ترْجــمـــﮯــــة احــﮯـــــســا ســـــﮯ .. !

مدري تبلد فيك الاحساس مدري
....................... مانت بــ / على خبري ولو قلت لي لا

ياكثر همي منك يا وسع صدري
....................... تقول اروح ( ايوه ) ولكنّ اجي لا

ياعلبة الهوت بالله ماوصل حاجه
..................... ماجاك علم ٍ عن الغايب يطمني
ماهو خبر موعد ٍ مسبوق ومواجه
..................... الاّ خبر ليش طوّل صاحبي عني

دوّرت عذر أحاول امح خطاياك
................... وعجزت أحصل للتجافي مبرر

حاولت امشيها على شان شرواك
................. لكن خطاك من العتب ما تحرر

قضيت عمر بعمروانا اتمناك
................. والهجر في بعض المواقف يقرر

شفني هنا و‘حساسي يدوّر هناك
................. المح واشوف بعين وادمح وأمرر

لاتحاول تدور لك عذر
....................... فضفض السالفه قبل الختام
كان للبعد ناذر لك نذر
....................... روح رفرف بجنحان الحمام
والله اني من امثالك حذر
..................... من غرامك على الدنيا السلام

ياللي تدور فرصة ٍ تنتهزها
...................... تبغى عذر حتى تقفي مطاياك
من دور الهمزه لزوم يهمزها
...................... دورتها وانا مابي ذكر فرقاك

يارب تغفر لي ويارب رحمتك
..............ويارب سترك من عيون الفضيحه
ويالله من سهوم المواجع سلامتك
............. وكرمك عن. مد اليدين الشحيحه

ياكثر ربعك بين نازل ورحال
............................. وياكثر ما تخلف نواياك وتصد

ماعاد باقي حال يامدّور الحال
............................. ولاعاد يعنيني لو تقول أبا اشد

خسرتني حتى و لو مامعي مال
............................. لكن كلامي جد واكثر من الجد

صبرت في رجواك واسوق الامال
............................. ولقيت للوافي معك ينوجد ضد

حاولت لين إن الحمل بالزمن مال
............................. لكن فمان الله بس أحكم السـد

انت اعتبرها تجربة فعـــــل رجال
............................. وانا عتبرها صفعة ٍ توجع الخد

لا تخاف من العرب تقفي بحقك
........................... ليتنا نفتكْ منـْك بأي طريقه

لو يجي فرصه معك والله لطقك
.................... لين اولع من تحت رجلك حريقه

جربت لين من التجارب تعلمت
......................... وعرفت مابالحب شيءٍ مخلد
قدمت لك قلبي وجيت وتقدمت
.......................... واخلصت لك لين ان قلبك تبلد
العام تذكر يوم جيتك وسلمت
........................... نســـيت توقيعك بذاك المجلد
ونسيت حلفك يوم قمت وتكلمت
........................... تقول معك الحــب ماهو مقلد

لو كلامي يثر بقلبك اللي مايلين
................. كان يمدينا من العام فبداية صفر

كان رحت يمين ويمين درب الغانين
.................. ما تبعتك لين ســـــجلت بي 1/0

أثر بعض الناس لو تعطيه قلبك
........ مايكفيـــه العطــاء والمقدريه
كانك احتجته لحاجه ما وصلبك
........ لو تبيه يوصلك لــ / اسكندريه

بالله لاتسأل ترى السالفه شي
.........تكفى طلبتك لاتجدد جروحي
وشلون اسولف طالما وضعنا سي
......راح العراق وسوريا لاتروحي

مابقالي فيك يالبحر التهامي
....................... دام في شاطيك نقطه للتجمع

يوم عكر صفوك وكثر الكلامي
....................... العرب بانضارها والاّ تسمع

دام يوجد فرق في حجم الاسامي
...................... الردي ماطــــاب لو إنه يلمع

والامانه لن مسك يدها الحرامي
....................... ما بقا في حجمها شيء ٍ يطمع

العام في ليبيـا واليوم في درعا
............ وبكـره عسى الله يكافينا بلاويها
دار الرحى يوم درعـا لاهيـه ترعا
............... وعريبيـا بين بايعها و شـاريها
قالوا هنا يشـبع الحاشي وهو يرعا
............ ربيع دار العرب !! شبعان حاشيها
دار الرحى والضعوف بضعفهم صرعا
........... يالله عسى النصر لانصارك بتاليها

كنت باول صبحها أصبـّح عليها
................. وكان عندي ليلها ماهوب عادي
وكنت مدري بس انا ملزوم فيها
................. لو تزيد بصدهـــا والا تنادي

ياخي تدفاء .. واحذر الجوء بارد
.................... يمكن مع التسخين تسخن مشاعرك

ترى الغلط في رحلة العمر وارد
.................... لكن ترفق قبل تجريـــح شاعرك

مابين نزف الجروح الداميه والجنون
........................ والهقوه اللي توجه لك وقلبك قوي

البارحه والعتب بين الهدب والعيون
........................ كن الالم يلوي عروق الضماير لوي

قررت ازيد المواجع لين اهدّ الحصون
........................ وارمي بثقلي لو إن الذيب قام يعوي

دام الوفا ما نفع ما للمجــامل زبون
........................ تراي لو كنت رومنسي بالاصل بدوي

الا الكرامه تراهـا فوق حد المتون
........................ يطلع لها نجم عالي والضعيف يهوي

دامك تخيّرت درب ٍ غير دربي تمون
......................... ماني مدوّرك لو تكوي خفوقي كوي

الكنز ماهو جمع كم" من المال
........................... الكنز زود العافيــه والقناعه
ليا وهبك الله ويسّر لك الحال
........................... هذا هو المكسب وراس الطماعه

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مادريت انك خطيره يالزرافه =لين صارت سوريا ذبح ومجازر
مابقى رصيد في بنك الصرافه =عودت صاروخ والغام وجنازر
[/poem]

الي يفسرها على كيف كيفه
.............. وراه ما فكر وركز وهدا

لو الخطاء من بيننا بالنصيفه
............. رضيت باللي صار وانا المبدا

لكن ضُلمت وصار بالوضع خيفه
.............. وانا الذي فديت راس المفدا

ليت المسيّر ما نوى بالنكيفه
.............. وليته جلس للحق يوم اتحدا

ماكان صار الصدر شعله وليفه
.............. عجزت لطعون الزمان اتصدا

الجريح اللي يبيك تشوف حاله
.............. شوف حاله قبل لا تكثر جروحه

ان فقدك يعنّ لك ويضيق باله
.............. وان غلط قدم مع العذر السموحه

لك دفع دمه فدا واغلا حلاله
.............. ولك رسم قلب وسهم في وسط لوحه

الهجر جحدان والرجعه جماله
.............. والعذوبه وصل والفرقى ملوحه

الفراق الصعب وش قرب مجاله
............. دام نفسك يابعد عمري سموحه

يالله طلبتك في حراوي الإجابه
.......... انك تخفف من صدر عبدك الضيق
ياكثر صولااات الحزن والكآبه
............. بس الفرج عندك يارب المخاليق