كلامنا

السلام عليكم ورحمة الله وبركاته

اسعد الله اوقاتكم بكل خير

الموضوع مايبي مقدمات او بالاصح انا ماعرف للمقدمات عشان كذا ببدا معاكم في الموضوع
وراح يكون على نقاط ..وطبعا بما اننا في المرقاب فراح اتكلم عننا كـ أعضاء وعضوات
ونقيس عليه حياتنا العامه


هناك كلمات يقولها العضو للعضو ولاتستطيع العضوه ان تقولها للعضو

مثال كلمة :كفو /وتستاهل /ونعم/ وبيض الله وجهك


وهناك ردود لايصح للعضو ان يرد بها على العضوه

مثال كلمة ماعليك زود


الحين عاد جاء دور الاسئله اللي تدور براسي واتمنى اتساعدوني في حلها

هل هذه النقاط تعتبر من العادات والتقاليد ؟

هل لابد لنا كـ اعضاء وعضوات ان نلتزم بها في المنتدى؟

ماموقفك كـ عضو عندما تأتي عضوه وتقول لك ونعم/كفو / بيض الله وجهك/ تستاهل ؟كيف يكون ردك؟

من كان منكم يتذكر كلمات غير التي ذكرتها اتمنى ان يزودنا بها ؟

,,,, ,,,,


وفي النهايه يبقى ان اقول لكم ان ثقتي برأيكم هي ما جعلتني اضع هذا الموضوع الذي اتى بعفويته

ولكم جزيل الشكر

,,, ,,,,

,,

اختكم الفجر البعيد

عليكم السلام ورحمة الله وبركاته


اهلا يا الفجر البعيد

موضوع جميل وجديد في نفس الوقت

بالنسبة لقول العضوه للعضو ( كفو / تستاهل / بيض الله وجهك ) ما أشوف فيها شي والعكس صحيح

أماّ ماعليك زود هنا مربط الفرس

ما عليك زود المقصود بها ما ازود عليك بشي والله سبحانه وتعالى يقول في محكم التنزيل عن قصة مريم أم سيدنا عيسى عليه السلام :-

(( فلمّا وضعتها قالت ربّ اني وضعتها أنثى والله أعلم بما وضعت وليس الذكر كالأنثى ))

نحن لسنا في مقام التفضيل هنا لكن نتفق جميعا على ان ( ليس الذكر كالأنثى ) ومن هذا الباب لا أحبذ عبارة ماعليك زود بين الجنسين إطلاقا !

هناك ايضا عبارات ارتجالية سريعه تعبّر عن الاعجاب
مثل يا حلوك وحلو قافك هاذي مصيبة اذا ما استخدمت من جنس لنفس الجنس

فيه بعد الكلمات الرومانسية اللي ما تليق بمنتدانا مثل يا روحي صح لسانك يا قلبي ابدعت يا عمري وش هالبوح الرائع ما ودك تقراها - عن نفسي - بغض النظر صادره من من .. ورايحه لمن !!


والله مدري وش غير


شكرا لهذا الموضوع المختلف ،،


..

^
^

نفس كلام الدكتور بالزززززززززبط

المشاركة الأصلية كتبت بواسطة سداح

هناك ايضا عبارات ارتجالية سريعه تعبّر عن الاعجاب
مثل يا حلوك وحلو قافك هاذي مصيبة اذا ما استخدمت من جنس لنفس الجنس

فيه بعد الكلمات الرومانسية اللي ما تليق بمنتدانا مثل يا روحي صح لسانك يا قلبي ابدعت يا عمري وش هالبوح الرائع ما ودك تقراها - عن نفسي - بغض النظر صادره من من .. ورايحه لمن !!


..

هههههههههههههههههههههههههههه

والله انك صادز يادكتور


مشكوره يالفجر البعيد على الموضوع الرائع

..

الفجر موضوع رائع غاليتي

اما بالنسبه

لكفووو وتستاهل وبيض الله وجهك هذه ما اظن فيها شي

أما ماعليك زود فبالنسبه لي انا ارد على حسب الكلام الموجود

مثلا لو يقال اخت رجال بنت رجال

وكان الرد ماعليك زود فالمعنى هنا انت ايضا ابن رجال ومن ذا الكلام

هذه وجهة نظري وقد تحتمل الخطأ أو الصواب

تحيتي

و
ج
د

الفجر البعيد




موضوعك رايق




وبصراحه سبقنا سداح وقال الراي اللي ودنا نقوله ولا اختلاف عليه
واعتبره اجابة لسؤالك الأول



نجي لأسئلتك الثانيه



هل لابد لنا كـ اعضاء وعضوات ان نلتزم بها في المنتدى؟

لا طبعا كل انسان حر بطريقة رده حسب قناعاته وعاداته ولا احد يفرض علينا وش نكتب و وش نقول
طالما ماتعدينا الحدود الدينية ولا الأخلاقية ..




ماموقفك كـ عضو عندما تأتي عضوه وتقول لك ونعم/كفو / بيض الله وجهك/ تستاهل ؟كيف يكون ردك؟

والله موقفي موقف اي مواطن سعودي

صراحة عادي بعضهم قال لي ( كفو ) ولا زعلت بالعكس فرحت بنفسي..
وكذا مرة قلت لاكثر من شخص كفو ورد بكل رحابة صدر ولا في رده اي شي يوحي بغضبه
و( بيض الله وجهك ) فرحتني ودايم اسمعها ما فيها شي يضايق
واذا السؤال موجه للرجال فقط .. اسحب الإجابة





وعندي ملاحظه صغيرونه ..



لاحظت كلمات ما تعجبني .. ولا افضل تداولها بين الجنسين

(صح قلبك .. لبى قلبك .... يالغاليه .. سيدتي ... مولاتي ... سيدي .. مولاي )




اذا تذكرت شي رجعت لكم

هلا يالفجر


موضوع منتاز على قول الشيخ عبدربه


كل الألفاظ اللي قلتيها عرفت بين الرجال بإستثناء تستاهل لأنها قد تكون للتشمت


اما كلمة ماعليك زود .هذي الها قصة يرويها لي من وقع بها .... يقول كان لي صاحب رحت يمه ودقيت الباب وجتني عجيزه وقالت من ؟ قال فلان . قالت ونعم يقول مالحقت نفسي الا زد قلت ماعلاتس زود . يقول وعود احط ثوبي في فمي ومع الدرج .... يافكيك على قول اخو فريالطبعاً اللي هو طرطشلي


هالتراكن ممنوعات من قولها لايطيح فيها مرقابي ثم ماعاد نشوفه




الوكاد انه من المفترض ماترد بأي منها المرأه على الرجل




أما ردي ان قيلت لي فمالها رد الا, سلمتي.



غيمار

اخت الفجر البعيد

الحقيقه طرح جميل ولا فيه عيب ان الانسان يطرح التساؤلات اللي تطري عليه للجميع

واعتقد ان سداااح قام بالواجب واجاب عن الموضوع ككل وانا اوافقه الرأي تماماً

اما عن العبارات الاخرى التي لاتليق فمن المفترض التحذير منها وتحذير من يستخدمها

لأنها قد تكون محرجه وفيها بعض التلميح الخطير


دمتِ بخير

المشاركة الأصلية كتبت بواسطة سداح

فيه بعد الكلمات الرومانسية اللي ما تليق بمنتدانا مثل يا روحي صح لسانك يا قلبي ابدعت يا عمري وش هالبوح الرائع ما ودك تقراها - عن نفسي - بغض النظر صادره من من .. ورايحه لمن !!

سداح


كل اللي قلته نوافقك عليه الا هذي الجمله ( وش هالبوح الرائع)
ما شوف فيها شي ..ودايم اقولها
ولو اني ما اقولها بهذي اللغة المختلطة

بالإضافه للبوح الرائع والهطول المغيّم

مايثوّر ضغطي مثل :

( الله يرجك ) و ( عليّ الطلاق ) و ( ختم الدعاء بالاستثناء " إن شاء الله " )
مثل الله يوفقك ان شاء الله و الله يجزاك خير ان شاء الله وهكذا
وغيرها الكثير من الالفاظ المتداوله في المنتديات بشكل دائم
هذا من الناحيه الشرعيه ،



أمّا من الناحيه الأدبيه فهناك بعض العبارات مثل :

( لكِ ودي ) و ( ياحبني لك ولقصيدك ) و ( حي هالطله )
بين جنسين مختلفين



هذي ما استطعت جمعها على عجاله ،
ونسأل الله يهدينا إلى أحسن الأقوال والأعمال ..



وشكراً يافجر.

كل عضو ( ينضح ) بما لديه ..


فالإشتراط على العضو بقول شئ لايمكن أن يتوافق ومزاجه ( أمر مزعج للغايه ) !! قد تكون هناك تجاوزات عرفيّه وشرعيه لايمكن أن تُترك بدون تنبيه ودّي وأخوي



عموماً .. القصائد بالذات تحتاج لرد يعكس مدى قراءة العضو للنص وتأثيره عليه !! والغالب السائد أصبح مدى علاقة العضو بصاحب النص نفسه ..


الكلمات السائده ( صح لسانك - بيض الله وجهك - كل يوم تعال إلخ ..


فرصة جميله أن يتدارك الكثير مسألة التكرار في قول السائد - حتى يشعر كل صاحب نص بقيمة نصّه سواء كان النص جميل أو ( أدون شوي ) ..



موضوع هادف يالفجر البعيد .. ألف شكر ..

^
^

يا أمّا أنت وألاّ أنا أخطأ في اسم صاحب الموضوع ؟

اللييييييييييييييييل
............................

^
إحم إحم


محد أخطأ ياطويل العمر

الموضوع كله يصب في مشكلتنا مع اخواننا البدو


وانا اقرأ موضوعك تذكرت واحد من الشباب يعلمني بسالفته مع واحد من الشيبان

يقول جلست جنب ذاك الشايب و اسولف معه
المهم ان الشايب يعلمني عن سالفة صارت له و انه ساعد له رجال و انقذه و مدري وش سوى بعد
المهم ان الشايب علمه غانم على قولتهم
يقول خويي انا تحمست مع السالفه و من فعل الشايب و قلت كفوووووووووووووووو
يقول و الشايب يلتفت علي
قال :
مهوب انت ووجهك اللي بتزكيني
انا كفو قدام لا تجيبك امك .!

المهم ان خويي بلعها على شان خاطر شيبات ذالعود
معه انه مهوب قليّل شر


المهم ان الموضوع كله كلام في كلام

8
8
8
8
8
8
8
8



ياغالب الرجال الي مايقدر نفسه ولا يقدر الرياجيل محد يقدره مير شايب ولا ولد




وصاحب القصه الي تقوله ماخطئ على الشايب قاله كفو لكن الظاهر انه مايستاهلها ..... واي واحد محل هالشباب يبي يرد عليه ماعاد فيها احترام خلاص ....






<<<<<<<<======= علامك جاي متحمس




ياخي مدري بس احس اني انقهرت من هالشايب




<<<<<<<<======= اقول اهجد بس



ابشر يابو الشباب

[align=center]الفجر البعيد

شكرا ً لطرحك المميز .. وأضائتك الفريده حول هذا الموضوع

أنا أشوف أن الردود والكلمات .. تنعكس على مزاجية الكاتب وأرائه وثقافته أحيانا ً

كل شخص مننا .. يعرف حدوده لفظيا ً وعمليا ً مع الجنس الأخر

وعلى هذا النحو نتعامل .. تعامل تلقائي جميل التناغم .. وأن حصل سوء فهم .. عاجلا ً ما يحل

أما عن القصائد وردودها .. القصيده هي من تحدد رد المتلقي ويأتي الرد على حسب مستواها

ونحن لا نرد على الشاعر بقصيده ونثني عليه .. بل على قصيدته وجمالها وجزالتها

وإذا حصل وتكلمنا عن الشاعر بسطور .. فـ نحن نثمن له الكلمات .. من أي جنسا ً كان

وأخيرا ً ..// الأحترام والتقدير لجميع زملائنا وزميلاتنا .. وإن شاء الله الكلام ماهو مسبب أشكالات


أجدد شكري .. للفجر البعيد .. وكل من سبقني بالرد

ومع السلامه [/align]

:



مرحبا

من قريت العنوان و الكلمات الموجوده في بعض الردود مثل (( ياروحي وياعمري ))


جاء ببالي بيت الشاعر / رشيد الزلامي


. يدلك على الرجال هرجه ليا هر ج= ويدلك على نيات قلبه حركاته




شكرآ عـ الطرح

هلابك يالفجر ..



اذا فيه قصيدة مدح والممدوح يستاهل .. اكيد بقول يستاهل المدح

واذا القصيدة فيها يفخر الشاعر بقبيلته .. اكيد بقوله ونّعم فيك وفي قبيلتك


انا اشوف الردود تحكمها النيّات




شكرا لهذه المساحة

المشاركة الأصلية كتبت بواسطة عبدربه

بالإضافه للبوح الرائع والهطول المغيّم

مايثوّر ضغطي مثل :

( الله يرجك ) و ( عليّ الطلاق ) و ( ختم الدعاء بالاستثناء " إن شاء الله " )
مثل الله يوفقك ان شاء الله و الله يجزاك خير ان شاء الله وهكذا
وغيرها الكثير من الالفاظ المتداوله في المنتديات بشكل دائم
هذا من الناحيه الشرعيه ،



أمّا من الناحيه الأدبيه فهناك بعض العبارات مثل :

( لكِ ودي ) و ( ياحبني لك ولقصيدك ) و ( حي هالطله )
بين جنسين مختلفين



هذي ما استطعت جمعها على عجاله ،
ونسأل الله يهدينا إلى أحسن الأقوال والأعمال ..



وشكراً يافجر.

ايه بالله

وعـليكم الــسلام (و) رحمة الله وبركاته ..

طرحٌ (راقي) ..

.
.
.

أعجـبني ..

..
.


ربما الدكتور سـداح كفى ( و) وفى ..



قد يكون مربط الفرس في كلمة (ماعليك زود )

.
..

.


أما البـاقيه .

ربما (التميلح) لــه دور .!

يعمي الواحد فـلا بد نقدر الظروف شوي ..!!

.
.


كل الود لكم .

المشاركة الأصلية كتبت بواسطة دارين

الفجر البعيد








ماموقفك كـ عضو عندما تأتي عضوه وتقول لك ونعم/كفو / بيض الله وجهك/ تستاهل ؟كيف يكون ردك؟

والله موقفي موقف اي مواطن سعودي

!!




اما الموضوع كفى ووفى سداح .


لاهنتي يـ الفجر .

هلا اخوي سداح
تواجدك مهم ورأيك اختصر الكثير من الاراء
الف شكر لحضورك الرائع والراقي دائماً

الفجر البعيد...



شوفي و انا اخوس ... انا اشوف ان كل كلامس ما فيه شي و انه عادي جداً...
و ان ما فيه احراج ان الرجل يقول للمرأه ما عليك زود و العكس..

تدرين لماذا؟؟

انا اقول لس...

( ما عليك زود ) صارت تباع في بسطات العجز و على الأرصفه هالأيام
يعني بضاعه كاسده .. كلٍ يقولها لمن هب و دب... و لذلك فهي ما عليها حسوفه..

لو انها لا زالت محتفظه بقيمتها و محتفظه بهيبتها كان اضم صوتي لصوت اخوي سداح...
و الذي انار المتصفح برأيه بلا شك..

فـَلـَـكنّ من يوم جانا النت و طحنا في المنتديات صارت كلمة ( و نعم ) و ( ما عليك زود )
كلٍ يحذفها على الثاني سواء في محلها و الا في غير محلها ....

لذلك فأنا اقول لس و انا اخوس .. لا ضير في ذاااااااااااااااااااااااالك

و اشكرس على موضوعس و جزاس الله كل خير أُخيـّـتي...

8
8
8
8
8
8
8
8
8
8
8


ماعليك زود








ياخي انت صريح بزياده الله يجزاك خير