ياللـه إنـّك لا تحييهـا !

المشاركة الأصلية كتبت بواسطة سعد الموقي

[align=center]السلام عليكم ,

مواهبيّه كُتبت على عُجاله بعد انقطاع دام فتره طويلة .. عن الشعر !

وجيتكم فرحٍ بها [/align]


[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعد ذاب الجليد وشدّت الدفوه وشاع النور = وبانت شمسنا .. والشمس من يقدر يخفيها ؟
بديت أكشف لك أوراقي لكن ! بين السطور سطور = تضيع إمن الخجل .. مابين كاتبها وقاريها
وانا والله صخي دمع وقوي باس ورقيق شعور = نقايض صح ! لكن حكمة الله وش تسمّيها ؟
أمانيي ظلام ودمعتي بين الجفون تفور = ولا ودّي تطيح الدمعة .. إليا طاح راعيهـا
حزين وخاطري من خلقة الدنيا وهو مكسور = وأحاسيسي جروح ولا لقيت اللي يداويها
ليا منّي سرقت إمن الفرح بسمة رضا وسرور = تداوَر ضيقتي ! ضحكات سنّي .. لين تدمـيهـا
أفكّر فالهبايب .. والمطر ! والغصن والعصفور = وأبرّق فالامور المقبـله .. وش لون تاليها ؟
وإذا جت للصحيح الوقت جاير والسنين تدور = لكن عندي طلب يا غايتي .. مادامنا فيها
تعال أجلس بجنبي وأشعل الجلسة فرح وسرور = ولا جات همومنا ؟ قل : يالله إنك لا تحييها[/poem]




..

في ذمتي لو انها لي لاغني علها شهر كامل ماهوب بس افرح بها


لله درك يا سعد و انا اخوك


قصيده فارقه فارقه فارقه....


فكر و اسلوب و جمال و حبك و سبك



صح لسانك و بيض الله وجهك



تحياتي يا عمي