تواقيـع الأعضـاء " 6 "

الزمن ما ينعرف شرّه و خيره
مير من باب السلام ابدي سلامي
لو نعلِق فـالطويله والقصيـره
ما تفيـد البندقيّـه والحزامـي
يالله اني طالبك عفـو وستيـره
لا تجيني رمية ٍ من غير رامي

رمية من غير رامي

لـ تركي البادي

مـن لا يقلـط لرياجيـل مـدّه
ما ينحسب عند الرياجيل رجـال
والرجل لا خالط امزاحه ابّجـده
ادر ان اله في منزل الخبث منزال
واللي يبيـح للمخاليـق سـده
يغزيه من يومه ثمانيـن خيـال
والطيب لولا ريح عطـره ونـده
والله مايشرونه النـاس بريـال


أحمــد بن غالب

بدع القوافي وتحديـد إتجاهاتـي
ثنتين في بعضها ما هي بملزومه!

لـــ الاحمري ناصر

انت شوقي وان طويتك مع البعد المدي
ماالتقط له طاير الشعر لوحبـة شعيـر
كيف ودّك مهرة الفكر فالفكـر تعـدي
لو طرالك تحرم الودّ من سلك الحرير !!
خلّني مابين طـردي لنومـي وسهـدي
اترقّـب للتّشابـه بنفسينـا خشـيـر
فيك مني ندرة البوح عن سـرّ سعـدي
وفيّ منك الوحده وعشق تحديد المصير



لـ المبدع

عبداللطيف

خالد الحصيّن ينقلنا من خلايا النحل الى الطيور الجارحه ويقول ؟؟

انا طير جارح .. غير لا طرّوا المقنـاص
تلحّفت جنحانـي .. وخشيّـت مخلابـي!
ومن طيب ذاتي ياهل (ان الجروح قصاص)
ادير الجوارح بالعقل .. وامسك اعصابـي


تكفى يا بشّار ..

قام السوق وطاح السوق
ومؤشـراتـه تـشّـر
سهم ٍ تحت وسهم ٍ فوق
وبشرّ يا مبشّـر بشّـر
السارق خم ّ المسـروق
قلّ الخيـر وزاد الشـرّ
وقت ٍ ساق العالم سوق
وخلاّ البعيـر يعشّـر !

هههههههههههههههههههههههههههه


التختر

ما دام عيني تشوف و شوفها من حديد
الناس مانيـب فـي حاجـة درابيلهـا


للمبدع رحيم الغنامي

:
:

توقيع يقطر حكمـه .. !!
لـ (( سلطان )) :


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اذا بغيت تميّز المبدع على كل اتجـاه = حاول تركز بس في عقلية اللي يمدحه [/POEM]

ليش طبعك ياسواد ويابياض
ياتضيق بعنف والا تنبسـط؟
لك مزاج ٍ كنّه اجواء الرياض
حرّ والا برد ماعنـده وسـط



لهالداهية .. ابن بتلاء الله لايضره

ماغير امـوّل للحـزن فـيّ مـوال
واجـر صوتـي لليـال العسـيـرة
وألهي مع الاهين من ضيقـة البـال
واقول .. جعل بتالي الامـر خيـرة
دايم وانا فالهم من جال .. في جـال
والله ماخليـت فالـهـم .. ديــرة
والا .. ولي فارجاءهـا كـم منـزال
اقيم وارحـل .. والنتايـج مريـرة
الحال ( هوّ / هوّه ) .. وذالهم مازال
والنار في وسـط الحشـا مستنيـرة

لـ ناصر آل صامل



.

نعم لاجيت الصدق مانيـب صقّـار
لكن من رايي وحسـب اعتقـادي
ان الطيور انواع وصغـار وكبـار
واللي يضرونه على الصيد صادي
ومن العباد اسمع وخذ وجهة انظار
لكـن ابعطيـك الكـلام الوكـادي
الطيـر والله يـا صقاقيـر بشّـار
اللي مصوّر فـي قنـاة البـوادي

وطيراً يطير ويطرده في السما طير

مبارك ال خليفه

تعرف اخباري وانا مانيب اعرف اخبارك!!
انتهـت لعبتـك لا شوتـه ولا تمـريـره
لامتى وانا اتسمّـع وش تقـول اعـذارك
المحبه معـك مـن حفـره ليـا دحديـره
تذكـر مبـارك ولا تذكـر كـلام مبـارك
بارك الله فيـك دوّر لـك حبيـبٍ غيـره


يا سلام ولمبارك ال خليفه

الأرض تشكي من سمـوم القوايـل
لامن جفاها رايح المـزن والسيـل
والصدر يشكي من لهيـب الفتايـل
لاذاق طعم البعد عقـب المواصيـل
ثلاثـة أيـام .. أتصبّـر وآحايـل
دمعٍ يـدي وعمامتـي لـه مناديـل
إن حار في عيني عمل بي عمايـل
وإن طاح طاحت معه هيبة رياجيل !!
ياوجـدي من اللي لـه الحـال آيل
وياويلي وياويل عينـي وياويـل ..
.. قلبي وياويل الضلـوع النحايـل
من طاري الفرقا ليا عسعس الليـل
أسج مـع حلـم السنيـن الأوايـل
وأتـوق لأفـراح الليـال المقابيـل
وأجاهد ظروفـي بشتّـى الوسايـل
وأقول ياربّي عليـك التساهيـل !!


حبيب تسبدي رابع العشّاق ( ابن شوية )

..

جرحي اللي من اسبابك عطيب
تحسب انه بـرى / لا مابـرا !
كيف من سبة غيابـك يطيـب
انـت تـدري وغيـرك مـادرا
تدري اني بـ( حبك ) مستصيب
لين حالي مـن الحـب انبـرا
انقـل الهـم وأودي واجـيـب
وكل طاري علـى بالـي طـرا
ويش سويـت فينـي يالحبيـب
لد عينك .. وشوف اللي جـرا
ضاق من بعدك الكون الرحيـب
وصـار للهم بيـع ومشـتـرا
صرت ما افرْح عدو ولا صحيب
ولاحصلـي مـن الضيقـه ذرا
ورغم ظنٍ يخيـب ولايصيـب
مانسيـتـك ورب ام الـقـراء
اذكرك .. لأن نسيانك صعيـب
يوم ( كلٍ على همـه سـرا )
ياكثر ما أتسـأل .. والغريـب
انت لـ( الحين ) تذكـر ياتـرا
آآآآه ياليتنـي منّـك قـريـب
وانثر وردود الاشواق اجهـراء
لكن ( الذيب في وسط القليب )
والمشاريـه عـدت بـي كـرا
ليه صوت الامل مالـه مجيـب
وليـه واقعـك مـارد الـبـرا
كل ما احتجتك بـجنبي تغيـب
ابعـد امـن الثـريـا للـثـرا
كان مالي من احساسك نصيب
بـ( اتراجع ) عن احلامي وراء

لــ خامس العشاق (مشعان)

<<<<<<<<< يحسب انها بالترتيب

من لأجل عيني بكى قلبه قبل عينه
قل له لعينه بكى قلبي قبل عيني

لــــ محمد ال عبدان

سلامي عليه والله يعينه

ماينفقد في غيابه الاّ السنافي
ولاّ الردي ماينفقد في غيابـه
وأنا فقدت من الاصاحيب وافي
وأتلا العهدبه يوم قفّت ركابـه
أدخل على الله يالليالي العجافي
من صدّة الطيّب وميسم عتابه

لــ مبارك بن اعيينان

بعض القصائد "شعر على عماها "
لولا الوزن والقافيـه ماتصـدّق
وبعض القصائد ثابـتٍ مستواهـا
عيّت تفك لحامهـا كثـرة الـدق
لاشفت الأولى اشتقت للي وراهـا
وأقرب مثل:عندك شجاع المشدق!



.
وجهة نظر خاصّة

لـ .. عبدربه ..>>>>> معك في وجهة النظر بقوّة يابو عتيق .!

بوراشد رحيّم الغنامي

يقوول
"
"

ما دام عيني تشوف و شوفها من حديد
الناس مانيب فـي حاجـة درابيلهـا

سلامي عليك ياشيخ

رمح المفارق حقيقه رمحٍ مطنّي
راعيه لامن توسّدهـا توسّدهـا
مشعان يضحك عليّ العام يوم انّي
أعاني مْن المفـارق ومْتنجّدهـا
واليوم أشوفه يجرّ الصوت ويغنّي
يالربع أبشّركم إنّه راح في يدها !

لــ بن قنيص

هاخلكم تستاهلون انت وبو محارب

ذا الليل في قسم الفنون مطالب
فتّال ناوي بالشريـف يحـدّه
وانا بصفّه لين يعقـر غالـب
وان واجهه مشعان اعوّد ضدّه


عبداللطيف الغامدي ..

المتحدث الرسمي بإسمنا في صفوف فتّـال .. المناوئه لغالب الشريف ومشعان البراق

يا عرب يا هوه يا عالـم يانـاس
يـا مناديـب الأمـم وأسيادهـا
راحت الأرياق طاويهـا اليبـاس
والسجينـه خصمهـا جـلادهـا
وش ربحنا من ورا كثر الحساس
كل من يزعـج بصيحـه عادهـا
يقتبسها حسب داعيهـا إقتبـاس
كل ليله مـا أختلـف ميعادهـا !
واعذاب القدس من فتح وحماس
عذبوّهـا وأصبحـوا روّادهــا
حاوطوها بإسـم حـل الالتبـاس
ساقهـا الأوّل والآخـر قـادهـا
وجاك حزب الله على خط التماس
وصـبّ دلتهـا علـى بـرادهـا
تفزع السلطه على هوشة بساس
يخمشـون اللـي يفـك قيادهـا
وصمت الأمّه من ذهب وإلا نحاس
المطيّـه روّحــت بشـدادهـا



وجاك حزب الله على خط التماس
وجاك حزب الله على خط التماس


الله الله الله
د. سداح

( افااا ) وانا حاسب ٍ ظنك على ظني
واثر البشاير علـى ذبحـي تفندهـا
ان كان جت منك .. والله ماتجي مني
عشان خاطرك يابن قنيص / واجحدها
لكـن يالهاجـري رد الخبـر عنـي
هـذي وراحـت ولا عـاد اتعوّدهـا

لــ مشعان ردا على ابو صالح

ويبدو ان الوضع بدأ يتأزم
ناده فالنون وتفاهم معه صراحه
<<<<<< اعوذ بالله من الفتنه