مرقابي .. / تحت الضوء [ 7 ]

:
:

أأأيه تذكرت .. !!




حبيت أهني الضيف والمستضيف ..
بما أنهما هلاليين حتى (( النخاع )) وأقول :


مبروووووك أنتصارات (( الزعيم )) المتتابعه ..
وسيرة نحو انجاز (( فريد )) سوف يسمع بتحقيقة (( الأطرش )) .. !!


<---->

لي عوده بس مدري ابطي والا لا
ولكن عساها تجملني مع الضيف

.


شخصيته / سمعت عنه الطيب ومكارم الاخلاق .. لم تسمح لي الظروف للقاءه عن قرب
شاعريته / شاعر مبدع ومبدع قليله بحقه .. للأمانه قرأت له وشاهدت له ببعض القنوات ووجدت حضوره غير غير ,,

تواجده مرقابياً / يغيب واذا حضر نسانا غيابه

رسائلكم له / تحياتي ومحبتي ودمت مبدعاً يابو عبدالله ,,

ناصر تراحيب

أشهدُ بالله انك اوفيت مع من وضعوا تحت الضوء

وهم يستحقون كل هذا الإحتفاء

ولاشئ يفيك انت وليس لنا الا ان نسأل الله لك التوفيق

اما ضيفنا الكريم

مبارك آل خليفه

فهذا الرجل من اوائل اللذين وقعت عيني على شعرهم وتواجدهم الدائم عندما كنت آتي للمرقاب كزائر

في شعرة نكهة الأصالة والإنسيابيه والترابط

وفي ردوده أريحيه مطلقه

لا تخلوا من الفكاهة المحترمه

لاأعرفه معرفه شخصية ولكن الجميع شهد له بحسن الخلق واللباقه والكرم والتواضع ومن تواضع لله رفعه


شيئاً من ما ذكر نراه في شعره وردوده وقفشاته وشيئا منها شهدوا به والناس شهود الله في أرضه

يعتبر من عماد المرقاب المهمين.

يولي المرقاب من اهتمامه الشئ الكثير وكما ذكر الأخوان تطرقه للمرقاب وذكره له

في لقاآته اكبر دليل ذلك

وهو ايضاً ثالث الثلاثه

نسأل الله له الصحة والعافية وطول العمر


غيمار

مبارك آل خليفه !!

رمز من رموز المرقاب كبير بأخلاقه وشعره !!

لكن فالاونه الاخيره قل تواجده !!

يالربع ما عليكم زود والله يطوّل عماركم ولا يهينكم ويبيّض وجيهكم

علي الطلاق بالثلاث الحارمه اني مدري وش اقول ؟؟


لكن والله العظيم انكم احرجتوني احراج ٍ ما عاد وراه احراج !!




والله يعيني على جمّاع الحكي ورد ٍ عليكم فرد فرد ...

ها وأنا قسم بالله يبو عبدالله إني ما أدري كيف أعبر عن مشاعري تجاهك وتجاه قصيدك وتجاه سمو أخلاقك
وأنت خابر نفداك وسلامتك

ابو عبدالله

صدقني لم استطع تجميع الجمل التي توفيك حقك فاستبيحك عذرا وهذي حبة خشم فديتك

السلام عليكم ورحمة الله وبركاته
قبل كل شي أرجو أن يعذرني الضيف ومستضيفه على تأخيري فالرد لظروف حجبتني


مبارك آل خليفة

معدن أصيل وشاعر متمكن ومرقابي احبه كثيراً !


شخصيته

رجل أصيل بمعنى الكلمة ,, ألتقيته في ملتقى المرقاب الثاني ووجدته واحد من الرجال اصحاب الخلق الرفيع والمقام العالي باحترامه لنفسه وللناس ,,
ولاغرابه في ذلك فهو ينحدر من عائلة كريمة .
مبارك من الشخصيات المحبوبة ومصدر محبة الناس له في تصوري انه يتعامل ببياض قلب .
احبه كثيراً ,, واشهدكم على حبي له .


شاعريته

مبارك من الشعراء المجيدين فالشعر محاورة ونظم ,, ومتمكن فيهما كثيراً .
تتميز قصائدة بالصدق وسهولة صياغتها مما يجعلها ذات قبول عن متابعي المرقاب واعضائه .
اهتم كثيراً بكل جديد له ,, واتابع حتى تواقيعه لأني اجد في طياتها الكثير من الشعر والجميل من المشاعر .


تواجدة مرقابياً


هو من الاسماء التي كنت اقرأ نتاجها قبل انضمامي للمرقاب ,, تواجدة مميز جداً وأن كان شابه بعض الفتور في بعض الفترات لكن هذا لايلغي تواجدة الملفت .
ومبارك من الاعضاء الاسخياء في عطائهم المرقابي والدليل على ذلك توليه مهام أدارية كبيرة في فترة قياسية وهذا كان نتيجة منطقية لعطائه المميز .


رسائلي له


الرسالة الاولى : اتمنى له موفور السعادة .
الرسالة الثانية : اطلب منه ان يحرص على التواجد المرقابي على مدار اليوم لأني بصراحه اكون سعيد بوجود اسمه من ضمن المتواجدين في المرقاب .
الرسالة الثالثة : نبيه يتحفنا بقصيدة جديدة .


ابووليد اشكرك من القلب على ماقدمته وتقدمه للمرقاب والشكر لايكفيك .

السلام عليكم ..
عذراً على التاخير ..

مبارك آل خليفه ..

شخصيته :
شخصيه جميله و محبوبه ..
رجل .. يحب الجميع و يحبونه ..!!
الحديث معه لا يمل .. يجمع بين رجاحة العقل و خفة الظل ..
مهما تكلمت عن هذه الشخصيه فلن اوفيها حقها ..
لذلك اكتفي بالقليل من جانب شخصيته ..
والا فان الكلام باسهاب عن هذه الشخصيه الرائعه سيطول ..!

شاعريته :
هذا الشاعر يمتلك شاعريه فذه لا يمتلكها اغلب الشعراء ..
فهو يجمع بين سهولة اللفظ و جزالة المعنى .. كما ان شعره يمتاز بميزة السهل الممتنع ..
يتعامل مع الشعر بجميع اغراضه المتعدده تعامل الكبار ..
يجيد الفنّين شعر الرد و العد .. بشهادة استاذ الجميع سلطان الهاجري ..!!


تواجده :
هناك شعراء امسيات و شعراء مناسبات ليس لشعرهم طعم حين تقرأه قراءه ..
كما هو العكس مع شعراء المطبوعات و المنتديات فإنا نجد فيهم من لا يصلحون للمناسبات و الامسيات مع ان شعرهم مشرّف ..!!
اما شاعرنا الفذ مبارك آل خليفه فإنه موجود في جميع الجوانب المذكوره اعلاه ووجوده مشرّف الله لا يضرّه ..!!
المرقاب يتشرف به كشخصيه مرموقه و كشاعر فذ ..!!
ولو ان تواجده بادي يقلّ و يتغلاّ علينا ..

رسالتي له :
اتمنى ان يوفقه الله لما يحبه ويرضاه اولاً ..
وثانياً ان يواصل في عطاءه و تواجده ..
وان لا ينسى وعده اللي هاك الزمان ..

ابو وليد ..
ناصر تراحيب كل عبارات الشكر والتقدير ..
لا تفي بالغرض شكراً جزيلاً ..

رحيم

ماني بملتزم بالنقاط

لاني حاولت اسبوع ولاطلعت بنتيجه

ابو عبدالله من الشعار الي احب قصيدهم وشفتله كم لقاء تلفزيوني واعجبني تواضعه
وشاعريته فوق التقييم !


ومن ناحية تواجده المرقابي ورسايلنا له

اتمنى انه يتواجد في المرقاب بشكل اكبر لانه يرفع المعنويه وجوده
ويعلم الله انه من الاشخاص القريبيين لقلبي واهتم بوجوده

ولاهنت يابو تراحيب

ناصر تراحيب


ابو وليد بيّض الله وجهك ويعلم الله العلي العظيم انك احرجتني واخجلتني كل الخجل
طرح هالموضوع لاعضاء المرقاب وقفة وفاء من احد اهم ركائز المرقاب بيّض الله وجهك
وصراحة ً ارى ان الكثير أكفا ان يقدم ماهو والله من باب مجرد الكلام اللذي يجب ان يقال لكن عمالقة المرقاب اللي قدموا للمرقاب جل وقتهم وكل اهتمامهم اولى ان يقدموا اما نحن الاعضاء اللي تواجدنا على الفاقه فلا نقدم عليهم نهائيا ً هذا رائي المتواضع مع كل التقدير والمحبه لشخصك ولثقتك في اخوك والله لا يهينك يا ناصر




محمد صالح العتيبي

الله يطول عمرك ويسلمك يابو تركي يعلم الله ان كلامك يشرفني ويحرجني في نفس الوقت
شد انتباهي رسالتك واحب ان اؤكد لك يا محمد ان التواجد في المرقاب ماهو الا حب للمرقاب كمنتدى القناه والمجله وجهة نظري انها أخذت منحنى آخر ما انكر اني شبه متواجد في كل اعداد المجله لكن انا حبي للمرقاب نفسه بغض النظر عن ما تجدد فيه ولا يعني عدم حبي ولا اهتمامي بالقناه والمجله لكن ما الحب الا اللحبيب الاولي وهذوليك لها حبها ويسعدنا ان تكثر روافد المنتدى اعلامياوفضائيا .. بيّض الله وجهك يا محمد وعسى عمرك طويل وسلم لي على قينان



عبدالرحمن حمد العتيبي



ابو حمد يطول الكلام والا يقصر .. ما كتبه كيبوردك هنا نابع من قلبك وعين المحب عن كل عيب كليله .. ثق انك ما تحب الا من يحبك .. بيّض الله وجهك وعسى عمرك طويل



عبدربه

الله لا يهينك يا بو عتيق ويطول عمرك كلمة أخ اتشرف بها وافتخر بها واشكرك كل الشكر ولن انسى ان اصرح بتوجيهات عبدربه لي في قصائدي دائما ما يضع نقاط في ردوده ودائما ما اركز على تلاشيها في المره القادمه
لا هنت يا شيخ وبيّض الله وجهك




حسين ضيف الله الدوسري

مرحبا والله ومسهلا والله يسلمك يابو ضيف الله ويطول عمرك ولا هنت يا غالي كلام اخ كبير احترمه واقدره واحبه في الله واتشرف بتواجده وتعليقه ومروره .. عساك سالم ولا هنت

ابو تراحيب
استمرارك في التميز دليل على تميزك و تفردك في اكثر من مجال و ابداعك مشهود
بالنسبة لابو عبدالله فيعلم الله ان هذا الرجل اكن له احترام و محبة و تقدير

شخصيته /
ابو عبدالله رجال وشاعر و كريم و سنافي ودندون و علومه كلها غانمه
و خلال مسيرتي في الانترنت كلها ما بعد تعرفت على احد فالانترنت و قابلته الا كان على نفس التصور اللي
تصورته عنه او اقل .!
الا ابو عبدالله
يعلم الله اني تفاجأت سواء من الناحيه الجسديه و طول الرجال ما شاء الله تبارك الرحمن
ومن النواحي الشخصية سواء منطق الرجال و كلامه و سوالفه و علومه و ارائه و صراحته و فعوله


شاعريته /
بالنسبة لشاعريته فالله يستر علينا و عليه و الله ما ينتلاحى
و اذكر من المواقف اني قابلته فالطايف هو وابو سعيد - محمد بن شباب - و كنا رايحين للشفا
و الرجال يبدع البيت و الثاني وراه
و انا اتلوى لي على بيت ارد عليه و من يوم خلصت و بيته والم
و سرى علي مسرى الله لا يعوده
الوكاد اني ما خلصت من المحاوره الا ما عاد وراي شي
و ابو عبدالله لو يبي يسولف شعر سولف ولا عنده مشكله

تواجده مرقابياً /
تواجده مؤثر و غيابه مؤثر

رسائلكم له /
اقول عسى الله يوفقك يابو عبدالله دنيا و آخره و يخلي لك عبدالله و يخليك له
و يشهد الله على غلاك و تراني احبك جدددددددا

خالد الحصيّن


ابو فيصل اخو عزيز وغالي وكل ما تقوله وسام على صدر اخوك وانت تدري بغلاك عندي وانا خابر ٍ كلش وعفاك ,,



عفاس بن حرباش


يامال السلامه يا غالي والله لا يهينك ولك كل الشكر والتقدير والمحبه والاحترام



سداح

الله يبيّض وجهك يا دكتور يعلم الله انك من الرياجيل اللي كل حرف منه يعني لي الكثير .. بيّض الله وجهك والله لا يهينك و اشكرك كل الشكر على الكلام الوافي و محبتك مهيب من ذا الرد !!



ياسر العتيبي

يا مرحبا يا ياسر الله لا يهينك مرور غالي وكلام يشرفني و يسعدني واعتنقه وسام على صدري بيّض الله وجهك



عناد النفيعي

مرحبا والله ومسهلا يابو سالم ولانيب قايل شي مره مره مره



فالح المصعوك


مجرد مرورك يعني لي الكثير يا غالي بيّض الله وجهك



مشعان البراق

ابو محارب اخ عزيز وغالي في كل حال من الاحوال والمحبه من الله ياخوك وانا الله محببني فيك منذ مبطي ,,



محمد السبيعي

بيّض الله وجهك يا محمد والله يجزاك خير ويطوّل عمرك لك كل الشكر يا غالي لا هنت لا هنت لا هنت


مناحي

مرحبا بك ومسهلا وتراني اتصلت لك اكثر من مره ولا شبك جوالك اما صلحه والا شف له حل على شان ما تقول هذا خلصت الاداره ولا عاد اتصل ؟؟ .. عموما ابو منصور محبتك ثابته الى يوم يبعثون ,,



نواف نايف

مرحبا يابو نايف والله لا يهينك اخ عزيز وغالي وكلامك عزيز وغالي ومرورك عزيز وغالي .. لا هنت يا العزيز الغالي



بدر بن ناصر العجمي


مرحبا بالبدوي الفارس الصقّار مرورك يابو ناصر شرف ويسعدني كل السعاده اي والله ,,,



عبداللطيف الغامدي

حزام السعد مرحبا والله ومسهلا يابو راكان كثر الكلام ما يعبر عن اللي في القلوب لكن والله اني احبك في الله



محمد بن مصوي

مرحبا مرحبا مرحبا ولاني بقايل لك شي بعد مره مره مره مره



ضيف الله الغنامي


يا مرحبا بالمسؤول الاعلامي .. اتشرف بتواجدك يا ضيف الله واشكرك كل الشكر يا غالي



مستور الذويبي


مرحبا بالزميل اللي ما حصل لي شرف مقابلته لو ان الود متبادل اشكرك يا مستور والله لا يهينك يا غالي


عبدالله بن قنيص

ابو صالح والله اني احبك



مرزوق الروقي

مرحبا بالمبدع العزيز الغالي .. الله لا يهينك يا مرزوق ولك الشكر يا غالي



نايف المقاطي

الله لا يهينك يا غيمار ولو كان ودي اعرف وش الثنين ذا اللي انا ثالثهم لكن الزبده ان مرورك وتواجدك وتوقيع اسمك وكلامك كله يشرفني ويسعدني يا غالي


طلال الجميلي

اشكرك كل الشكر يا طلال وبيّض الله وجك


ناصر الاحمري


يابو يحيى الشك يولي المحبه في القلوب الا حبك انت لا انت حبك شي ثاني واغلا من كلا الملا
عزيز وغالي يا ناصر ومحبتك مبطي مبطي مبطي مبطي


عدنان مرضي

وافي يا وافي ولا يلحقك شك لغة المشاعر افصح من لغة الالسنه بيّض الله وجهك يا غالي



محمد السواط

شف ابقولك شي عاد انتوا يالقروب الشرقي كلكم من لم يعرفكم عن قرب خاف منكم لكن من عرفكم احبكم فردا ً فردا وانت يا محمد بالذات من الناس اللي تتغلغل في القلوب بهدؤ حتى تتمكن منها .. مرور غالي من غالي بيّض الله وجهك يا محمد وما احببت الا من احبك ,,



رحيّم الغنّامي

مرحبا مرحبا مرحبا مرحبا مرحبا مرحبا مرحبا مرحبا مرحبا مرحبا مرحبا والله اني صادق وباقي الكلام لا يزيد ولا ينقص الغلا ثابت الى ابد الآبدين




غالب الشريف


ابو عبيّد هات خشمك وبس



محسن حسن الحبابي

مرحبا بك والله لا يهينك يا اخوي محسن وبيّض الله وجهك


رايد الغملاس

مرحبا باللندني الله لا يهينك ياخوي ويبيَ وجهك ويحفظك ويردك سالم وغانم ان شاء الله


صديقنا . كم

احبك الله اللذي احببتنا فيه .. الله لا يهينكيا صديقي . كم


راشد و محمد

مرحبا بكم من سما المرقاب وارض المرقاب ومراقيب المرقاب والله لا يهينكم


سلمان

مرحبا باهل المنامه عاد انتوا الغلا كله الله يحقق ما في بالي بس شكرا ً يا سلمان والله يبيض وجهك


مرقابيه كــول


اخت مرقابيه والله مادريت بالموضوع في المرقاب العام الا من اهدائك اشكرك كل الشكر والله يسلمك ويا مرحبا بك

مبارك ال خليفه

رجل محبوب من الجميع

والله سبحانه عطاه القبول الفوري في القلوب

وانا والله اني احبه في الله

رغم ان معرفتي به ماتعدت المرقاب

لكن ذكر الحيا والطيبين يبين على ماقالو

والله يوفقه لما يحبه ويرضاه

وبيض الله وجيهكم