مسابقة قصيدة السارى انتهت بفوز عشير الغانمين

[ALIGN=CENTER]الان بعد اكتمال الردود يطيب لي ويشرفني ويسعدني ان اعرض كل القصائد الموجوده للتصويت حتى لااكون اخطئت بحق احد ولو ان المجال يتسع لاخترتها
كلها لانها من وجهة نظري متميزه وجزله وتستحق الجائزه
وفي انتظار (ازين الزين ) على ماقيل مع شكري وتقديري وامتناني واعتذاري الشديد للجميع والجائزه الان جاهزه للاستلام فما على من يحصد اكبر الاصوات الا الاتصال على الاداره المدير العام لاستلام الجائزه وللحميع تقديري وتحياتي واعتذاري...[/ALIGN]

هذه هى قصيدة الشاعر الساري

[poet font="Simplified Arabic,4,black,bold,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
ياصاحبي ويــــن الــرجــال الـوفـيـيــن=هــــــم مـــوتـــوا والا تــبــقـا بــقــيــه

قمت التفت يسار في الناس ويمين=في جهاتنا الاربع ونجد العذيه

دورت عـنــهــم بــيـــن قـاصــيــن وادنــيـــن=مـاشـفــت غــيــر آثــــار ورســــوم حــيـــه

صحيح احصل هرج ومقابل ٍ زين=وابشر وسم ولا تحل القضيه

ولاشفت غير اهل المصالح مقيمين=على المصالح يازبون الونيه

ولا بــقـــا الاعــويـــر وزويـــــر والـشــيــن=الـلــي لـهــم فـــي الـنــاس عـشـريــن نــيــه

واسـتـغـفــر الله مـــــا اعـــــم الـمـسـلـمـيـن=يــاخـــوك تـعـمــيــم الـخـطــايــا خــطــيــه

وجدي على هاك الرجال المسمين=توجد اللي شاف حوض المنيه

سلط عليه السيف في الموقف الشين=وضاقت عليه فجوج الارض الفضيه

او وجد من عانى التعب والامرين=يبحث ولا حصل رجال ٍ وفيه

يامن يبشرني بهم وله ثنتين=دعوه ....وكل اللي يبي من عطيه

يامن يبشرني بهم وله ثنتين=دعوه ....وكل اللي يبي من عطيه

يامن يبشرني بهم وله ثنتين=دعوه ....وكل اللي يبي من عطيه
[/poet]

==========
قصيدة الشاعر بدر البدر

[poet font="Simplified Arabic,4,red,bold,normal" bkcolor="transparent" bkimage="backgrounds/11.gif" border="double,4,gray" type=0 line=200% align=center use=ex length=0 char="" num="0,black" filter=""]
نادى المنادي في المراقب للأدنين "=" وهيض هجوس بالحشا داخليه
وغنت هجوسي والمخاليق ممسين "=" من حالها وفي حالها سرمديه
وعادت هجوسي لابدا الماقف الزين "=" غنّت وانا في ماقفي ماعليّه
ماجيت طامع في هدايا الكريمين "=" ولا جيت نصّاب لعين البريّه
لاوالله الاّ جابني شيب هالعين "=" من كثر ماشافت بدنيا دنيّه
اشووف لي ناس عن الحق لاهين "=" ولا جت مصيبه جرّو السامريه
لالا تغرك ضحكة السن والعين "=" بعض البشر يفرح لنا بالمنيّه
ياعزتي عن واحد ضيّع الدين "=" والطيب عنده والرخامه سويّه
ياللي تنادي خلق ربي ملايين "=" فيها الردى فيها رجال الحميّه
فيها رجال في المواقف شديدين "=" مداهل اهل الطيب ماهي بليّه
وانكان تبغاني احدد عناوين "=" اقوول ذالمرقااب مافيه زيّه
الرجل فيهم مثل سيف بحدين "=" وياسعد منهو في الشدايد خويّه
والطيب بين الناس ماله سلاطين "=" كل وكسبه والمراجل غنيّه
ياللي تنادي مرحبافيك واهلين "=" في حلّة عتاابه بلا عنجهيّه
قلته وابا وحده ولاهيب ثنتين "=" دعوتك يالساري وتبقى هديه

[/poet]

==========

قصيدة الشاعر عشير الغانمين

[poet font="Simplified Arabic,4,blue,bold,normal" bkcolor="transparent" bkimage="backgrounds/27.gif" border="double,4,gray" type=0 line=200% align=center use=ex length=0 char="" num="0,black" filter=""]
الشاعر الساري بعد حط بيتين = في خانة التوقيع تحت الهوية

سيّس لها ساسٍ يبا ياخذ اسنين= عمارةٍ لأهل العقول الذكية

على قواعدها خذت حول شهرين=شدت بمعناها العزوم القوية

أنا وغيري من جميع الحكيمين= وألا البليد يقول أنا ماعلية

تحكي عن الواقع بعد عام الألفين=الواقع اللي ما بعد شفت زيه

وتوافقت فيها جميع المضامين=من يعربيٍ يعشق اليعربية

لكن يالساري زعيم الأصيلين= أنا معك بالطيب قبل الحمية

قلت الصواب ولا يبا الصدق تخمين= اوافقك بالراي مية بمية

أهل الظفر والطيب والعز والدين=راحوا ترا ما باقٍ ألا شوية

في كل مليونين تلقا لك اثنين= حقيقةٍ يامسندي واقعية

حنا بعصر مغيّرين القوانين=فيه الخوي يزهد بسمعة خويه

كثروا به المسترزقة والوراعين=وراحوا هل الطولات فيه الضحية

في حكمه المخطي على الراس والعين=وفي حكمه الحسنة تجازا بسية

الله يزينها من اليوم وتزين= ما يملك الراعي صلاح الرعية

ردي وفا ياقاسم الليل قسمين= لكن هات الجايزة والهدية
[/poet]

=============


قصيدة الشاعر مناحي

[poet font="Simplified Arabic,4,black,bold,normal" bkcolor="transparent" bkimage="backgrounds/19.gif" border="double,4,gray" type=0 line=200% align=center use=ex length=0 char="" num="0,black" filter=""]
يا زيد سجل والحّق الحرف حرفين=واحرص على قرطاسة الملزميه
بعد قريت اللي لها حول يومين=متمثنيه وامثبته واعلويه
كتّابها يا زيد ما يشكي الدين=ولا جر ونتها لعين الصبيه
ولا هي على سلعه مزاود وتثمين=ولا هيب من وخّذت حلال ومطيه
شكواه يابن ابوي في وقتنا الحين=قل الرجال اهل القلوب النقيه
وانا ما الومه في زمان ابّو وجهين=يضحك بسن وضحكته مهزليه
يبور بالطيب ويوفي مليعين=ويالله دخيلك من خطا المشنويه
يالساري البيطار راحوا من اسنين=اهل الوفا ولا باقي الا شويه
تلقا خبرهم عند من فكره العين=وما قالوا اهل العرف والمعرفيه
ولا احب ازيد الا عسى فالك اثمين=وخوة خويٍ ما يبور ابخويه
وصل الله وسلم عدد ما ارمشت عين=على نبي الله شفيع البريه
[/poet]

=========

قصيدة الشاعر ابو تركي


[poet font="Simplified Arabic,4,black,bold,normal" bkcolor="transparent" bkimage="backgrounds/35.gif" border="double,4,gray" type=0 line=200% align=center use=ex length=0 char="" num="0,black" filter=""]
ابشر بهم يا عل ماضدك الديــــــــــن= والا عليكم ثار ثاير وهيــــــــه
انظر وتلقانا ترى فوق عاليــــــــــــــن= فالطايف المانوس حول الحويه
دروتهم لكن دلوك غاويــــــــــــــــــــن=واخذوك يم ديار قشرى سنيـه
انصى هل الطالات واترك هل الشين =وقضيتك بنحلها في شويـــــــه
فتح عيونك طب سوق المثاميــــــن =دور لمثلي ما يمـــــد الرديــــــه
اترك عمي الناس ومفتح العيــــــــن =دور لمن يعطيك جــزل العطيه
بعد العشا صل الك ركعه وثنتــــــــن =واطلب إله العـرش رب الرعيه
كب التوجد وادع ربـــك نهاريــــــــن=ولا تنتظر رزقك في يوم وعشيه
سيف(ن)على حق(ن) وسيف إله حدين=واعزتي لك لا رمتك الرميـــــــــه
اصحى توجد لو انا صرت فالصيـــن=خالك عزيز وما يضيع خويـــــــه
ابشر بهم امتون ما هم بمتنيــــــــن=وفرحتك فرحتنا وهي الهديــــــــه
[/poet]

==========


قصيدة الشاعر سعود الحافي

[poet font="Simplified Arabic,4,red,bold,normal" bkcolor="transparent" bkimage="backgrounds/20.gif" border="double,4,gray" type=0 line=200% align=center use=ex length=0 char="" num="0,black" filter=""]
صحيح راح رجا ل دنياء وهل دين=وشجعا ن يسا ري وفيهم حميه

الي بوقت الا زمه مستعد ين=زحو ل الرجا ل أ هل النفوس الرضيه

ولا عاد با ق الا ضعوف ومسا كين=أ هل المشا كل والنفوس الرديه

ولا ذم كل الناس أبه ناس وا فين=لكن مع من قبل ما هم سويه

الفرق واضح مثل مكه عن الصين=لكن ربك عالمٍ بالخفيه

ولا بد ما تندا ر الايا م وتزين=لكن خلك عا لي المعنويه

لد النظر قدا م وتشوف بالعين=عان البروق تلوح والنار حيه

واصل مع الطر قه وسوق الا بعا رين=الطيب يبغى له عزومٍ قويه

خلك وسيع البا ل يبن الكر يمين=لوبه بقاء بقى الى هك نبيه

المصطفى الها دي اما م المصلين=الي بدين الله محى الجا هليه
[/poet]

============

قصيدة الشاعر ماجد الدغيلبي

[poet font="Simplified Arabic,4,black,bold,normal" bkcolor="transparent" bkimage="backgrounds/67.gif" border="double,4,gray" type=0 line=200% align=center use=ex length=0 char="" num="0,black" filter=""]
يا مرحبا ترحيب حاضر بلا دين = من خاطراٍ ماله على النظم نيه

هزه وهز القلب شوف العناوين = في ساحة المرقاب وجد واسيه

كررت نظراتي على على الخط بالعين = مطلوب رد القاف والوقف زيه

قربت انا الدفتر وحطيت حرفين = ردٍ لراع القاف ما بغى جزيه

ياللي تنشد عن علوم الوفيين = ترا الوفى ماجود مثل الحميه

ماجود في ناسٍ على الارض ماشين = خطو الردي يفدى الوجيه الوفيه

يظهر مع االجواد فالعسر واللين = اهل القلوب الصافيه والنقيه

واللي رحل وان حط من فوقه الطين = عساه يرحم والا وادم عريه

والا الردي واهل الحسد والخبيثين = واحدهم لدعواه يجحد خويه

وياكثرهم ياصاحبي بين قوسين = عسا يديهم ماتصافح ديه
[/poet]

=============

قصيدة الشاعر محمد هضيبان

[poet font="Simplified Arabic,4,blue,bold,normal" bkcolor="transparent" bkimage="backgrounds/13.gif" border="double,4,gray" type=0 line=200% align=center use=ex length=0 char="" num="0,black" filter=""]
سلام وتحيّة وفاء .. للوفيّين=أهل العقول النيّرات الزكيّه
الطيبين الغانمين الحبيبين=كسّابة الجزلات وأهل الحميّه
الأكرمين المكرمين العزيزين=مني لهم رد السلام وتحيّه
تحيّةٍ منها تعط الرياحين=حاشاهم أهل النمنمه والحكيّه
الناجحين العاقلين المصلين=وهيلن وبّن ودلةٍ شاذليّه
المفلحين الصالحين الحليمين=عندي لهم قدر ولهم مقدرّيه
لطّامة العايل على الحق والدين=صغيرهم خيّال بنت العبيّه
ماهي جديده من عصور القديمين=توارثوها غصب ماهي عطيّه
برخم السيوف مطوّعات السلاطين=بواسلٍ يردون حوض المنيّه
مشكور يالساري وعلى الراس والعين= يالطيّب الطيّب يعدك خويّه
يارب تجمعنا على الحق ,,آمين=ياجامعٍٍ بالدين حسنه وسيّه
[/poet]

[ALIGN=CENTER]اخوانى واخواتى السلاام عليكم


انتهت المده المحدده لهذا الموضوع


والمسابقه الرائعه


ويتضح للجميع ان الفائز بهذه الجائزه هو

عشير الغانمين لحصوله على 12 صوتااا




الف الف مبروووووك لبو عتيق




الف الف شكر للساااري

الف شكر لبقية المتسابقين


عشير كلم خالك معيض واستلم الجائزه منه


تحياااتى [/ALIGN]

الف الف الف مبرووووك




يبو عيسى



تشاوووووووووووووو

عساه مبروك ..


يستاهل ابو عيسى ..


وبيض الله وجيه البقيه وصحت السنتهم


تحيّاتي

الف مبروك شاعرنا المبدع ..

عشير الغانمين واميرهم ..

يستاهل ابو عتيق ..

ولاهانوا بقية المشاركين وصحت السنتهم وقلوبهم ..

محمد الكرشمي يعطيك العافيه على هالتنظيم الرائع ..

ولاهان الساري صاحب الفكر والراعي الرسمي لهذه المسابقه المتميزه ..

اكرر مبروك عشير الغانمين .. هاردلك بقية المتسابقين

<-------- هذه واحد منهم

التحيه والمحبه والسلام ،،

اخوكم المناحي

قصائد فاخره



ودرر مصونه




ألف شكر للسارى لهذه الفكره الطيبه والمعنى الطيب




وألف مبروووك لعشير الغانمين




معلمه قايله أنت داهيه من دواهى الشعر




ومبلشنى يقول تلميذ





تحياتى

الف مبروك يا عشير الغانمين

و تستاهل الفوز و الجايزه


و الحقيقه ان الفائز الاول و الاخير هو نحن و الشعر .. فكل القصائد
كانت قمه و كانت روعه و كانت باذخة الجمال....

فللجميع كل الحب و التقدير

اخوكم و مغليكم

شفق السريّع

ماشاء الله

عز الله انى قريت قصايد رايعه والله يسلم السارى على هالمسابقه
والف الف مبروك لعشير الغانمين

ابو عتيق

لاتنسا منتدى المواهب يبيله ديكورات واثاث جديد واناره ومكيف مركزى والجايزه اخذتها يعنى مالك عذر




تحيااااتى لكم

لا أعلم ماذا أقول لكم ،

لا أعلم كيف أشكر كل من وقف معي وشجعني وصوت لصالحي ، مع العلم بأن بويتاتي ليست أفضل من باقي القصائد العملاقة ، بل تكاد تكون آخر الترتيب !
ولم أكن أتوقع لها الفوز ، ولكن الحمد لله على كل حال .

الساري ... شكراً لك من الأعماق على هذا الحافز وهذا الدعم والتشجيع للشعر والشعراء .

شكراً أقولها مراراً وتكراراً مع العلم بأنها لن تفيك ..

حفظك الله لنا ولكل من يحبّك ، واطال الله عمرك على طاعته وتقواه ..

ابو حمووود ...
شكراً جزيلاً على حسن التنظيم ، ومتابعة الموضوع ، وكل جهودك الواضحة في هذا المجال . بس ليه ماعدّلت الكلمة اللي قلت لك ، يعني لو لا ستر الله وعدم تساوي الأصوات تسان مافزت !

>>>>> توح اولا وش يقول ؟

ههههههههههه


شكراً
شكراً
شكراً يابو حمود مرة أخرى ، وخالي معيض وش دخّله فالدعوى ؟!
إن تسان يبا يجوزني نورة عطيته الجائزة مهر!

>>>>> أمحق مهـــــــر

هههههههههههه

وألاّ خلّه يرسلها بسرعة أبا أقترشها وأعبي بها بنزيم!!!!


>>>>> على البلاطة وقفنا ... ثم تربعنا .






جميع الأخوة أعلاه ....


شكراً لكم من كل قلبي ، على شعوركم ، ونبلكم وكرم أخلاقكم التي لا تستغرب من أمثالكم ، مع أن نصف الردود كانوا من ضمن المنافسين ، ألا أن أصالة أنفسهم وعفّتها وإيثارهم للغير ، طغت على كل الأمور الدنيوية .


شكراً للجميع من جديد ، وأقدرنا الله على رد الجميل بمثله!


وتقبلوا وافر تحياتي وعظيم امتناني.

انا اعترض على التصويت وابي محامي