قصيدة الشاعر الكبير عبد الله بن زويبن في الشيخ عليان الطهيمي // قمة في الجزالة //

هذه القصيدة قالها الشاعر الكبير عبد الله بن زويبن الحربي في الشيخ عليان بن راشد الطهيمي الحربي أحد وجهاء منطقة حائل :


[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
راكب اللي والنجوم اللامعاتي = في سماهن والصباح يشع ضيه
بين حي الجامعة والمرسلاتي = واستدار امع الخطوط الدايرية
ما التفت راعيه يم اللافتاتي = حافظ كل الخطوط الريسية
أول أسمه بالثلاث المفرداتي = رقم خمسة بالحروف الأبجدية
تو لوحاته عليه مركباتي = صادرات من مرور الناصرية
وارد توه حديث مواصفاتي = يلتهب بديه ويلمع داخليه
كن طبلونه جهاز مراقباتي = في حدى المستشفيات المركزية
شاشة لنباتها مثل السفاتي = للدماغ مخصصة والباطنية
تنكشف به بالضروف الطارياتي = دقة القلب السريعة والبطية
وكشنه الداخل زلول ناعماتي = قبته وارضيته والجانبية
والمراتب من جلود الزاحفاتي = ماآدري هو جلد داب أو جلد حية
ماقطعت الشك مير مموهاتي = مثل تمويه البدال العسكرية
بديه أدهم والخطوط مذهباتي = مثل عقد الماس في عنق الفتية
والزوايا والركون مصفحاتي = مايله والواجهه مثل الخلية
بين شمعات صغار مربعاتي = والعلامة وردة في مزهرية
يوم مريت العيون الساهراتي = قوةٍ للأمن في حجم السرية
قبل ما آقف عندهم واطلع اثباتي = صفو العسكر ودقوا له تحية
مشترينه للديار النازحاتي = والخطوط المتعبات السرمدية
الطوال اللي تشق النايفاتي = باتلات مثل بطن البندقية
ماتخاويه الرياح الذارياتي = والوحش والطايرات المروحية
كن له جنحان مثل الطايراتي = يرفعنه فوق مدري جاذبية
وكن ماله من خلاف مساعداتي = قوة الماطور ترفع مقدمية
وان عطيت ابه الفجوج الخالياتي = فزته تعطيك عزم ومعنوية
ماوقف يطبخ بلوفه ذايباتي = والشراب مغلق من تانكية
وإن نظر راعيه مع كل الجهاتي = مايشوف الا الخلا والمهمهية
للسراب وللمعاصير اعتماتي = عبلةٍ جردا وشمسٍ صنقرية
وأيس المسكين من تالي الحياتي = وأرتكى فوق الكفر يكتب وصية
كن جَلده جَلد خيل هاجماتي = ? أول الغارة فرس شيخ الغزية
أن هجم قدم السباق الأولاتي = يشتبك هو والعدا فوق العبية
وان رجع يثني خلاف التالياتي = يقهر السبق ويرجع للردية
وإن كسب حم الذرا والمسرجاتي = مايخيب ضن من قال الحذية
غازيٍ يبغى النقى قبل الفواتي = غاديٍ له عند عدوانه شفية
أزعجنه بالصياح الناعياتي = كل ما نادى المنادي في سميه
أتعجب بالعلوم الماضياتي = وألتفت في موتري واذكر مزية
مع جراديح الحزوم النابياتي = كن حذفه للحصى حذف أهوشية
لا وطى له مروةٍ راحت شتاتي = كل قطعة طيرت مثل الشضية
يم حايل من شمال امغرزاتي = ماقصد غير الطهيمي في مجية
ناصٍ عليان في موضوع ذاتي = مايسده واحدٍ مابه حمية
ما يسده غير راع الواجباتي = يوم ولد اللاش يبخل في طلية
والدلال الصفر دايم والماتي = من قديم الوقت راعي شاذلية
والعشاء كثر الضيوف امفطحاتي = كل واحد له ذبيحة في صينية
كنس ماهن من المستورداتي = ما يجيب البربري والساكنية
ما يجيب الا السمان الغالياتي = يتخير في نجد نجد العذية
بين حايل والقصيم مربعاتي = بالفياض اللي مناضرها بهية
من بعد سيل الوسوم مسيلاتي = مرتين امن المزون العقربية
أول الناوة سيولٍ جارحاتي = وآخر الناوة قرى صمد وشغية
الزهور اللي على روس النباتي = يشبعن إبها الضحى وأرضٍ مرية
ما تثنن بالمراح مهوجراتي = ولا عطوهن من علاج البيطرية
والمداخن بينهم متعاقباتي = كل وحدة راسها ياخذ أوقية
ما قطع فيهن عطور السيداتي = ريحة المعمول ولى الجاونية
مايخلي نافذه لأهل الشماتي = جعل مايبقى لتاليهم بقية
وله عوايد بالعطايا المعجزاتي = الجيوب الشهب يعطيها هدية
ومن بغى يزعل من العلم الثباتي = ما عليَه منه والله ما عليه
إن زعل يرد البحور المالحاتي = إن رضي ولى إيبنط في طمية
يا ولد راشد بدون مجاملاتي = حايزٍ كل المزايا الجوهرية

.


[/poet]

محمد البيضاني


وقصيده فااخــــــــــره .. مطرزة بالابداااع .. و الجــزاله ..


قصيدة شاااعر كبير .. في شخصية .. كبيره


الشاااعر القدير ابن زويبن من ابرع الشعراء .. شااعر معروف .. ومتميز

والشيخ الطهيمي .. ذاائع الصيت .. بكل علم غاانم


محمد كل التقدير لك .. وشكرا جزيلاً على هذا الاهداء المميز


ودمت غالياً .. شاامخاً

لاهنت يامحمد




وصح السانك والسانه






اختيار موفق





تحياتي لك

لله دره ما اجزله واروعه ..

شاعر كبير وقصيده من ذهب .. وفى المادح ويستاهل الممدوح ..

محمد البيضاني شكراً من القلب على أختيارك لهذه الدره الثمينه وصح لسان شاعرها الكبير عبدالله بن زويبن الحربي ..


سلامي لك وأمتناني يا محمد ،

أخوك ومغليك ..

اخي ناصر تراحيب

اخي سالم الحصين

اخي مناحي

تشرفت بمروركم على هذه المشاركة

وسعدت كثيرا بما قلتم و اعدكم بالكثير إنشاء الله

وشكرا

[align=center]عبدالله بن زويبن انشهد بالله انك بحر ..



ويستاااهل المدح عليان الطهيمي . .




جل التحااااايا والتقدير ..












[/align]

يطربني هذا الشاعر البحر

لاهنت وانا اخوك على اختيارك العذب

محمد البيضاني


لاهنت

لله دره ,

ابن زويبن عبدالله احد المدارس الشعريه المعاصره , والاطلاع على نتّاجه درس مجاني ,

والطهيمي يستحق هذا واكثر ,


محمد البيضاني
كل الشكر على ماتقدم من مواضيع قيّمه , وترانا فااااااقدينك


سلامي عليكــ .,

شاعر بحر بحر بحر

ونقل موفق جدا

.

صح لسانه

ولاهنت على النقل المميز

تقبل ودي وتقديري

صح لسان ابن زويبن

والطهيمي يستاهل

ولاهنت على النقل المميز

معلقه ثامنه

معلقه ثامنه

معلقه ثامنه

معلقه ثامنه

محمد البيضاني شكرا علي النقل

الاكثر من رائع

تقبل تحياتي ومروري

قصيدة

جوهريّه جوهريّه جوهريّه

من شاعر علم


بيض الله وجهك يا محمد على هذا الاهداء الثمين ،



..

ما يجيب الا السمان الغالياتي = يتخير في نجد نجد العذية
بين حايل والقصيم مربعاتي = بالفياض اللي مناضرها بهية
من بعد سيل الوسوم مسيلاتي = مرتين امن المزون العقربية



الله الله

ابدااع من شاعر علم



مشكوور على النقل والله لا يهينك

من اروع ماقريت
في الوصف والمدح

صح لسان الشاعر الكبير بن زويبن
ولاهنت يالبيضاني