الددسن واللكزس ((قصيده فكاهيه))

[poem=font="Simplified Arabic,6,black,normal,normal" bkcolor="transparent" bkimage="backgrounds/40.gif" border="none,4,gray" type=2 line=0 align=center use=ex num="0,black"]
ياللي تناظرني على موترٍ زين=ياكبر فرقٍ بين حالك وحالي
أنا على نيسان ست وثمانين=وانته على جيبٍ جديدٍ وغالي
الددسن اللي زادت الهم همين=يالله تسامحها بكثر العطالي
أصبحت وياها قضية فلسطين=كم ذقت منها مر ماذقت حالي
نوبٍ تبي طرمبه ونوبٍ بليتين=ونوبٍ مبنشرةٍ على راس جالي
نـتـعـتها لين انلعن حظي الشين=وناديتها بصوتي تعالي..تعالي
حتى اعرفوها بالورش والدكاكين=تارد حياض الموت بنت الحلالي
لكن على ماذوقتني من البين=مافي غلاها ياجماعه جدالي
أحبها والحب فالقلب والعين=حب المواقف في صعيب الليالي
يوم ارفعت رجلي بوسط الميادين=وعن منة العالم وقيلٍ وقالي
والا انت ياللي فوق جيب السلاطين=الشمس لاتحرقك رح للظلالي
مانته بمثلي تشكي الفقر والدين=تاجر وفي وقتك مريحٍ وسالي
أنته رصيدك حول (عشرة ملايين)=وانا (اربعين) ريال هي راس مالي
وانته تصيف بين لندن وبرلين=وانا يصاليني من الشمس صالي
وانته تعطل من ضحى يوم الاثنين=وانا الخميس من الشقاء ماصفالي
مارحت تسرح بين سود الضلاعين=ولالاوفت راسك هبوب الشمالي
ولارحت تستاجر عماره بدورين=مسكنك قصر وفوق روس الجبالي
وعيشتك ماهي رزٍ ابيض ولا اطحين=أكلك من "التورتات" ياهملالي
ماظني تكاسر ولاقايلٍ شين=مشراك باعلا سعر مانته مبالي
ولاظني اقطعبك هكالجيب بنزين=عندك كما الماء راهيٍ لك زلالي
ولاظنتي راتبك بحدود الالفين=لك شركةٍ تجلب عليك الريالي
نومك يجيك ان شاورت يمه العين=وانا اتقلب والكرى ماهنالي
وشلون انام وهمي شهور وسنين؟=وانا اتذكر همي اللي مضالي
ياعنك ماطقوا عليك الدياين=مرتاح بالك مير ياضيق بالي
ماقلت للديان طاااالبك بعدين=الشيك في مخباك والحظ عالي
واللي سواتي والله انه مسيكين=حاول وعيت لاتجي باحتيالي
ياناس وين اروح قولولي لوين=ياعزتالي ضعت ياعزتالي
لكن لنا ربٍ يعدل الموازين=سبحانه المعبود رب الجلالي
ابتصبر وقت والخالق يعين=جعله يعوضني عن اللي جرالي
وياللي تناظر..مسرعٍ..وبطرف عين=ليت الزمان اللي صفالك صفالي[/poem]

استاذي الشاعر المعروف والمميز مشعان البراق

تشرفت بمرورك الغالي وبكلامك الطيب

يعلم الله كم اسعدتني ياشاعرنا المميز

وان شاء الله اسجلها لكم في الصوتيات

الف شكر لك على مرورك ونبلك وتواضعك واشادتك

محمد

صح السانك وعلا شانك

رااائعه بروعة حضورك الجميل

تحياتي

الله عليك يا محمد

عز الله مبطين عن قصيدك

والله يزين الاحوال قول امين

يا ليتها صوتيه وشيله بعد ...

صح لساااانك مدد بلا عدد ...


تقبل مروري المتواضع ,,,,

خالص مودتي ,,,,

اخوي مسفر الجعيد

صح بدنك

تشرفت بمرورك

صح لساااااااااااااااانك يامحمد


قصيدة اجتماعية اكثر من كونها فكاهية


تقبل كل الود

وانته تصيف بيـن لنـدن وبرليـن
وانا يصاليني من الشمـس صالـي

عز الله انك صدقت

يغنيك الله من فضله

صح لساااانك يا محمد

وبيّض الله وجهك

تقبل مروري

اخوي الشاعر المميز فيصل الجعيد
لي الشرف بمرورك وبسؤالك الغالي وبكلامك الطيب

احرجتني يالجعيد بكلامك وهذا من طيب ذوقك

اقبل تحياتي على مرورك الغالي جدا جدا جدا

اخوي الشاعر المميز عبدالرحمن السمين
صح بدنك وتشرفت بمرورك الغالي

وابشر بما طلبت يالغالي

تحياتي وتقديري

اخوي الشاعر المميز حسين الغنامي
صح بدنك وتشرفت بمرورك

وتقريبا هي جامعة الثنتين فكاهيه+اجتماعيه

تحياتي وتقديري

اخوي الشاعر المميز خالد السليس

صح بدنك وتشرفت بمرورك

تحياتي وتقديري

محمد

صح السانك وعلا شانك

رااائعه بروعة حضورك الجميل

تحياتي

العزيز محمد

رغم ان القصيدة فكاهية

الا انها تحاكي الم البؤساء

هنا للشعر معنى ومغزى

ابدل الله عسرك بيسر

وفقرك بالغنى

/

مروري وتقديري

الله الله
الله الله


ابيات ما عليها كلام الله لا يضرك ويرزقك بكل خير
صح الله لسانك ولا هنت

وفقك الله


.

اخوي الشاعر مطر العضياني

صح لسانك

وتشرفت بمرورك الغالي


تحياتي وتقديري

ابتصبـر وقـت والخالـق يعـيـن
جعله يعوضني عن اللـي جرالـي

آمين ، والحال من بعضها وانا أخوك مار عسى الله يسنعها


وصح لسانك على هالرايقه

بسم الله

ياسلام عليك يامحمد

صح لساااانك على هالقصيده

وتقبل تحياااتي

محمد



تعظيم سلام لـ/ هالفارهه .. لله درك .. لله درك


مطلوبه صوتيه .. وانا اظم صوتي لـ/ صوت ابو محارب



صح لسانك ولاهنت

محمد الجذع


صح لساااااانك وعلى شانك

رائعه رائعه رائعه

تحيتي لك

اخوي الشاعر المميز نايف العليان
صح بدنك وتشرفت بمرورك الغالي واشادتك التي اعتبرها وسام من الدرجه الاولى

لاهنت وتقبل تحياتي يانايف المرقاب

اخوي الشاعر الغالي بدر بن ناصر العجمي
صح بدنك وياهلا ومسهلا يابدر
تشرفت بمرورك الغالي وكلامك الاغلى

تقبل اقصى درجات تقديري يابدر المرقاب