موثّقٍ حبه بوسط عروقي

أبيات جديده مرروها وتقبلوها

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابنت بالله من احلومـك فوقـي=مالـك ومـال السكـه الملويـه
ترى الهوى ماهوب قضب حلوقي=ولايجـي بالغصـب والجبريـه
ماني وانا متعب رشيد الروقـي=اللـي اميّـل هامتـي لبنـيّـه
ولاني من اللي يحسن المنطوقي=يبدي لـك بنيـه ويخفـي نيـه
قلبي عطيته سيد كـل الذوقـي=اللي لـه الحـب الكبيـر بليـه
الصاحب اللي له كبير الشوقـي=اله المحبه فـي عروقـي حيـه
موثّـقٍ حبـه بوسـط عروقـي=يمشي معي في روحتي والجيـه
لاشفت عينه والكحل والموقـي=كني ملكت الكون وسـط ايديـه
انسى همومي والزمان وعوقـي=وانسى جروحٍ بالحشـا مخفيـه
يرتاح بالـي والفكـر ويروقـي=ولاشوف مثله فالعـرب او زيّـه
اليـا تكلـم فـز لـه معلوقـي=مثل الشهد حكيه والـذ شويـه
وان غاب كني تايـه ومخنوقـي=كني بوسط الكبد مونـس كيـه
وافي بحقي وله علـي حقوقـي=ماخون حبه دام روحـي حيـه
وانتي صغيره والزمان ايعوقـي=ودنيا الهوى مسموحه ومنهيّـه
لكن بالله مـن حلومـك فوقـي=مالـك ومـال السكـه الملويـه [/poem]