قصايد / قلايد !!

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
خـل العـذر يــا مـوجـع اللـيـل بالـنـاي=ليـلـك عـجــل والسـالـفـه سـرمـديـه
اطول من الضيقـات وابعـد مـن بكـاي=وأشـد مـن صـد الخـوي عــن خـويـه
يامـا ذكـرت الـوقـت والـوقـت نـسـاي=ويامـا قتلت الــروح والــروح حـيـه
وأنـــا بطـبـعـي لا تثـاقـلـت شـكــواي=عـلـى صــدر غـيـري بـقـت داخـلـيـه
تكبـر وتكبـر مثلها ضحـكـة شـفـاي=ويــــردد الــلــي مــــادرى يـاهـنـيــه
وأنت إن شقيـت بغلطتـك هاتهـا جـاي=اغـلـط بكيـفـك واتـــرك الـعــذر لـيــه
أنا اللي آسـف واعتـذر عـن سوايـاي=آسـف عـلـى غلطـتـك وآســف علـيّـه
الـذنــب ذنـبــي والخـطـايـا خـطـايـاي=ولا انت ماجا منك ذنـب وخطيـه
ذنبـي وعـذري بالهـوى طيـب مبـداي=ضحيت لأجلك لين صرت الضحيـه
تدري وش ابغى تقول لي قـبـل فـرقـاي؟=تـدري وش ابغى تقول عن طيب نيّه؟
ودي تقول.. أو عاد تدري وش الراي=تـسـكـت مـــدام الـسـالـفـه سـرمـديــه !![/poem]