حنا بوقتٍ غريب .. نعيشه اغرابي

[align=center]اخواني واخواتي
اعضاءهذا الصرح الشامخ
السلام عليكم ورحمة الله وبركاته وبعد
انصح كل قرم ان يخاوي فالطرقه منهم اطيب منه ولايخاوي اهل المصالح وضعوف الانفس. لان الطرقه كلما طالت بينت خوة الاخويا ومدى تحملهم لو كانو فالسعه من اطيب الناس فقد يكون طيبهم من اجل مصالح مؤقته وتنتهي .[/align]
[poem=font="Simplified Arabic,5,#0015FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الُطرقه اللي تبيّن صحبة اصحابي=يازينها حتى لو طالت مسافتها

يبين فيها الخوي فكاك الانشابي=طلق الحجاجين ماعقّد سماحتها

قرمٍ بوقت السعه والضيق ماغابي=تلقاه لو دنيتك ضاقت مساحتها

خوي فالسلم وان جا حرب حرابي=نفسك مع خوته تظمن سعادتها

ويبين فيها الخبيث وكل نصابي=وإضعاف الانفس تبيّن من ضعافتها

اللي بوقت السعه تفتل فالاشنابي=تهبد لك الصدر وتخفي نذالتها

تغريك باسلوبها وتثير الاعجابي= وتحط لك صفحة اخبار بصحافتها

تحسب لضيقتك فوق ارضاك بحسابي=حتى تولع و تُعجب في صداقتها

لن جيت تفرح ولن ماجيت ترتابي=تحرص على شوفتك من شان حاجتها

لاجل المصالح معاك اصحاب واحبابي= واليا انتهت تنتهي معها علاقتها

تتركّ وتحط بابٍ من ورا بابي=على فراقكك وبعدك عن زعامتها

وان شآفتك تايه بدربك ومنصابي=تبين لك وقتها قمت سماجتها

وتصير مابين ضرس الوقت والنابي=والصحبه اللي على المصلوح خاضتها

حنا بوقتٍ غريب نعيشه اغرابي=دنياً تساوت ثوانيها وساعتها

منهو يصلي وربا دقنه. ارهابي=وان قصر الثوب يحسب ظمن قادتها

والمسبل اللي حليق ودوم كذابي=تعده الناس طيب من غباوتها[/poem]