مشاعيب مدباس .... (2)

السلام عليكم
اخواني المرقابيين ، ( الزعل ممنوع .. والعتب مرفوع )




ايوه يا ناب شعري وآه يا ضرسي
لاصار نظم القصيد يزاحم القلطـه !
( بيت لسعد براك )

* آه يا ضرسي ...!! مع احترامي لك تراك من جنب التلقائيه يبو الشباب !



وبما أني إرتَكَبت هذه الحماقه بإنزال القصيده هاهُنا!..
( مقدمه لقصيده لعبد الرزاق الذيابي )

* وشهد شاهد ٌ من اهلها ! .. انا ما قلت شي !



في الحياة القدوه هو الرسول صلى الله عليه وسلّم
وفي الشعر ..ليس هناك قدوه أمثل !
(ناصر الاحمري في موضوع اسألني واجاوبك)


* وش فيه ضيدان بن قضعان ؟ !



اخوي الصغير
محمد جارالله

منو اللي سرق ايميلك؟؟؟؟
علمني به !!
(الجافل تسأل محمد جارالله )

* شوي شوي يا ابو جفله لا تهوّر ، السالفه ما تسوى !



( كلك حلا والحلا ) واحد من فنونـك
( كلك بلا والبـلا ) تينـك ورمانـك
( بيت من قصيده لتركي الديحاني )


* بيتك هذا حديث عربٍ على جال ضوهم ، معليش !



أمسية شعرية للسامر بالكلية الحربية
( خبر فالصحافه لسعود النفيعي)

* ترا التغطيه والخبر ومش عارف ايش ما توكّل خبز وانا ابوك ،، دوّر لك كم بيت وعش مع الرياجيل ..!



بحر الهوى مافيه عاشق لا بدا ترويج حبّه لـ المخاليق غاصه
يصـبـــر على عــومه ولوّ انّ البحر تسعين قامه كيف يقدر ينصّــه ؟
(بيت من قصيده لعبدالعزيز الغنامي)


* ياخي شكلك فسقان حيل ، اعتقد لو تجزّء البيت هذا راح يطلع معك من خمس الى عشر قصايد وتكون سهله للقراءه والفهم !



لو درووا بي المختلف ولا فواصل
اكثـر الشعـار قفيـت بنصيبـه
( بيت من قصيده لزايد بن كروز )


* اخس يا ابن الذيب !



ماي لاف رد شيز هيرها فري عكـش
وألآي سيـم الهـوك سـو ياطيبهـا
( بيت من قصيده لعبدالله القثامي )


* اشغلونا المعجبين فالشريط الاهدائي عبدالله القثامي عبدالله القثامي ، وآخرتها طلعت كذا !



من شفت انا الغتره مثل لبسة الكـاب
غسلت انا ايديني بصابـون فيـري!
( الحصيّن في احدى قصائده ) !!

* افرح يا عم تراك اول من وظف مستلزمات المطبخ بالشعر الشعبي عقبال ما يكتب غالب الشريف بيت عن ( الكلوركس ) !




الا ياخشم ياخشم الجريد اللي على طاريك
( شطر من بيت لثواب الحارثي )

* طال عمرك مجلة تسالي للاطفال طلبت من ادراة الموقع هذا الشطر لوضعه مع شطر الشاعر سلطان الهاجري ( الا يابحر يابحر الخليج اللي على شاطيك ) تحت عنوان ( أوجد الفروق السبعه ) !