بالمختصر : إرحل ..!

عذراً على الغياب القسري .. وهذه الأبيات للتواصل ..


[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اي والله انّي قبل اعرفك الى الآن=وأنا حزين ، ولا حصل اي تغيير
لو إني اشعر معك في كل الاحيان=بأن الصدق حيٍّ ، والإحساس في خير
اذا على اخلاقك .. فلا فيك نقصان=وإذا على وصلك .. فلا منك تقصير
وإذا على زينك .. فلا مثلك إنسان=لو إن غيرك زين ، زينك ترى غير!
لكن قلبي ما تركت فيه الاحزان=ما يجعله يشتاق ويحب ويغير
لو زان لك يومٍ ، لك ايام ما زان=مبهم ولا ينفع معه اي تفسير
كتمت سره .. ما ظهر بين الاجفان=ما ينكشف لو ينكشف سرّ في بير
ليّن ولكن الزمن فيه ما لان=كل ما جبر كسرٍ .. يعاوده تكسير
له في قلوب حبّته نبض عرفان=وله في قلوبٍ عادته نبض تقدير
زانت لك الدنيا بقربه ولا شان=ولو كان يقدر ما حصل منه تأخير
ودي بحبّك ، بس ما اقدر علشان=ما أظلمك وأبحث لك عن الظلم تبرير
لذا مابي تشعر بـ ( خيبة ) وخذلان=ولا تضيّع باقي العمر .. تفكير
تبي وطن؟ تلقى فـ ( غيري ) لك اوطان=تبي أمن؟ تلقى فـ ( غيري ) لك مجير
تبي فرح؟ ميّت بقلبي من ازمان=تبي أمل؟ طيرٍ مع العاصف يطير!
بالمختصر .. وفّر جهودك من الآن=إرحل وإذا تقدر تذكرني بـ ( خير ) !![/poem]