( مقتطفاتي )

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلها اللهجات عندي ياغبي=بس يطغى لهجتي حس البداوه
قول يامسكين صرّح وش تبي؟=الرومنسيه وضحكاات الشقاوه؟
مخطي وغلطان والله وتهبي=من تكون أكتب علشانك حلاوه!![/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبوب الريح هبي واطربينـي=من البارح وأنا فالصدر ضيقه
ياليتك يالهبايـب تااخذينـي=على التياار واوصل في دقيقه
وأزوور اللي فْراقه مبتلينـي=وأقول بْحلم أنـا والا حقيقـه [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل لو طال السهر فيه راااحـه=أرتاااح لامن زان بدع التماثيـل
لعل تشفي من خفوقـي جرااحـه=وان كان مابيّحت يااامطول الليـل
والوقت روّعني بكثر انفتاااحـه=والنفس اصارعها ولو مابقى حيل
والله لو أسهر لين يطلع صباحـه=مااملّ لاغنّيت عـذب المواويـل
والود ودّي لو بغيـت الصراحـه=أكتب شعر للصّبح لو يطفح الكيل
للّعب في نفسي مزاج ومرااحـه=لاصار مشتاقه على اللعب بالحيل
والشاعر اللي واثقٍ من نجااحـه=يكتب حروفٍ عطرها الفل والهيل
وألقاف طاب وساهر الليل بااحـه=يحط من جزل التماثيـل ويشيـل
شعرٍ جزيلٍ عذب..يروي قراحـه=يطيب في بدعه حديـث التعاليـل
[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العطله اللي ننتظـر وقتهـا جـات=واهْـلْ الاجـازه مابَعَـد وقّعوهـا
صبري نفذ ياسعود واسْواتي اسواة=اللي تبي المـاء وارده وامنعوهـا[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودّي أدري ليش غايب يانسيم الليل عنـي=مادريت ان اكسجيني وانتعاشي من برااادك؟
لوبغيت أجحد غلاتك ياعزيـزي واستكنّـي=راحت حْروفي تْغرّد من فـؤادي لافـؤااادك [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أسري على الحس والهاجوس يسريبي=والليل الاسود يروح الحس مـارده
والجاهل اللي علي يرسل مناديبـي=مايدري إني مبي مزحـه ولاجـده [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحـروف الابجديه..تبكـي وْتشكـي علـيّـه=مادري وش هيّض الخاطر..ولاوش فْي الحروف
تشتكـي نومـه عميقه..والريـاح الموسميّـه=مبْطِيَهْ ماعـاد جابـت لـي مزابير..القنـوف
وان بغيت ألعب هْجيني..وان بغيت السامريّـه=كلها عنـدي تساوا..لا تحدّتنـي الظـروف [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيت أسجّل حضوري وابتدي من جديد=حضّري ياحروفـي واستعـدّي معـي
أبتدي باسم ربـي واستهـل القصيـد=والقوافـي حزينـه والحبـر مدمعـي [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودعتك الله يامسافر وغصـبٍ علـي=عيّت ظْروفي تطاوعني واسافر معاك
وشلون أسافر معك والحزن يغلي غلي=في داخل القلب ورّدني لحوض الهلاك [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاسترسل الشعر..جاه الشعر يسري معه=يبـدأ ابّيتين..وتستمطـر لـه الباقـي
كذا الشعر..يستحق اللي يجي يسمعـه=له التحيـه مـن اعماقـي والاشواقـي
[/poem].

زواري ومتابعيني

السلام عليكم ورحمة الله

وكل عام وأنتم بخير

والشهر عليكم مبارك

نسأل الله تعالى أن يعيننا وإياكم على صيامه وقيامه

ويتقبل منا ومنكم صالح الأعمال..ويوفقنا وإياكم لما يحب ويرضى

ودمتم بحفظ الرحمن’,,

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شهر رْمضان العام عنده واداريـه=بيـن الاطبّـا مالقينا اعْلاجـه
وشهر رْمضان اليوم خذت العزا فيه=ياشين دورات الزمـن واندراجـه
ذكرت يـووم أدق رقمـه واهنيـه=وذكرت يووم آتي واقبّـل احجاجـه
رقمـه بجوالـي ولا والله أمحيـه=حتى ولو ماتـت فتيلـة اسراجـه
صحيح قفّى وانتهى صوت راعيـه=لاشك لي بالرقـم مليـوون حاجـه [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصفحتي لاغبت عنْـكْ اعذرينـي=قصدي إلى منّي هجرتك من البووح
مدري حْرووفي ليش عيّت تجينـي=هي صايمه والا غَفَت داخل الرووح [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضايق الصدر..لاتشكي علي حالـك=ويضيق صدري معك..وازوّد جْرووحك
ماجت على كيف قبلك..لاجل تصفالـك=وكّل كريمٍ خلق..وارفق على رووحـك [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
علي عهد..لاهبّت نسايم هبوب اعصير=لاغنّي وانادي هاوي الشعر..يسمعنـي
وأغرّد على كيفي..لو أن السكوت أخير=ولو أن العوايد..بعض الاحيان تمنعني
وأنا حطّني ربي مره..لاحصل تقصيـر=ولْساني على بدع المثايل..يطاوعنـي [/poem]

--------------------------------------------------------------------------------

تشرفت بهذه القصيده من أحد إخواني الشعراء
يقول...

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إنشغل فكري وأنا أقرأ وأكررهـا وأعيـد=أثر في بعض القصايد وناظمهـا فـروق
القصايد نظمها يعتلي مـن فـوق حيـد=يتعب الناظم طموحـه تليـق بكـل ذوق
يانديبي وصل الخط مـع سـاع البريـد=الرسايـل ريحتنـا وتوفـي فالحقـوق
لاتعنا وأنـت فاللازمـه بأسـك شديـد=يكفي إنـك يانديبـي ولـد برقـا وروق
أخذهـا منـي رسالـه وقيدهـا بقـيـد=بإسم من يشرب بيمناه ويبـل الحلـوق
السلام ورحمة الله على جـزل القصيـد=السـلام ورحمتـه يافريـدات الطـروق
يامعان الشعر فالبـدع يالنـوع الفريـد=ياشعاع الشمس في غيبته وألا الشروق
شاعرة نجد العذيـه وبالأسميـن أشيـد=من ضميرٍ في حياته مع العالم صـدوق
السؤال اللي جوابه كما السيـف الحديـد=ينصر المظلوم ويقص في يدين السروق
وش مكانت شعركم مع هل الرأي السديد؟=ياسلايل من تعلى بمجده فـوق فـوق !!
[/poem]

فقلت هذه الأبيات..متمنية أن تصل لمستوى قصيدته
وأن ترتقي لذائقة الجميع..

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا بالشعر واللي نظـم جـزل النشيـد=شاعرٍ رتّب بْيوتـه مثـل صـفّ العـذوق
جاني المنـدوب مرسول..بالقـاف الجديـد=فيه من رمعـات الابدااع..مـازاد ويفـوق
شاعرٍ جاني قصيده!! ما اعرفه مـن بعيـد=شاعرٍ شامخ نظم لي مـن الابياات..طـوق
شاهدٍ لـي بالجزاله..عسـى عمـره مديـد=ساقني مدحه على روضة..القيفـان سـوق
غايتي واقصى طموحي..رضى الجمهور أكيد=واتشرّف وافتخر..لاشهدّتـوا لـي واتـوق
بس لاصارت على الخاص..قللي وش يفيـد=يقتل الابـدااع كتمه..ولـو كـان امخلـوق
والشعـر قدرات..والرابـح اللـي مستفيـد=وفايزٍ بالمنطـق الذرب..والجـاه الخلـوق
وألف صح الله لسانك..ولا ادري وش تريـد=(يُم)حَرَثت اغصون شعري..والحقت العروق
كيـف تبغاني..أقيّـم مكانـي بالقصـيـد؟=ومن مدح نفسه ظلمها..ولو جاب الوثـوق
[/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاطلبت القصيد وقلـت يالله تعـال=قال يابنت هاتي ماطـرى وابشـري
واستعدّت حْرووفي مثل صف الرجال=وامطر الغيث كله من على دفتـري [/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسعود حزني طير وعْروووقي اغصوون=وطيـر الحـزن قـام يْتنقّـل بْجوفـي
يلعب على التاجي ويجرح على الهـوون=بصوتٍ يلوف القلـب والـروح لوفـي [/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا ليل وظلام الليل موووحـش=ولو يلقى البشر ف/الليل راااحه
كساني ماكساني من غموضه=وصنع من قاتم ألواني وشاحه
ألوان الطيف ماجازت لْذوقي=ولاتلقى لها عندي مساحه
أحب الليل واسكن في ظلامه=خويي لين يطلع لي صباحه[/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله ياللي لاجلك النفس صايمه=عمّا تريد وُتشتهي تطلب رْضااك
والعين تسهر والمخاليق نايمـه=تقرأ كْتابك تالي الليـل تنخـااك
تطفي لهبها يووم ثارت سمايْمه=وترحم فقيدٍ راح من دارها جااك [/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حتيش لوتبكي عْيووني وحتيش=لوجاب فكري من جديد القصاايد
لاصار في جوّي من الحزن تشويش=لافايدٍ دمعي ولا الشعر فاايد[/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاغرّد القمري على الغصن..غـرّدت=لو كـان ذااك الفرق..بينـه وبينـي
يَطْرب على غصنه..وأنا اللي تشرّدت=مع ثورة أشجاني!..ودورة اسنينـي
يلعب علـى كيفه..وأنـا لاتـورّدت=أصيـر مثله..ماطلـع فـي يدينـي [/poem]