وصيّة الشاعر المرحوم : بركات الشريف ../.. لإبنه : مالك

.


بعد أن طلبها أحد الأصدقاء .. أتمنى ان تبقى مكانها
هذه القصيده .. الجميله .. الرائعه .. وهي وصيّة
الشاعر المرحوم بإذن الله :
( بركات الشريف ) ../.. لإبنه ../.. ( مالك )
تابعوا





[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا مرقب بالصبح ضليت اباديك =ما واحد قبلي خبرته تعلاك
وليت يا ذا الدهر ما اكثر بلاويك =الله يزودنا السلامه من اتلاك
يللي على العربان عمت شكاويك =وليت يا دهر الخطا ول مقواك
واليوم هالكانون غادي شبابيك =تلعب به الارياح من كل شباك
يا مالك اسمع جابتي يوم اوصيك =واعرف ترى يا بوك بامرك وانهاك
وصية من والد طامع فيك =تسبق على الساقه لسانه لعلياك
اوصيك بالتقوى عسى الله يهديك =لها وتدركها بتوفيق مولاك
الله بحق اجدادك الغر يعطيك =رضاه مع كل ما تمنى من امناك
احفظ دبشك اللي عن الناس مغنيك =اللي الى بان الخلل فيك يرفاك
واعرف ترى مكه ولاها ابن اخيك =لو تطلبه خمسة دواوين ما اعطاك
اجعل دروب المرجلة من معانيك =وادراج سيسها على العز مرقاك
لا تنسدح عنها وتبغيني اعطيك =جميع ما يكفيك ما حاصل ذاك
احذر امر ليعات تبيها لتاليك =ايضا ويرخص عندها قدر مأواك
ادب ولدك ان كان تبغيه يشفيك =واستسعفه من بعد مرباه يالاك
اما سمج واستسمجك عند شانيك =ويفر من فعله صديقك وشرواك
والا بعد جهله ترا هو بياذيك =لو زعلت امه لا تخليه يالاك
واحذر تضيع كل من هو ذخر فيك =معروفه لا تنساه واوفه لعرفاك
ترا الصنايع بين الاجواد تشريك =الى طمعت بركزها لا تعداك
واحذر سرور بغبة البحر يرميك =ولا عنده افلس من تشكيك وبكاك
واوف الرجال حقوقها قبل تعنيك =لا تعتمد بالعفو فالحق يقفاك
وهرج النميمه والقفا لا يجي فيك =واياك وعرض الغافل اياي واياك
تبدي حديث للناس فيه تشكيك =وتهيم عند الناس بالكذب واشراك
واذا نويت احذر تعلم بطاريك =كم واحد تبغي به العرف واغواك
واحذر شماتة صاحب لك مصافيك =والى جرا لك جاري قال لولاك
ولا تحسب ان الله قطوع يخليك =ولا تفرح ان الله على الخلق بداك
ان اشتهى حط الطمع في تواليك =لو ما لقيته يا فتى الجود يلقاك
والضيف قوم له حين يلفيك =مما تنوشه يا فتى الجود يمناك
اكرم قباله فانها من شواديك =وابذل له المجهود ما دام يعناك
واحذر تلاقي الضيف مقرن علابيك =خله محب لك صديق اذا جاك
واوصيك زلات الصديق ان عثا فيك =ما دام يغطاها الشعر فاحتمل ذاك
راعه ولو ما شفت انه يراعيك =عساك تكسر نيته عن معاداك
واحذر عدوك لو ظهر بيصافيك =خلك نبيه وراقبه وين ما جاك
لا تامنه فاطلب من الله ينجيك =ويكفيك ربك شر ذولا وذولاك
شفني انا يا بوك بآ مرك وانهيك =عن التعرض بين الاثنين حذراك
اذا حضرت طلايب مع شرابيك =اسع لهم بالصلح واللاش يفداك
ابذل لهم بالطيب ربك ينجيك =لا تجضع الميزان مع ذا ولا ذاك
اما الشهادة ادها ان دعوا فيك =بين عمود الدين لا عميت ارياك
بالك تماشي واحد لك يرديك =طالع بني جنسك وفكر بممشاك
رابع اصيل في زمانك يشاكيك =والى شاف خملاتك عن الناس غطاك
واحذر عن طرد المجفي حذاريك =عليك بالمجبل وخل من تعداك
ثم العن الشيطان لياه يغويك =ترا ان تبعته للشرابيك وداك
واوصيك لا تشتكي علينا بلاويك =انت السبب اخذك عيونك بيمناك
واعرف ترا اللي وطا الفعر واطيك =ولا انت اعز من الجماعة هذولاك
المسك يا راسي عن الذل واخطيك =واحذر تكلم يا لساني حذاراك
والطف بجارك ثم قم دون عانيك =وافطن الما يعنيك عن ربعة اخواك
يا ذيب وان جتك الغنم في مفاليك =فاكمن الى حيث الرعايا اتعداك
من اول يا ذيب تفرس ابياديك =واليوم جا ذيب عن الفرس عداك
يا ذيب عاهدني واعاهدك ما رميك =ما رميك انا يا ذيب لو زان مرماك
والنفس خالف رايها قبل ترميك =ترا لها الشيطان يرمي بالاهلاك
ومن بعد ذا لا تصحب النذل يعديك =وعن صحبة الانذال حاشاك حاشاك
والهقوة انك ما تجي دون اهاليك =ولا اظن عود الورد يثمر بتنباك
والحر مثلك يستحي يصحب الديك =وان صاحبه عاعا معاعات الادياك
لا تستمع قول الطرف يوم يلفيك =بالكذب يقضي حاجته كل ما جاك
من نم لك نم بك ولا فيه تشكيك =ويلاه قد ازرا رفيقك وازراك
عندك حكا فينا وعندي حكا فيك =واصبحت كارهنا وحنا كرهناك
ما اخطاك ما صابك ولو كان راميك =واللي يصيبك لو تتقيت ما اخطاك
مير استمع مني عسى الله يهديك =النصح يا مالك لك الله مولاك
عندي مظنه ما تمثلتها فيك =واطلب لك التوفيق من عند مولاك[/poem].

من اول يـا ذيـب تفـرس ابياديـك
واليوم جا ذيب عن الفـرس عـداك
يا ذيب عاهدني واعاهدك ما رميـك
ما رميك انا يا ذيب لو زان مرمـاك




البيوت التي اصبحت رمز في كل شئ


رحم الله بركات وابنه..
وعاشت النصيحه على مر الاجيال



شكرا على هذا النقل الموفق

قصيده خالده

شكراً اخي الفاضل .. على هذا النقل المثري

من أروع قصائد النصح ولازالت عالقه في تاريخ الشعر النبطي


شكراً سلطان



تحيتي

يسعد مساك ومسا من طلب هالرائده


قصيد يستحق تكرار المرور عليه

اجدت الاختيار استاذنا

شكرا لك ولاعدمنا مشاركااااتك

كل التحيا والتقدير

سلطان النواف
لاهنت
على النقل المميز
وقصيده تستاهل التثبيت

وتقبل سلام
اخوووك

يتيمة الشريف بركات؛ معلقة الشعر الشعبي

أشكرك شكراً جزيلاً على اهتمامك بهذا الشعر الخالد

وتقبل تحياتي؛؛؛

اخوي


سلطان النواف


شكرا يالغالي على هالاختيار الموفق

ولكن اعتقد انك نسيت المطلع وهو


يالله ياللي كل الامات ترجيك

ياواحد ماخاب حيّ ترجاك

يارب عبد ما مشىفي معاصيك

ولا يمشي الافي محبتك ورضاك


على العموم شكرا اخوي سلطان