تغطية مصوره .. لإجتماع أعضاء المرقاب في أم رقيبه ]

قبل الدخول في إنطباعاتي عن الرحله و شيوخها...

رد للمسز دارين...
تبين الصحيح يا دارين؟؟
بدون مراوغه و بدون مقدمات.. عز الله ان الحديث و النقاشات طالت عضوات المرقاب وحده وحده..
و تم الحديث المفصـّل عن كل عضوه و الحديث عن تواجدها في المرقاب و تأثيره..
و لو المجال يسمح كان قلت كل انطباعات شيوخ الرحله عن كل عضوه .. و فيه ثـنـتـين من العضوات
كان الحديث عنهن بشكل مكثف حول تواجدهن في المرقاب و جماله... الى هنا اكتفي بالرد.. لأني لو زدت جبت العيد <<< الظاهر ما راح يجيهن النوم


نرجع الى انطباعاتي حول الرحله...

الرحله بشكها العام اكثر من رائعه... و الحقيقه ان كل زملائنا اللي حضروا انهم وافين شبور
يا زين حضورهم و يا زين خوتهم و يا زين سوالفهم و يا زين نباهم و يا زين اخلاقهم و اريحيتهم
و تواضعهم و كل امورهم من ازين و ازين ...

محمد آل عبدان...
عرفته اول ما شفته الا انه لم يعرفني.. تفاجأ بي عندما عرفته بإسمي..
فاجأني كثيراً و لم اكن اتوقعه بهذه الأريحيه و الشهامه و المروّه .. صراحه ان المخيم قايم
على الله ثم عليه هو اللي يشب النار و هو اللي يشتغل و يسوي القهوه و هو اللي يجيب
الحطب و هو اللي تولاّ امور الرحله كامله بشكل رئيسي مع العلم ان جميع الأخوه ما قصروا..
واجهته برأيي فيه ( كنت آخذ عنه صوره سيئه للغايه ) و هذا من رداي.. لكن ابو متعب كان
مثل ما ذكره لي اخي عبدالرحمن حمد سابقاً بأنه غير ما تتوقعه يا شفق.. و قلتها لابو متعب
بكل صراحه .. و اعترفت له اني كنت ما ادانيه ...لكن الرجل رجل في كل حالاته ...

فهيد بن عصيدان..
كنت حاط له صوره في بالي بأنه طويل معصقل جيكره مقلع على جنحانه
لكن لقيت لي رجل بكل ما تحمله الكلمه من معنى... دماثة الخلق و سعة البال و زين المنطوق
و رزانة العقل و لباقة الحضور و خدمته لاخوياه من شيل و حط و غيره.. خوي السعد انا اشهد..
يجبرك على احترامه غصباً عنك.. صريح جداً في أراءه حتى و ان اغضبت من امامه.. و هذه صفه
احييه عليها.. لا يجامل .. شهم بكل معاني الكلمه..


سلطان الأسيمر..
اشهد بالله انه مطلق على اسمه... هالآدمي ودي اتكلم عنه كثير لكن اخاف تحسب عليّ...
لكن و باختصار.. هذا الرجل لديه ثقه كبيره في نفسه ... عتبت عليه في نقطه واحده فقط..
و هي انه لم يواجهني بمشروهه عليّ عند مشعان سابقاً... لكن انا بطيتها قدامه و صارحته
و ذكرت له مشروهه و وضحت له وجهة نظري.. و كان له الحق في مشروهه و كان لي الحق
في ما بدر مني سابقاً.. و كنت فرحاً جداً برضاه و تفهمه لي و لوجهة نظري في احد المواضيع
التي تخصه .. جلست معه جلسة شعر عصريّه على براد شاي بحضور ابن عصيدان و ناصر
تراحيب و خالد السيحاني فقط.. و كانت عصريّة شعر غي طبيعيه.. على فكره سلطان الاسيمر
حضر للمخيم بطبيعته دون تكلف .. و هذه هي التي كسرت التكلف بيننا من اول حضور له..


فراج القرقاح...
صورتي عنه كانت في وادي و واقعه في وادي آخر... رجل خلوووووق جداً... هادئ جداً و في
ذات الوقت عصبي جداً ... يحب خدمة اخوياه بشكل كبير .. انسان بسيط جداً دون تكلف و دون
زحمه .. ترتاح للكلام معه و لسهولة التعامل معه... مستمع جيد للمتحدث.. يعطي رأيه في كلمتين
الى ثلاث كلمات فقط... شرس جداً في المحاوره .. اكثر صفه اعجبتني فيه و انعم بها من صفه هي حرصه
على الصلاه في وقتها و النداء لها و الإصرار... جزاه الله خير .... و في البلوت ما عنده يمه ارحميني



باقي الأخوه سوف يطالهم الرأي لاحقاً...



مقتطفات سريعه...

- مركز السريّع الإعلامي يفوز بلقاء طويل و حصري مع محمد آل عبدان.. يحمل العديد من المفاجآت..
- مركز السريّع الإعلامي يقوم بمفاجأه كبيره مع شيله حصريه لأحد شعراء الرحله..
- مركز السريّع الإعلامي يقتنص تصريح خطير و قوي من الشاعر غازي المغيليث...

كل ذلك ترونه قريباً في مركز السريّع الإعلامي ... كونوا معنا فنحن معكم ...

و أخيراً....
- مركز السريّع الإعلامي يفوز بتصريح رسمي من إدارة المرقاب العليا لتنفيذ أنشطته في المرقاب..
و المركز يقدم كل الشكر و التقدير للأخ ناصر تراحيب على تذليل كل العقبات التي واجهت المركز..
و إعطاء الأذن بالقيام بأنشطته تحت مظلة منتديات المرقاب كجناح إعلامي مرافق للمرقاب..

[align=center]تسلم يا أبو وليد على التغطية



والله يجمعكم على طاعته


والشكر للأخوان اللي حضروا وأبدوا انطباعاتهم


وفي انتظار البقية



تحياتي لك وللجميع[/align]

اجتماع رجال يرفع الراس

كم تمنيت ان الظروف ساعدتني لأكون معهم

ادام الله المحبه

لاهنت ياناصر

تقديري

ياسلام ياسلام


اجتماع طيّب


والله يجمعهم على العز والطاعه



لاهنت لاهنت يابو تراحيب

:

بـ أخـتصار : أجتمـاع يسوى تجمعات أهل [ الأبل ] ,,

شكرآآ ياناصر تراحيب

بالنيابة عن نفسي و بالأصالة عن زميلاتي العضوات

اطالب افراد اجتماع ام رقيبة بالإعتراف فورا بأحاديث الحش الخاصة بنا

وانا عن نفسي ما سامحكم



طبعا اطالب الجميع ماعدا واحد يعرف نفسه

لاني اكيد انه بيضيف من البهارات ما سيغير من ملامح الحقيقة المرقابية في ام رقيبة

مشكور يابو وليــد ..




وتغطيه رائعه ..

وإجتماع موفق ..


والعوض فالمقابيل

ولكم فائق ودي وإحترامي

عوده من جديد لو ان الحمى شاده حيلها

المشاركة الأصلية كتبت بواسطة عبدربه

هاوان الثلط أعش اللي يقولهم الساحاني ؟

ماغار تسعه !

يابو حواء احسب معي ( شفق السريع ، ناصر بن تراحيب ، سلطان الاسيمر ، فراج القرقاح ، محمد آل عبدان (طويل العمر ) ، فهيد بن عصيدان ، محمد صالح ، محمد رشيد ، ضيف الله الغنامي غازي المغيليث ، خالد السيحاني ، وضيوف المخيّم علي بن حسن العازمي و ابراهيم الهاجري.

هاللحين وش تقول


ـــــــ

المشاركة الأصلية كتبت بواسطة محمد بلال

ابو غازي

نبي الصور اللي خلف الكواليس

ما نبي صور الرسميات !

مرحبا مرحبا يابو بلال ابشر ابجيب العلوم كلها بس خلني ارتب الاوراق


ـــــــ

غازي المغيليث:هو اللي فاجئني بكل ما تعنيه كلمة مفاجئه
ياعالم غير (حبيب ) وعلى (نياته) .شعريآ فارق جدآ اللهم لا حسد ، جلست انا وياه وابن عصيدان ، نصور قصيدة ( الله يذكرك الشهاده يا عشير الغانمين ) ثلاث ساعات كل شوي نعيد التصوير من الضحك ،
وابشركم صورناها يوم قلت لهم 1- 2 - 3 آكشن ما ضحكو يحسبون انها منقوله بالتلفزون
على فكره ابو محمد (غازي) مصدوم من فراق العشوا وخايف من (المحيبطية) ، الله يرزقه بـ عشوا تطرح الطير من السما
انا عمومآ سويت له خطه (انما ايه) (4-4-2) بمباركة اعضاء الكشته ، لو يطبقها اضمن له عشوا جديده

ـــــــ

ابو تراحيب (ناصر) : شخص.. لماح ، ذكي ، هواوي ( الاخيره بزود ) + متابع من الدرجه الاولى للساحه الشعريه والاعلاميه.

ـــــــ


ابن عصيدان: تغير انطباعي عنه 180 درجه ، كنت احسبه شايب و رسمي زياده عن اللزوم . طلع شبابي وهاب ريح ، وعلى كيف كيفك ، كل ما اتذكر سالفته مع (الشاحن) اضحك لين يغمى علي.

ـــــــ


فراج القرقاح : ما شاء الله تبارك الله ، من اول ما تشوفه ترتاح له ، شاعر محاوره من الطراز الرفيع، ( ما احد يقدر يزحزحه عن اشراف الفنون ، يمكن يتقاعد وهو مشرف فنون) ، اعجبني فيه حرصه على الصلوات الخمس ، الله يجزاه عنا الف خير.

ـــــــ


لي عوده مع بقية اعضاء الرحله

^
^

ههههههههههههههههههههه ..

اما سالفة الشحن .. والعشوا ياخالد الله يخارجك من غازي وفهيد


سلام عليكم .,


لي عودة بإذن الله بإنطباعاتي الخاصة عن ام رقيبه
دمتم بخير

عوده مجدده ..




فراج القرقاح

سريع التفاعل مع كل شي ، حبيب ، طيّب إلى أبعد حد ، توقعته شايب بس طلع أصغر مني ههههه ، قصائده لها نكهة بريّه ، شاعر محاوره ، كل ماأتذكر سالفته ( يوم تقدمنا عليه ف البلوت وهو يقول : الصلاة وجبت ياريجيل ) ههههه أضحكني جداً ، رافقته أثناء العودة للكويت ، مرح ومليان سوالف حلوه




محمد بن رشيد
يخجلني صمته وهدوءه ، لايتحدث كثيراً ، لكنّه حاضر الذهينه مع الكل ، ذكي جداً ، وصاحب صوت رائع ، دمث الخلق ..




مشعان البراق
أكثر مايضحكه تعليقات خالد السيحاني ، يجمرك ( الكلام ) ، يخليك تفكر بكل شي بتقوله
والدليل ( شحن الجوال ) .. ، ينومس ، علومه كلها غانمه ، وفوق البيعه ( مرح ) وساخر في حديثه .. طبعاً إنطباعي عنه أزلي ولازالت صفحات الذاكره تزخر بكل صدفه تجمعني به ..



غازي المغيليث وماأدراك ماغازي

كنت اتوقع أنه رسمي ( وينقد ) على كل شي ، طلع ( فلّه ) ، السالفه اللي يقولها يخليك تمسك بطنك من الضحك ( لوجت بلسان غيره بايخه ) ، وإذا ضحك تضحك لاشعورياً مع ضحكته ، يكرر المواقف التي تضحكه فتضحك معه خصوصاً سالفة ( صوت البرق ) هههههه

عليه ( حكرة دلّة وغوري ) .. تقول خالطها بعسل .. نشيط ، شاعر مبدع تفكر بكل بيت يطرق مسامعك منه .. مثقف وحاضر الفكر ، لكل موضوع تجد لديه قصّة تثري الموضوع ، حفظه للقصائد والمواقف يجعلك تقف عند ( عقليتك ) المتخمه بالروائع ، بديهي وعلى السليقه ..

أشياء كثيره كثيره في هذا الرجل ..

دارين



من ناحيتي كنت ( مستمع ) جيّد لـ حش عراقيب ( نون النسوه ) فقط ( فنّان في الضحك ومسكة البطن ) هههه
بس بايحي الربع كلهم وخصوصاً شفق << قطّهم على صخر هههه

السي حاني


ما أقول شئ ، مير أنا يوم أقولك ، عاينت في الصوره الوداعيه وليا أنها ماغار تسعه !



وعفاك

جيناكم بالمستخبّي













و انتظروا الباقي .. لين اعرف أحمله

ياحلوها من جمعه

والله إنها فاتت علينا ..ياشين البعد والظرووووف


متحسّف على التربيعه مع أعضاء المرقاب <----- ودّه يكسّر روووس بعض العرب بالبلوت


الله يديم التواصل والمحبه ..


أبوشاهر

شكل المدير حفظه الله ..يسولف عن السبحه ولاّ أنا غلطان

هـ اللحين أنا خابر إنّ اللي يطلعون ويتمشون يروحون بعيد عن الخلق ، مايازون وسط العرب
الا ان تسانكم مرتاعين فهذا شئ ثاني





وماشاء الله علاكم ، وقتكم كله ماغير فلاشات صوّر يا فلان وصوّر يا فلان .




لكن تبون الصراحه
احجزوا لي متسان معكم إن قالها الله السنه الجايه ، ومالكم عندي غار ( فرث تسبود )















اقول يالربع ، هاتوا ماعندكم من علوم مستخبيه
قدم الرجال يجي ثم يعلّم علاكم
<< مايقصد ضيف الله

هلحين هذاه اللي في الصوره،، الصغير المسيكين الضعيف ،، الجواعان ،، اللي تنفطرله تسبود خلق الله ،، هو شفق؟؟!!

شفق اللي صاج المرقاب ولاجه وما خلا احد ما لغفه الا من رحم ربي؟؟!!


ههههههههههههههههههههههههههههههه




لو فيك عيوب الدنيا يابو مهنا ،، وهي مهي فيك ،، تبقى ملح المرقاب وسكره...















تحياتي/ حامد

المشاركة الأصلية كتبت بواسطة حامد المطيري

هلحين هذاه اللي في الصوره،، الصغير المسيكين الضعيف ،، الجواعان ،، اللي تنفطرله تسبود خلق الله ،، هو شفق؟؟!!

شفق اللي صاج المرقاب ولاجه وما خلا احد ما لغفه الا من رحم ربي؟؟!!


ههههههههههههههههههههههههههههههه




لو فيك عيوب الدنيا يابو مهنا ،، وهي مهي فيك ،، تبقى ملح المرقاب وسكره...







تحياتي/ حامد

شف يا حامد

الصوره ما فيها شي يثبت انه انا..
و انا ما اعترف بالصوره لأني ما اعرفني الا بوجهي .. و وجهي ماهو بين ..
لذلك الصوره ما هيب لي... بعدين حنا كنا مخيمين في خلا .. وش جابنا بين هالمخيمات هذي؟

اما لو ثبت ان الصوره لشفق السريّع بعد ما اسأل اعضاء الرحله فالله يعين ابو
محارب على صورةٍ له عندي... اللي شافني اصوره حلـّفني اني احذفها.. و انا و لأني ادري
ان ابو محارب ما ينومن حفظت الصوره عندي.. بس خل لين نتأكد ان الصوره هذي لي..

ضيف المرقاب / علي بن حسن .. والمرقابي خفيف الظل / خالد السيحاني



هالحين اللي جاب علي إبن صامل لأم رقيبه مايجيبه عضو للمرقاب!!..

صور رائعه ورايقه .. الله يجعل تجمّعنا دائماً على العزّ والطاعه

ماقصرت ياناصر

بسم اللة الرحمن الرحيم :

من اروع ايام وليالي العمر . لاشك في تسيدها للذكرى...

فراج القرقاح :

هادي جدا , مثالي في اخلاقة وتعاملة , مبدع في المحاورة , محافظ على الصلاة في وقتها . يدخل القلب بدون استئذان , باختصار لم اذكر من فضائلة الا القليل .....

مشعان البراق :

شخص يجيد الجمع بين المرح والسخرية المحمودة في ان واحد. الابتسامة لاتفارق شفتية , نشيط خلقة , مدمن تصوير . واهم خصلة فية : استشاري في المناكح اللفظية .باختصار شديد مريض يرجى شفائه ...

خالد السيحاني :

مريض لايرجى شفائه.

فهيد بن عصيدان :

شاعر لم يطلع المرقاب الا على القليل من ابداعه . مستمع جيد وناقد من الطراز الاول. حديثة لايمل .جرئ في الطرح ...راقي التعامل ....

محمد رشيد :


قمة الهدوء , قمة الاخلاق . قمة التعامل . وصاحب حنجرة ذهبية ....

سلطان الاسيمر :

لم يسعفني الوقت في التعرف على مكنوناتة ... واقعي وخيالة الشعري يتسع للكون ومن فية

مرن في التعامل وجري فى الطرح ......

بالنسبة لامراض مشعان البراق وخالد السيحاني , ابشركم ان الدكتور يقول امراض حميدة ..

لي عودة مع البقية وكذلك خالد السيحاني


تحياتي القلبية الحارة............

ابو محارب :

انت رفيقي وواجب الرفقة يملي علي نصيحتك ..

طبعا تعرف اني محامي (متر) : ان رحت لحقوق الانسان قصوك بدون محاكمة ....

على طاري التهديد بالصور ...


((اللة يذكرك الشهادة ذكرتني العضوات))

بالنسبة للعضوات انا ماخليت عليها قشاش ..(مشعان البراق : ارجو عدم تحوير كلمة قشاش )

عموما لامانع من ذكر كل ماتحدثت بة عن العضوات . اللي بيسولف يأخذ راحتة . هذا تصريح علني ...

ملاحظة : تعابير الوجة والابتسامات عيت تطلع معي ...

شفق السريع :

الاب الروحي للرحلة , مرن في التعامل غير عن المنتدى , مركز معلومات متحرك , عقلية كبيرة ... اتزان في الاحكام .. خليط من الجمال العقلي والروحي ..


ناصر تراحيب :

قليل الكلام . اجابات مختصرة ومفيدة , تعليقات في الصميم . شخصية مريحة ..للرومنسية في حياتة نصيب كبير (هذا مالمست واللة اعلم) ..

خالد السيحاني :

مرح يصنع النكتة من اللاشي .. بياض الثلج صفتة كما قال الاسيمر . خليط من الجمال والفكاهة , لايمل حديثة ولقياة ..

لي علية ملاحظة بسيطة : كما حدثني بلسانه , يبدأ المواضيع ويستمر فيها الى ان تصل الى المرحلة ماقبل الاخيرة ثم يتركها معلقة ... عموما وان اخوك راح اكمل لك المواضيع المعلقة , لكن بعدين انتبه لشغلك انا مانيب قاعدا لك دائم .................


محمد صالح العتيبي :

قد يستطيع الانسان السفر الى المريخ , ولكنة لايستطيع ان يكره محمد صالح ...

محمد ال عبدان :

ماذا ينفع الانسان اذا كسب الكثير من الاصدقاء , وخسر محمد ال عبدان ...

تصبحون على خير

للحديث بقية ........