وفــــد الحكومــه .... السديري

#1 29-05-2004, 12:07 PM

[poet font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=skyblue,direction=180)"]
يـقول من شرّف على روس الاقذال = راس الـطويل الـلي نبا من رجومه

رجـمٍ بـراسه لـلمشاكيل مـدهال = مـيقاع سمح الريش من عقب حومه

فـكرت بـالدنيا .. بـالأقفا والأقبال = تـضحك وتـبكي بـالغاتٍ رسومه

وقـامت هـمومي بالصناديق تجتال = وزفـرات بـانت بالضماير .رقومه

حـوّلت مـنه وخاطري للوفا...مال = يـم الـعزيز الـلي فـؤادي يرومه

لابو بدر .. ساس الوفا مرخص المال = الـلي مـن الـمعروف فصّل هدومه

وافـي ويلبس له من الطيب سربال = درعٍ عـريـضٍ ضـافياتٍ كـمومه

خـطه لفا..في صفحة الطرس سيال = قـافٍ بـصفحة بـاغةٍ ومـختومه

فـتحت لـه بـالقلب بـاب له أقفال = وفـكري صحا..لابو بدر عقب نومه

أهـلاً عـدد مـاكان نـازل ورحال = مـن سـوق نجرانٍ الى سوق دومه

واعـداد مـايسكب من الغيث همال = وبـلٍ عـلى وبـلٍ تـسابع اهشومه

عـقبه زهـور الورد بالعشب تختال = فـيه أم سـالم كـل رجـمٍ تـهومه

تـلعب طـرب بـألحانها تشده البال = مـاهيب من خضر الرياض محرومه

مـاسايلت مـن قـول شامت وعذال = ومـاهمها ... نـوّاب وفـد الحكومة

راع الـوفا..له داخـل القلب منزال = لـو دونـه ...ديـار وساعٍ خرومه

يـابو بـدر .. تـبدلت كل الأحوال = حـتى أشـقر الـجنحان بدّل ببومه

وجميع شيمات العرب صارت أطلال = مـثل الـهدام الـلي وسـاع ثلومه

دنـياً يـشيّب هولها روس الأطفال = ولاعـرفـنا بـدرها مـن نـجومه

مـنها الـجديد إمـبدلينه بـالأسمال = واوبـاش وأنـذالٍ ..تـرفع خشومه

أقـفت سـنين الـخير عنّا بالأعجال = وشـفنا سـنين الـسو شومه ولومه

دنـياً ضـحايا قـدرها كـل ريبال = نـطّـاح قـالاتٍ يـجي بـالزهومه

دنـياً بـغفلتها ركـض كـل ختال = وكـم خـيّرٍ بـالغدر تـوكل لحومه

الـخبث لـه بـايع وشـاري ونقال = والـطيّب إرخص مالقى من يسومه

وديـك الـدجاج مـعلّق فيه خلخال = وحـطوا مـفاتيح الذهب في إبهومه
[/poet]

الامير محمد الاحمد السديري - رحمه الله