! .. ( دفتر كشـ/ كول ) .. !

[align=center]




( مشـــعـان البـراق )





اسم مقترن مع الابداع الابدي .. يكتب بـ/ لغة الاعجاب والابداع ..


اجزم على اننا جميعآ .. نتوق لـ/ كل جديد ونبحث عن كل ماهو جديد لـ/ هذا الشخص ..



هنا وفي متصفحي .. سكوّن خاص مع إبداع مشعان البراق ..



وكما قال .. اقول .. في هذا المتصفح .. //



( مشــعانيات )




1 ../


[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو اقدر آصلك يانجـم ٍ لمعـت بسمـاي=الارض ما أظـن تعرفنـي ليـا جيتهـا
من دونك الجاذبيه .. والنجـوم بفضـاي=اكثر من وجيه ناس ٍ ماظهـر صيتهـا !
ياليتها من علـوم ٍ مثـل هـذي وجـاي=كان الفرص يـوم جتنـي .. ماتعديتهـا
بلاي من شرهة ربوعي وفرحة اعـداي=هذي هي الساعـه اللـي مـا تمنيتهـا [/poem]


2 ../


[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]صبرت لين انه طفح مني الكيل=واعتقت تفكيري وراء كل هوجاس
وغنيت من بعض الهموم المواويل=آثر الهوى ماهوب دايم على ساس
بين الحقيقه والليال المقابيل=بغى يموت الشوق من طعنة الياس
ياغايبه / ما كل غيبه تساهيل=كم غيبة ٍ تكّبت عن الروح الانفاس
ما آظن يرويني من احساسك النيل=ياللي ما آظن القى من اجناسك اجناس
غبتي اسبوع .. ولا بقى الا المراسيل=ومن غيبتك .. غابوا عن عيوني الناس [/poem]



3 ../


[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تلاذع فيوز القلب لا سولفـوا عـن نجـد=وعزي لـ( قلب ٍ ) هاجس الشوق يبحر به
تعدّت نجـوم الليـل وانـا اتوّجـد وجـد=وجود الكبير .. اللي زمانـه مقصّـر بـه
علشان من حبه بجد جمـع حالـي بجـد=وصخّر مشاعـر شاعـر ٍ لاوع الغربـه
يا كمّ اهجدتني في منامـي طيوفـه هجـد=ويا كمّ اسهرتني سربة ٍ من وراء سربـه
حروف القصايد عند طاريه تسجـد سجـد=وتركع لـه القيفـان يـوم اتبّاشـر بـه
غلا واحتـرام ومقدريـه وحـب ومجـد=لو انه .. طوّى حال المعنّـى وعـزّر بـه
من البعد دقلات العنا في ضميـري رجـد=متى الله .. يبعّد ساعة الضيـق والكربـه
غلا نجد زاد .. وزوّده من سكن في نجـد=عسى نجد كله للحيا .. شرقـه وغربـه [/poem]



4 ../



[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ايه اعترفت .. برغبتي واختياري=وقلت الك شيٍ ماتمنيت أقوله
ايه اعترفت .. وطال معك انتظاري=وللهم والتفكير صوله وجوله
لابد احدّد قبل لا أندم !! .. مساري=وأشوف .. ويش اللي تمنى وصوله !
اما على لاماك .. شبيت ناري=والا .. تبي تنهار فالقلب دوله
وجيهنا .. يامن ديارك / دياري=ماهيب من دم الوجيه مغسوله
ان كانها الفرقا .. ماكان انكساري=انا انكساري ماهو ابْ هالسهوله
تبقى مشاريهي ورد اعتباري=على تشاريع الغرام ورسوله
ولاني مدوّر من وراء العشق ثاري=اقفي .. واخلي للظروف البطوله
وان كان نجمك لامعٍ في مداري=تبي تطول اللي ماغيرك يطوله
وانا يبي يفضح ظلامي نهاري=وكني ملكت الكون عرضه وطوله [/poem]




5 ../



[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اذكرك كـل ماهبـت هبـوب الشمـال=مـلّ عينـي علـى شوفتـك ياملّهـا
اتوجـد علـى لامـاك والحـال حـال=كيف..!! وانت انت روحي معك محتلّها
اقصر الرجـل مـاودي بقيـل ٍ وقـال=واتشيّـم .. وكـل دروبــك ادلّـهـا
دامني معـك .. لابالله حبالـي طـوال=والمقابيـل تكفـى طالـبـك خلّـهـا
خلّها لاتصافق بـي علـى كـل جـال=خلني في قساهـا وانـت فـي ظلّهـا
وكانه آخر لقاء ماظـن فـيّ احتمـال=عقبك الروح قلي يالغضـي مـن لّهـا [/poem]





إبداع .. قطفة منه القليل القليل ..


لم اكتب مقدمه لـ/ هذا الشخص .. لـ/ إيقاني بـ/ إنني لن ولم آوفيّه حقه ..



كلمه من قلب احد جمهور هذا المبدع ../



( عسى عمرك طويل يابو محارب )



..
.[/align]