سالف أيـــامي

السلام عليكم ورحمة الله وبركاته



متواضعه عل وعسى



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من ليلة البارحه هبت ذعاذيع نود = انسامها بارده والخير يبرالها
قلته وانا شاعرٍ ماهي عليه تكود = حطت على غصنه الورقا وغنى لها
خيالي العذب ماله فالبسيطه حدود = بالكيلومترات مايحصر ولا اميالها
اصرف بيوت الجزاله مثل صرف النقود = الخمسميات وسط البوك بلحالها
وإن راده الله وزينها وجتك الردود = قصيدتي قيل صح لسان من قالها
يامحمد إن لاح برق وحن صوت الرعود = للنار شبابها والخيل خيالها
ماجيت ادور ورى الشهره واعلّ الكبود = بعض الطواريق فال الله ولا فالها
جيتك اوسع عن الضيقه وافك القيود = ولو إن نفسي تهيد اليومه اشوالها
الوقت دوار وايام العمر ماتجود = يامسرع إقفايها .. يامسرع إقبالها
عاملتها بالوفا وتردها بالجحود = واليا إنتوت بالبنادم ماقشر اعمالها
ضروفها تكسر الساق وتشل العضود = على مدار السنين الشهب وليالها
ياموحشات المقابر .. ضيقات اللحود = انا ادري ان العرب عاشت على امالها
هذاك ورعٍ صغير وذاك شايب وعود = والموت يسطى على الانفس ويغتالها
متى على الله من الغفلات يصحى الرقود = ياكثر مالوم نفسي وآتمنالها
حجزي ذهابٍ من الدنيا ويمكن ماعود = وماراح من سالف ايامي على فالها
يارب لا إله غيرك وانت خير معبود = لطفك وعفوك ومنك الرحمه آسالها
يارب انا عبدك اللي منك وإليك آعود =اقبلت اشيل الذنوب إخفاف وإثقالها
رحماك يالله نهارٍ فيه حشد الحشود = في يوم ماينفع العالم سوى اعمالها
هذا وانا شاعرٍ والشعر مامنه فود = ماغير اسلي به الضيقات والجى لها
وإن قلت اخر قصيده مابعدها وجود = إعرف ترى هذي الدنيا وذا حالها
غنيتها من رهاوة حسّ مدري جمود = وجاتك تهادى يابو نايف على فالها[/poem]


وسلمتوا،