
ماكان بأعلى الصوت اقول .. هذا المكان اصبح غريب .. حتى الحبيب اصبح بعيد .. حتى الحبيب .. حتى الحبيب!!
:

انا الغريب بلا وطن .. وانا البلاد بلا مدن .. وانا الظلام بلا شروق ..
وانا وانا .. كلي هنا .. حزن وعنا .. حزن وعنااا..
انا العيون بلا نظر .. وانا الغيوم بلا مطر .. وانا القلوب بلا نبض ..
وانا وانا . حزن وعنا .. كلي هنا .. حزن وعناا!
:
ضاع الوطن .. ضاع النظر .. ضاع الغمر .. ضاع الأمل !..:
كيف الحياة بدون حب .. كيف الحياة بدون قلب ..
كيف الفراق بلا لقاء .. كيف الحياة بلا شقاء ..
وكيف الزمن يقسى سنين .. كيف الزمن .. يقسى علي!!
:
وانا مع الصبح البهيج .. انسج من الذكرى سراب ..
واكتب عليه آخر كلام ..
انا وانا حزن وعنا .. وانا وانا .. بأبقى هنا ..
واصدح مع انسام الصبااااح ..
وين الصبر .. يا كارهه .. وين الصبر .. وين الصبر !!

:

2/5


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
2 .. 5 .. له بقلبي مكانه = لو كان عند الناس .. من عرض الايام
يوم ٍ .. زرع في قلبي اول خيانه = واسقيت زرعه .. للوفاء ... خمسة اعوام
لو كان مفروضي .. يعيش بزمانه = ما كان مرفوضي .. على روس الاعلام
مفروض مرفوض .. وخسر نسف شانه = ومرفوض مفروض .. ونسف كل الاحلام
عمري .. سطى غيري .. على شمعدانه = وقلبي .. ترك حلمه .. على صدر الايتام
عفت ورحلت .. وقلت يالقلب .. ( امانه ) = لا تأمن الدنيا .. وطعنات الاقزام!!
دام الرجل .. ما اوفى بكلمة لسانه = وش عاد .. باقي له .. على دين الاسلام!!
عندي .. غدت عشرة تساوي ثمانة = وآطى .. على باقي ثمانة .. بالاقدام!!
وممكن يكون الحلم .. سابق لأوانه = واحققه .. في يوم .. من عرض الايام!![/poem]
:

:


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سكب ملحه .. على جمر انتظاري .. وانفجر بركان = وذاب اقسى صخوري .. في صهار الملح والللابه
واناجي .. قلب من هدّ السكون .. وبعثر البلدان = واقلده الصباح .. وفوضوية .. من طرق بابه
انا لو ما تجرعت المحبة .. في ذرى النسيان = حشى ما يحتمل قلبي .. جبال الحب .. والغابة
حبيبي .. لك مقام ٍ في خفوقي ما وصله انسان = بنيته .. من ثمان .. وفاحت اشواقي .. مع اعشابه
حبيبي .. وانت تدري للخطا .. بوابة الغفران = تعال بكبريائك .. واستلم عهدك .. على اترابه!
احبك .. يا انتصاري .. في زمان .. اكذوبة الخلان = احبك .. يا انتظار ٍ .. تركن الدنيا على احسابه
احبك .. ما حوت .. روح الحياة وما نطقها لسان = احبك .. منتهى حب المحب .. لصادق احبابه!![/poem]

:

:

:



[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
غربـــة الانسان .. مجداف القصيد = سفنها الاحـــزان .. والشاعر بحر
صدرها القبطان .. وانفاسي عبيد = وشطّها الحرمان .. والميناء الصبر
صوتها الامواج .. واحروفي جليد = والفضاء المونتاج .. والضيقة صور
عمرها المحتاج .. واسنيني رصيد = والجروح التاج .. واحلامي قصر
اطوي الاشواق .. واحساسي بريد = واروي الاذواق .. من وجهة نظر
لا رضيت افراق .. ما يرضاك عيد = والحيـــاة اوراق .. والفرقى جمر
والضياع ادروب .. واحزاني تزيد = وكل وقت اغروب .. شمسي تحتضر
والفضاء مغلوب .. والطعنات قيد =والوصل محجوب .. والدنيا خطر
وغربـــة الايام .. تكتب ما تريد = وتحفر الاقـــــدام .. دربي والقبر
وانسف الاعوام .. وابدأ من جديد = وتصرخ الاحلام .. كااافي يا بشر!!
لو شربت الليـــل .. ما يرجع فقيد = لو تعيش بويـــل .. ما ترد القدر
لو دموعك سيل .. والنظرات بيد = ما غمرت سهيل .. لو عمرك سفر
هاجر الاوطان .. ومسافر وحيد = واسقي الخلان .. من عمري عمر
ليلي الاغصان .. وايامي جريد =وعامي البستان .. واشهوري شجر!![/poem]








:

:
:

رحلة سفر .. في جمجمة شاعر .. او مخ الشامخ.. فلنفتح المخ .. على مصراعية!! !!

:

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وقف بين الذهول .. وطعنة الخبجر .. يردد ( ليه ! ) = سماه من الغضب .. يخطف هواه .. وعمق نظراته
يخذله .. عن تباشير الصبر .. دمع ٍ سكب راعيه = نزف فيه انكساره.. والبياض.. وبسمة اشفاته
سألني .. وش بقى لك من طموح .. يحق لك تبديه! = ما دام ان الخناجر .. قصة اوصالة مع امواته!
سؤال .. وفي دهايزه جواب .. وشفره وتنويه = سؤال .. وينثر اوراق الشكوك .. وفيض شرهاته
أجل .. دام السؤال .. انشودة العاجز على قاريه!! = أجل .. كيف الجواب .. يكون اضافة لأنتصاراته
غريبة !! من نقش حرف السؤال .. ولا تمعن فيه = غريبة!! من رضى بَرد السؤال .. ومعه اجاباته!
غريبة!! صارات الدنيا جروح .. وما تبي تمليه = غريبة!! والفكر .. كهل بصباه .. وفضّل انصاته
ترى .. لو ضيقة القيض .. بسرابه واحتضار التيه = ترى .. ما يذود عن صبره .. سوى ريحه ونسماته!
وانا .. بيتٍ سكنته .. واحتضنك .. وجسدّك واليه = ومنك .. آخر حروفي .. والرفيق .. وسر طعناته!
مسافر .. في ربوعك .. ما نبض قلبي .. بلا توجيه!! = مسافر .. يحمل ادروب السفر .. و البُعد ..رحلاته
اسافر .. في فضاك .. استلهم الواقع على وجهيه = و آلاقي .. ما ملك لقمان .. سابح مع مجراته
واذا .. ضاق الخفوق .. بزحمة العالم .. على الترفيه = اسافر .. في فياضك .. عن صرع الجهل .. واصواته!

واسافر .. في محيطك .. وادفن اسراري على شاطيه = وأنقيّ .. من درر عمقه .. حروف الشعر وابياته
واسافر .. في جبالك .. لا انكسر قلبي .. على غاليه = و انا ظر عن كثب .. زرع الاحبة .. وانكساراته
هنا .. سر السكوت .. اللي سكنيّ .. يوم اررد ليه = وانا .. فيني السؤال .. يصيح .. دثرني بأجاباته!![/poem]


يُقال .. ان الجبال تثير ما بالنفوس .. فقد يكون ما يتبع .. خارج إطار النص ..
:
:
:

:
:



:

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسافر .. في جبالك .. لا انكسر قلبي .. على غاليه = و اناظر عن كثب .. زرع الاحبة .. وانكساراته
هنا .. زرع ٍ زرعه اللي زرعه .. ولا نوى يسقيه = ومات الزرع .. واحرق داخلي .. رحلة متاهاته
واشوف هناك .. زرعٍ .. يدهش الناظر قبل يغريه = على كشف الغموض .. اللي زرى سوره وغاباته
زرعه اللي عطاه من اهتمامه .. قدر ما يكفيه = وطالت .. من بعد طول انتظار .. اوسع مساحاته
نضج فيه الثمر .. والله كتب .. عقب الفرح ما اجنيه = سطى سيف الفراق .. وغنت الورقى .. نهاياته
بزغ .. نور الفراق .. وحانت اللحظة .. وانا اعزيه = توداعنا .. وكل ٍ ينزف الضيقة .. و زفراته
رحل .. ياطى على درب ٍ كره .. وتكرهه رجليه = رحل مجبر .. وتبكيه الورود .. وحزن شجراته!
رحل .. يحبس دموعه .. والضياع تصوره عينيه = رحل .. ينزف على درب العذاب .. اصدق عباراته
وقف .. بآخر طريق .. ولدّ لي .. نظرة حزن تعنيه = وسالت فوق خده .. دمعة الفرقى .. وعبراته
وقف .. يبكي على حب ٍ من اعماق الوفاء يرويه = نزف .. صرخة عتاب .. لحظة القاسي .. وعثراته
رحل .. يحمل معه .. حجة غياب .. وعذره بيديه = وقفت .. ولا سمعت .. الا الطعون .. ونبرة اهاته
هنا .. سر السكوت .. اللي سكنيّ .. يوم اررد ليه = وانا .. فيني السؤال .. يصيح .. دثرني بأجاباته!![/poem]



:
:
:

:

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحب .. له من سالف الوقت .. قانون = يفنى جميع الناس .. والحب باقي ![/poem]

:

:
:

[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مَربي .. طيف الحبيب .. ولا دعاني = واعترى شوقي جفاف .. ولا دعيته
ملنّي صبري .. تحت نبض الثواني = واحتضر قلبي .. ورى علّه وليته!
لو وقف طيفه .. على صبري بكاني = وان نفذ صبره .. وقفت ولا بكيته!
اسأل الدنيا .. نساني؟؟ ما نساني ؟؟ = وان نساني .. وش يكون اللي جنيته؟
من عشانه يالظروف .. ومن عشاني = بلغيه .. اني لو اذنب .. ما نسيته
ما نسيته .. لو نزف صدر الاماني = واندفن .. حلم الطموح .. اللي بنيته
يدري انه .. لو جرحني .. ما كفاني = وادري اني .. لو عذرته .. ما شكيته!
بلغيه .. ان مربي والا لقاني = اني اوفى .. من لقاه .. ومن لقيته!![/poem]


:
:

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما اقسى من انظر لأهتزازك ولا اقوم= الا انهيارك .. واتجاهك لـ عيني !
صعبة !! ولكن ضيقة الكون والقوم = ما تمنع امسح .. بالفرح .. دمعتيني !
لوّ العمر .. بحرا ً من الشمس محروم= ما للمطر والا السحب .. رحلتيني !
ولو كان انا والحزن من مهدنا توم= لازم يفرقنا اللحد .. والسنيني ![/poem]

]:
:

كُنا في رحلة لـ ربيع لِينة وهي شمال حايل عام 1425 ..
واللتي قال فيها شاعر الوطن خلف بن هذال

[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين شوف العشب الاخضر يازينه = قبل شهر شعبان ينقز هلاله
حوايج العطار باطراف لينه = شمال أعويج والخشيبي شماله
والذ وأطيب من عطور المدينة = ما ساق فيها شاري العطر ماله
بالروض كنى جالس في سفينه = ترقد مخازرت السلق في ظلاله [/poem]

فكتبت هذه القصيدة .. في تلك الأجواء الهادئة ..
بعد ليلة سهر طويلة ..كـ إهداء لـ صديقي : ابو خلف .. وجدتها في المساء السابق ..
فهنا بعض الابيات منها ..


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة .. يا ابو خلف .. ليل الاحزان = ليل ٍ قضيته .. مُـر . ما فيه راحة
تصادفت .. صدفة على عين سهران = صالن .. وجالن .. وامرحن .. في مُراحه
هم ٍ قديم وفي فؤادي له ازمان = دَعاه .. داع الليل .. واطلق سراحة
حزّة .. هجوع الناس .. في ذيك الأوطان = يوم انّ كل ٍ فوق راسه وشاحه
تسابقت .. فرسان دمعات الأعيان = وخلت .. جفون الذيب .. يا ذيب ساحة
شمال لينه .. يوم حنّا .. والاخوان = زادت همومي .. كان تبغى الصراحة !![/poem]


:

"
"
"
صوتٌ صداه .. يتوّغل لـِ يتسع الإُفق
صدىٍ .. يزف لِـ صوته .. بشرى .. : لا يزال هناك عقل
وترقص الاورق على : ما كنت اصدق بإندماجك يـ الارواح
فـ ترتسم بسمة ُ لـِ تقول : لا تهتف فرِحا ..
فـ ليس هناك ما يبقى .. لـِ يصمد بـ وجه الرياح .. حتى الجبال .

"
"
"

"
"
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل شيٍ صلف في ليل البعاد = كل شيٍ صلف في هذا الزمن
لو بذر قلبي على رجوى حصاد = الحصاد اليا حصل .. شوك بقطن!
قلبي الغابة .. وطعناتك جراد = قلبك البايع .. وخيباتي ثمن !
احرمتني كذبتك .. حلو الرقاد = واحرمتني شوفتك .. شوف الوطن!![/poem]

"
"

]:

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ضاقت افجوج المواني .. لحظة ابحار السفينة = والدروب .. اتصيح باصوات الرحيل .. مسدده
وقفتّ فوق السفينة .. درة العمر الثمينة = وانظرت بين الجسور ... بنظرة ٍ متردده
تسترق مني صدود .. وقلبها بيّن ونينه = والخطاوي .. في بحرها .. للسماء متودده
واستباحت .. صرخة ٍ هزتّ صباح اهل المدينة = صرخة ٍ شفت العروق .. بظلها متمدده
ابحرت .. والصبح يمضي ..يُبكي النفس الفطينة= والدموع الموحشة .. قلب الفطين .. اتبدده
اتركت .. بين المواني .. نظرة العين الحزينة = من عيون انسان .. قضبان الظروف .. اتهدده
ارحلت .. من عقب ..ليل ٍ خسرّه باقي سنينه = وش حياته !! لا ضوى الليل الحزين .. وجدده؟
وقتها .. شاف الحياة الواسعة .. في وسط عينه = ما تسوي .. حفر قبره .. والكفن .. ما تسدده
اندثر وسط التراب .. ولا اعلن المخطي حنينه = لو بقى قلبه .. على رسم القبور يحدده
اكتبوا من فوق قبره .. مُخطي .. الله لا يهينه = والنصايب .. فوق قبره .. مايله .. متشدده
والحبيب اللي رحل .. والنفس في حُبه رهينه = فوق ذاك القبر .. ترنيم الرحيل .. يردده ![/poem]

:

]:
:
:


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا دمعة الفقد .. خلف الصبر والبسمه = شوفي طريقك .. يحفّه .. عاتقّ اطيابي
يا دمعة الفقد .. سيلي .. وادمعي بأسمه = دامه على ارضي .. فداه الدمع واعصابي
يكفي على سور قلبي .. واسم ٍ وسمه = يعني .. معي قلب .. ما يحسب من احسابي
لو ضيقة الفُقد .. في قلبي مثل ( وسمه ) = مالي سوى ارضى .. واشيل الفقد بثيابي
واكتب على السور .. هذا الحظ والقِسمه = لو وقّف الغير .. ما غيّر من اكتابي
حُكم الزمن .. كل مخلوقٍ وله قَسمه = وانا الزمن .. ينسف .. اظروفي على اتعابي!
اصبر .. واذلّ التعب .. واعسف له النسمه = وامطر على عشب صبري .. مزنة اسبابي
يحيى على الغيث .. من عشبي .. 100 نسمه = واحيى ورى النسمة .. اللي تحيي اسرابي
لز منزل الحب .. حُطمّ .. واندثر رسمه = بأبقى .. وبأبني على رضه .. مذبح اغيابي
وارسم حضوري .. وأدوّن بأسفل الرسمه = يمكن بَعَدك الزمن .. يثّر على اعصابي!

![/poem]

:
:

]:
:
:

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا مكفّن الشوق .. قبل تروح .. سامحتك = ماللعتب والزعل .. طاري على لساني!
عطّ سكرة الموت .. قلبي .. واحمل امتعتك = واذرع من اقفاص صدري .. خامة اكفاني
وقّف على باب شوقي .. والتحف بشتك = وارخ النظر .. واسرق النظرة على شاني
زيّف من الحزن وقفة .. تنثني تحتك = واسكب من العين .. قطرة دمع .. مجاني
حاول تقول .. الزمن باعك ولا بعتك = وانا بدوري بأصدق .. وانسف احزاني
هذا هو الحب في نشوة مخيلتك = خلّه كذا .. والعزاء .. يا حضرة الجاني ![/poem]
:
:

]:
:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يذوب من الخُبر .. سكر قصيد .. ويشرب الدمام = ويروى من بحر شاعر .. سحاب .. ويُمطر المينا
ويغرق بالدجى .. عذب الكلام .. وينقذه بـ ألهام = من افكار الاديب .. ومنبع الفكرة . معانينا
على اطلال الرحيل .. وحسرة الوقفة على الاقدام =يفكّ البحر .. ازاريره .. تعب .. والليل يدعينا:
يا ضايق : ما يزيل الشطّ ضيقك .. والبحور اوهام = شفه .. ينسج معك بيت الوهم .. واهم ويغرينا!
يكفيّ لا بدتّ قمرى .. يشمّر عن يده ..مقدام = يكفيّ لابدتّ قمرى .. شبع .. وافقرّ شواطينا
اناااظر للقمر .. يمسح جبين الليل حتى ينام = وانا اتبعثر .. مثل رملٍ تطاير مع هواء سينا
تذكرّت انفصالي .. عن وفاي وضيعّة الاحلام = وحلمي . بأندماجي مع دفاي .. ولمس ايادينا!!
نشفّ نبع .. وخلص زاد المحبة.. واحتضر ضرغام= ولكنّه .. دفن حظٍ عثر .. واغرق قوافينا
نبض قلب.. ووقفّ بحر .. وبُكت ثكلىً من الايام = على فرقى لياليٍ .. ما اصبحت منا ولا فينا!!
صحى في داخلي .. طفلٍ يتيم .. بدمعتين ايتام = عليه من الصبر.. ضيقة فراق.. بصمت امانينا
يتمتم.. خوف من باكر .. بصوت اليُتم والهندام =يا راحل : ميتمّي .. طيفك على سوره يعزينا!
وقفتّ استعرض الذكرى.. قبل لا تنحكم بأعدام = تحت سقف المكان.. اللي سقى شجرة تلاقينا
هنا ..روح المكان.. وعاشقين .. وبصمتين ابهام = هنا.. جثمان كل اطموح ..فوق الارض يعنينا
هنا .. مدهال ذكرى في كنف حب وغلا و اهيام = هنا.. تسويفة المجهول .. تغري .. صبر اراضينا
هنا.. كان الفرح .. صوت الحياة .. وتكتب الاقلام = على اجباه الدروب .. اهلاً حللتم في ضواحينا
هنا.. صوت المساء الهادي.. وصوتك يغرقه بأنغام = على نوتة وفاك .. وقلبك العازف .. لأغانينا
هنا.. بهجة حضورك .. تعطي الغيبة.. شجن وانسام = هنا .. صدمة غيابك .. تعطي احضورك .. تعازينا
هنا.. كنّا هنا .. مثل الربيع .. ولا وطتّه اقدام = هنا.. باقي هنا .. تمثال.. يشبه طيف ماضينا
هنا.. عهد التصافي والتفاني .. للعمر قدام = هنا .. عهدٍ بعد موته .. كرهنا .. شوف اهالينا
هنا .. قلبٍ وقف .. شامخ وفاء..لأحلى ثمان اعوام = يجسّد في صموده .. لا اعتراض لحُكم والينا
هنا .. عِبرية الفرحة .. تحتها خط واستفهام = هنا .. سطوة حزن .. بأقواس .. تامرنا وتنهينا
هنا .. نبض الحيارى .. يرهق ارواح وقلوب اتوام = هنا .. نبض العمر .. في ثوبة الاسود .. يعزينا
هنا.. تابوت فرحة يحتضنها القبر بين اكمام = هنا .. رسم النصايب .. للوفاء .. نقشه بأسامينا
هنا .. ضيقة وداع .. ودمع .. واحرُف طلسمة .. وارقام = هنا .. رمح الفراق .. يوثّق اطعون الزمن .. فينا
هنا .. وحدي هنا .. ترسانة الحصن .. بذرى استسلام = هنا .. وحدي بعد فرقاك .. اسافر مع ليالينا
هنا .. كلي هنا .. لكنّ !! بدون انسان والا ألهام = هنا .. كلي هنا .. هيكل .. تحت عزّة مبادينا
هنا .. تلويحة الفرقى .. خذتني .. وَقَفَ .. خمس اعوام = هنا .. نسمة شجون .. تردّني.. لليل والمينااا[/poem]



شكراً لمن وصل الى هنا .. بدون الدخول بسباق الجري .. وقفز الحواجز!!

:
:
:

]:
:
:
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صبح ٌ اسود .. تحاشيته .. ثمان اشهر = كنّك تصيّد .. ورى ظهري .. مواعيدك
انا دخيلك .. على .. قمراي .. لا تظهر = ما عاد بي حيل .. تكسرني .. تناهيدك
لا تقتل النور .. بأنفاسك.. ولا تقهر = قلبٍ .. مثل مقتلك .. ما تحملة بإيدك
خُوفي من الفقد .. يثقل كاهلي .. واسهر = حتى تنام .. وينام الفقد .. في جيدك
يذبل صمودي .. ويورق نورك .. وتشهر = سيفك بوجهي ..وتطعني .. وانا ازيدك
ملّ الحياء.. وانتظارك .. بالوعد ..يصهر = وجه القمر .. وارتجف موته .. على عيدك
اما انتفارق .. ونصفو .. كالنهر .. واطهر = والا نتلاقى .. واموت .. لصوت اناشيدك !![/poem]
:
:
:

]:
:
:
مُقتطفات .. قصيدة .. تحتضر..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تلمحّ انك مفارق .. يا غلاي الوحيد = حنّا .. كبرنا على الفرقى .. وطعناتها
ما احنا بجهّال .. نقتل عمرنا .. من جديد = صفحات الايام .. ما تسمح بصفحاتها[/poem]
:
:
:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مليت ارد الكلام .. وشرح بيت القصيد = مليت بيض القلوب .. وسود نياتها
كانك نويت الفراق .. ارحل ودربك سعيد = ( الله .. ولا عشرة ٍ .. هذي نهاياتها )[/poem]
:
:

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسبّني .. بعد ترحل .. بانادي .. فقيد = والا انتظر .. عودتك .. تبدي تحياتها !
ابشر بفرقى ٍ .. مثل فرقى الزمان البعيد = ابشر بفرقى ٍ .. تموت .. بظل سكراتها ![/poem]
:
: