قصايد × قصايد .. ( 2 ) ,

هذي قصيدة الشاعر موسم سفر القثامي
[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يالعبد حذراك تـتشاءم وتتضايق = مادام تؤمن بمن يحسم نتايجها
ليا من ضاقت عليك وخاطرك ضايق = اطلب من الله يسهلك مخارجها
محدٍ على ماتكنه بالصدر وائق = يكود رب الملآ قاضي حوائجها
بيدينه الرزق مادونه ولاعائق = ناجه عسى كربتك ربك يفرجها
هو الوحيد الذي لمساعدك طايق = الحي والميت من البعض يخرجها
سبحان رب ٍ عظيم بقدرته فايق=عالم ٍ بسر النفوس ومايخالجها
خالق جميع البشر ومسهل العايق =وفي بعضها الليل والنهار يولجها
الله يسامحك ياللي ساليٍ رايق = ناسٍ تبي الستر كيف تحب تحرجها
ان كان حظك ضحكلك دايمٍ فايق = غيرك من الناس دوب انه يدرجها
مير الله اللي كريم وللسحب سايق = ومن حيث ماراد فوق الارض يرهجها
ويالله دخيلك من الختال والبايق = اللي خيوله على الهفوات يسرجها
تلقاه دايم يسوقه لردى سايق = وليا لاقا سالفه بالكذب يمزجها
يلحق عليها لدرب أهل الحسد تايق = ومن كثر حقده مع العالم يروجها
ليا من ضاقت عليك وخاطرك ضايق = اطلب من الله رفيع الشأن يفرجها[/poem]


اطلب قصيده للشاعر الرائع محمد السواط

تواصل جميل .. مرضي ..




يقول محمد السواط
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يامسى الورد..! ياشوقٍ ثنى باسه=فوق حدب الضلوع وفي حناياها
كلّ ليله يزور القلب باحساسه=ويتقهوى جروحي لين يرواها
وان حداه الصباح يطيب مجلاسه = والمشاعر ترحب فيه برضاها
إستلـذّت هجوسي دقّة أجراسه =واسّتكن بطروقي ثم غنّاها
تحتميني من الغفوات حرّاسه= طيلة الوقت..! وآنا داخل احماها
فيه يحيِا الغرام ويآخذ انفاسه=واحرق انفاس شعري منه..! واقراها
واجمع اوراق عمري وسط كرّاسه..؟= لأجل أحضّر لنفسي عند لقياها
جادلٍ مثل بتلةْ ورد حسّاسه=مايوالف كفوف الناس حنّاها
الحسن من حلاها يحسب قياسه=ويتمنى على الله يوم .. ! يرقاها
من دفاها الحنان يذوب في كاسه = ومن جفاها .. ! تجف الروح من ماها
قاسية . ! لكن الها لمعة الماسه =تخطف الشوف في حضْرة محياها
راسية فوق عزٍ شامخٍ ساسه= ديّنه صيّنه والجود مأواها
عشت معها فصول الحب واجناسه=عاشق لـ .. صيفها ولـ .. قرصة اشتاها
والأســير الغلا والصدر حبّاسه=مايغادر ..! وعنده نار يصلاها
درّجتني على الآمال بسياسه =حبّه حبّه..!تجرّ القلب بيداها
لين سرت بهواها قالب الطاسه =ماسليت الهموم ايكود فرقاها
آآه من ليلها لاهب نسناسه= كل عرق يتثنّى شوق لـ ..خطاها
وآآه من عودها لأهتز ميّاسه =ساق خطوة جموحي صوب ممشاها
ينتحي بي هواي ..! ويقْفِل اقواسه=عند كلمة هلا ...! من جمرة اشفاها
سيّدة غيد .. بنت العيد .. لبّاسه=تنطفي حرقة الأشواق لولاها
حي والله شوقٍ لدّْ هوجاسه= يمّها..! وارتوى للّنفس واسقاها
مرحبابه.. ونبض الود نبراسه=بين حدب الضلوع وفي ثنايها[/poem]


اختار شامخ الشامخ

يقول شامخ الشامخ .. في تفاصيل الحياة .. !


.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يموت الحلم ما مات الشجاع ولا شكى من شيّ = لو ان الحلم من عهد الطفولة ما شكى موته !
سوى انه لا احتضر حلمه قبل وقت الوفاة اشويّ = وقف وقفة مشاهد يشرح المشهد من ابيوته
وسجل موجز القصة من اول ما ترعرع حيّ = تفاصيل الحياة ..وسيرة الحلم .. وطرق قوته
عبر والا حكم والا درر والا ضلال و فيّ = تفيد العالم اللي لو تكلم ما اعرفوا صوته !
يشوفون القصيد اللي يسجل من نجاحه ليّ = قصيد ٍ يبهر الشاعر بفكرة حرف منحوته
قصيد ٍ من عرفني ..رزّ نفسه واتبعّ له زيّ = عميق ابحور .. فتـّـاك الخيال و مربح اكروته
عرفني بالزمان اللي يصنّف من زمان الكيّ = و عرفته من جذوره قبل لا يثمر عنب توته !
وفي ٍ .. لا نخيته نزّل ارحاله على يدي ّ = واسجل ما طرالي من حروفي بأول النوته
سكن بين السطور أقسى السهوم اللي توزّع فيّ = من الخل ومن الصاحب وقلب ٍ دفن تابوته
دفنته يوم طحت ولا عرفت آقف على رجليّ = ولكني دفنته .. واندفنت بـهـيبة اسكوته
بأعيش اللي بقى لي و الله اعلم ما بقى لي شيّ = ما دام القلب مات .. ونظرتي ما فارقت موته ![/poem]

نبي .. للمبدع ../ محمد بن شباب

ويقول الشاعر \ محمد بن شباب

بادينٍ رووس المراقيب وأغنّـي
ضايقاً صدري وافرج على عيني
نـازحٍ كـل البلاديـن متعـنّـي
يـم رجـم لا نصيتـه يسلينـي
بارزٍ عن راعي الشـك يسألنّـي
ومبعـدٍ عـن واحـدٍ مايدانينـي
فارح بشمتتـه لاصـار متمنّـي
ناصبٍ عمره ويبغـى يواسينـي
والله ان يبطي ولاشافهـا منّـي
دام اشل اللي تشـل البعارينـي
ضاريٍ اشلها من صغـر سنّـي
مايكود الثقـل كـود المساكينـي
يارجم جيتك ولاحـدٍ درى عنّـي
في ضميري حاجةٍ بيني وبينـي
لانـي باكـي ولاجيـت باونّـي
العزايـم والعـزاوي تقديـنـي
مابه أشياً فـي حياتـي يبكنّـي
غير خشيت ربي اللـي تبكينـي
جيت اسولفلك وبه شي يطعنّـي
في عضام الراس والا الشراييني
لو اباطيـع الليالـي ولـو انّـي
كان يمدي شـح الايـام تدنينـي
غيـر ودي دالـه البـال بدلنّـي
ساعتيـنٍ كـل شهـرٍ تكفينـي
فاضخٍ قلبـه وبالوقـت متهنّـي
يحسبني مثلـه انسـى دياينـي
هاقين به واحسبنه علـى ضنّـي
مادريت انه مع الوقـت بيلينـي
ان بغاني في لزومـه ..يعينّـي
وفي لوازم حاجتـي مايوالينـي
غير ماهميته .. ولـو ياقبلنّـي
يبشر بظحكه وفلـة حجاجينـي
ماشغل فكري وانا الوقت مشغلنّي
في نوايا الناس والناس من طيني
وفالبياض اللي تحول الـى بنّـي
فلسفة عالـم يـدرس مجانينـي
لاهوب شيعي ولاهوب لا سنّـي
طلسمه لاهيب في الشرع والديني
ماتفرق عين الانسي من الجنّـي
غير من فعل البشر والشياطينـي
ياعسى الله مـن عذابـه يزبنّـي
ويش لولا رحمتـه للمسلّمينـي
ياعسى من صكت الوقت يمّنـي
لانصاني طالـب الشـر بالينـي


ابي للرائع \ نواف نايف

يقول ابو نايف . في قصيده جديده مميزه
وجاراه عليها شاعرين وشاعره !


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وش فيك يامرقبي محجوب=مغلق عن العين من مده
آخذ واحدث وافك دروب=وارجع على المنفذ اسده
حاولت في حظي المنكوب=لكن صبري وصل حده
سلام ياالموقع المحبوب=في عالم الشعرمن قده
ناتيك من كل حدب وصوب=وأخوان كنّا من البده
هذا وانا واحد محسوب=كم واحدٍ باح لي سده
ماانظر لمن يشذب العرقوب=لو يدهن الراس ويكده
لاني بمبدع ولا موهوب=لكن رجّال فالشده
احيان اغني على المسحوب=وانقد على البيت وارده
واحيان هجسي يجي مقلوب=واضحك من البيت واهده
قصّاد وارسم سهم وقلوب=تنزف من الوقت وتضده
والناعم المترف الرعبوب=اروح شامه على خده
اللي ذبحني بدون ذنوب=لا تم وصله ولا لده
يقول عني عديم اسلوب=وانا مكوّك على وده
يابنت قلبي عليك يذوب=والخوف كله من الصده[/poem]

/
/

واطلب .. من نوادر .. محمد الدهيمي !

وعجيبة ثامنة تتحقق هنا ..حين اتّحدت الأذواق في صفحة واحدة ..





يقول محمد الدهيمي


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياضيوف الشاطي الشرقي وياروّاده= التحيّه من يوصلها شواطي جدّه
ديرة القلب المتيّم والجبر والساده= والغزال اللي على مسكانها الله حدّه
الغزال اللي خذا من خافقي ماراده= سلوته وملاطف اصحابه وقوّة سده
اخذ منّي مااشتهى وانا سنه وزياده= اتبعه ماقلت له هاته وهو ماردّه
ضحكته ياخذ بها خرج جملي وشداده= وانزعاجة خاطره ضيقه وساعة شدّه
والنوايا بيض والميعاد حسب العاده= والشرف جدرٍ عمره الله وانا ماهدّه
والسلام امع الكلام الزاد والزوّاده= للعروق اللي لها من يوم يبست مدّه
والبحر لاضاق بامواجه وساق براده= واعجبه همس الغرام وقام يقرب مدّه
عيدت نفسي واناستها اقبلت منقاده=عقب كنت اشدّها صوبي وهي مشتدّه
عيد... لو انه عصر عساي من عوّاده=مع غزالٍ ماطبع في قلبي اللا ودّه
مايبين اللا بليس بعدّته وعتاده= يعتزي ويحدّني وانا اعتزي واحتدّه
ان هزمت ابليس نوماس وشرف وعباده=ون هزمني حاشدٍ له هجمةٍ مرتدّه
اعرف ان ابليس حرص وياخذ استعداده= من قلوب العشق يبغى مكسبٍ يعتدّه
والهوى بارود وبليس الرجيم زناده= بس حنّا لاقرب منّا لعنّا جدّه[/poem]

اختار فراج الكرشمي

المشاركة الأصلية كتبت بواسطة فراج الكرشمي

[poem=font="Simplified Arabic,6,black,bold,normal" bkcolor="transparent" bkimage="" border="groove,4,deeppink" type=2 line=0 align=center use=sp num="0,black"]
ودي بـشـوفه بس ماني ب قـادر = وإن كان شفته كيف اقول احبه

كـيـف اشـعـره واحسـسه وابـادر = وآمـن جـنـابـه واتـحاشـا الطبه

لايــحـسـب إني سـيـد عيني غادر = والا مـن اطـراف اللـسان ألعـبه

حــشـا وكـلا يالـعـفــيــف الـنــادر= راع الـخـطا يـلـقى عـقـوبة ربه

حسبي على الطرف الكحيل الخادر = وش عــاد خـلا للـنـحـر واللـبه

قــلــتـه بـعـد سـطـا عـلي وصـادر= نومي ودمعي من عيوني صبه

اول ســنـه يـدرج بـنـفـس الكـادر = حــديــث عـهـد ولانـزل للـغــبه

وارد وانا اطوي في حبالي صادر = يـغـضـي تـقول إنه علي مشـبه

حـاولـت اغـادر مـاقـدرت اغــادر = الـدرب اشـوفـه مـاقـدرت اذبـه

الـمـســتـنـد لـيـتـه نـظـر للحـادر = والا عــلى مـاقـيـل راح وكــبــه

مـاحـمـلـه حـمـل الـبـعـير الهادر = ولا اركى عليه الجمره المشتبه

يالله يــاقــادر مـاغــيــرك قــادر = عـدل ميول الحظ ب اهون سبه[/poem]

نبي لـ عبدالعزيز الحبيتر ..

في سباق فني ممتع .. نلبي المطالب .. ونحققها ..


يقول عبدالعزيز الحبيتر


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا لا تغـرك زينـة الدنيـا فديتـك يالغـريـر =ما الحلم الا كالسـراب دنيـاك هـذي زايـلـه
عش دنيتك عابر سبيل وخل مـا تحلـم يصيـر =الـدرب شائـك والقـدر هـذا صعـب تتحايلـه
العمر يمضي والزمـن هـذا عبـوسٍ قمطريـر= خيره لزراع الفتن شـره علـى أهـل الطايلـه
مالله خلق نسل النجايب مثـل نسـل اردى بعيـر= والناقه الخلفا ماهـي بمثـل الغـروز الحايلـه
واذا انعدم فصل الربيـع مـن الفراشـه والغديـر =مع أحترامـي للزهـر مـا تغرنـي خمايلـه
والعافيه لاعينت عقب المـرض صحـه وخيـر= أرفع يدك وأتشكر اللـي عافيتك إحدى فضايلـه
وأنا فقدت العافيـه فقـدي غـلا الزين الغزير= شروى النخل عقب السواقـي وش رجـا فسايلـه
افداه حالي من سرق قلبـي وأنـا طفـلٍ صغيـر= إلين مـا بيـن شعـر وجهـي وبيـن فايـلـه
الغايب اللـي لا ذكرتـه حـرق الدمـع النظيـر= مودع سنينـي للظـروف القاسيـات المايـلـه
كل يوم يطعني من فراقه مـع الضلـع القصير= واقووول يستاهـل فـداه القلـب واللـي شايله
من يوم حبيته وأنا اترقى إلى رتبة مشير = حتـى تعديـت الهوى بأركـانـه وفصايـلـه
والله يستـر لا يخلينـي بعـد بـكـره أمـيـر=طبـعاً أسولـف بالهـوى وجـروح روحٍ هايلـه
اهواه من قلـبٍ تعـدى قول الأحبـار بـ عزير=حـبٍ عيونـي والمحانـي تشتـكـي عمايـلـه
تكفوون قولوله ترى ماني بأبي سُـلمى زهير= أشاهد ام أوفى وأغـض الطـرف عنهـا حايلـه
لا والله الا ميت مـن الشـوق والحزن الكبير= وآخاف لا تصبح قصور الوصـل عقبـه آيلـه
أنا دخيله عن ظـلال الغيـد فـي بـرد وهجيـر =بس لا يطـول ثـم يورينـي نجـوم القايـلـه[/poem]



اختار فهد الديحاني

يقول فهد .,



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياربي جارت الدنيا وعشت الظيم والتهويل = تعبت اساير الدنيا , واجاملها , ومالحها

ياربي داخلي ضيقه وهم ٍ بي يهدل الحيل = واحس ان الظلوع العوج ما تقدر تكافحها

بلا , في داخلي مافسّره دكتور او تحليل = تقول إنه يطلّع روحي ويبدى يشرحها

يضيق الكون في عيني ليا من جى حلول الليل = وآشوف ان الجهات الاربعه ضاقت بوارحها

ليا مني ذكرت اللي مضى مابين حط وشيل ! = كرهت الحظ والدنيا حلفت اني ماسامحها

وقفت إقبال نكبات الليالي والشقى والويل = ولا خبيت راسي يوم تلفحني لوافحها

اشيل من الحمول اللي على متني تزيد الكيل = اخاف من العواذل لا ترى شي ٍ يفرحها

وانا واللي خلقنا وانزل التوراة والانجيل = تعبت وكل همي ! توبة ٍ لله منصحها

اشوف الناس ما ترحم وحكي القال زاد القيل =تعيش وكل ما تهتم له دايم مصالحها

وانا كني معاكس دورة الدنيا وسير الجيل = جداي اكتم معاناتي ولاني قادر اشرحها

قسم بالله ما يذبح قويّ الباس والحلحيل = سوى ( عيشة ضنك ) صكت على صدره مكابحها

ياربي والله اني صنت نفسي عن دروب الميل = واذا زليت نورني وكل زلاتي ادمحها

طلبتك تفرج لعبد ٍ يضيق ولا بقابه حيل = ولا يبغى من الدنيا . سوى ( توبه وتنّصحها )[/poem]



/
/


نبي .. للشاعر ../ مشاري المري

تحذير
لا تقرأنا هنا والا وانت في كامل لياقتك الوجدانية .. لتغوص في البحر دون أن تغرق



*

*


يقول مشاري المري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوجودي وجد من حدته سود الليال=للدّروب المظلمه , والهجوس المبهمه
كل ماعمر بالآمال بيتٍ فالطوال=راح حظه قدم عينه لبيته وهدمه
عزمه !!! يشلّه من القاع الى روس الجبال=وحظه !! يخيّب هقاويه ويشلّ قدمه
لا أجتهد ثم إعتدل حظه بكم شي ؟! مال=لين .. بارو به ربوعه ودمه ولحمه
ياوجودي ... كان مالي على الصبر إحتمال=من إمور تعومس الرجل .. وتفوّر دمه
فيه شي يقال .. وأشياء وآآآجد ماتقال=وكل شاعر ينعرف من لسانه , وقلمه
الجزل ! يسكت .. والى قال ! ماقال الهزال=والهزل !! مهما تركّز معه ماتفهمه
بي شعورٍ نذر مابه ولا ذرّة خيال=أغلبه .. بآآقول بعضه , وبعضه ! بكتمه
لجل ما يحتّس مني رفيقي من خلال=فهمه الخاطيء لمبهم حروف الترجمه
ياوسيع الصدر .. يالعارفه .. يبن الحلال=شلّ من راسك هجوس الظنون المظلمه
وإترك إنك تقول .. هذا أحد صبيان ( آل )=وإنك بتذكيره بفعل جده تلزمه
كل دلة كيف !! لابد تاليها حثال=والمراجل في صدور الرجال مقسّمه
بس إذا هو من خيار العرب وإن قال ؟! طال=وأنت من ربعه وجيته ولا سرك !! لمه
والكريم .. اللي كرايمه لظيوفه جلال=وما بعد قد جاه ظيفه وكرم م أكرمه
ونعم .. لكن الى صار للفزعه مجال=وجيته وما قال لي ( تم ) ش أبغي بكرمه
كرمه ! له جعل خيره يطول وما يطال=والله يبارك فحاله وماله وغنمه
لو تعذر من معاونتي بشل الثقال=شلتها لو صار من ثقلها لي رزمه
بس دام الله ماعانه على فعل الجزال=ودي .. آقابله , وأقول له , وآفهمه
كل رجل يحب ينفع مطاليق الرجال=إيتظايق لا غدت حاجته عند رخمه
لكن الطيب لاعييّوا معاثير العيال=شاف له رجلٍ يعرفه سنافي وخدمه
ما تظيق الا على اللي م عنده راس مال=في بنوك الطيب ماله رصيد يخدمه
وصِدق .. من قال إن ما للحمول الا الجمال=وإن ما للرجل في ظيقه الا محزمه[/poem]


اختار حسين بن سوده

حسين بن سوده يقول :

[POEM="font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على أثر ماصابني مـن نوبـة احبـاط وضجـر= كنـي بقـول الله وأكبـر مابقـى شـي أخسـره

كأنت طموحاتـي تعديبـي علـى سطـح القمـر=واليوم ماعادت تجـازو بـي حـواف المسطـره

ماني بشاعر بس لي معنـى ولـي وزن وبحـر=بالمختصر هاوي شعر خـارج حـدود السيطـره

أفنيت في الدنيـاء عمـر اتعلـم اشلـون البشـر=تخطي وترجع ترتكـب نفـس الخطـأ وتكـرره

وكـل ماقلـت أستتـب الأمـن والحـال أستقـر=فجأه لقيت أهل الشعر وأجـواء الشعـر متوتـره

والساحه الـي مانفـع معهـا دواء وخـز الأبـر=تحتاج الى جـراح متخصـص بعلـم القسطـره!

ولا الـنـظـر 6/6 بـفـحـص المـخـتـبـر=بس الخطر والمشكله... أنف.... وأذن... وحنجره

وش تنتظـر يامتقـن اللعبـه بإساليـب الهكـر=وش تنتظـر والظاهـره ترقـى لحـد المسخـره

مليت مليت اسمعك صبـر صبـر صبـر صبـر=الـى متـى تجبرنـي اتحمـل قصايـد وثرثـره

شاعر ويخلط بيـن أساليـب العمـودي والنثـر=والشعـر قـد لايدركـه وشــي مايتـصـوره

ولايعيـش الا الجـزل طـال الزمـن ولاقصـر=امـا الهـزل قـد نسمعـه مــره ولانتـذكـره

...!!...
حتى الهنوف الي تمـر الذاكـره صـوت وصـور=أستنفدت كـل الصبـر مـن أولـه ليـن أخـره

تخطي وتجرح كل مـره والعـذر نفـس العـذر=ياكثـر ماهـي تستغـل العفـو عنـد المـقـدره

أن اقبلـت وشفتهـا أنسـاك يـاوجـه الفـقـر=وأن ادبرت ذكـرت حجـم أقصـادي المتأخـره

خسرتها ضمن الطموح الي علـى سطـح القمـر=وأستغفر الله لوبقـول أن مابقـى شـي أخسـره
[/POEM][/QUOTE]

مطلوب نص لـ/تركي المورقي

يعطيكم العافيه


أستمتعوا

المشاركة الأصلية كتبت بواسطة تركى المورقى

السلام عليكم ورحمة الله وبركاته

اول مرة اكتب هنا

بس تستاهلون ولو انها متواضعة
تقبلوها

*
*
*

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]ياسرع ركض السنين ان ما تماكنتها = ضيعت وقتي ووقتك ياصديق الهجر
انشد طعونك .. وكم مرة تحضّنتها ؟ = لين ان عيني تقول لحاير الدمع اجر
وشفيك يوم اكثر اشواقي تهاونتها = نعارة اعراب ؟ والا فوضوية غجر ؟
الا على طاري الاشواق ..!عيّنتها ؟ = علميبها يوم طارت مع طيور الفجر
ان كان ماعشّشت في قلبك وصنتها = طالبك مطلوب فك اقفاصها والك اجر
بير المشاعر نشف قاعه وماه انتهى = ماكان ذنب السواقي يايباس الشجر
كنّي تعافيت يا اكثر حاجة ادمنتها = لو ثار بركان احاسيسي كذا وانفجر
اضغط على النفس واصبر لين ليّنتها = وقناعة النفس نعمة من ملكها تجر
حاجة ثقيلة على قلبي وبيّنتها = والقلب دم ولحم والله لو انه حجر
وان قلت كل القصايد فيك يابنتها = كلام شاعر لو انه ما عدل ما فجر[/POEM]

مطلوب لـ الرمز المرقابي خالد الحصيّن

يقووول الرائع خالد الحصيّن:-

المشاركة الأصلية كتبت بواسطة خالد الحصيّن

بويتات .. للتواصل فقط لا غير


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على ويش اتعذّب في هوى نفسي .. واسلّ الحال = ونفسي ماهي (ا) بمحدوده .. ولا الله مكلّفها
يكفّيني ويقنعني من الارباح .. راس المال = وترضيني طموحاتٍ على غيري .. مغلّفها
لساني رطب .. يا (ف)الذكر .. والا (ف)ارحبوا يارجال = وصمتي .. يلْجم اللي كل ما سولف .. يهدّفها
وقلبي .. قلب من عاصر زمان الطرش .. واليا مال = وهو دون الخوي القرم .. لا يسهى ولا يفهى!
يجوز ان الظروف تلوفني .. لكن على ما قال = سلام الله على اللي يفهم اوضاعي ويعرفها
الا يا خال انا ما جيتك .. الا والقصار طوال = لكن وشلون ابشرح لك معاناتي .. واوصّفها
وانا ما بيني وبينك سوى ضحكه .. وحبّة خال = وشموخٍ .. يربك اقوى سالفه .. لاجيت اسولفها
بغيت .. ولا قدرت اعدّل .. الا عقالي الميّال = وعجزت ازاحم رجال المواقف في مواقفها
سنه مرّت .. ودار الحول .. من شوّال لا شوّال = ومخاليبي تجوّد في جناحيني .. وتنتفها
لو ان الحلم يقدر يجعل من الرجل .. رجل اعمال = قضيت العمر كله نوم .. لين الله يصرّفها
لكن يا خال لو لا البرق .. ما جا للخيال خيال = ولا جيتك .. وعيني تحبس الدمعه وتذرفها
يا خال ابيك تثبت للخصوم .. ان للبناخي خال = وانا بثبت على سمعتك .. واحماها .. واشرّفها[/POEM]

ونبي لـ حسين ضيف الله الدوسري

صباحكم شعر


يقول حسين ضيف الله الدوسري

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عسى من يودي له علومٍ خطا ويجيب=نشوف الليالي فيه تكثر مصايبها
رفيقٍ علينا ماخذٍ عادة أم جنيب=يكب الثمينه والرديه يعيش بها
يسوق الركايب والخبر تحت راس شعيب=على المخطيه وده يولع حرايبها
وأنا خابر إن المخطيه من كبار العيب=يحيّرك معناها وتجهل سبايبها
يشب الفتيله بالنمايم عساه يخيب=ويسوق المشاكل لين تكثر نشايبها
لوإنه مثل نايف بعير الحمول هديب=مشى بالنصيحه والمشاكل تجنّبها
ولا صار مثل اللي يتاجر بأخسّ الطيب=على قصّةٍ مابيّضت وجه صاحبها
يعيّد بها الحصني ولاعاد يخشى الذيب=وناسٍ تحرّض ناس تلقى عقايبها
عدوّ القفا الغامض ولو كثّر الترحيب=تبين البضاعه والمحرّج يدوج بها
ولاخير في رجلٍ شهد له شهادة غيب=على الزور يشهد والحقائق يكذّبها
يقلّد نجومٍ في السماء والنجوم تغيب=ويشعب ذلول إبليس وإبليس يشعبها
يدير السوالف والسوالف لها تعقيب=ونفسٍ تغطرس بالكبر ويش واجبها
دواها ثلاثٍ واضحه ماتبي تجريب=تصحّي رجالٍ مرمس الحقد جاذبها
زمان العجايب جرّح النفس بالتعذيب=وخلاَ حثال القوم تفتل شواربها[/poem]



اختار سلطان بن بتلاء

جميل التواصل هذا ودرر الشعر


فالنواصل جميعا ..

المشاركة الأصلية كتبت بواسطة سلطان بن بتلاء

مساء الخير

اقبلوها رغم تواضعها


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياخي لي اسبوع واخلاقي تجاريه=ميد ان تشينا ماهي ميد ان جاباني

ظاقت عليّه ومع كبر السعوديه=اقول ياصغرها من هاجسٍ جاني

ياخوي مافي بنات اليوم حنيّه= والحب بالوقت هذا لعب بزراني

حبيت لي بنت واحسبها على النيه=واقول ياحليلها هالبنت تهواني

ببداية المسأله كانت مثاليه=ولاعلى لسانها الا ذكر (سلطاني)

حبيّبه صادقه حلوه رومنسيه=لو قالت ابغى عيونك ترخص اعياني

وفي ليلة ٍ مظلمه ماهيب ورديه=نايم عقب ماقضيت الليل سهراني

جوالي بحروة الثنتين فجريه=نسيت احطه على (الصامت ) وصحّاني

رديت واوحيت صوتٍ مااخبر زيّه=فيه الدلع والغنج والثقل رباني

قلت ارحبي قالت ابقه قلت يابنيّه=من انتي؟ ووش على هالفجر طراني

قالت حبيبتك ياسلطان هاذيّه =صديقتي من زماني وشانها شاني

لكنها خانتك ماهيب جديّه=واصبح معك في هواها واحدن ثاني

حاولت ابخلي الاوضاع سريّه=لكن جرح الغدر والصمت عناّني

تمشي على مبدأ (الغير الولد ميّه)=واقول حتى البنات اشكال وألواني

ماني بزعلان والدعوى طبيعيه=بالعكس توّي صحيت وربي انجاني

والنفس ماهي بهالاشكال مشقيّه=قولي لها تمسح ارقامي وتنساني

ماعاد لي في دروب الحب موليّه=وشوله اخلص واذوق المر واعاني؟

مدام هذي هي افعال الهواويه=البعد خيره عن اللجه والاحزاني

لابوه لابو العلاقات الغراميه=اللي بها مخاشره بفلان وفلاني[/POEM]

الله لا يهينكم نبي للشاعر الرائع والجميل // المسرّي

يقول المسرّي ..,




[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا يا فؤادي هلّل ولا عليك خلاف=ترى ما دخل لك غير خوفٍ من الله خوف
مضى لك من الدنيا سنينٍ مهي بعجاف=ولو كان بعض احيان ما تاجد المصروف
دروس ومواقف روس , ومجمّل الميقاف=يكمّل وهو متجمّل ويبذل المعروف
مهو شرط تارث كل شيٍ من الاسلاف=ليا صرت تقدح من صطر والعباد تشوف
بعدها يزين القاف والا يشين القاف=لا لا حالتي ماني على بدعته مكلوف
سقى الله زمانٍ فيه ( حنّت سيور الهاف )=يوم انّ البدو محدٍ على حاجة ٍ ملهوف
ريالين في سوق الغلا تحقق الاهداف=مثل من معه في ذا الليالي عداد ألوف
على الله تسانيع الزمن والظروف اصناف=ولا فالصدور الا ( آآه واحّيه وأخ وأأأووف)
يا بطاقة الاحوال .. بطاقة الصراف=تمر بظروفٍ ماحصل مثلهنّ ظروف
ما دام الريال محولٍ من على المشراف=ولوعات بقعا كل يومٍ تلوفه لووف
تحياتي لتوقيع أبا الخيل والعساف=ولا فيه مانع يوم نلعب على المكشوف
ترى ما يقول العارف الا على العُرّاف=ولا يشره المتكلّف الا على المكلوف
لحىً شمط ووجيهٍ عْزاز وقلوب نظاف=ما تلقى عشاها خل عاد انْ لفاها ضيوف
وأنا والله انّي أخشى فهذا الزمن وأخاف=على الشارب الطايل من الشارب المنتوف
وأخاف اشقر الجنحان ينتاشه الحذاف=ويصبح وهو خاطف ويمسي لا هو مخطوف
هذا والصحيح يصح والعدل بالإنصاف=وانا لا استوت لي ماني بقاعدٍ مكتوف
آباخذ وبأعطي واتمثنى حروف القاف=وبأضرب ميادين الخطر والرجال وقوف
وأغنّي بعالي صوتي ولا علي خلاف=ولا في فؤادي غير خوف ٍ من الله خوف[/poem]



المبدع ../ عبداللطيف الغامدي

لـ المُبدع ...؛
عبداللطيف الغامدي
ولكم ,,,

المشاركة الأصلية كتبت بواسطة عبداللطيف الغامدي

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
الهدوء اللي سببه غيابك وقل اتصالك = كان ما يملا ضلوعي وجد ما حرّك نشيدي
كثر ما اتعبني ,, لو اجزع منه ماريحت بالك = كل بوحٍ من وراه يجيب وعدي في وعيدي
لا اتهمتك في جفاك ولا زعلت من انشغالك = ليه الومك يا السحابه والعطش مقسوم بيدي
قصدي اختم لك سواليف الهوى وارضي سوالك = يوم تنشدني عن الخوف وعلاقته بقصيدي
ليه ما اكشف لك وجع قلبً تمناك وصفا لك = والمقدر والصدف والحظ ما شدت على ايدي
ليتني طعت التشاؤم فيك واعطاني بدالك =كان ما احبس عبرة الماضي ويبكيني جديدي
وليت لامني تذكرتك تذكرتك لحالك = ما تخيلت الظروف تروح بك وتجيب عيدي
وين اودي كلمة (آحبّك) وانسيها مجالك = والله ان فكرة ضياعك تصهر القلب الحديدي
كلما دوّرت للخطوه سبيل مع المسالك = امتلا شوفي متاهات وحكمني قوّ قيدي
اقدر احلف بالكريم اني غلاك وراس مالك = واقدر احلف بالرّحيم اني خسرتك يارصيدي
وادري اني لو تركتك ورث وانهيت احتمالك = والله ان يشتاق لك لا مرت الدنيا حفيدي
جعل وقتٍ ظامني يرضيك والفرحه حلالك = لا افترقنا واعتذر دمي لفقدك من وريدي
وجعلني ما اخسرك ذكرى في عتبك وفي دلالك = وانت لامنك ذكرت الحلم لاترحم بريدي[/POEM]

ومن أبداع الشاعر...؛
عامر عمار
لكم الإختيار ,,,

اجد راحتي في المكوث هنا طويلا .. واعلم انكم مثلي



يقول عامر عمار

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
توجّه وجه عبّاد القمر لابعد نجوم الليل=عشقها شافها في الليل عاشت عمرها كله
لقى لون السما بعيونها يمشي مع الدنتيل= وبلا داعي سبب سب الهدب حاقد على ظله
بدمعه يفرش الليله على كف القدر منديل =لشمعه شمعها يذرف على المنديل ما بلّه
متى ريح الندى من يمها تقدر تجيب السيل=كناري التوت لو جمّع رذاذ الغيمه اسهل له
على ذوق الورق تتعب يدين وينتهي تشكيل=كما ياللعجب نقدر نحب اسلوب ونملّه
انا استغرب ورى جيوش العرب ما تهزم اسرائيل=وعيونك في ثواني تهزم العالم وتحتله
انا واو الغرور اللي تعرفينه وواو الويل=انا واو الرموش اللي على الخدين منهلّه
تظنين السراب اللي بعينك يلزمه تكحيل؟=تحسبين الهبيل اللي غدابه يجهله؟ لله
انا مجنون لكن بعد موجات الجنون حليل=انا لولاني اشرب من علاجك علتي عله
انا سبع البحار اللي صدفها لاجل ريقك هيل=انا ذاك المكان اللي تجينه لو ما ادلّه
انا دم الشمندر ينتظر في مبسمك تحليل=انا عبر الشفايف والخدود وباقي الشلّه
تعالي راضي الدنيا معي بعد الزعل باكليل=تعالي نقهر العالم معك فُله.. معي فُلّه[/poem]




اختار فهد بن عبدان

يقوول فهد بن عبدان :-

المشاركة الأصلية كتبت بواسطة فهد بن عبدان

للتواصل

بدون مقدمات ...
.
[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وشلون أنا والناس فعيونك عْدول=وطيفك يساوى في عيوني بلادي
يا أغلى من الألماس والدرّ واللول=ياعنبرونرجس وجوري وكادي
من أولٍ آمون وآقول وآطول=واليوم مايقوى ل حمْلي شدادي
ماعاد في قوه ولا عاد لي حول=تعبت ألوّح لك وأصوّت وأنادي
متّر سنين العمر بالعرض والطول=ياانفاسي ونبضي وشربي وزادي
طيور حبك في سما صدري تجول=تقتات من دمي وتسكن فؤادي
على كفوف العز والود محمول=ماارخصتك وشمّت فيك الأعادي
عشتك نهار وليل وأيام وفصول=شوفَتك عيد وسمع صوتك عيادي
لكن عجزت ألقى لهجرانك حلول=ولانفعني معك كثر اجتهادي
علاقتي وياك ف نزول ونزول=مصيرها في وجه الأيام بادي
تهدّني وآقول شده وبتزول =وتصدّني وآقول لحظة تمادي
يا لوعة الحرمان ماهوب معقول=كسرتني وأنا أحسب انك سنادي
قلبك قسى ومن دونه أبواب وقفول=وأصبح عقب ماهوب أبيض رمادي
والبارحه يالله دخيلك ولحوّل=جفاك أرهقني وقطّع رقادي
وأرسلت لك مرسول يتبعه مرسول= أناشدك باسم القيم والمبادي
لاتقتل اللي من عنا البعد مقتول=اللي بعمره دون عمرك يفادي
وأنت اتّعذرلي ب لاهي ومشغول=وآثور في وجهك غضب وأنت هادي
ياخي اذا ماعاد ترتاح لي قول=بكذب .. وأقول مفارقك شي عادي ![/POEM]

.

وسلامتكم

ونبي لـ مرزوق العتيبي

يقول .. مرزوق العتيبي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العمر موحش بدون احباب = وغْياب الاحباب له وحشه
والصد لا صار دون اسباب = اخشاه وادراه وانت اخْشه
يالناعم المترف الجذاب = يا ازكى من الطيب في غرشه
عوّدت قلبي عليك وذاب = من هجرك وفيك تنتعشه
حديثك الغربي المنساب = بشويش وافْ سمعي الرعشه
وعْيونك الكحل والاهداب = وانا فدا الكحل مع رمشه
وانفاسك الورد والاطياب = والدهشه بْوصلك الدهشه
وغْيابك الموت والارهاب = والضيق والهم والطفشه
لا تفتح لْصد قلبك باب = دام الغلا تاجه وعرشه
وكانه قرب لاذنك الكذاب = خل اذنك لْكلمته طرشه
ولا تورّيه ضحك الناب = حقرانه أخير من نبشه
بعض العرب في لسانه داب = ومن يلدغه يقرب لْنعشه
خلّه يودي معه ما جاب = لا ترخص جْنيهك لْقرشه[/poem]

عطونا للمبدع/ فيصل سعد

[QUOTE=فيصل سعد;708432][SIZE="4"][COLOR="Red"]السلام عليكم ورحمة الله وبركاته


خفيّفه ومتواضعه


عساها تحوز الرضا







[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


الشعر .؟ ماقلته لـ عين الجماهير=او قلته لغمزه وضحكه وصفقه


من عدة الاسباب .؟ سيد الغنادير=اللي عقد قلبه مع القلب صفقه


غرو ٍ بـ قلبه للغرام الف تبرير=ويصفق على وجه الحسود الف صفقه


لاقال احبك ؟ قالها في شكل غير=يسعد ويعطيني من الحب دفقه


خلاّ الحشا عشّه وهو للحشا .؟ طير=وان جا الخفوق؟ يخفّق الفين خفقه



له فالحشا ؟ شيمه وقيمه وتقدير=ومن يوم عرفه ؟ والحزن دون رفقه


لكنّ ليا قلت اللقا ؟ واعد ابخير=ثم اعتذر وانا للاعذار مـ افقه


واطيب معاذيره لـ جت للمعاذير=لولا البطا ماصار للوصل شفقه [/POEM]



طيب الحين نبي من قصايد المبدع ياسر العتيبي الله لا يهينكم

يقول ياسر .. ,


.
.


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لي شهر جيش الحزن يجتاحني ركبه=فارقت دم العروق ونبض شرياني
حملت ذنب وانا مانيب مرتكبه=مجني علي وحكمت بتهمه الجاني
ياشين ظلم الحبيب ان صرت مغرم به=امر من طعم سم وطعنه سناني
واليوم كني سليت ورحت للشبه=روحة قشر ليتني ريحت ركباني
طرو علي اسمها ذي والله النكبه=من يوم لامس سموعي زلزل اركاني
اسم على اسم ولكن سبته سبه=جدد جروح بوسط الجوف واشقاني
عادي لبعض العرب لو كان ينطق به=لكن عليه خطر ويجدد احزاني
سوّيت كن الوضع عادي وكنت اشبه=من ماتوا عياله وفالبيت ضيفاني
كريم يخفي مصابه خوف يعرف به=ضيفه وصدره من الاحزان ملياني
الله يجبر عزاه ويخلفه ربه=ويجبر عزايه بعد في سيد خلاني
مامات لكن تنحّت به وقفّت به=عوج السنين وكلام فلان وفلاني
من جاب طاريه ربي لايبارك به=قلب علي المواجع لين بكاني
وضيّق عليه عسى الوالي يضيّق به=مشيت ماذقت انا فنجالي الثاني[/poem]




لـ .. مطلق بن شوية نبي قصيدة