المرقاب يرثي الفهد .. هنا قصائد الأعضاء في رثاء فهد بن عبدالعزيز (( بدون ردود )) !

السلام عليكم ورحمة الله وبركاته ،

لاشك ان المصاب جلل والحدث كبير ومؤلم ، نحمد الله على قضاءه ونشكر جميع من أجتهد بالمشاركه في رثاء الرجل العظيم فقيد العالم بأسره خادم الحرمين الشريفين ( فهد بن عبدالعزيز آل سعود ) رحمه الله رحمة واسعه وتجاوز عنه وغفر له وأسكنه جناته ..

وإيماننا منا بخصوصية الحدث وحجم المصاب ، رأينا فتح هذه النافذه لوضع قصائد الأعضاء المشاركين في رثاء الفهد رحمه الله ليسهل على المطلع قرائتها .

راجين من الجميع ان يكون هذا الموضوع دون ردود ، لكي نخرج بلوحه شعريه مرقابيه تمثلنا جميعا في رثاء حبيب الجميع وزعيم الإنسانية فقيدنا الكبير .

ومن يحب المشاركه بقصيدة هنا ، نتشرف بتكرمه في وضعها هنا لإكمال هذا العقد المعبر والمميز ..
وسنقوم بنقل جميع المشاركات الخاصه بالحدث الى هذا المتصفح دون الرجوع لاصحابها


شاكرين للجميع تفاعلهم وراجين أن تكون المشاركه هنا بقصيده رثائيه دون ردود .




مرثية الفهد ( 1 )
شعر / موسم سفر القثامي


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
أسوا خبر جتبه محطات الإعلام=أعلن به الديوان توجع إسهامه
مصعبك يا لأثنين من بد الأيام=يومك كئيب أضفى علينا عسامه
آخر شهر ستة تناهيد وسئام=للفاجعة موعد وحلت غمامه
عم البلاد الحزن في جوّه اكتام=أحزان ولا فاق زاد بضلامه
ساد الحزن كل الوطن كل الأنام=وقصر السلام مع الصفا واليمامة
تغشت الأحزان شعبٍ وحكام= الحزن خيم وانحنت كل قامة
كلٍ يعض من الكدر رأس الإبهام=ومنكسٍ من كثرة الغيض هامه
لو القدر مكتوب فاللوح بأحكام=ماعنه لاصده ولاش انهزامه
نجمٍ هوى عليه حسرات وهيام=ماكل نجمٍ لاهوى في مقامه
عقب تعلى في السماء عدة أعوام=أفل وأربك هالكيان انحطامه
نبني عليه أطماع وآمال وأحلام=رجل السلام اللي رفيعٍ مقامه
بينه وبين الشعب تقدير ووئام=عزه ورفعه كل مدة نظامه
عهده عليهم خير وأمان وأنعام=المجد متسيد بذروة سنامه
اهتم بالمصحف من إيمان وإكرام=وركز على البيتين كل اهتمامه
وأن صعبت القالات عزام جزام=حكيم عادل منفرد بالزعامة
بحسم الأمور المعضله عنده إلمام=بسياسة وحكمه وعرف وقرامه
هاك السنة يوم المناعير كِّضام=ومجد الخليج من العراق إنهدامه
صنع قرارٍ صعب يحتاج لإقدام=ونجح بحنكه ثم تحقق مرامه
أرتد دولة خانها جيش صدام=وزال الخطر عنها بعرف وفهامه
وأنهى حروب طاحنه كلها ألغام=وعند الدول والشعب زاد احترامه
أنهى قضيه مرمسه شعبها أقسام=لبنان ضم أعضاه بعد إنقسامه
وعالج قضايا جاوزت كل الارقام=الكل يشهدله ويبصم إبهامه
وأختاره المولى ودارٍ الأيام=ياجعل في الجنة تخلد عظامه
تبكي عليه شعوب وديار وأقلام=رجل الشجاعة والدها والصرامه
مرحوم يافهد00 العروبة والإسلام=ياخادم البيتين راع الفخامه
مرحوم ياشيخٍ بدار الفَناء نام=مرحوم ياراع الكرم والشهامه
مرحوم ياشيخٍ لنا درع وأحزام=ياسعد منهو في المواقف حزامه
مرحوم ياساس العدل عوق الاخصام=يرسي ولو الموج زاد التطامه
مرحوم ياريف الأرامل والأيتام=يامبدل الأحزان بالأبتسامه
سيفٍ شطير وفي المهمات صمصام=لاشتدت الأزمات يسطي احسُامه
لاوالله إلا في ثرى العود ضرغام=ودِّع من عصاة البكا بنهشامه
ياعنك ياناعيه ما أنته بملام=ولا يلحقك على الغضنفر ملامه
وجب على الحكام تنكيس الأعلام=إلا كـلام اللي عزيزٍ كلامه
الراية اللي وسطها صورة حسام=تبقى رفيعة شامخة بإستقامه
أسوا خبر جتبه محطات الإعلام=خبر وفاة اللي رفيعٍ مقامه[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 2 )
شعر / سعد غازي


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
الشمس غابت عن جميع المدارات=يوم الفهد ودع كسف مطلع النور
أكبر حدث فالإرض حين الفهد مات=حتى الطفل ساعة سمع قام مذعور
أعظم مصيبه في جميع المصيبات=يا كبرها والله ضاقت بها صدور
حتى اجهشت كل القلوب التقيات=يالله جعل الفهد في جنة الحور
خادم بيوت الله ولفعله اثبات=خيره على الإمه مسجل ومذكور
بنا صروح العز في كل هامات= اسمه مدون .. مجد خالد ومشهور
ندعي أله حتى بـ فروض الصلوات= خليفة الاسلام .. بالحق مخبور
فهد العرب يرحمك رب السموات= ويغفر ذنوبك ماعلى حكمك قصور
فقيد إمتنا .. عليه الحسوفات=مير العزى بالله هو هادي الشور
ومشاعري من حزنها تسكن الذات= حتى انتثر حبر القلم فوق الاسطور
تعبير من حزنه شهد فوق الأبيات=والنفس تشهد حق ماتشهد الزور[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 3 )
شعر / حسن علي الهاجري


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
القصايد ما تعـبــّر مـــــا نكـــنـّه فــالـقـــلـوب=لـكــن تخفــّـف معــانـاة وألــم عــقـب الــفــقــيـد

يا دفـاتر يا قلم يا قاف مـــن قـــبل الـغــروب= ابـغــي ابـــوح ابــمــشـاعر وارثـي كعام الضديد

الفهد مات ورحل والــنــور يكـسـيه الشحوب=غــاب نور الـمـمـلــكــه والله يــفــعـــل ما يــريد

كن حزن الأرض في قلبي من الصدمه يجوب =وكــنّ ســكـّـيــن الـمـفــارق تَقْـطَع حبـال الوريد

أمّة الأسلام يكسيها الأسى مـــن كـل صـوب= والشعوب امــن الــفـجـيـعـه صـابها حزن ٍ شديد

الفهد يـبـكيه طفل وشيخ ضاقت بـــه دروب= ياعــسى قــبـره نــعـيم ويــكــتــبـه ربـّي شـهـيد

الفهد لا جيت اوصّف طيبته تـكـسيـه ثــوب =حــاوي ٍ كـــل المـــكارم بـيــــن هالـعالم فـــريــد

ماعلينا من دعاوي مَن مِن الفـقه امحجوب= وما يغــيــّرنا كــلام ٍ مـــن ســفــيه ٍ مـــا يــهـيد

الفهد وافي وشهــم وحــرّ نـــادر وامحبوب= الفهد صادق عــزيز النـّفـس بالــحــكــمه رشـيد

لا لفاه الضيف والــمحتاج له صدر ٍ رحوب= وللــعـــدو سـيف ٍ شطير ٍ شــامـــخ ٍ راسه عنيد

الفهد فخر السياسه مــن شمال ومن جنوب=فالــمــواقف يـرتــكي للحــمــل بالـــراي السديد

مكه وطـيبه خدمها ووسـعــت كـل الشعوب= وقال انــا خــادم بيوت الرب ليـن افــنـى وابـيد

طبـّق الـشرع وحكم بالعدل للدين امحسوب= انــكــر الأرهاب .. حـارب كـــل شــيـطان ٍ مريد

قدوة الشجعان مَزْبَنْ للدّخـيل امن الكـروب =لا وعــد يـوفـــي بوعده لــو على نـــار وحــديد

حامي ٍ بوابة الأســـلام لا جــــات الخطوب= واسألوا لــبــنــان والأقــصـى بأفــعــــاله تـشـيد

ويوم جاه الشيخ جابر قــال انا عنـّك أنوب= ابــشــر بعـزّ ٍ ومجـد ٍ يـنكـتب لــك مـــن جــديـد

جهـّز جيوش ٍ عتيده ماتهاب امن الحروب= مستــعــيــنه بالإلآه يـــزيـــل صــــدام الـــبلــيـد

وارجعت للشيخ جابر والعدو صار امغلوب= الفــضــل لله وثــمـّـن للـفـــهــد عـــلـم ٍ وكــيــد

وما لنا غير الدعا مــن عـند عــلاّم الغيوب= الإلآه الــواحــد الـرحــمـن ذو العرش المـجـيد

ياعسى ربّي مسح من صفحته كـل الذنوب = يا عــسى مــثـــواه بالــفــردوس متهني سعيد

ياعـسى قبره نعيم ومفرشه ورد وعشوب = يا عــسى الغيمه تظلـّه .. يا عسى نوره يـــزيد
[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 4 )
شعر / عادل السلطان


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
ياليت مابه مــوت والـعـمر نـحـيـاه =وياليته بايدينا من الموت نحميه
-
وليت الدهـر بـاقـي عـلـى الـدوم مـجـراه = ويـالـيـت مـاللـشـخـص فـجـعـه بـغـــاليـه
-
أسـتــغـفــرك .. يـالــلــه يـالــلــه يـالــلـــه = يـاللـي بـ ( كاف ) و ( نون ) هـالـكـون تـفــنــيــه
-
سـبـحـانـك الـدايـم .. عـلى الـنـاس رجــواه= مــنـشـي الـســحـاب الـمـمـطـره فـي اراضـيـه
-
قـضـى الأمـر والـمـوت حـق ً رضيـنـــاه = آمـنـت بـالـمـقـسـوم والـبـؤس والـتـيـه
-
حـكـم الـجـبيـن ولازم الـعـيـن تـقـراه = و كـل ً لـه كـتــابـه وجــاهـل خـــوافــيــه
-
فـالـعـيـن بـــرّاق ً وفـالـنـفـس مــاســاه = وفـالـقـلـب رعــد .. وغــيـمــه الــويــل يـسـقـيـه
-
نــار ً لـهـبـهـا داخل الـصــدر تصــــلاه = حـام ًعــلى الخــاطـر.. يضـيـّق مــحـانـيـــه
-
للـروح صـبـر الـفـقــَد ..وللـصـبـر بـلـواه = وللـحــال بـحــر ً والـحـزن لـه مــوانـــيــه
-
أشهق بـآآآه وزفرة الصدر بـالآآآآآآآه= وكأس الأســى نــــكـــدً شرابه وضاميه
-
ويــن انــت ؟ واللـه بُـعـدك الـيـوم مـااقــواااه = وين انت ؟ يـاللـي بـالمـشـاعـر انـا افـديـه
-
بـالـلــه قـلــّـي يــاوطــن كـيـف انا انــعــاه ؟ = اللـي عـلـى الـبـيـتـيـن تـشـهـد مـسـاعـيـه
-
فـي بـيـت ربــه خـــادم ً ... يــطــلب رضـــاه = مع زمزم اللي من صفاها ......مواريه
-
وبـيـت الـرسـول اللـي عـلـى الـوقـت راعــاه = وكـتـاب ربــّــه .. كــل مـســلـم ومـهـديـه
-
مـصـيـبـة الأمــّــه رحيـله وفـرقـــــاه = 2 مــــــــــــــــــــــــــلـيـار ً عـلـيـنـا تـعــزيـــه
-
فـهـد الـفـهــود اللـي فــريـده مــزايـاه = واشــيـب عـيـــنـي كــل مــاحــل ّ طـــاريـه
-
الــعـاهـل اللـي فـالـزعـامـه مـحـيـّـاه = كــنــز الـمـراجــل فــي حــياتـه يــكــفــيــه
-
االلـي شـمـالـه جـاهـلـه مــدّ يـمــنـاه = عــلـى الــكـرم فـالــوقــت بـصـمـة ايــاديــه
-
عـزوّ خـصــال الـراي فـي مــوتـة اشـفــاه= وعـزوّ خـصــال الـطــيـب .. وأشـرف مـعـانـيـه
-
شوره وحِــلــمه والصبر والــمـداراه = يـشـهـد بـهـا الـــتـــاريـــخ وتـــرســــخ فــــيــــافـيـــه
-
مـرحــوم يـاللــي فـالـشـدايـد فـقـــدنــاه = يـاعـلّ قـــبـرك للـسـحايـب مـســاقـيـه
-
فــي جــنــّـة الــفــردوس .. يـارب مــثــواه = وبــرحــمــتــك تــغــفــر ذنــوبــه وتــأويـه
-
فــي جــنــة الــفـــردوس ... يــارب مــأواه = الــمــيـمـنــه واصـحــابـهــا من مـــواليه[/poem]




رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 5 )
شعر / قهر يزيد


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
يالله هذا الصبح في ذمة الله = لا نور لا عصفور لازهور تحييه
أشرق ظلام الشمس والليل جلاه = شلّت رياح البرد نبض الدفا فيه
استهمت الأقدار ترمي حناياه = جلجل سكون الفجر يالله تشفيه
جعل المنايا ما تمره وتنساه = جعل المنايا تترك الفهد .. تخطيه
واليوم فك الريق سم وجرعناه = نار ٍ تشب الجوف تحرق مجاريه
وا حر نزف القلب والكبد حراه = وا لهفة ضلوع الثكالى تناديه
وا فهدنا والجرح كـبْرت خطاياه = وا فهدنا والحزن شبـّت لياليه
وا فهدنا والهم نوّخ مطاياه = على صدور اليتْم والفقْد والتيه
ترعى شرايين الوله عند طرياه = تلتح من عروق العتب والمشاريه
مااجتمعت الاقوام بادنى سواياه = يوفيه شعر ٍ ذاهلات ٍ قوافيه
وا فهدنا والكون ضجت ثناياه = واسرف فجور النار ينهش بواقيه
لو يفتدى راس الأمم طاحت فداه = لو يفتدى فهد الفدا كان نفديه
وقْفَت نهايات الفخر عند مبداه = الممطر اللي قبـّل الغيم أياديه
المؤمن اللي ينصر الدين مسعاه = القايد اللي نكّس غرور أعاديه
الوالد الحاني ولولا عطاياه = مااخضر وجه الارض واحيا مراعيه
العالي اللي طيبات ٍ نواياه = ما اجتمعت الأخصام من دون ساعيه
لعثم حسابات الأمم في مزاياه = فهد الزعيم الحر وشلون نحصيه ؟
في جنة الفردوس مسكنه يالله = وسـّع مداخيله و جازي تفانيه[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 6 )
شعر / عايض مبارك


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
مرحوم يارمز العروبه والاسـلام "
"مرحوم ياللي كاسب الطيب كلـه
يازارع البسمه على وجيه الايتام "
" ياموفي احقوق البلـد دون زلـه
احزنت كل الناس شرق ٍ مع شام "
"احزنت كل النـاس ايبلـه ايبلـه
ويالله ياللي تقفي النـور بضـلام "
" في جنة الفردوس تثبـت محلـه
فهد العروبه وافي الحـق جـزام "
"اليا عقد حبل ٍ على الوضع حلـه
ماهوب مثل اللي يحبون الاوهام "
" رجل ٍ سياسي كل شـي ٍ يدلـه
حيثه حكيم ٍ وافي ٍ وابن الاكـرام "
" ومؤسس الدوله بحكـم ٍ وادلـه
وشلون مانحزن وتبكيـه الايـام "
" دامه رحل امن النجـوم المطلـه
والله لو البكـي ماهـوب بثـام "
" لبكي عليه اليوم والدهـر كلـه
لكن هذا حكم من ضمن الاحكـام "
"نصبر على حكم الولي..نسجدلـه
هاذي حقيقه والحزن ..جف الاقلام"
"يالله عسى ربـي يضلـه بضلـه
ولاصار عبـدالله ملكنـا ومقـدام"
الحـر راح وجانـا حـرن محلـه
الوافي الصامل صميدع وضرغـام"
اهـل الحسـد ياجعلهـم فدوتلـه
عبدالله اللـي للبلـد درع وحـزام"
يشفي كبـود المحزنـه والمغلـه"
وسلطان اخوهم دايم الدوم قـدام"
كريم سبلا امـداوي ٍ كـل علـه"
واخوانهم عند المواقيـف حكـام"
اهل الوفا والجـود والطيـب كلـه
ومرحوم يارمز العروبه والاسـلام
ياموفي احقـوق البلـد دون زلـه[/poem]




رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 7 )
شعر / تركي السلات


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]

يالله تجبر عزا الأسلام والمسلمين = والشعب والملك والدوله وحكامها
تجبر عزا المملكه في خادم الحرمين = الدوله اللي يمنها صاح ياشامها
وتنوح غربية الدوله بحزن وونين = وينوح فالشرق ساحلها ودمامها
كل العرب والدول بعد النبأ الحزين = تقفل قنواتها وتنكس اعلامها
مات الفهد مات عز العرب والمؤمنين = اللي تعلق عليه الأمه احلامها
امن بلاده وطورها طوال السنين = عقدين وايامها تشرح عن اعوامها
يحكم بشرع الكتاب وسنة المرسلين = شريعةٍ ترفض الدستور باحكامها
يشهدله الشعب والأسلام والمسجدين = والكعبه اللي يزينها بهندامها
بذل حياته لوجه الله دنيا ودين = كم ليلةٍ نامها شعبة ولا نامها
في حكمه البر والتقوى وبيض اليدين = عنه التواريخ عجزت تكتب اقلامها
افضل قيادي سياسي والدول شاهدين = كل السياسه بفكره حطم ارقامها
مات الملك مات لاكن اغلب الميتين = أحياء في جنة الفردوس وانعامها
عساه في عالي الجنه من الخالدين = يالله ياقابل صلاة الناس وصيامها
وتعز اخوه المليك وخادم الحرمين = ويعزها من جديد ويجبر حطامها
ارض الحضارات منزال النبي الأمين = عبد الله اليوم حاكمها ومقدامها[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 8 )
شعر / فهد فالح


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]

يسود الصمت ويعزّ الكلام وتقصر الراحة= وأنا ادوّر على حرف وحناجر وارتجالية
يعج الليل بأصناف الظلام وترقص أشباحه=ويعاف الطير حزات المطير ويزبن الفية
فهد طبّ المريض وفزعةالمحتاج وإسلاحه= وأبو كل اليتامي والأرامل في السعودية
فهد من عزشعبه بالأمان وطاب ممراحه= وقاده للتقدّم والتطوّر والرفاهية
فهد من مهجته بالطيبة للظيف فوّاحة= و من قلبه على جاره وطن وإخوان وحميّة
فهد من ساهم وساعد بنشرالدين وإيضاحه=بنى مسجدومستشفى وأقام دروس علمية
فهد من صارت عيون البشر بالدمع صدّاحة = على فقده وجوف انحورها هزات روحيه
رحل فهد الزعامة والمفارق هبّت أرياحه= وضاق الكون بأحزان العباد ودمعةٍ حية
بكته اعيون لين البحر منها فاضت أملاحه= بكته اقلوب لين اضلوعها صارت وعائية
بكته الأرض ونجوم السما والطيروجناحه= بكته جبال وأزهار ونخل ومزون وسميّة
بكته الأنظمة والألوية والعلم وألواحه = ومراقيب المراجل والثقافةوالفروسية
ومفاهيم وقرارات ومبادئ تلبس وشاحه= وشعر وشعور واحساس ومشاعر حب وتحية
رحل فهد العروبة والفهد وإن غابت أرواحه= بقى بقلوبنا مثل الدما والحب والنية
ألا يالله تصبرنا على فقده ومرواحه= وتضفّة في ثياب ارضاك والعفو الألهية
ياربّي ترحمه وتسكّنه في مسكن الراحة= مابين عفاك و ارضاك و معه سبعين حورية
يدور الوقت والأيام نطّاحة وذبّاحة = ومصير الروح ترجع راضيه لله مرضيّة
رحل فهد وبقى فهد وبقى مجد وبقت واحة=تعيش الدار وأهل الدار والراية سعودية[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 9 )
شعر / خليف الوهيداني


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
ينعونك الشعب السعودي وتنعاك=الامة اللي عطف نفسك وصلها
لومت يبقا فعل يمناك ذكراك=يمنن جزيلات المكارم عملها
لو تنفدا بالروح والله لنفداك=ولموت حق وكل نفس(ن)وجلها
عليك نبكي كل ماحل طرياك=ودارن منك عذب التطور شملها
يالله عسى الفردوس دارك ومثواك=يامن متاعب كل شعبه حملها
ويبقون من في شايت الله شرواك=يمشون دربك في بلدهم واهلها
وانته عسى المولا من النار يحماك=ولك الحساني ياملكنا دبلها
يامن قليل(ن)بالفعايل حلاياك= وبعيد عن نفسك لشعبك مللها
من شجرة ال سعود ساسك ومجناك=شجرة وفاء محدن شكا من زللها
ويبقالنا من كان عضدك ويمناك=عبدالله اللي عز دارن نزلها
وسلطان لعل المنايا تعداك=عنك المنايا بعد الله قبلها
لو مت والله يافهد مانسيناك=ومخلدن في يدارنا يابطلها
صحيح والله في غيابك فقدناك= ليت المنايا عنك ربي عدلها
نعزي الشعب السعودي بفرقاك=واهلك لعل الصبر يدخل فللها[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 10 )
شعر / عبدالله القثامي


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
يا خالق الأيام من دون في دون=عليك يارب العباد اعتمادي
يالله يا مخرج من البحر ذنون=يارب تهدينا لدرب ألرشادي
بلهون يا دولاب الأيام بالهون=اعظم خبر كدر منامي وزادي
يا كبر هم داخل القلب مكنون=والكون كله مغتشيه ألسوادي
هز القلوب وهز قدامها الكون=وأعلن به التلفاز قبل ألروادي
والدار يبكي وآهل الدار يبكون=على فقيد ودعته ألبلادي
قضى حياته لجل الإسلام مرهون=وعشرين وأربع ما هناه ألرقادي
حاكم وللبيتين خادم ومامون=ولا دونها يحدا ابيض الوجه حادي
الحاكم الرايد على مايريدون=ريف الضعوف وخزم خشم الأعادي
القايد العادل بعدله يعدلون=الماجد بمجده ورأي ألسدادي
يسهر على شعبه وشعبه ينامون=في ضل أمانه بعد رب ألعبادي
واليوم أبونا في ثرى العود مدفون=أنا اشهد انه يوم ماهو بعادي
ويالله يارب له الخلق يدعون=اتثبته بالحق يا خير هادي
وتنشي على قبره هماليل ومزون=ومعها من ألجنه نسيم البرادي
وتمد عبدالله وسلطان بالعون=أهل ألوفا والطيب وأهل المبادي
عسى العوض فيهم وبالخير مقرون=آمين يارب عليه اعتمادي[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 11 )
شعر / محمد بن صقيران


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
الله يبيح العاهل اللـي مـد للعليـا يديـه=العاهل اللي عنك يا دنيا الفنا شـد ورحـل
شد وذرف دمع المفارق شعبه اللي يحتسيـه=للكايدات اللي نذير شرورها حـل ونـزل
اقفت به الأقدار عـن دار ٍ عبايرهـا عليـه=تبكي زعيم ٍ بالمواقف يرتكـي كنـه جبـل
مرحوم يا هامة ملوك العُرْب يالكف النزيـه=والله يعوْض الدار باللي حل من عقبك بـدل
يالله عساك بجنة اللـي كـل أبونـا نتقيـه=رب ٍ كريم ٍ يستجيب لمن دعاه ومـن سـأل
الواحد المعبود نسجد له خضـوع ونرتجيـه=يغفر لأبو فيصل ذنوب القول وذنوب العمل
يا رب عنَّا جاز أبو فيصل بعفـو ٍ يكتسيـه=ونقِّه من أوزار الخطايا وانته أعدل من عـدل
يا رب هذا خادم البيـت العتيـق ومعتنيـه=عبدك وابن عبدك ومن جودك على بيتك بذل
يا رب حرِّم شيبته عن حـر نـار ٍ تصطليـه=وادخله واسع رحمتك وانته ولا غيرك أمـل
ويالله عسى قبره من الرحمـة لنـو ٍ يغتشيـه=وينبت على قبره من الرحمات قيصوم ونفـل
[/poem]




رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 12 )
شعر / خلود البراري


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]

رحمه على روح السعوديــه وقلبك يافهــد=لف الحزن دارك ياابن عبدالعزيز آآل السعـود

الموت يختارك ! وفــزّت من مصيبتنـا بلـد=ضاقـت شوارعنا .. بكت .. من الحدود الى الحـدود

نفس الوجـع .. نفس الشهر .. تاريخ أسوَد ماركـد=ذيـك السنـه غزوْ الكويت وهذي بموتــك تعــود !

ياخادم البيتيــن موتـك ماترك فينا احــد=صبـح الفـجـيعـه ينطفـي ويسود في عين الوجـود

اللي حكـى عن سيرتــك واللي انقهر واللي شهــد=واللي حبس حزنــه ودمعه طاح من فوق الخـــدود

لو بــوصــف التاريخ واكتب في تفاصيلك وأعــد=ماتوفــي حروف القوافي .. لا حسبناها تـــزود!

ياحافـظ القرآآآن عن كــف الأعــادي والحســد=ياحامي الأسـلام من طـيش المنافق والحقــود

عــز الشريعــه في يديــن الارض وعيون البلــد=واطهـر بـلادك في ذرا حكم الجزيره للأســود

ياخـادم ( البيت الحرم ) اسلامنا واحد احـد=نمضـي على عهــد النبــي .. والحكم بيدين السعود

المـوت ماخـــلاّ عزيز ولا كريم ولاسنـــــد=هـذي هي الدنيا صفـت لجل الفقير و للحسود

لوغبـت عنــّا مارحل طيــبك ولاعــزّك ابــد=منبع اصالتنــا ربا باحضـان ارضـك و الجـدود

رحمـــه على قلب السعوديــه وروووحك يافهــد=عــم الحزن دارك ياابن عبدالعزيز آآل السعـود[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 13 )
شعر / عبدالعزيز الهليل


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
لا والله الديوان جاب الخبر شين = والقلب من عقب الخبر وا صوابه
مات المليك اللي على العسر واللين = وما قدر المولى على العبد جابه
ثار الخبر فالجوف مثل البراكين = بالحزن والمحزون زاد اضطرابه
وفاضت دموع العين من محجر العين = على فقيدٍ راح واقفت ركابه
يمناه في كل المكارم عناوين =وفكره كسب ذروة سنام اللبابه
حكم بشرع الله واخذ القوانين = من منهج الدين الحنيف وكتابه
ريف العرب وان قلت ريف المساكين = كمٍ سؤالٍ فيه نلقى جوابه
ولافيه فعلٍ صدق ماله براهين = ولابه مجالٍ لحجج والغرابه
يكفيه حكمه في بلاد السلاطين = وعلمٍ يقل يدل عده ذرابه
يالله عساه لجنة الخلد وامين = واللحقه مع درب النبي والصحابه
انا طلبتك وانت تكرم كريمين = وضيفٍ كريمٍ جاك ما صك بابه
برحمتك يامنزل تبارك وياسين = يامالك يوم الحساب وحسابه
انزله في جنتك يامالك الدين = في جنة الفردوس نرجي ثوابه
[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 14 )
شعر / تركي الديحاني


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
ليتني ماعشت لليوم الشـؤوم = ولا سمعت العلم واكبار الجلل

والله اني ماقدرت اقف واقوم = من سمعته كن صايبني شلل

يرحمك رب السموات الرحوم = يامليكٍ موته ايجيـب العلـل

ادري ان الموت حقٍ للعمـوم = مير موتك غل وفراقك غلل

انت تبكيك المشايخ والقـروم = مابكاك النيص دوار الزلـل

الجزيره جوها محزن كتـوم = العرب ضاقت وصايبها كلل

تبكي رجال المواقف والعزوم = غيبتك سوت براضيينا خلـل

خادم البيتين قضاي اللـزوم = استلمها عش وخلاهـا فلـل

مايفرق بين حاكم ومحكـوم = ساوى بين الخمسميه والهلـل

لو يفيد الدمع صرناله غيـوم = انفجرنا والثرى صابه بلـل

دنيةٍ تاخذك وتخلي الرخـوم = عيشةٍ فيها يابو فيصل ملل[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 15 )
شعر / كديميس السيحاني


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
بـثت وكـالات الفـضاء الـذكر ترتيل = فـي يـوم الاثـنـين ايقـض الغـافليني
وقت الضحى كنّـه غـشاوه مـن الليل = وكـلٍ يـقـول الـعلم حـده سـنينـي
عـم الـوجوم وجـيه قـومٍ مـشاكـيل= وعـقب البشاشة قُـضّب الحاجـبيـنـي
وللصمـت حكـمة فـي عقول الحلاحيل = كـفٍ تـعـاهـد كـف حاضر وديـني
و ذاع الـنبـاء الـتلفاز من غير تأجيل = اخـتاره المـولى وعـزّيت عـيـنـي
وقـع الخـبر زلزل عـقول الرياجـيل = و انـا احـمـد الله كـلنا مـؤمنـيـني
قـالوا رحـل ما ينـفـع القال والـقيل = فـهد الفـهود وقايـد المـسلمـيـنـي
ساس المـعارف فضله لجيـل مـع جيل = اسـس مـباديء مامحتها السـنـيـنـي
وفـالـداخليـه والأمـن لـه قنــاديل = قـنديل الأمـن ونـوره الـلي يبيـنـي
الـدار أمان ويـرقبـك شامـخ سهـيل = بالغصب له سطـوه على العابثـيـنـي
فـي كـل مـوقف كلمـته تصبغ النـيل = يـشـهد لـه الـتاريخ بصمة يقـينـي
فا لمـوقـف الغـصاب زيـزوم حلحيل = يـرسي جـبـل والـراي معـدن ثميني
مسـار الأمـة كـم وقـف له عن الميل = بـذل جـهـودٍ كـنـها الـكوكـبـيني
أرض وسـما بالصـدق ماهـوب تهويل = كـم رد الأعـداء عـنـه والطامـعيني
فـخر العلم يغنـيه عـن ورد و إكلـيل = عـليـه ذكـر الله ولـه شاهـديـنـي
مانـشّفـت دمع الـرجال الـمنـاديـل = والدمـع فـوحه يحـرق الوجنـتـيـني
مـيـر العـوض دام الليـالي مـقابـيل = فـ / اخـوه عـبدالله وعـضـدٍ مـتيني
ويـاربـنا يامـنـزّل الحـق تـنـزيل = نـسألـك تـجعل بـيته الروضـتـيني
فـردوسـك الأعلى لـه تـصيرتبجيـل = ومـنزالـه الـغُـرفه مع الـمُخلَصِـيني
وبـرحـمتك ما يـقرب لـوادي الـويل = و تـظلّـه بـظلّـك مع الـمحسـنيـني[/poem]



رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 16 )
شعر / عبدالله الدوسري


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
يا وجد وجدي وجد تغلب على الزير=و عزّي لحالي من تزايد عقدها
يا عين هلّي ما بقى من مذاخير=و انما وجدتي الدمع صبّي كبدها
يلجّ في صدري سواة الدوافير=علم قسم روحي غثاه و بجدها
توقفّت منه الجزيره عن السير=و تضايقت منه الوحوش و هددها
يا كبر كسرٍ ما يجي له تجابير=راح الفهد وش عاد نرجي بعدها
انا اشهد ان الموت ما عاد به خير=من بعد ما فارق ثراها فهدها
وش فيه ما حوّل على بوش و بلير=استغفر الله ما استدار و حصدها
أدنى همومه ردّ الاقصى بتحرير=غاية حلومه كيف يحيي بلدها
لكن عزانا في الملوك المشاهير=اخوان نوره غاية اللي قصدها
ندّر حرارٍ كالاسود المغاوير=لا ثارت الهيجا و وقّف مددها
يروون حدّ مرهّفات السواطير=عينٍ تعاديهم يجيها رمدها
تسلم يا ابو متعب و ما تطلب يصير=شعب السعودي بايعك يا سعدها
يا سورها يا درعها في المعاسير=يا نورها يا سمعها يا سندها
معك نواصل ما بدا من مشاوير=خطوات ابو فيصل نجدّد عهدها
ذاك الزعيم اللي له سياسةٍ غير=اللي اليا ضاعت الأريا وجدها
اللي حماها يوم هاجت الاعاصير=ثبّت قواعدها و جوّد عمدها
فعايله ما تنوجد في الاساطير=مكاسبه يحتار عقلٍ رصدها
يمناه ما تحسب حساب المخاسير=كم دولةٍ من مدّته في رغدها
خلّى جبل مكه زروع و نوافير=وسّع مشاريع الحرم و اعتمدها
قدّس كتاب الله و خلّى الدساتير=يمشي على سنّة نبيّه وحَدها
خلّى السعودي عايشٍ كنّه أمير=هوّن عليه من الهموم و نكدها
لا من وقف توقف شيوخ و جماهير=حطّم جيوش المجرم اللي حشدها
يا شوف عيني يوم ساق الطوابير=و أهدى على جاره قصورٍ فقدها
يالله عسى روحه تزّفّ التباشير=في رحمة الرّحمن يِكرِم وِفَدها
في ظلّ عرشه من حرارة زِمهْرير=في جنة الفردوس يسكن فهدها
صلاة ربي عدّ ما سبّح الطير=و عداد ما دكّ السحايب رعدها
على نبيّ معجزاته تذاكير=شفيع الأمة لا تردّى جهَدها[/poem]




رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 17 )
شعر / مرزوق العطاوي


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
في فقيد امة الاسـلام فهـد العروبـه=احسن الله عزا الاسره جميع وعزانا




قايدٍ بالعدالـه كـان سعيـه ودوبـه=والعداله هـي ادابـه بهـا ماتوانـا




وبالعداله سعا سعيه وطالـة دروبـه=وبالسياسه عسالله يرحمه قـد حمانـا




ابيض الوجه دايم مانثنا عن وجوبـه=من وفا ساسه الوافي وطيبـه وفانـا




حاكمٍ من وفاه وحكمتـه قـد حكوبـه=قبل هذا الزمانا مـن قديـم الزمانـا




حضرته فى المهمات الصعاب محسوبه=ياعسا لـه مقـر ومنـزلٍ بالجنانـا




والله انه فقيده من على الكـل حوبـه=مير مايامـر الله بـه بلاشـك كانـا




قلتها والبقا في حضرة اللـي ينوبـه=ابو متعب وسلطـان الاكـارم خوانـا




كل واحد على الطالة لنـاره شبوبـه=فى الله الله رجانا ثـم فيهـم رجانـا




اهل الطايلات وساس جـود ومثوبـه=ساس عبد العزيز اللي علومه سمانـا[/poem]




رحمك الله يا الفهد - رحمك الله يا الفهد - رحمك الله يا الفهد



مرثية الفهد ( 18 )
شعر / عبداللطيف الغامدي


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
ياملك والملك لله وانـت واحـد مـن عبـاده=غير موتك جرح وغيابك عن الدنيـا مصيبـه

كل قلبٍ يافهـد يعلـن علـى موتـك حـداده=وكل دمعه ما تغشت وجـه صاحبهـا غريبه

جعل مثـواك بجنـان الخلـد يافقـد السيـاده=دعوةٍ ما قلتها وحدي دعـا الشعـب لحبيبـه

خادم البيتيـن تشهـد مكـه وطيبـه شهـاده=ان كفّك بالندى يا مـا كسـت مكـه وطيبـه

وجعـل ميزانـك ترجحـه العطايـا والريـاده=في مجال الخير ودروبك على الجنـه رحيبـه

غبت ... لا ما غبت تبقى من زياده في زيـاده=كثر ما فكيت لك مطلوب من سطـوة طليبـه

قدت مركبنـا ولا قـت لـك مقاليـد القيـاده=صار لاسم المملكه من قيمتك قيمـه وهيبـه

استعنت الله واعانك ولزمـان اذعـن عنـاده=لين سقت لشعبك المستعصيه طوعى مجيبـه

بكفّك اللي خلّت المخطـي مقيّـد فـي قيـاده=وفكرك اللي فك باب السعـد والدنيـا كئيبـه

من يسوّي مثل ما سوّيت وش تنسـى بـلاده=حابسٍ ظيـم الدهـر عنهـا ودنيانـا مريبـه

حزننا ياشيخ كل اللي تركـت الحـزن سـاده=ما بقى حيٍ ما ونّ بجـور فرقـاك المهيبـه

هكـذا والا بـلاش الـزارع يلاقـي حصـاده=العمل بذره ومجناهـا لـك غصـونٍ رطيبـه

رحت مثل اللي زهد يحصل على ما جاب اشاده=والعوض في مدّة المرضي بفضله من رضي به

والعزا ان اللي خلفك مكمّـل الطيـب ومـداده=بيد ابو متعب مـداه وبيـد ابوخالـد صحيبـه

والـولا لله سبحانـه وجـوب علـى عبـاده=ثم لال سعـود حكـام العـرب مافيـه ريبـه
[/poem]



رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 19 )
شعر / سمران القثامي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=0 line=0 align=center use=ex num="0,black"]
جعل ذعذاع البـراد ورحمـة الله وبركاتـه=تحتضن قبر الفقيد اللي على الأمـة فقيـدة
شيخنا اللي ماترك فعل الجمايل فـي حياتـه=أشهد أن الطيب والتاريخ فاقـد لـه وليـدة
لو ذرف دمع المحاجر والجفن حارب مباته=من يلوم العين لاجادت على النفس المجيـدة
كل ماشوف اليتامـى والأرامـل وحسناتـه=أدري أنه في رحاب مفرج الكرب الشديـدة
الخسارة في فهد مثل الغنـاوي فـي غناتـه=يامهـدي نبضـة الخفـاق لايفجـر وريـده
والله ان المملكة من غيبتك ..ليـل وعباتـه=في عيون الشعب ميـر الله يدبـر مايريـده
مؤمنين ..وصابرين ..وفسحة المؤمن صلاته=والقضاء سهم من المولى وينفذ فـي عبيـده
وأن فقدنا نجم يبدي نجـم ويسـوي سواتـه=الثوابت ثابته والأمـن قبضـة مـن حديـدة
ماتفرقنـا عـن النهـج القـويـم وبينـاتـه=طابع الإخلاص نابع عـن تعاليـم وعقيـدة
ولو يشذ من الجماعة فرد ..مافيـه إلتفاتـه=سير ياركب السعد بالخير.. والبيعة جديـدة
يالله انـك لاتجنبنـا عـن الحـق وثبـاتـه=وأنصر اللي شال حملٍ يثقل الشـم العنيـده
وأجعله غيثٍ على داره ..تلاعـج رايحاتـه=ياكريمٍ مدتـه تغنـي عـن الكـف الزهيـده
ياملكنـا عندنـا منهـج وهـذي ميـزاتـه=الولاء والسمع والطاعة ويحصـل ماتريـده
والله انك في نظرنـا هامـة العـز وقناتـه=وأنكم سورين ياستـر البـلاد.. وياعضيـده [/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 20 )
شعر / خالد الحارثي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
صباح الاثنين جاني علم والله يروع =والعين قبل اتكلم هلت دموعها
قمت اتنافض وانا والله ماني جزوع=والاذن ماستوعبت من هول مسموعها
قالو زعيم البلد سافر بليا رجوع=واظلم سرور الحياه وطفت شموعها
قامت حزوني تقاذفني على كل نوع=وعجزت بيوت القصيد يطيعني طوعها
الامر لله تعالى نقبله بالخضوع = ولو هو لغيره حرقنا الدار ونجوعها
فرقاك ياخادم البيتين هز الضلوع =زعيم صعب المواقف يعرف سنوعها
مفارقك ياحبيب الشعب والله يلوع=ينعونك المسلمين وتبكي جموعها
حكم بشرع الله وغيره كثير الشروع=ياحسب حساب الكبيره لحظة وقوعها
شيخا وفعله سوات السيف دايم بتوع =يريّع عداه وانما راعت يروعها
ابو اليتامى جزيل المد ماهو قطوع =ياكم شعوبا كفلها وانتهى جوعها
يسهر يفكر بشعبه يوم غيره هجوع =بفراقه الدار تفقد غالي دروعها
مرحوم ياشيخنا الي قاد صلب الجموع= زيزوم واعداه تعلن لامره خضوعها
الفارس الي ترجل عقب جاب القلوع =والشجره الي حماها عزت فروعها
مرحوم يالي بضدات الليالي فزوع =محامدك يعجِز الابيات مجموعها
ولالنا الاالدعاء ثم الرجاء والدموع =ساعة عيون الخلايق تعلن هجوعها
يالله يامطلع بالساجدين الركوع= تجعله في جنة الفردوس وربوعها[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 21 )
شعر / غازي بن دخيل الله بن عون

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ماجور يا طرفٍ غشى الجيب ديمه = بعد النبا اللي في وكالات الاخبار
الخطب فادح و المصيبه عظيمه = منها عقول الشعب تذهل و تحتار
لو كان يورون الجلد و العزيمه = من عظمها عزم الصناديد ينهار
شعب ٍ فجيعة عاهله في صميمه = طاريه يظرمها مثل ظرمت النار
يكنها جوف الصدور الكظيمه = واليا التهب فالجوف بركانها ثار
بدمع الاسى و الحزن ينعى زعيمه = الوالد المتواضع العادل البار
فهد لتاريخه صروح ضخيمه = من ضخمها لازم تلد لها الانظار
سيسان مبناها مروه و شيمه = و سقوفها الطولات و الجود و الكار
و نفس ٍ ويمنا ً بالعطايا كريمه = دايم نداها مثل همال الامطار
فهد ليا من الخبر وصل تيمه = و ضاعت علوم الغير ردوا له الشار
فالمحفل الدولي لملفاه قيمه = و للمحفل اللي هو يجي فيه مقدار
و ان غاب كن الناس لما لميمه = غياب لو كان الملايين حضار
واجه بعهده معضلاتٍ جسيمه = و مشاكل ٍ تربك فهيمين الابصار
من دارنا كل ٍ يبي له غنيمه = و من كل داويّه تحيط بها الاخطار
و لاحصل الطماع غير الحريمه = سياسته من دونها حصن و اسوار
ما هيب للطماع مثل الوليمه = من دونها يلحسهم الميسم الحار
يسد عنـّا ما انفتح من خريمه = و دون العقيده راسي ٍ مثل سنجار
بشجاعةٍ معها سياسه حكيمه = يعالج بها الاجراح جبار كسار
يكسر بها صم العظام السليمه = و لكسر الامه فالملمات جبار
و لا هوب عجل ٍ في مبارز خصيمه = قدام يعطيه النصيحه و الانذار
و لا بارز الاخصام يفدح قريمه = منه الخصوم ليا زجر عزمهم خار
و حكم الشرع و السنه المستقيمه = اليا تقدم فامر صاروا له انصار
يوم ارتكب شين النوايا الجريمه = بسياسته صده عن الدار و الجار
منه المنافق ذاق مر الهزيمه = و اخذ لجيرانه من الخاين الثار
احيا بطولات الجدود القديمه = أئِمة العدل الميامين الابرار
اللي لهم في كل سامي وسيمه = وعند المبارز ما يشق لهم غبار
لا دق زير الحرب واظرم جحيمه = خاضوا غماره ما يولون الادبار
بفضل الكريم اللي علينا نعيمه = في عهده الدار اينعت فيها الاثمار
رحل و ذكره و الفعايل مقيمه = تبقى شواهد مثل ماتبقى الاثار
جعله مع اصحاب الوجيه الوسيمه = في جنة ٍ من حدرها تجر الانهار
و حط الامانه في صدور ٍ حميمه = خيّر و حط امانته عند الاخيار
اهل الحساني و المزايا العديمه = عبد الله و سلطان وافين الاشبار
من قسمة الطيب اخذوا اكبر قسيمه = و يشهد لهم بالعدل في كل الاقطار
ياما تبنوا من يتيم ويتيمه = وحسناتهم عمّت على الجار والدار
في عهدهم ماحدٍ شكى من ظليمه = و ايمانهم غيثٍ على الشعب مدرار
و اخوانهم طب الكبود السقيمه = و يجرعون اضدادهم كاس الامرار
في شعبهم ما يسمعون النميمه = و الشعب فيهم ما تسمع للاشوار
و لا يجي بين النديم ونديمه = ولا يلقح حيال الفتن غير الاشرار
و روس ٍ تفكر في لقاح العقيمه = ودك تقلـّم مثل تقليم الاظفار
و اهل المبادي و العقول الفهيمه = يعطون مجنب عن هل النار و الغار
و لا البليد يقاد مثل البهيمه = و لا يستفيق الا ليا صار ما صار
وحكم العدل نطلب من الله يديمه = ويحصنه عن كل خاين وغدار[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 22 )
شعر / عبدالله بن حديجان

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
تبكيك ياخـادم البيتيـن بيتينـك=والبيت الاقصى تخالط دمعه ودمه

يبكيك الاسلام والسيف وميادينك=تبكيك الاحلام والايتـام والامـه

يبكيك جودك وغرسك في بساتينك=يبكيك طفلِ رضيعِ شاخصِ فـ أمه

يبكيك مليار مسلم دينهم دينك=يبكيك حكام الارض وكرسي القمه

وتبكيك الامجاد والاحفاد و اثنينك=وتبكيك الايام والاقلام ملتمه

يبكيك ثار العرب لـ اقصى فلسطينك=والاندلس وآخر الشيشان منغمه

تبكيك حكمتك وسياستك ويقينك=يبكيك غصن السلام وكل ذي ذمه

يبكيك الاحسان والعدل وموازينك=يبكيك الايثار و الاقطار والجمه

يبكيك اذان الصلاة ورَفعة أيدينك=يبكيك بيت الزكاه ورِفعة الهمه

تبكيك الاجزاء و الايات يبكينك=يس والذاريات اليا جزء عمه

تبكيك سجادتك وتحن لـ أمينك=تبكيك دمعة خشوعك وينهزع كمه

يبكيك ضاد اللغه والحق وسنينك=ويبكيك الانصاف والايمان والذمه

الجمعه القادمه تسأل عنكـ وينك=مثل صلاة الظهر يوم انقلت همه

خاتمك من كثر مايغليك فـ يمينك=عانه مع اصبعك في وسط الثرى ضمه

يبكيك والله حتى اخر محبينك=والله وأبكيك انا ياقايد الامه[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 23 )
شعر / عبدالله الطلحي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
سته وعشرين في سته وعشرين=في شهر سته نهارٍ كيف ننساه
لاوالله إلا صدِمنا والخبر شين=ضاقت بنا الأرض يوم إنا سمعناه
ياعين هذا نهار الدمع ياعين=اليوم وش عذر طرفٍ مانثر ماه
على فهدنا فقيد العدل والدين=اللي بنى مجدنا الشامخ وعلاّه
تبكيه مكه وطيبه والمصلين=ويبكيه من يفتح المصحف ويقراه
ويبكيه الإسلام والقدس وفلسطين=ويبكيه من ضده الوقت وتنصّاه
وتبكي عليه الأرامل والمساكين=وشعوب تذكر وتشكر مد يمناه
ويبكيه شعبٍ تمنى يوم الإثنين=لو كان بالمال والأرواح يفداه
لولا القناعه بحكم الله وراضين=ماطاوعتنا القلوب ولادفنّاه
العاهل اللي تقر له الموازين=في كل موقف يسر العين مبداه
في ساعة الجد تخشاه السلاطين=وتهتز منه الجبال اللي مرسّاه
وفي طيبه اطيب من زهور البساتين=حلو الشمايل وحتى البحر حلاّه
يغضب وتغضب معه كل الملايين=ويفرح ويضحك سعدنا في محياه
يالله ياخالق الإنسان من طين=ويعيش عمره عليه وفيه مثواه
تجعل له القبر روض من الرياحين=واعماله الصالحه في القبر تلقاه
وتغفر ذنوبه بدعوات المحبين=وبكل معروف للإسلام سواه
وإجمعه يوم الحساب مع النبيين=يارب الإحسان بالإحسان تجزاه
وإجعل جميع القلوب اللي محازين=تسعد بعهدٍ لعبدالله عطيناه
جميعنا يابومتعب لك معزين=وانت العوض في الزعيم اللي فقدناه[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 24 )
شعر / محمد القثامي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
مِن يوم مالديوان نَعْيه سمعناه = امن الفجيعه كلّ جفنٍ نسا النوم
والحزن ساد الشعب أقصاه وادناه = والعين تذرف دمع والصدر مكلوم
أكبر فقيده في زمنّا فقدناه = ريف اليتامى ناصرٍ كل مظلوم
القايد اللي مانعدّد مزاياه = زيزومنا اللي مايماثِلْه زيزوم
حِنْكه وحكمه والوفا من سجاياه = ومن مدّة كفوفه شبع كل محروم
شامخ شموخ طويق والعزّ مبداه = ليثٍ تهابه سادة الفرس والروم
سيفه سليط وللشدايد ذخرناه = كم فرّق خصومٍ وكم بيّد خصوم
واقرب حدث يشهد على فعل يمناه = يمنا عظيمٍ يَعْشق المجد ويروم
يوم ان جاره ساعة الضيق ينخاه = قال ابشر بعزّك مقدّر ومحشوم
حنّا لها واللي حصل مارضيناه = وستّل جناحه للمطاليع والحوم
وارْكى على الظالم وبدّد نواياه = واسقاه كاس الغبن مدحور مذموم
هذا هو اللي بأزرق الدمع ننعاه = وينعاه حكّامٍ وينعاه محكوم
وينعاه قصر الحكم صبحه وممساه = وينعاه ماصدّر من العدل مرسوم
وينعاه مسجد شَيّده واحسن بناه = وينعاه شعب يصلّي الفرض ويصوم
عزّيت فيه شيوخ نجد المسماه = وعزيت به شجعان وابطال وقروم
وعزّيت فيه الجود والمجد والجاه = وعزّيت به راعي تقاليد وسلوم
وعزّيت به مِن ضامَه اليِتْم واشقاه = مهموم وفراق الفهد زاده هموم
وعزّيت به عودٍ نِثَر محجره ماه = ومن المصاب الخَطْب ايطيح ويقوم
وعزّيت به مومن سِجد في مصلاه = وقت السّحر ويقول يالفهد مرحوم
وعزّيت فيه ابيات شعرٍ مقفّاه = ترثي عقيد القوم وتعزّي القوم
واقول لوّ الموت يِفدى فديناه = لكنّه امر الله نافذ ومحسوم
ويالله ياللي مالك انداد واشباه = يامن جعل موت البشر أمر محتوم
نرفع لك الأيدي ونطلبك يالله = يارب يارحمن ياحيّ قيوم
تجعل جنان الخلد يارب مثواه = بِجوار معصومٍ من الذنب معصوم
وتجبر عزانا فيه ساعة فقدناه = يوم الدموع تفيض والصدر مكلوم[/poem]




رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 25 )
شعر / الهنوف

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

الرياض اليوم تَغشَاهـا سحابـه=
والسحابة غيمها في كـل ديـره
نسمع الأخبار لو فيهـا غرابـه=
والخبر يعُلن وجابتـه الجزيـره
قلت انا ويا الجزيره في طلابـه=
ما تحسب إحسابها رفقه وجيـره
الخبر فيهـا خطـا والا إصابـه=
شوشت كل الفكر واختل سيـره
ما عرفنا الحق ما فيهـا رقابـه=
صرت ادور واتصل حالي خطيره
قالوا الدرب الـذي كـلٍ مشابـه=
الفهد فقده علـى الأمـه كبيـره
صحت أنا والكل منـا واعذابـه=
وا عذاب القلب لو هذا مصيـره
قمت أدور للصبر ضيعـت بابـه=
كأني اللي فاقـده كـل العشيـره
وادري ان الكل حزنه في ذهابـه=
لكن دموع الوفا ما هـي اسيـره
الفهد وين الفهـد يعُلـن غيابـه=
يبكي الاسلام من هو له نصيـره
والديار اللي غدت لحظة نهابـه=
ردها فهـد العروبـه للمسيـره
الفهد عز العرب يومـه غدابـه=
يبكي العالم ومنهـو ذاق خيـره
حامي الاسلام عن ساعي خرابه=
فهدنا اللي حاميٍ كـل الشعيـره
له دروب الخير من مثله سعابـه=
يسبقه فعله يقول إنـي بشيـره
للصديق يكون اهلـه والقرابـه=
والعِدا تخشـاه ياصلهـا نذيـره
هذي افعالـه ولاعنهـا حجابـه=
ولو بغيت اكتب يدي عنها قصيره
والفهد فعلـه وكـلٍ بـه درابـه=
سطر التاريخ بامجـاد وعبيـره
والختام الله يخفف مـن حسابـه=
ويبعده عن نارهـا والزمهريـره
ويسكنه في جنةٍ فيها الصحابـه=
ومن شهد لله بإعـلان وسريـره
وآخر التعبير روحي يا سحابـه=
الحزن غيمه يغطـي كـل ديـره[/poem]



رحمك الله يا الفهد - رحمك الله يا الفهد - رحمك الله يا الفهد




مرثية الفهد ( 26 )
شعر / ســداح

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
سبحان من يقضي قضاه بدبرته وأمره مطاع=رب ٍ يسيّرها ويعلم نقصها من زودها

اللي تحت عرشه بسط ما سنّ والدنيا متاع=وجادت مقاديره على خلقه ومدّت جودها

نلوذ به من سطوته بين الوصل والإنقطاع=ونخاف من يومٍ تعاف الوالده مولودها

أمدّ شوفي وأركب البابور وأفلّ الشراع=يشيلني عظمي ورجلي ما تزّل حدودها

القاف ضغطه مرتفع والشعر في راسه صداع=وشلون أغنيّ والقصيده فاقده مقصودها !

لاعاد علمك يا المذيع اللي معك علم ٍ مذاع=قامت وكالات الفضاء يمك تصفّ حشودها

خرّت لك عيون عزاز وضاقت صدور ٍ وساع=وباحت لك نفوس ٍ كرام ولا تبيح سدودها

الصدر ولّع من لهيب الحادثه والقلب ماع=والأرض صايبها بلا عيّت تذعذع نودها

هذا الخبر موجع وكل الناس في شتى البقاع=دبّ الوجع في روسها وقلوبها وكبودها

دايم وداع الموت مثل الموت ما مثله وداع=ماعاد باقي جارحه ماقام ينفض عودها

أشدّ عزمي وأبتدع صبري مع الخلق إبتداع=وحجّة عيوني ما تجامل والدموع شهودها

مرّت ثلاث ليال أحايلها بقدر المستطاع=وأردّها وأسمع ورى عوج الضلوع ردودها

الموت غيّب قايد القادات حلاّل النزاع=كم معضله طفـّا فتايلها وحلّ عقودها

سمح المحيّا راعي الكف الندي خطل الذراع=بحر الكرم نفسه لوجه الله بذل مجهودها

رجل السياسه خادم البيتين ومغيث الجياع=أبو الزعامه حاكم الوقفات يوم يرودها

بياض وجهه مثل نور الصبح ما فوقه قناع=حتى ظهر فرقه على بيض الوجيه وسودها

قلبه على لم الشمل وإليا حضر فـ الإجتماع=صلّح بيان القمه اللي خاربات بنودها ؟

نهض بعز المملكه ومن إرتفاع إليا إرتفاع=من ربع قرن يسوقها للعاليه ويقودها

له سيرة ٍ ماهي بضاعه تنشرا وألاّ تباع=ولا شرتها اللي على الخيبه تعدّ نقودها

والله يا لولا الله .. ثم لولا الشجاع ابن الشجاع=لتروح دوله كامله ما يعترف بوجودها

وشلون ننسى اللي رهن عمره على خط الدفاع=وخلاّ الكتايب تتبعه ضباطها وجنودها

يوم السباع موايقه وايق على روس السباع=وقّدم يمينه للرهينه لين فكّ قيودها

ماعاش مثله قايد ٍ يقدر يرد المدّ صاع=من المحيط إليا الخليج إليا اليمن وزيودها

مثواه في جنة عدن من قلب صادق وإقتناع=تدعي بها اللي خاشعه بركوعها وسجودها

وعسى البقا في راس ابو متعب وحكم الله مطاع= وأخوانه اللي يخلفونه قدّها وقدودها

يارب تضفي رحمتك على الشجاع ابن الشجاع=وتجبر عزا شعب السعوديّه وآل سعودها[/poem]




رحمك الله يا الفهد - رحمك الله يا الفهد - رحمك الله يا الفهد




مرثية الفهد ( 27 )
شعر / سيف السّيف

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
(دها الجزيره) علم جضت له الروح =منه الجزيره كنها ديرة اشباح
(دها الجزيره) هم واحزان وجروح = منه النفوس امست على حزن واجراح
رحيل ابو فيصل تعدى مدى النوح=ماهوب حده كل مانايحٍ ناح
لو المدى بالدمع . يا دمع مسموح=مسموح يا دمعٍ ذخرناه ماطاح
ولو المدى بالحزن . يومين ويروح= لكن مداه امعانقٍ بيض الارواح
ارواح فيها الطيب شيد له اصروح =ولاهزها التيار مع هوج الارياح
على الخصال الطيبه جالها ضوح=ماهيب تدرق من تحت بشت الاصلاح
والزمره اللي وضعها صار مفضوح=ما احدٍ بباكيها وهي سم ذباح
ولو ياخذ الانسان عمر النبي نوح = العمر صيوره كما زرع فلاح
واللي حصاده مايجي فيه مصلوح = لاهوب ماجورٍ ولاهوب مرتاح
وإلا الفهد شوحه بعيدٍ عن الشوح= له موقفٍ ثابت على العز ما انزاح
رقابنا مجده على راس لحلوح=وقوافله داست على كل نباح
من صفحة التاريخ ماهوب ممسوح = ويبقى غلاه بمهجة الشعب ماراح
عسى جوانب قبر ابو فيصل اتفوح=بمسكٍ يعم القبر رحمه ليا فاح
ما قدر الباري على العبد باللوح=ترضاه نفسٍ حطت ايمانها اسلاح
جضت عليك إسهابة الفكر بالبوح =يا خادم البيتين مرحوم وإمباح
مرحوم ياشيخٍ وطا كل ساموح = ياقايد الشعب السعودي للافراح
لو جيت ابا اصف حالة الشعب والروح=(دها الجزيره) مثل نزاع الارواح
[/poem]



رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 28 )
شعر / مشعل عوض

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
طويق طاح وهز نجد العذيهّ=وأهتزت تهامه وحزم الجلاميد
ومكّه وطيبه والديار الخليّه=وشبه الجزيره كلها دون تحديد
لحظة حزن عمّت على الجرهديّه=وقفة هوا والجوّ جا فيه تنكيد
ماهي مصيبه بس..؟ صدمه قويّه=عمّت جميع المسلمين الاجاويد
كلّ(ن) يعزّي بالمصيبه خويّه=الحزن خيّم والقلوب الشواهيد
وافت زعيم المسلمين المنيّه=والموت حق وكلبونا مواريد
راح الزعيم اللي يمينه سخيّه=راح السياسي وفقدوه الآواليد
راح المحنّك صاحب العبقريّه=ماعاد تنفع فالمصاب التناهيد
لاوالله الاّ راح ذيب السريّه=خلّد له التاريخ بالمجد تخليد
ياللـه تغفر له على كل سيّه=هذا ولاداس الخطا والمناقيد
راعي ولاقصّر بحق الرعيّه=الدين منهاجه حقيقه وتأكيد
بينك وبينه وانت جزل العطيّه=انت الكريم وتعطي الخير وتزيد
اسكنه جنات النعيم النديّه=واجبر عزا آل السعود الأماجيد
اهل الوفا واهل النفوس الرضيّه=مطبّقين الشرع حدّ(ن) وتوحيد
اهل الشجاعه والكرم والحميّه=كبار البخوت مطوّعين المقاريد
واليوم بيعه للأسود الأبيّه=بيعة وفا وتجدّد العهد تجديد
بيعه لابو متعب على طيب نيّه=بالدين والعادات هي والتقاليد
سمع(ن) وطاعه والمواقف جليّه=للنادر اللي جمّد الشرّ تجميد
ضاري على حلّ الامور العصيّه=واسطى من سيوف المهلهل وابوزيد
وسلطان ابو خالد زبون الونيّه=اكرم من الديمه على صحصح البيد
هم درعنا كان الليالي مديّه= وهم ذخرنا لاجا من الوقت تهديد[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 29 )
شعر / حسين الحارثي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
بسم الحرس كله كتايب وقادات=من قايده نبدا ليا احدث جنوده
وكل وحِده من جميع القطاعات=وشعب مخلص نعرفه من جدوده
والامتين مع اختلاف اللغوات=والقارتين وثالثتها إمعدوده
ننعي فقيدٍ ذيع عبر المحطات=تناقلت موته وقامت تعوده
هذا فهد حلال كل الصعيبات=لاعمست الارياء تقادح زنوده
كم سجل التاريخ له من مهمات=داخل وخارج واضحه وإمعهوده
في داخل بلاده تطور ونهضات=والمسجدين وتوسعتها شهوده
ومجمعٍ يُعنى بتفسير الآيات=وطباعة المصحف ونشره لفوده
ومستشفيات وجامعات ومطارات=وعدة مواني كل يوم امعموده
وطرق سريعه مدعمه بالسياجات=تربط وطنا بالمدن مع حدوده
ومجلس الشورى قراره بالاصوات=اسسه ابو فيصل واسس بنوده
وانشى نظام الحكم واتقن بفقرات=موضحاتٍ كل فقره قيوده
واهتم بالنهضه وخص الصناعات=صقل صناعتنا وكثف جهوده
وعلى الصعيد الخارجي والسياسات=جهود جباره تعد امحموده
يوم انحرف صدام واخطا المسارات=وغزا الكويت وقام ينهب وقوده
نخاه جابر؟قال ماعنك صدات=اوعدك واشهد بانه اوفى وعوده
رد الكويت وسكت الطاغي اسكات=ورفع علم دار الصباح بعموده
والقدس رده منوته واكبر امناة=سعى برده من عداه ويهوده
وطرح له احلولٍ كُثر واقتراحات=وتبرعات لشعب زادة نكوده
ولبنان لمه بعد ذيك النزاعات=وخلا المحبه والتكاتف يسوده
له وقفةٍ تُعرف بل اقول وقفات=كلٍ لها يحسب ويحسب وجوده
حيدٍ منيعٍ من جبال السراوات=ماحركه برق السحاب ورعوده
ولا البحور الهايجه والمحيطات=اللي تصافق موجها ريح نوده
حلحيل حلال الامور العسيرات=مابيحت كثر المشاكل سدوده
عزانا فيه انه مقيم الصلاوات=ويحب من يخشع بلحظة سجوده
للخير مفتاحٍ وللشر ضبات= وبالطيب والنوماس دايم صعوده
مرحوم والله يجعل القبر روضات=تواسع جنوبه وتبعَد لحوده
ويثبته في حين طرح السوالات=في ساعةٍ مامن مفرّ وصدودَه
وتصبح موازيته بخيره ثقيلات=حيث ان ماقدم تجيه امحصوده
ويفوز بالجنه ويلقى الملذات=خالد مخلد في نعيم وبروده
ويستبشر بمن هم له اخوان واخوات=مع النبي والصحب يَوَرد عدوده
ونعزي الاسره جميعاً وبالذات=خليفتك واخوانه اللي عضوده
وعيالك اللي ينطحون المغيرات=الكل منهم دمعه احرق خدوده
معاوضين بخير في والدٍ مات=اسد وعقّب له فهود واسوده
وانته يابو متعب لها كل الاوقات=شعبك معك وانته بداله تقوده
يبايعك شعبك وينصت لك انصات=ويعاهدك والكل يوفي عهوده
بيعت صفى لاهل الوفا صافيه جات=ماطبها سيه ونيه حقوده
وولي عهدك له سلام وتحيات=الله على طاعته عمره يزوده
عضيدكم لو جاء لبقعا اصطفاقات=شويركم فالضيق نعرف صموده
سلطان زيزوم الحمول الثقيلات=زيزومها يومٍ غيره تكوده
الله يخليكم سنينٍ طويلات=والعود في نون العيون الحسوده
وصلاة ربي عد وبل المخيلات=على رسولٍ كلنا من ودوده[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 30 )
شعر / خالد بن سكران

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياعـل قبرٍ ساكنه خادم بيـوت الله فهد= يسقيه وبـل المزن ويقوم الثرا بأخزامها
قبرٍ حضـن في داخله سـم العدا طير السعد=سبع الجزيره لا أنذكر ينعد خير أعلامها
الحاكم العادل حبيـب الشعب حـلاّل العقد=قايد شئـون المملكه محيـي جميع أحلامها
بالديـن والعمران والتعليـم ماعنها رقـد=رقـا رقـا فيها على القمه وعز أسلامها
مكـه وطيبـه تفتخر به بالتطـوّر للأبد=وسّـع على المسلم بيوت الله وصار أحسامها
حامل لواءالتوحيد..والبدعـه طمسها ماشرد=سنـة رسول الله بداره ماشـيِ بأحكامها
عـوق المعادي سيـفٍ مجـرّب على خصمه جـرد=ناسٍ تحـاول زعزعـت حكـم البلد لطامها
كل الدول لامـن ذكـر صيته تهاب وترتعد=بالسلم سلـم وبالحرايـب سترها وأحزامها
كريم سبلا بالعطايا من وصـل بابه وجد=طيب وكـرم وأسلـوم والعليا عليه أوسامها
يوفي ليا منه وعـد وأن قال يفعلها بعد=قال الكويت تعود بأذن الله على حكامها
وبالمال والقـوات حـرّرها ووفّـى بالوعد=وطير السعد غنى وضـرب الموت في صدّامها
وشعب الكويت بطيب ابو فصيل مع العالم شهد=أكبارها وأصغارها تبكيه طـول أيّامها
مرحـوم يارجـل المواقف يامليك أشرف بلـد=مرحوم ياحامـي حمـى الاسلام يا مقدامها
مرحوم ياستر العذارى يا الصميدع يا الأسـد=مرحوم ياريـف الضيّف فالبلد وأكرامها
تبكيك طيبه والحـرم والقـدس شيبان وولد=وتبكيك صنعاء والجزيره يافهد مع شامها
وشعـب الخليج بغيبتك مذهول يا القائد فهد=يبكي عليك الشعب كله شيخـها وأيتامها
أسئلك ياالرحمن ياالقـدوس يا الفـردالصمد=أنك مليـك المملكه روحـه تغفـر أثامـها
ويشـع قبـره نـور ويوسّـع له الله باللحد=ويشـوف منزاله بقبره خيـر يوم اختامها
ويالله عسى له في جنان الخلد بيـتٍ له عمد=فـي جنةالفردوس مع خيرالبشر وأيمامها[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 31 )
شعر / مبطي العالي

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
الله يرحم من حمى رايه الدين=من ظن فيه الخير ماخاب ظنه
جانا خبر موته ضحى يوم الأثنين=يالله عسى مثواة بردا وجنه
وحنا نعزي فيه كل المسلمين=في انحاء جميع الكون والموت سنه
ياخادم البيتين عون المساكين=ريف الضعيف اليا الليالي وطنه
انا اشهد انه شيخ كل السلاطين=ليت الليالي بغيبهن خبرنه
قاد المسيرة له ثلاثه وعشرين=مافيه زود ونقص في حسابهنه
ولايحصي فعوله قصيد ودواوين=ولو يكتب التاريخ ماينصفنه
وعندي على ماقول كل البراهين=وكل الدول في حبنا يحسدنه
هذا كلام الصدق والناس دارين =وايضا السنين اللي مضت يذكرنه
وحنا على درب الفهددوم ماشين =ماختاره الرحمن مافيه منه
وصلواعدد مافالسماء نوٍ يبين=على نبيا بعد الكفر عنه[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 32 )
شعر / جزا البقمي

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
أنطفى نور الرياض وصار عاشقها حزين=يوم راح العاهل اللي عاش من خيره شعوب
أنتثر دمع العيون ولا بقا دمعه بعين=والحزن خيم على نبض الشوارع والقلوب
يا صباح الخزن صبّحت العرب والمسلمين=يا صباح الحزن فينا ابتدى من كل صوب
والله انا ما فقدنا غير سلطان ٍ فطين=والله انا ما بكينا غير من ثقل الخطوب
قايد الامه زعيم العرب في الشده يبين=تشهد الخفجي نهار القصف نيران الحروب
سور مكه والمدينه حصن ضد المعتدين=صامل الهدات لا دقت نواقيس الكروب
الله انه يرحمك يا القايد الشهم الأمين=ويدخلك في جنة الفردوس مغفور الذنوب
كل ماعندي بقوله في مجرد كلمتين=يا فهد لو مت باقي في معاليق القلوب[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 33 )
شعر / سالم بن جخير


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
اعوذ بالرحمن من كل شيطان = ومن الغدر ومن الحسد والعمايل
والى ابتدى ليل القصايد والالحان = بديت واشفيت النفوس الغلايل
وانا ماشوش الا على صهلة حصان = وعلى عزاوي ناقضات الجدايل
مانيب اخوض الحرب في كل ميدان = الين يشعفني صهيل الاصايل
الله خلق لي فكر وعيون ولسان = اقدر اميز واتكلم واخايل
نيابةٍ عن يام والشيخ راكان = وقفت امثل لي شعوب وقبايل
وذبيت في راس الطويلة مسيان = والحيل مامن حيل والدمع سايل
ومن البكا سالت ملازم ووديان = وحتى الطويله من دموعي تهايل
وبكوا على صوتي شغاميم نجران = وبكوا على صوتي شغاميم حايل
عليك ياعز العروبه اكحيلان = عز العرب رمز الوفا والجمايل
ملك ومتواضع وللعز عنوان = حذفك بعيد وشبر يمناك طايل
اسمك الحاله يرجح بكل ميزان = وذكرك مابين الناس صايل وجايل
من لا انجبت مثلك على مر الازمان = احسن لها تبقى على طول حايل
ومن لا نهج نهجك على سنان وعنان = ماظنتي يدعى صبي الصمايل
تركتنا في عز في امن وامان = وانعام ماتحصى وخير وفضايل
موتك فجيعه حلت بكل الاوطان = من هولها شفنا نجوم القوايل
يومٍ بدى مظلم تباشيره احزان = تقول في يوم الحشر والهوايل
لكن عزانا في هل العز والشان = اخوان نوره مقُدم اعيال وايل
العزوه اللي لكتسى الجو دخان = افعالهم تلغي جميع الفعايل
نرسل عزانا صوب ذربين الايمان = ونجدد البيعه بكل الوسايل
ونرفع يدينا كلنا سر واعلان = وندعي لهم بالفرض والا النفايل
على العهد باقين انصار واعوان = ماخانوا العشره اعيال الحمايل
ماعندنا باير وكاذب وخوان =نصدق مثل صادق حقوق المخايل
لعيون (عبد الله) ولعيون (سلطان) = ناقف ونردع كل غازي وعايل
هذي عوايدنا مقلع وخبلان = والى نوينا يعتدل كل مايل
ناتي كذا خبلان صقهان عميان = ونذود دون معوبسات الشمايل
حنا نهار الضيق رئاسة اركان = حنا الكتايب واللوا والفصايل
حنا لقادتنا محازم وفرسان = ضد الغدر ضد الجهل والتحايل
من عهدنا الاول الى عهدنا الان = وحنا على نهج الجدود الاوايل
والحكم لال سعود والضد خسران = وعندي على قولي شهود ودلايل
ومن لا اعتبر يقلط على السيف شامان = وماله عن الموت المحقق بدايل
اقولها من قلب يغشاه الايمان = واعيدها لاقيل ويش انت قايل ؟
وان ودع بليهان ياتي بليهان = وحنا بامن وامان والشك زايل[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 34 )
شعر / خالد المجازف

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]

ضاق الفضا ولا الحزن هذا مفتاح=يفتح لنا ابواب الدروب العسيره

راح الفهد واستغفر الله عن ارواح=تندب على فرقا مليك الجزيره

تسمى خادم وهو قايد وله طاح=سيف الشموخ اللي لنا هي مجيره

أطلق يمينه بالكرم عطرها فاح=وأطلق يساره كالبحر هي غزيره

واطلق لنا مبدا العدل وفق ما باح=إسلامنا ما للعرب عنـْـهِ خيره

أسأل له الخالق بمنزله يرتاح=يالله على جنتك مسك المسيره

ودام بو فيصل عن الزايله راح=عذروا عيونٍ تبكي يتـْم الجزيره[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 35 )
شعر / حـازم الروقـي

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
الرياض اصبح على هـول ماجاه وكـفاه=تنزف طعونه من الهـم ونياح الطيور

تمشـي العالم بوسطه على غـير اتـجاه=حايره ,, والهم فيها تضيق به الصـدور

وروضة التـنهاه حنًت على ذكـرى لقاه=تشتـكي لـخزام ,, وخـزام مجروح الشـعور

من يلـوم طويق لا اهتـز وجبال السـراه=والزمن لـو شان وجهه على النـاس معـذور

آه من قلبٍ تحطـم على فـرقـــاه وآه=من عيونٍ بالمدامع محاجرها تفــــور

الخـبر ماهوب عـادي مـلا الدنيا صـداه=مـوت حاكم غير عـادي وله فالوقـت دور

أمـة الاسـلام تبكـيه والعـالم بكــاه=وأكثر أعـلام الدول نكًسـت فـوق القـصور

يا مـلك ,, تبقا مـلك ,, لـو فارقت الحياه=يا أعظم ملوك العـروبه على مـر العـصور

يا ملـك يا تاج راس الخليـج ويا ذراه=كنت بوجـودك ل(سـت الدول ) حـامي وسـور

يا ملـلك ,, ماجـابن البيض مثله فالـدهـاه=بالسياسـه والفراسـه وتسييـر الأمـور

الله اللي عـز شانه وعلا مسـتواه=وجه مشـرق , شع فالكـون نور وزاد نـور

شـامخ الهـامه بممشاه وواثق في خطـاه=التـواضع من سجـاياه لو يمشي غـرور

الأراضي تنشـرح له وتمـطر له سمـاه=تضحـك الدنيا لشوفه ويغمـرها السـرور

وان تكلم في كلامه يشـد الانتـباه=هيبته تـفرض له الصمـت من كل الحضـور

تاصله كل المصايب ,, ولا تاصل مـداه=يبتسم ,, ويـرد كيـد الاعادي فالنـحور

تـعجز الأقـلام والكتـب وافـواه الـــرواه=ما اوفته حقـه , ولـو تمتلي كل السـطور

جعل ما قدًم للاسـلام يلـقا بـه جـزاه=يستـلم بيمينـه الصحـف في يوم النشــور

ويا عسـى طوبى مقــرًه بتكـريم الالــه=في نعيـم الخـلد ينعم بوسـط جنـان حــور

والسـحاب اليا نشـا وانتشـا وانهـل مــاه=جعـل يسقي حـارة العـود ويعل القبـور

لاجل قبـر الغـالي اللي ملكنـا من غـلاه=يكتسي بالورد والفـل وانـواع الزهـــور[/poem]



رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 36 )
شعر / مبروك بن ماضي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
كم فيك يا واحد أغسطس مـن آلام = واحـزان ماخلـت بعقلـي مـدارك
صبيحة الاثنيـن ذاعـوا بالاعـلام =قالو ا لنا 0 يافهـد ربـك اختـارك
مرحوم يارمز العروبـه والاسـلام =الله يجعـل جـنـة الخُـلـد دارك
مرحوم ياريـف الارامـل والايتـام =يامن نصرت بسود الايـام جـارك
ينعاك كل مسلم لبس ثوب الاحـرام =وينعاك من شاهد بمكـه عمـارك
وينعاك من بالبيت صلى/ ومن صام =وينعاك من سره عملك المبـارك
طباعة المصحف باشكال واحجام =ونشره وتوزيعـه لخـارج ديـارك
وينعاك كل مسلم في الارض منضام =وينعاك من حبك وسـار بمسـارك
ذكراك تبقى عاطـره طـول الايـام =ولك في قلوب المسلمين إعتبـارك
يافهد ماتوصـف مآثـرك الاقـلام =ولا تحيـط إبحكمتـك وإقـتـدارك
غبت وفقدنا فيـك فـارس ومقـدام =مير العـزاء انـا نـدور ابمـدارك
من شيّد النهضه لشعبه ومن قـام =صرح البناء وارسى القواعد وبَارك
من أسس التعليم من اصـدر نظـام =للحكم 0 به صار المواطن مشـارك
من حط قضية شعب مظلـوم قـدام =عينه وفي نصرة فلسطيـن شـارك
ولما تبيـن غـدر وحجـود صـدام =من ما حَمد شورك وحكمة قـرارك
يافهد ماتحصـي جمايلـك الارقـام =كريم من مهدك لحيـن احتضـارك
يافهد خذ راحتك فـي قبـرك ونـام =عبدالله وسلطـان حملـوا شعـارك
يجعلك فالفردوس مع سيـد الآنـام =تنعـم بهـا يافهـد وتصيـر دارك [/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 37 )
شعر / محفوظ الهذلي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
يا سراة الحجاز ويا عروق النفود=ياجبال الجنوب وياجبال الشمال
ياصليل السيوف ويا عرين الفهود=ياسفوح الهضاب ويا شموخ الجبال
اعلنوها حداد وكل عينٍ تجود=ما تفيض العيون إلاّ بفقد الرجال
والفـقـيده فهـد عبد العزيز السعود=كاسب الزود شيّال الحمول الثقال
كل الامجاد فيها من صفاته شهود=لين صارت صفاته للمعالي مثال
يالله اني طلبتك يالغـفور الودود=تجعله مع هل الفردوس يا ذا الجلال
والعـزا في سليل المجد رمز الصمود=كاسب الطيب ابو متعب كريم الخصال
عهد منا وحنا ما نخون العهود=كلنا جند تحت الأمر في كل حال
فوق ياراية التوحيد رغم الحسود=رمز ديرة هل التوحيد صعب المنال[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 38 )
شعر / مسعود المقاطي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
غيبوبة الفكر فاقت بعد ماخذت اسبوع = فاقت وطابت لكن جرح الحشاء مايطيب
صار السهر دلتي واليل الاسود قدوع = مغير اعذل على نفسي وودي وجيب
روابعٍ تجتلد وفكار من كل نوع =ولفكر من فاجعة موحيت مايستجيب
وانا احسبني قبل هاليوم صبري بتوع= وا صمد ليا جات غارات الزمان المريب
اكنها فالحشا وتضيق مهنا الضلوع = وازفربها زفرت اللي طاح وبطى صويب
ساعة سمعت النباء اللي كان وقعه يروع = اغيب من فاجعة ماوحيت واصحي واغيب
الجرح والحزن والضيقه وهل الدموع = في ذمتي ماتكاثرها ولا هيب عيب
خاويتها ودري اني ضمن باق الجموع = اللي بها جرح من بعد الموادع عطيب
خاويتها فالوداع اللي مابعده رجوع = ماكني الا مع الدنيا وهلها غريب
مؤمن بما نزل الخالق صبورٍ قنوع = ايلاهنا الخالق اللي فوق خلقه رقيب
ياعظم فرقاك ياقلبٍ علينا جزوع = في كل محنه وكربه دوم منا قريب
عشرين عام وثلاث المملكه في طلوع = سيرة وفاء لو يشيب ابها الزمن ماتشيب
يالله اللي لوجهك كل الامه خضوع = ياواحدٍ ماتحت حكمتك شيٍ صعيب
كريم يالله ومن زارك كريم الطبوع = خادم لبيتك وماسح دمعت المصتصيب
حكم بشرعك وعاهد للملاء مايتوع = ووفاء ومن حارب الاسلام جاله حريب
يالله رجيتك بساعة كل الامه هجوع = ارحم ملكنا وعوضنا بصبرٍ يثيب
غيبوبة الفكر فاقت بعد ماخذت اسبوع = فاقت وطابت لكن جرح الحشاء مايطيب[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 39 )
شعر / قديم الشـوق

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياشق جيب الصبر يادرع الاسلام=عليك يا شيخ ٍ رفيع ٍ مقامه
طير الفجيعة في سما المملكة حام=ويبقى يحوم الين يوم القيامه
مات الفهد يوم انها جفـت اقلام=والصبح من موته تزاحم ظلامه
هذا خبر موتك تناقله الاعلام=اقضّ مضجع كل حي ومنامه
مدري حقيقة أو هي اضغاث واحلام=ولا الخبر صابت وصادت سهامه
الحال ما من حال علــّـته الاسقام=والجسم ما تقوى تشيله عظامه
اللي قعـد من هول ذاك الخبر قام=واللي وقف ماعاد ندري علامه
أحد انذهل لاذاق زاد ٍ ولانام=واحد ٍ من الِخلفة تلعثم كلامه
ياهو فزع ياهو وجع ياهي آلام=يوم الحزن حدّر ونصب خيامه
اكبر دليل انك من رجال ٍ عظام=وانك زعيم العز مجد وكرامه
في يوم موتك يالفهد طاح حكام=ماهيب بس دموع حزن وندامه
ماردهم عن طرحته عهد وذمام=خذوا منه حكمه وشدوا زمامه
قبر الفهد جعله على مر ّ الاعوام=وبل مع الايام يرهش غمامه
سلام يا قبر ٍ على السنة مْـقام=لا فيه لا شرك ٍ ولا به عتامه
في قبرك وتسمع لهم وقع الاقدام=يوم ادبروا والكل يقري سلامه
سلام مني لك ومن كل الآنام=يا قبر وسط العود فوقه علامه
عساه في روضات جنة وإكرام=إلين رب الكون يبعث أنامه
هذا الفهد تاريخ وامجاد وارقام=لا قال قال وما يثـنــّي كلامه
هذا الفهد نار ٍ على روس الاعلام=نور الفلق لا شق ليل الجهامه
خادم بيوت الله من اعوام واعوام=حمى حرمها ثم علاّ مقامه
في كل دار اسلام له فضل وانعام=وفي كل بقعة أرض للفهد شامه
طبقت شرع الله عبادات واحكام=واصبحت خادم بيت ربي وامامه
ابشر بشعب ٍ يذكرك طول الايام=يطلب لك الرحمة وطيب الاقامه
شفتك قبل كم عام في لبس الاحرام=مابين بيت الله تعالى ومقامه
ترفع كفوفك للولي رب الاكرام=يحسن لك النية ويحسن ختامه
وتوحدّ الله يوم تـشــّــر بالابهام=توحيد عبد ٍ صادق في كلامه
ومن وحّد المولى وصلى له وصام=نرجي له من الرب عفو وسلامه
واليوم بيعتنا على شرع الاسلام=للوالد القايد عقيد الشهامه
هذاك سيف الحق ماضي وقدام=اللي قبض خيل العدل من خطامه
هذاك ابو متعب وهو القايد العام=له بيعة ٍ فينا وله طول هامه
حكمه بحكم الله في حل واحرام=وقوله إلى من قال جا في تمامه
شيخ ٍ خذا من العدل له درع وحسام=وفرض على كل الجميع احترامه
غوث الضعيف اللي توطته الاقدام=وسم الحقود اللي تزايد سقامه
والنايب الأول أبو كل الايتام=سلطان شيخ العز طيب وكرامه
ولي عهد وليث حرب ٍ ومقدام=صيته تعدى صيت أهل القرامه
ابو العطا راعي العطا شيخ الانعام=مداته اكبر من طويق وتهامه
تدعي لابوخالد عجوز ٍ ورا الشام=وشيخ ٍ كبير نازل ٍ في المنامه
انتو لنا اخوان ٍ وأخوال واعمام=وبوجودكم كل ٍ خواله عمامه
الحكم لله ثم لرجال ٍ عظام=الحكم لاهل الطيب واهل الزعامه
انتوا ملوك الارض وآخير حكام=وآخير من ولّـِي الحكم والامامه[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 40 )
شعر / نادر مشـعل

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياوطن ياكبر هول الصدمة وحب الفقيدة= والخسارة ياوطن ماهيب مثل اية خسارة
فاجعتنا في رحيل الوالد اعبر من شديدة= انتهى عهد الفهد واختاره المولى جواره
القضا مادامه من الله رضت بامره عبيده= لو تجرعنا على فقدان ابو فيصل مراره
اربع وعشرين عام وكلها كانت سعيده= لين صرنا باول صفوف التطور والحضاره
كل خير في كنف فهد العروبة نستزيده= وكان شعبه كل يوم يشوف من خيره بشاره
للجنان وروضة الفردوس يالروح الحميده= ألسنتنا بالدعا تلهج عسى الفردوس داره
يحفظ التاريخ للعاهل سجلات عديدة= وصّلتنا حنكة القايد لميدان الصداره
معجزات تجعل اسم الراحل اسم نستعيده= ومنجزات تنقش اسمه في جدار اعلى مناره
وسـّع اركان الحرم واصبح مساحات مديده= والمساجـد صممت باحدث معايير العماره
واستضاف ضيوف مكه والمدينة من رصيده= واحتوى قلوب الاوادم بالمحبة والجداره
واخـر اعمال الفقيد اعتق عن المسجون قيـده= ماذخـر عنه العفـو يـوم العفـو عنـد اقتـداره
واستماعـه للمواطن لين يدرك مايريده= واهتمامه بالمعارف لين حـوّلها وزاره
وانتصاره وانهزام الباغي اللي بان كيده= وانتزاعه للكويت وفزعته يوم انتصاره
والعزا بوجود ابو متعب وابو خالد عضيده= والخلف مثل السلف نفس المبادي والمهاره
والوطن يرفع لهم بيعة غلا ماهي زهيده= ويتوافد حبنا للمصمك وقصر الاماره
وكلنا في صف واحد مع حكومتنا الرشيده= وكلنا طاعة وسمع وكلنا رهن الاشاره
والعلم يبقا لنا رمز التلاحم والعقيدة= وكلمة التوحيد والسيف الحدب تبقا شعاره
وفاجعتنا مايترجمها كلام ولا قصيده= والخسارة في فهد ماهيب مثل اية خساره
وعظم الله اجر شعب المملكة عقب الفقيدة= واجر كل المسلمين بكوكب ودّع مـداره[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 41 )
شعر / عقـاب الربـع

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
بقول لو موتى العرب تسمع الصوت = ماانتم مثل من مات في عالية نجد

هنا نحس الموت يااصحابنا موت = هنا نحس الوجد يااقرابنا وجد

هنا سكات ربوعنا يعتبر صوت = هنا فتات دموعنا يعتبر مجد

يانجد ليه الحزن مافيه جبروت = والله ماكنّك دفقتيه من جد

عذرك سمين ان كان هالعلم مبهوت = بس ويش عذرك كان هو الاب والجد

اما اتركينا معه يانجد بنموت = والا اتركينا بعده نكمـّـل المجد

.
.
.
.
استوعب العلم ياحزنٍ اصيل محبوس = صدورنا بيد لطرادك بليا سياج

اليوم هذا كئيب وتقل ماانته ضروس = مـ تشوف من روسنا ياحزننا ادفن تاج

قولوا لمنهي تبختر من حياها عروس = تكوح ترباتها من بُشَرت بالزواج

امس الضحى كون وعلومه تقل رمح قوس = للحين ثاير فـ طعنه خش رايق مزاج

مات المليك وحكت فينا قبايل هجوس = مات المليك وبكت كل عين ملحٍ أُجاج

مات المليك وبقت كل الاماني مجوس = مات المليك وهقت ظلمى خفوت السراج

يادار يامؤمنه هالدمع لو محسوس = ماينفعك لو يفور ويعلن الاحتجاج

وادع وخاطرك هالليله فبعده عبوس = وادع وجنات عدنٍ زفت الابتهاج

من زيه ان كِـبِرّت قاله وصارت بسوس = يقبل على الموت اخو نوره بليا هجاج

صمته دروس وتصاريحه للاعدا دروس = يقلب موازين حكمتهم بعقدة حجاج

يومين عدّن وعدّن بالدعاوي محروس = وابفعالك اللي بقت بالأرض عزٍ وتاج[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 42 )
شعر / مطـر الروقي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
فاضت دموع الرياض وهز حزن طويق طوله = وامتلا صدر القصايد حزن من حزن الجزيره

من يلوم الشعر لويعلن من الصدمه ذهوله = من يرد شعوب لاتبكي وحسرتها كبيره

الخبر ماهو بسيط وفى وجيه الناس هوله = والفجيعه فى فقيد المملكه فى كل ديره

عظّم اله اجرنا واجر الجموع الي بكوا له = واجبر الله كسرنا والا الفهد موته كسيره

خادم البيتين مهما قيل ماتحصى فعوله = سيرته مامثلها فى صفحة التاريخ سيره

الزعامه والكرامه والشهامه والرجوله = والقياده والرياده والاراده والبصيره

رجل علم ورجل سلم ورجل حلم ورجل دوله = كلن قوّه كان ابوّه كان عون وكان جيره

كان عقل وكان ثقل وكان فعل لمايقوله = كان عزم وكان حزم وداعي الخير وبشيره

كان قلبه ساحة امجاد وطموحات وبطوله = كانت ايدينه مثل غيثٍ روينا من غديره

كان حول الشعب كله كان كل الشعب حوله = ياكثر من كان ينعم ماحدٍ يعلم بخيره

منجزات ومكرمات وتنميه فى كل جوله = كانت دروبه ربيع وكانت ايامه سفيره

حكّم القران شرع ومنهجه سنة رسوله = وامة الاسلام فى كل المواقف تستشيره

يثبت ايمانه حنانه والبساطه والسهوله = كان فخر وكان ذخر وكانت افضاله كثيره

ياله انك تستجيب دعا العباد الي دعو له = وياله انك من عذاب القبر واهواله تجيره

ويالله انّا طالبينك فى رضاك وفى قبوله = ودم علينا امنك وايمانك وفضلك والستيره

والولاء والسمع والطاعه على الدين واصوله = للملوك الي على نهجه يقودون المسيره[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 43 )
شعر / سعـود القـت

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
أجبر الله عزا الشعب السعودي فبوه = واجبر الله عزا التاريخ والامتين
غيمةٍ وبلها مدامع اللي بكوه = والبكا رعدها من هولها له دنين
لو للموت منذر كان شعبه فدوه = مير ذي حكمة الله والملا مرتضين
صب فنجال حبه للوطن واستقوه = واغتذا حبهم حب الابو للبنين
أمةٍ في رجل وليا بغوه وجدوه = ما تهزه زوابع الدهر والسنين
قادهم فهدهم للمجد لين اعتلوه = جنب ليّن لهم والجنب الاخر متين
من يلوم الشعوب المسلمة لا نعوه = غايته نصرة الاسلام والمسلمين
رفرف براية الاسلام مير افقدوه = والعوض راس عزٍ حاز دنيا ودين
واصل السير للعليا وهم بايعوه = وقدم عينه بكا الاقصى مع الرافدين
يعضده للعلا ولي عهده واخوه = منبع المرجلة حاتم على كل حين
الوطن عاضه المولى ببو بعد ابوه = واجبر الله عزانا في طويل اليمين[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 44 )
شعر / بدر ناصر العجمي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
عز الله أن الفكر ناخت مطاياه=واسترسلت لا لام من كل يمه
.
والحزن يغشاني وجفني نثر ماه=من كبر همٍ صك رأسي وخمه
.
يوم الخبر ذاعوه والكل يقراه=يا من يوجهني وفكري يلمه
.
عاجز أوصف كبر حزني لفرقاه=أنشل تفكيري وجا ما يصمه
.
جانا خبر سيف العروبة وعزاه=مات الفهد يا كبرها من مطمه
.
في نشرة الأخبار والكل ينعاه=بات الزعيم بوسط قبرٍ يضمه
.
ليت القدر جنب مسيره وخلاه=لا شك يومٍ كاتب الله يتمه
.
العالم بأسره من أقصاه لدناه=غطى عليه الحزن فوق المعمه
.
فارس على صهوة جواده خبرناه=والخير بين الناس أرها وعمه
.
عوق الخصيم اللي يعيل وتلقاه=يسقيه كاس المر ويزود سمه
.
دك الكفر وأهل النفاق أتحاشاه=أيجنبون البير لا ورد جمة
.
رفع لشان الدين ثبته وأرساه=حكم بشرع الله في كل ذمة
.
دستوره بحكم الشريعة تبناه=يضرب بسيف الحق ما شي همه
.
شعب الكويت الحزن غطاه وأبكاه=فجيعةٍ والكل يزداد غمه
.
كل التعازي للسعودي بما جاه=والنايبه تنصا الولد وأبن عمه[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 45 )
شعر / راشد العتيبي ( كــلاش )


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,white" type=2 line=1 align=center use=ex num="0,black"]
الشعر مامات مهما طالت المده = في حزته ياصل مناديه ويزوره
لابده يقول مافالقلب لابده = مع ذبحة الصمت بين الرجل وشعوره
لاغرغر الهرج بين الحلق والغده= والنفس في همها والحال مستوره
يوم المرتل على التنوين والمَده = يقرا من البسمله لين اخر السوره
تنفس الصبح بين الضيق والشده =انفاس مستوحشه وانفاس مذعوره
كنه لبس ثوب من لون المساء قده = و الاّ حداه المساء عنوه واخذ دوره
ماشال في صدره المكتوب من وده =لو هي على وده ابطى ما ظهر نوره
والله مامرني مثله ولا اعده = الاّ صباح البلاد تقوم مبتوره
امست على نار والاعصاب منشده = واضحت تلقى العزاء في موت اخو نوره
الفاجعه موجعه والبيض مسوده = فـعيون من شاف فيهم قمة سروره
قصوره العامره من فقده امحْده = وخريم تبكي على التنهات منحوره
عَزْ الرياض الحبيبه يا بحر جده = وان جيتها لاتقول القاع ممطوره
عين السعودي معرب خاله وجده = ان ما انتثر دمعها عميا ومكسوره
فقيدنا اللي نحبه حيل ونوده = على غرامه قلوب الشعب مفطوره
سقوى تبسَّامته لا حركت خده = كنه يقول امة الاسلام منصوره
والا قدوم السعد لا لوحت يده = اعز من لوحت يده لجمهوره
فهْدْ العرب طيب يومه سالفة غده = مذكور بالخير والافعال مذكوره
العز من هامته والحكم في يده = والسنه مرايته والشرع دستوره
والنخله ام الرطب والسيف ابو حَدّه = الاوله وقفته والثاني حضوره
فهْدْ امة الدين الاسلامي شذا نده = عم الدول كلها من طيب منظوره
يوم الهمج للكويت اعدوا العده = وتصيح من غبنها تنخاه مقهوره
قال ابشري ياكويت العز بالرده = مالي شكر والجميله منك مخبوره
وايام لبنان راحت هاته و وده = ما بين ثوارها ودعاية الثوره
من قدح راسه بلا صيغه ومسوده = توحدوا وارجعت لبنان معموره
والقدس مبداه واسرايئل منهده = والبوسنه فرحته والصرب مدحوره
ومحارب الجوع فالصومال و اوغنده = و(الخ والخ) ... عن قطره من بحوره
اعد: من باب شيء تواجهه عده = ولا السطور اتوفّى عند الاسطوره
ياجعلها في موازينه خَلَف كده = شفيعته عند رب البيت والسوره
يالله ياهازم اهل الكفر والرده = ياجامع الخلق يوم العرض محشوره
يامن على خلقه الرحمات ممتده = اشمل برحمتك خادم بيتك وسوره
فقيدنا اللي نحبه حيل ونوده = خمسه وعشرين عام ونورنا نوره
والغيبه اللي تهز الشعب وتهده = غيبة ملكنا فهد بالصوت والصوره
واللي يهون علينا الضيق والشده = ان العوض راس اخو نوره فاخو نوره[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 46 )
شعر / هادي بن شنيف

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
اقشر خبر ولع بصدري وقيده =كن يتلهب ساعرن من سناها
توجهيلي يابيوت القصيده = والطرس والاقلام يكتب دواها
ارثي مع اللي فاقدن له فقيده = يرثاه من دينه على دين طاها
رجل الشجاعه والعلوم المكيده = من روس حكامٍ يذري ذراها
لاجا العناد من الوجيه العنيده = راع السياسه والشجاعه وراها
قضاء حياته في سبيل العقيده = وشرايع الاسلام كلٍ قراها
الكتب تنشر باللغات العديده = نور الهدايه كل الاوطان جاها
النصح شانه والصفات الحميده = حكيم وخصال الزعامه حواها
تطلعاته والسياسه بعيده = زعيم والنظره بعيدٍ مداها
خلى السباع اللي تضرس مسيده =لاكشرت بانيابها سد افاها
يالله عسا الفردوس فيها وعيده = وادعو له الاجواد يقبل دعاها
والحمدلله في مكانه عضيده = وبخير والدنيا على مستواها
من حكم عودٍ سطر المجد بيده = وعتيبه الهيلى جديدٍ ولاها
العهد صادق والقياده رشيده = مع مسس الدعوه وقايد لواها
بانينها على وصولٍ جويده = لوهي قديمه ما تغير بناها
والقطره اللي فالبحر ما تزيده = ياما وياما اللي عطاله متاها
من شذ يعرف والمصايد تصيده = في ثبرته والنار توعد ملاها
الدرب واضح يمشي الرجل سيده = في نور والاعمال باللي نواها
واللي زرع له زرع يجني الحصيده = ومن قال كلمه فالصحيفه لقاها
والنفس بنتٍ كل يومٍ جديده = أمارتٍ والسوء طاعت عداها
والوالي اولى بالولاء من عبيده = واهل العداله يرضي الله رضاها
وناسٍ تموت بطاعة الله شهيده = وناس الظلاله والعما في عماها
جبت الاكيد من العلوم الاكيده = لأهل العقول وعند ربي جزاها[/poem]



رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 47 )
شعر / محمد السميري


[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
فجعت الأمـه بعلـمٍ ضربهـا فالصميـم=يوم قالوا ريف الأمه عـن الدنيـا رحـل
بان رسم الحزن حتى على وجه الفطيـم=تذرف الدمعه بعينه وينشـد وش حصـل
عضم الله اجرنا فيـك يـا ذاك الزعيـم=يا زعيم أمـة محمـد بـلا شـك وجـدل
يا حكيمٍ بين الأوطان مـا مثلـه حكيـم=جث من شعبه جذور التخلـف والجهـل
يا قوي الراس والباس يا عوق الخصيـم=ناصر المضلـوم ملجـىٍ الحكـام الـدول
كم نقول وكم نخلي مـن المجـد المقيـم=في بيوت الله على ما نقـول أكبـر مثـل
ودعتك امتـك بالحـزن يـالأب الرحيـم=مؤمنين وكـل نفـسٍ موافيهـا الأجـل
عل همال المطر فـوق قبـرك مستديـم=لين يكسيـه الزهـر والخزامـا والنفـل
ياالله المعبود يا غافـر الذنـب العظيـم=أرحمه واجزل له اجره على خير العمـل
اللهم انجه من الكرب واغلال الجحيـم=يا كريم ارحم كريـمٍ علـى بابـك نـزل
اللهم ارفـع مقامـه بجنـات النعيـم=عوضه برضاك والحور عن فقـد الأهـل
كم تألمنا بعـد صابنـا الجـرح الأليـم=وكم حمدنا الله على ما عطانا مـن فضـل
دارنا تنجب ملوك العـرب ماهـي عقيـم=مثل ابو متعـب وفالله ثـم فيـه الأمـل
سيدي لك بيعت العـز والمبـدى السليـم=عل يمنـاءٍ مـا تبايـع يمينـك بالشلـل
وانت مثل السيف في سطوته وانت الحليم=وانت غيث الدار وابـو اليتامـا والرمـل
بارك الله فيك ياعزنـا عـن كـل ضيـم=سابقٍ خيرك وفضلك على شعبـك شمـل
وبارك الله في لزيمك وهو نعـم اللزيـم=حايزٍ كـل الفخـر ثابـتٍ مثـل الجبـل
يا ولي العهد وانت الكريم أبـن الكريـم=والله إنا مـا نبـي غيـر قادتنـا بـدل
لأسرة آل سعود ماضٍ عهدنا مـن قديـم=والعهود أموثقه مـا يجـي فيهـا خلـل
يا حمات الدين عن صاحب الفكر السقيـم=جندكـم مصـغٍ لمـا تامـرون ومكتمـل [/poem]



رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 48 )
شعر / مرزوق العتيبي


[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
انا اشهد انك كسبت وصدت رجال=يالموت واخترت من يحزن رحيله
فجعتنا فيه والله يجبر الحال=واحد ويسوى ثلاثمية قبيلة
عليه اعزى وطن واعزى اجيال=واعزى بيوت ربى والفضيلة
واعزى اعمال خير وخير الاعمال=عقبه نقص كيلها من راح كيله
ومنبر رسول الله ومآذن بلال=تبكيه فى كل يوم وكل ليلة
والقدس دمعه على فرقاه همّال=والجود يبكيه ودروب النفيله
والطيب من كل لون وكل الاشكال=عميل يبكى على فرقا عميله
والطيبين إلتهوا عن راحة البال=واستبدلوا راحة البال بمليلة
والبدو بين ارتحال وبين منزال=ما همهم عقبه السيل ومسيله
لو صارت الارض زولية وسربال=صدورهم ممحله عشب وخميله
واهل البحر مالهم فالبحر مدهال=من مات در الكرم ماتنتمى له
خلّوا سوارى خشبهم يضرب الجال=طووا شراع الخشب واعزتيله
واهل القرى والسواقى واخضر المال=حصادهم قل لو زاد بنخيله
واهل القنص في القنص ماعاد تختال=وسهيل حسّابته ما تعتني له
والتاجر اللى كنز دينار وريال =موت الفهد قلّل ارصدته وحيله
عزالله انه رحل عنّا ولا زال= فقلوبنا وين ماراحت تجي له
عسى على قبره الهمّال همّال=رحمه ولا فتّر الله فهميله[/poem]



رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 49 )
شعر / راجح بن نايف المغيري


[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
صرح السياسة والدهاء يوم الاثنين=تصدّع اجـداره وجـاك امتداعـي

لاتذخرين من ازرق الدمـع ياعيـن=جودي على موتة حميـد المساعـي

فهد العروبة معجزة قرن عشريـن=القايـد الجهبـذ كريـم الطبـاعـي

رمز الوفاء والحلم والعـدل والليـن=موسوعة العلـم الكريـم الشجاعـي

اللي نباه اتعـب قلـوب الملاييـن=عقب استماعـه فالاذاعـه يذاعـي

تفجّرت بصـدور شعبـه براكيـن=شعبٍ يحبّـه ليـن حـد النخاعـي

سالـت مذارفهـم سـواة الوداديـن=شبابهـم واللـي بسـن الرضاعـي

ودموع الاخيـار الكبـار المسنيـن=من حرها لو ناشت طويـق ماعـي

جهامـةٍ غطـت وجـوه المحبيـن=بعد القـوا آخـر نظـرةٍ للوداعـي

لكن باللي يكتـب الـرب راضيـن=حنّا رعيـة تحـت تدبيـر راعـي

وانا بغيت ارثي زعيـم السلاطيـن=وتاهت حروفي والفكر مااستطاعـي

عن حزن الامّة كيف اعبّر ومن وين=ابـدا وعنـدي للهمـوم اجتماعـي

يالله ياقابـل صـلاة المصلـيـن=تغفر ذنوب اللـي نعـوه النواعـي

فقيد الامّه صاحب المنهـج الزيـن=والفكـر والتجديـد والاختـراعـي

وانا على مااقول عنـدي براهيـن=مانيب اقـول الاّ الكـلام الوقاعـي

يوم اضطراب المنطقه عام تسعيـن=والحرب موشكةٍ علـى الاندلاعـي

جنّب بلاده كارثـة وقعهـا شيـن=دهـاه جنّبهـا الفتـن والصراعـي

وفي نصرة المظلوم ماقـال بعديـن=بادر وفعلـه يدركـه كـل واعـي

رد الكويت بقـوةٍ تقضـي الديـن=واحبط مخطـط مرتديـن القناعـي

له منجزاتٍ فـي جميـع المياديـن=صار البلد باسباب جهده صناعـي

أنشا المشافـي فالبلـد والدواويـن=وقلع جذور الجهل منـه اقتلاعـي

واصبح يضاهي فالتطـور بلاديـن=الهـا تقـدم فالحضـارة وباعـي

لين السعودي صار فالغرب والصين=صاحب مكانه واحترامـه مشاعـي

امّـا قضيتنـا قضيـة فلسطـيـن=مواقفـه فيهـا مواقـف دفـاعـي

الله يثيبه عنـد نصـب الموازيـن=وعساه يستمتـع بخيـر المتاعـي

وحنّا عزانـا فالرجـال المياميـن=اخوان نـورة مكرميـن الجياعـي

عبدالله اللي فـي جبينـه عناويـن=للطيب والفزعه وطـول الذراعـي

والجود والاخلاص والفهم والديـن=والاعتـدال ومنـزل الارتفـاعـي

نبايعـه بيعـةا رجـالٍ وفيـيـن=نفداه بـالارواح وامـره مطاعـي

وسلطان بحر الجود طلق الحجاجين=تخضع له جباه الخصوم انخضاعي

مناقبه ماهيـب مـن عـدة سنيـن=من قبل لايصبح وزيـر الدفاعـي

واخوانـه الباقيـن والله ونعمـيـن=هم طب راس اللي براسه صداعـي

وياللي سمعتوا كلمتي قولـوا آميـن=عسى الفهد فـي جنّـة الاتساعـي

يحبر مع اصحاب الرسول التقييـن=ومع الرسول المصطفى خير داعـي[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 50 )
شعر / عبدالله العسبل
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
سبحانك أستغفرك يالعالم العال"="ياساترٍ عبده وهادي دليله.
يازاحل هلالٍ على جرّة هلال"="مابين يوم ويوم ليله وليله.
متعاقباتٍ بين الاقفا والإقبال"="تطوي الشهر وان راح تاخذ بديله.
تفنى بها الأزمان طوعات وعجال"="مثل الشرار اللي يفتّ الفتيله.
وأعمارنا تجري على درب الآمال"="والموت جذاذ الحبال الطويله.
ياويلنا من الموت ماعنه محوال"="لايفتدى دونه ولافيه حيله.
أقولها مفجوع في فهد يارجال"="فجعة أسيرٍ شاف قتلة زميله.
جاني نبا موته على خط الإرسال"="أشد من قطع السيوف الصقيله.
وأثقل على قلبي من بحور وجبال"="وأحر من حرّ اللهب والمليله.
عليه دمع العين ذرّاف همّال"="عجزت عزوم الصبر تردع مسيله.
أبكيه لأنه حاكم ووافي خصال"="يقضي بشرع الله وربي وكيله.
أبكيه لا ذكروا مغاوير وأبطال"="ياغبن قلبي له وياحسرتي له.
باتور عسرات القضايا وحلال"="عونٍ من الله للظهور الهزيله.
ابكيه وأجهش بالبكا ويل ولوال"="يوم انعشوه لحفرةٍ مستطيله.
ياوجد حالي عنه من حفرة الجال"="عقب القصور الفارهات الجميله.
وجد المريض اللي بلا ربع وعيال"="خلّوه في تيهٍ خليٍ محيله.
مجدور ويصوّت على الزول لازال"="يستفزع الطرقي وعيّا يشيله.
ياقبر ضيفك حاكمٍ ماله أمثال"="بالهون لا تضنك عليه النثيله.
ياقبر تكفى لاتورّيه الأهوال"="أرفق بشيباته فلاهي قليله.
كبير سن وله معاريف وأفضال"="ياقبر تكفى لاتضيّق سبيله.
ياقبر جوفك ظلمه وكومة ارمال"="ياقبر نوّر له بنور الفضيله.
ووداعتك ياقبر مني بمن قال"="خدّام بيت الله ونخدم نزيله.
ووداعتك وجهٍ تواضع ولا اختال"="بالك يجيه الدود وإلا يزيله.
ياقبر تكفى كان ياقبر تحتال"="لاتستبيح اللي يزبن دخيله.
يالله ياعالم مواقيت الآجال"="ياللي لك ارقاب الخلايق ذليله.
يامحيي أجيال ويامفني أجيال"="يارافعٍ عيسى ومنجي خليله.
مادون بيبانك وساطات وأقفال"="أدعيك بأسماك العظام الجليله.
يالوالي المتعال ياهادي الضال"="ياربنا ياخير من نلتجي له.
يالواسع الرحمن ياخابر الحال"="يالمانع المنان منشي المخيله.
يالله تجاوز عنه سيات الأعمال"="واجعل موازينه رزانٍ ثقيله.
يارب تغفر له بلا حساب وسوال"="ياخير من يعطي العطايا الجزيله.
يالله عسى مثواه في خير منزال"=" جنات عدن أم الظلال الظليله.
وآخر كلامي كل نزّال رحّال"="والموت واعظ والخلايق وسيله.[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 51 )
شعر / نواف بن رازن

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
قال من يثني الهامـه لربـه خضـوع=جل شان الكريـم اللـي بيـده الاجـل
الرضاء بالقضاء المحتوم وقت الوقـوع=سنة المصطفى اللي مـا عليهـا جـدل
هاجس الشعر صا ر لنار حزني ولـوع=حين اذاعوا خبر فهـد الفهـود ارتحـل
يا عيون الوفاء جودي برزق الدمـوع=خلى الدمع فـوق الخـد مثـل الهلـل
أجهدي يالعيون وزوعـي الدمـع زوع=لاتخليـن شــيٍ ماينـوشـه بـلـل
لا تغالين دمعـك بالشهـر والسبـوع=الفقيـده عظيمـه والمصيبـه جـلـل
مات باني حضارتنـا زعيـم الجمـوع=مات فهد العروبـه مـات فهـد البطـل
مات رمز التضامن عن جميع الصـدوع=جامعٍ شمـل الامـه لا يصيبـه شلـل
وبعد فقده يلوعـه الامـه الهـم لـوع=مثل لوع العواصف في سفـوح الجبـل
خيم الهم واطفاء الحزن نور الشمـوع=وهزت الفاجعـه معنـا جميـع الـدول
صار ماء البحر الأحمر دمع من كل نوع=والخليج اصطفق موجه وصابـه خلـل
ونجد جرحه عميق امصيبته فالضلـوع=والجنوب اغرق السـوده بدمـعٍ همـل
وسيل أهل الشمال الأوديـه والسلـوع=دمعة الطفـل تسبقهـا دمـوع الكهـل
الوفاء دمعته تجري على الخـد طـوع=ولا يصيب المشاعر من سببهـا ملـل
تذرف العيـن دمعتهـا وقلـب جـزوع=ودورة الوقـت مكرتهـا تفـر بعجـل
الفهـد قايـد الأمـه تجـاه الطـلـوع=خـادم البيـت والإسـلام عنـا رحـل
أحسن الله عزانا في شريـف الطبـوع=طيـب الـذات والسيـره مـداو العلـل
وبـارك الله ببيعتنـا نهـار الـربـوع=وبارك الله بمن شال الحمـل واحتمـل
ويحفظ الله لنا أصل الوفـاء والفـروع=قـادةٍ قـادوا الامـة بحكـم ٍ عــدل
أبو متعـب ولـد عبدالعزيـز البتـوع=طيب الساس والمنهج عريـب الأصـل
ونايبه طايلٍ بوعـه علـى كـل بـوع=بالسياسـه يحلـل محكمـات الحـيـل
نبتهـل بالسجـود ونبتهـل بالركـوع=يحفظ املوكنا مـن كـل شـر وزلـل
تـم قولـي ولله البقـاء والـرجـوع=وجل شان الكريـم اللـي بيـده الأجـل [/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 52 )
شعر / غالب الظاهري

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ثلاثة ايام .. لا وده ولا هاته=
وزودن على اللي على حزني محزني
وقت المصيبه خويي غابت ابياته=
كنه مع اللي رحل عنكم رحل عني
انتابني شي ما تخفى علاماته =
وعيون شعب الفهد تقول تاكلني
هذا فهد والقصيد أن مارفع ذاته=
متعني اللي يغامر فيه متعني
ومدام كلن يعبر يوم مأساته=
ياللي حضرتن مصابي لا تخلني
ووووحزني اللي عجزت اصل نهاياته=
في صورة اللي عليه العلم يطعني
ليا تذكرت وقفاته وفزعاته =
خليتهن من عبايرهن يهلني
يبكن على اللي ما سوى العالم سواته =
يقوله المسلم الشيعي مع السني
يوم انتخوبه وقف والليل ما باته =
لين الكويتي رجع للدار متهني
ولو كل تلفاز عدّد في قنواته =
مآثر الفهد ما يوفي حسب ظني
يالله ياربي تجاوز عنه سياته =
وارحم ضعيفك وأنا ضعيف وارحمني
ثلاثة ايام لا وده ولاهاته =
هذا هو اللي على حزني محزني[/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 53 )
شعر / حبيّب العازمي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
يالله ياللي تولج الليل باليوم=يامنفرد باسمك ولفظ الجلاله
يامن لاتأخذك سنه ولانوم=يامطلع بالكون في كل حاله
ياحي ياقيوم ياخير قيوم=ومدبرٍ خلقه على مايراله
تجبر عزا شعبٍ محزّن ومهموم=شعبٍ يعزي دولته والعزا له
منه العزا وله العزا مابها لوم=ابٍ عزيز وفاقدينه عياله
هذا الرحيل اللي مقدّر ومقسوم=قفّى بوالدنا وقفّت رحاله
ولو تصفي الايام للناس وتدوم=دامت لسيدنا وديع الرساله
لاوالله الا غاب حاكم وزيزوم=مار العوض في الحاكم اللي بداله
مرحوم يا راس السلاطين مرحوم=الله يظلك يافهد في ظلاله
ياخادم الاسلام تراه مخدوم=المسلم اللي كل مسلم دعاله
وفضلك على الاسلام ثابت ومفهوم=يامن بذل للدين حاله وماله
وفضلك على يائس وسائل ومحروم=وشعب ظهر من موطنه باحتلاله
زبنك ياللي يزبنه كل مضيوم=بعد الله انت المنتهى اللي شكاله
قمت ونهضت وقلت للعالم يقوم=وقومتها على العدل بالعداله
وعاد الوطن لاهله وموقفك مفهوم=موقف حكيمٍ جاير الحمل شاله
والحق حق وموقف النصر محسوم=للي وقف للحق والحق قاله
بالاحمرين ومابها حبة خشوم=ومن لايجيب الطيب ماطاب فاله
في ساعةٍ ماتقبل البيع والسوم=ماتقبل الا من يورّد حباله
مثل الزعيم الناصر لكل مظلوم=اللي تصدى للعدو وارتكاله
وصح الصحيح وغلبت الفرس والروم=والنصر والتاريخ خلّد رجاله
يارب ياللي من عملنا لك الصوم=تجزا فهد عنا بخير الجزاله
في روضة الجنة عن النار معصوم=وتجعل نزوله مع محمد وآله
وتحفظ لنا اللي حكمهم عدل محتوم=عدلٍ مايدخل فيه طيش الجهاله
على كتاب الله وبالشرع مختوم=والسيف من لايقبل الشرع زاله
لاظالمٍ يسلم ولاحق مهضوم=العدل قايم والقضا لامحاله
ياخيرة الحكام فخير محكوم=ياسلالةٍ ياحيكم من سلاله
نجدد البيعة لكم دايم الدوم=على العهد واللي يخونه حثاله
عهدٍ لابو متعب على الحق مبروم=منا الولا لله ثم الولا له
عاش المليك اللي له الملك مرسوم=وعند الدول مايستهان بمجاله
عند الدول قد جت له افعال وعلوم=حي الزعيم وحي ميلة عقاله
خيرٍ على الاصحاب شرٍ على القوم=غيثٍ على شعبه صدوقٍ خياله
كفٍ تمد الخير والشر معدوم=واللي يريد الخير منها يناله
وكفٍ ترد الخصم خاسي وملطوم=اللطمه اللي تردعه عن هباله
وسلطان سيفٍ سلته مابها ثلوم=سيفٍ يعدّل مايلٍ عن مياله
ولي عهد وعضد ساطي وصاروم=ومقدام جيش المفخرة والبساله
في كف ابو خالد ترى الخير منضوم=خيرٍ توالى بالكرم والشكاله
مكارمٍ جزله مهمات وعزوم=والطيب راسه والمروه حلاله
ياقف له التمجيد قدرٍ وملزوم=وقفة شجيعٍ للشجيع امتثاله
وان كان ابه للطيب مقياس ورقوم=قد جابها صقر الجزيرة لحاله
ابو الملوك مثبت الملك داهوم=اللي دهم كل الفتن والضلاله[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 54 )
شعر / معيض العتيبي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
كان الرثا أصدق شعر ..لا يسكت القاف=يكتـب قلـم حزنـي بنفـسٍ رضيـه
آمنت (يامنـزل تبـارك والاعـراف)=مـادايـم الا وجــه رب الـبـريـه
عسى فهد في سكنـة القبـر ماشـاف=غيـر الجنـان ام الغصـون النـديـه
نبكيه يوم الحـزن فصدورنـا طـاف=(كـلٍ مـن الضيقـه يعـزي خويـه)
وندعي عسى الجنة له فراش ولحاف=ريف الضعيف وعز فزعة خويه
سجله التاريخ بحروف الانصاف=مواقفٍ دلّت على العبقريه
اول وزيرٍ للمعارف والاعراف=ومن بعدها وزارة الداخليه
ثم استلم ولاية العهد ماخاف=يوم المشاكل والظروف القويه
مشاكلٍ ماهيب سهلات وخفاف=لا والله الا مابها مقدرية
لكن ابو فيصل نقل حمل الاكتاف=يوم العرب مابين ذيه وذيه
ويومه حكم واصل على حكم الاسلاف=حكم بشرع الله وسنة نبيه
والخير عم الدار باشكال واصناف=والتنمية في كل صوب ونحيه
وله على لبنان معروف ينشاف =بعد النزاع المر والعنجهيه
لكن له موقف عن اللي مضى كاف=ليلة غزى صدام جاره..خويه
وقف بميقافٍ مهوب اي ميقاف=ورد الكويت ... وعاشت الجابريه
وشلون مانبكيه ونسخر القاف=وشلون مانكتب بنفسٍ رضيه
دام الحزن في الصدر يسعى ويطاف=وكلٍ من الضيقه يعزي خويه[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 55 )
شعر / فالح بن قشـعم

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
لا الـه الا الله الوالـي ولاغيـره عوينـي =
واحدٍ ماله شريك ونسألـه مـن كـلّ سيّـه

نستغفره من سهوّ الأنفس ونرجـع تايبينـي =
من خطى جلب الذنوب الليّ تحملنّـا خطيّـه

ونسجد لوجه الكريم اللي خلقنـا مسلمينـي =
وخصنّا الدين الحنيف وقادنا محمـد نبيّـه

والصلاة أزكى على خاتم جميع المرسلينـي =
صفوة الخلق الرسول الهاشمي خير البريّـه

يالله عنّا صبر طيّب يامعيـن الصابرينـي =
في فقيد الأمتيـن اللـيّ فذمتّـك ضحويّـه

جعل علمٍ صرحّت فيه المحطـه مايزينـي =
ضيّق صدور الشعوب الليّ لبو فيصل وفيّه

المليك الليّ لشرع الله حكـم دنيـا ودينـي =
حامي البيت العتيق وحامـيٍ نجـد العذيـه

المليك الليّ لشعب المملكه حصنٍ حصينـي =
للوفي خزنـه وللعـدوان مابـه مرحميـه

حاكمٍ ماله شبيه ولـوّ خلـق منّـه أثنينـي =
أستقر الشرق الاوسط من هناك الـى هنيّـه

فالمواقف يعجبّك فعله ولـه عقـلٍ رزينـي =
وفالسياسه يتعـب أعقـولٍ هقاويهـا مديّـه

وللعداء ياقوم ياهتلـر وطيشـة موسلينـي =
وللصداقه بيـت عـزّ ومرحبـاه وشاذليـه

ترفع البيضاء لبو فيصل عشير الغانمينـي =
يوم بار الجار جاره والخوي همّـل خويّـه

ساعةٍ كلٍ تبـرى وأعتـذر عـذرٍ مشينـي =
قام ابو فيصل ووقف وقفـةٍ فيهـا حميّـه

رحّب بشعب الكويت وفالهم سمن وسمينـي =
وعقبها قاد الكتايـب والفصايـل والسريّـه

حررّ اقيود الكويـت ورد كيـد المعتدينـي =
وقال انا لاهل الكويت اليوم والصبح وقفيّـه

وقفته تغنيك عن وقفـة عيـون الطامعينـي =
من عربنا والشعـوب المسلمـه والاجنيـه

عطّر الله قبر أبو فيصـل فقيـد الأمتينـي =
وأسكنه جنّات عدن اللـيّ منازلهـا هنيّـه

ليه مايرثيك قلـب وليـه ماتبكيـك عينـي =
وأنت في هذا مقرّ وقرةٍ فـي شـوف ذيّـه

حكمة الله فالعبـاد المؤمنيـن الصالحينـي =
وعظم الله اجرنا فـي حاكـمٍ مافيـه زيّـه

والعوض في راس ابو متعب اكعام العايليني =
حاكمٍ رايه سديد ولا أحتمى الموقـف بليّـه

حبّ عبـدالله زرعـه الله بقلـب الطيبينـي =
و حيّ ابو متعب ومنهو مثل ابو متعب ياحيّه

بايعك شعبك وحب الشعب في قلبك رصيني =
وكلنا مـن دون عبـدالله قواعـد عسكريـة

والولي العهد تجديد الـولاء حبلـه متينـي =
ومن محبتنا لسلطان الكـرم نغلـي سميّـه

عشت ياسلطان ابو خالد مـلاذ المعسرينـي =
سعد منهو ضامته بقعـاء ولا لـه مقدريـه

دام عز المملكـه علـى مـدارات السنينـي =
والله يخلي هل العوجـا لهـا والنـار حيـه

وعطّر الله قبر أبو فيصل فقيـد الأمتينـي =
وأسكنه جنّات عدن اللـيّ منازلهـا هنيّـه[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 56 )
شعر / محمد عايش

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياكبـر فقـدٍ فالجزيـره فقدنـاه=ولاينتعوض فقدنـا اللـي فقدنـا
قايد مسيرتنـا ملكنـا خسرنـاه=خسـارتٍ ياكبرهـا فـي بلدنـا
وفقده على حكام وجيوش ورعاه=يبكيه الاقصى من رحيله والدنـا
كل الدول تنعـم بخيـره ويمنـاه=كلن على مـدات كفـه حمدنـا
معارفه بالطيب والجود والجـاه=ولحدٍ بفعل الخير صـد وجحدنـا
واليوم مات ولابقى غير ذكـراه=ينعيـه شايبنـا ويبكـي ولدنـا
عسى جنان الخلد يـارب مثـواه=وفي جنه الفردوس ينعم فهدنـا
وصعبٍ علينا لا بداء الوقت ننساه=معزته ماتمحـي مـن جسدنـا
والله يخلـي للبلـد مـن تـولاه=الـي بحـزات النشايـب سندنـا
يبدون منهاجه ويمشون ممشـاه=وعلى امرهم بالعز يدهـم بيدنـا
الحكم يبقـى للملـوك المسمـاه=وكلٍ على درب المعالي حسدنـا
ونجدد البيعـه لمثلـه وشـرواه=والياء بغانـا فاللـوازم وجدنـا
هاذاك عبـدالله ونعـمٍ بطريـاه=والله يحفظـه للمواقـف سعدنـا
يبقى ملكنـا سيـدي لاعدمنـاه=وبالمرجله والطيب منه استفدنـا
دستوره الشرع الحنيفي ومبـداه=ومن فضل رب البيت بأمنه رقدنا
والدار تبقى في حمى الله وحمـاه=ومنا الولى ال سيدي مع عهدنـا
حنا جنوده فـي نهـار الملاقـاه=بمره على حوض المنايا وردنـا
كـمٍ عـدوٍ فالملاقـا كسرنـاه=ولياء وعدنا مانخـون بوعدنـا
والياء نخانـا ظايـمٍ ماتركنـاه=وعن المواقف والهمم ماقعدنـا
وولي عهده فالمهمـات ننصـاه=سيد زعامه من عطايـاه زدنـا
سلطان بفعل الخير ماتبخل ايـداه=من جود مداته على الناس جدنـا
والحمد للـي ماتعـدد عطايـاه=الواحد اللي مـال غيـره عبدنـا
فردٍ صمد مافيه غيـره عبدنـاه=وعليه في كل الامـور اعتمدنـا[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 57 )
شعر / فهد عبدان
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

والله لو للموت عم وبني عم=ومتحاميٍ فخوان واهل وعشيره
لــ/ جر عزوة لابةٍ تطرد الهم=ياخيّلا العشوى وانا خو منيره
وآخذ بثارك ماحسب كم في كم=ماهابها لو هي جموعٍ غفيره
والى قضيت اللازمه ماتندّم=لنّك رعيت الأوله والكبيره
ياخادم البيتين بالروح بالدم=نفداك لو انها سلاح وذخيره
لكن قضى الخالق علينا يحتّم=كلٍ يواجه في النهايه مصيره
ياسيّدي والخير في عهدكم عم=للشام .. للمغرب .. لشبه الجزيره
كل الديار اللي بها نفْس مسْلِم=في جوّها طيبك يذعذع عبيره
نشمي الى من قلت ياسيّدي تم=غدت على ايْديك العسيره يِسيره
عسى الولي يرحمْك .. تنجى وتسْلَم=ووجهك يفوز امْع الوجيه السّفيره[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 58 )
شعر / نايف معلا

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
حل اليقين اللي على الخلق موثوق=
وضاق الفضا وألتفت الساق بالساق

ودب الفنا في خامل ٍ كله عروق=
دبيب ذرٍ فوق مبري الأعذاق

وأجهد عويل الغرغره شابح الموق=
ومن شدة السكرات يبسن الأرياق

وأقفى يسوق الروح قضابها سوق=
لين التراقي ضاقت وقيل : من راق

مساقها للي له الأمر مسيوق=
اللي له أرواح المخاليق تنساق

رحماك ربي ما شعا القيض زملوق=
ومالاح في كبد الدياجير برَّاق

أدعوك دعوة خاشعٍ هزَّه الشوق=
لمغفرتك ورحمتك حن واشتاق

يارب انا عبدك وأراعي لك حقوق=
لمن تكلني وأنت للكون خلاَّق

يارب (واق) الموت والموت زاروق=
يزرق كما زرق السناقي ليا واق

واق وخذا من كوكب الخلق مخلوق=
مخلوقٍ فراقه ماهو بأية فراق

إلاَّ فراقه يودع أوجاع وحروق=
بأعماق من حبه من أعماق الأعماق

ويامجد مالومك لو تخرْ مصعوق=
على هشيم موادع بعيد الآفاق

إمامنا اللي عن حمى الحق فاروق=
اللي بعهده بيرق الحق خفَّاق

واللي بعدله باطل الظلم مزهوق=
وتعادلن من عدله أشتات الأعراق

والي حَكم بالشرع ما حكَّم الذوق=
وفي الحكم ماراعى اختلافات الأذواق

مراعين من بأمره الشر ممحوق=
اللي قسم بين المخاليق الأرزاق

قاد المسيره ما اعترض سيرها عوق=
للمجد والرفعه وتحقيق مالاق

وفي خدمة الإسلام ماهوب مسبوق=
وياقلها في حقَّه إن ْ قلت : سبَّاق

والمسجدين اللي لهن تسهج النوق=
أكبر دليل إن الفهد رمز الإغداق

ولعنايته بالمصحف المال منفوق=
ولطباعته على أجود أنواع الأوراق

مفسَّر ، ميسرَّ ، مرتَّب ومنسوق=
وأنفق على توزيعه ونعم الإنفاق

كنَّه يقول المال له حق محقوق=
قال وفعَل ماهوب تلفيق لفَّاق

ولمنجزاته يطرب البال ويروق=
اللي معالمها مثل شمس الإشراق

يشوفها من غاشيٍ طرفه طبوق=
ويشهد بها التاريخ من باب الإحقاق

وللمملكة بين الدول شان مرموق=
شف كيف صارت ، عقب ماكانت رقاق

بقيادته حامٍ حماها من البوق=
ولا ضاع منها ذرة ٍ عند بوَّاق

وبحنكته شر المعادين مفهوق=
لو شرَّهم خطب ٍ من الصعب ينطاق

ولنخوته في الذاكره شي معلوق=
بينه وبين الذاكره ود وعناق

سرعان ما يظهر على شكل منطوق=
إليا طرق باب التماجيد طرَّاق

ويوم الغدر قامت تقادح له بروق=
بعرض دهماً سيلها يغرق إغراق

يسوقها من عنده العهد مبيوق=
صدَّام هدَّام المكارم والأخلاق

بغية أرض ٍ ما قلبنا بها سوق=
ولا نالها الطمعان لو ساق ماساق

ومافيه رجل ٍ بالمواجيب حاذوق=
ينسى الكويت أم الجمايل والأصداق

جاها يسوق الغادره حزَّة شروق=
والليل دوب إنه عقب صبح الإفلاق

جاها يباها مير ماله بها طوق=
وش عاد لو إنه بذل شتَّى الأطراق

عيَّا عليها من له المجد معشوق=
ومع العراقي لو يجي ميَّة عراق

وعوَّد تقول إنه على الخد مصفوق=
الصفقه اللي عقبها خاب وإنساق

ونُشرت لأبو فيصل على كل مطروق=
بيضاً تفك خناق ، وتضيّق خناق

يالله ياجعله من النار معتوق=
برحمتك يامجري الماء بالأحداق

وإليا نفخ عبدك سرافيل في البوق=
تلطف وتجمعنا به بدار الأشواق

والفاجعه لو تودع القلب محروق=
ولو إنها من هولها تحرق إحراق

تهون دام إن الخلف وافي الحوق=
عبد الله اللي للمواثيق وثَّاق

رفيق درب اللي له العز مرفوق=
قبل يتفادنَّه مذاخير الآماق

برْ بـ يمينه ما جرح برِّه عقوق=
ولا نقض بولاية العهد ميثاق

واليوم سِيقت له على كل موفوق=
وجهة وفود البيعة اللي فالأعناق

إله الولا منَّا وحنَّا له صدوق=
ولا إدعينا بالولا كذب ونفاق

وأرواحنا لا عقَّد حجاجه اللوق=
تفدا حجاج اللي له المجد عشَّاق

طلق اليمين إن جا لرد البرى سوق=
تردي يمينه دابر الخصم منعاق

جلاَّي حزن اللي بالأحزان مغروق=
يجلى بجوده ضيقة الصدر لا ضاق

الجود جوده والعطا منه مغدوق=
ولا صد عن بذل العطا خشية إملاق

له في رياض قلوبنا حب ٍ يفوق=
الحب كله ما اجتمع جل ودقاق

ويعيش من جوده فضا كل مخنوق=
اللي لفاقات المحاليك خنَّـاق

عوين أبو متعب على كل عازوق=
ذراعه الأيمن ليا جن الأعزاق

ولي عهده والرجا فيه مصدوق=
سلطان زبن اللي على فاقته فاق

وأنا من أعماقي لأبو خالد أسوق=
ود ٍ لحمله كاهل طويق ما طاق

والله يعز الدار والشر مفروق=
في ضل أبو متعب دوى كل عوَّاق

وإخوانه اللي للعلا سيرهم فوق=
عيال من له ذروة المجد ترتاق

أُسْد الوغى لامن بغى كل زاهوق=
أهل العفو لامن شفو حد الأسناق

راسٍ يعاديهم لو يطول : محلوق=
وراسٍ يواليهم عن الضيم فهَّاق


ويالله ياللي بأمرك البحر مفلوق=
ياللي لحلكات المعاتيم فلاَّق

أيدهم بنصرك على كل فاسوق=
وأبعد مساعيهم عن دهور الإخفاق

وأسكن فهد دارٍ لها المسلم يتوق=
دار النعيم اللي لها القلب توَّاق

ويالله ياجعله من النار معتوق=
برحمتك يامجري الماء بالأحداق
[/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 59 )
شعر / حسن المسعودي القحطاني

[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="solid,4,gray" type=2 line=0 align=center use=ex num="0,black"]
يالله يالله يالمعـبـود يـــاذا الـجــلال=يامـن بيـدك الامـور تـقـدر اسبابـهـا
يافـارج الكُـرب والشـده وبـك لتـكـال=تفـرج للـمّـة مصيبتـهـا وماصابـهـا
ياشينهـا ساعـةٍ طاحـت دمـوع الرجـال=طاحت دمـوع العيـون وغرقـة اهدابهـا
في ذمتي مايطيـح الدمـع فـي كـل حـال=إلآعلـى فقـد غالـي النفـس واحبابـهـا
واللـي فقدنـاه شيّـال الحمـول الثـقـال=اللي يشيـل الحمـول ان طاحـت اركابهـا
فهـد فهـد قائـد الأمـة كريـم السـبـال=فهـد مليـك الـبـلاد الـلـي ربينابـهـا
خـادم حرمينهـا رجـل العـدل والـعـدال=مليكـنـا سيـرتـه للـكـل يحكـابـهـا
مرحوم جعلـك بجنـات وقطـوف وضـلال=عسـاك فـي جنـة الفـردوس تهنابـهـا
الله يبيحك يابـو فيصـل ياراعـى الجـزال=ياللـي جمايلـك عمّـت لـرض واقطابهـا
كمٍ ضريرٍ علـى يـدك المـرض منـه زال=والايتـام ماغيـرك احـد ايعانـي اتعابهـا
وياكم وياكم وياكـم وش بيحصـي المقـال=والاقـلام ماتحصـي الافـعـال وكتابـهـا
الحاصل انـك مليـك مايجـي لـك مثـال=فـي شـت الاقطـار نفسـك مايحلابـهـا
مسيرتـك خيـر شاهـد ياوفـي الخصـال=تطمـح لكسـب الجمايـل وانـت كسابهـا
مرحوم والله يبيحـك عـد منشـى الخيـال=نقولهـا والله اللـي يحـسـب احسابـهـا
والله لو المـوت يقبـل فالرجـال الرجـال=ياسكـرة المـوت لاقـول انـي اولابـهـا
لن موتتك يافهد صعبـه علـى كـل حـال=فجيعـةٍ خلـة الدولـه علـى اعصابـهـا
والشعـب ينعيـك والله مايخيـب لآمــال=وآمالنـا فـي مليـكٍ يعـتـق ارقابـهـا
عبـدالله اللـي لـه البيعـه ولـه لمّتثـال=بيعـة ولاء مخلصيـن بـهـا ونحيابـهـا
بيعـة قحاطيـن والبيعـه لـكـم لاتــزال=والطفـل منـا بـثـدي أمــه تغذابـهـا
ولاء – محبه- فداء- طاعة ونضرب مثـال=في طاعـة أولآة الأمـر اللـي مضينابهـا
وندعي هل الجهل والتخريب واهـل الظـلال=تـتـوب لله ونـدعـي بـاقـي احزابـهـا
تمـت ويالله يالمعـبـود يــاذا الـجـلال=رحماك في نفس جاهـا المـوت واقفابهـا [/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 60 )
شعر / سرحان الوذيناني
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
صـدر نبا وزارة الاعلامـي= علمٍ مهم امـن المقـام السامـي
اهتز كل الكون مـن تصريحـه =خبر وفـاة الفـارس المقدامـي
لزمت من هول الفجيعـه راسـي =معاد اشوف اللي هـرج قدامـي
قمت اتصبر والمصيبـه عظمـى =وكابـد الاحــزان والآلامــي
قلت الله اكبر وش نبـى فالدنيـا =مات الزعيم القايـد الضرغامـي
مات الزعيم اللي نعيـش ابعـزه= علي مـدى الايـام والاعوامـي
الحزن عـم الكـوره الارضيـه =تنكست مـن موتـه الاعلامـي
الا علـمـنـا لاالــــه الاالله = يبقى يرفرف فالسمـاء دوامـي
ودع امـام المسلميـن العادل =المملكـه والعالـم الاسـلامـي
كـل الـدول تنعيـه وتعزيـنـ =افالحاكم اللـي صفـوة الحكامـي
يـاالله يـارب المـلا تلهمـنـا=الصبر والسلوان منـك اللهامـي
وجبرعزانـا فـي فقيـد الامـه =ياغافـر الــزلات والاثـامـي
الشعب حزنـه واصـلٍ لاحـده =ياكثر حـزن الشعـب مايلامـي
يبكي زعيـم المجـد والاصالـه =فهد الفهـود امحقـق الاحلامـي
تنعم تحت عزه وفايـض جـوده =ريف الضعوف الرمل والايتامي
شعبه يفاخر بـه ويرفـع راسـه =يفخر بمرسي مجـده المترامـي
سيس لنا التطويـر والحضـاره =وصار اسمنا من عالي الاسامـي
الامـن سايـد والعـدل ميزانـه=وحلمه علي شعبه سحب وغيامي
حاكم حكيم ومنهجـه شـرع الله =وسنة رسول الله مـن الاحكامـي
اهتم فـي دينـه وعـز اركانـه = للديـن حقـق غايـة المرامـي
شواهـد الانجـاز فالمشـاعـر =والتوسعـه فالمسحـد الحرامـي
ومسجد رسول الله عمر محرابـه =وسع رحابه والطـراز اسلامـي
خدم حرم مكـه ومسجـد طيبـه= والقدس واقف دونهـا ويحامـي
والمصحف انشاء مركز لتوزيعه =وطباعتـه مختلفـت الاحجامـي
وجمع الحجيج اوصى علي راحتها =تدي فرايضها بـدون ازحامـي
من شاهـد الـرذاذ يـوم الوقفـه =خفف عليهـا لاهـب الانسامـي
فهـد سجلـه بالعطايـا حـافـل =قايـد لكـل المسلميـن امـامـي
يحـب شعبـه حـب ويحبونـه =حبه علي صدر الجميع اوسامـي
حقـق لشعبـه كـل مايتمـنـى =من كل شـيٍ فالحيـاه اللزامـي
الجامعـات امكمـلـه مكتمـلـه =بالتقنيـات وباحـدث الاقسامـي
ومستشفيـات وطبهـا متـقـدم =تزرع كلى وتعالـج الاورامـي
والكهرباء في كـل ضلـع وادي= زاحت سواد الليـل والاظلامـي
ومصانعٍ فانحاء الوطن منتشـره =مـن منطقـة نجـران لدمامـي
ومـزارعٍ وبنوكهـا تدعمـهـا =وانتاجها في كـل عـام اكوامـي
وكل المناطق بالطـرق عبدهـا=مانشتكي بعـد اليمـن والشامـي
وجسور في عمق البحـر شيدهـا =ارتـاح يالسنبـوك والعـوامـي
حتى البحور الملـح حـلا ماهـا =اشرب قراح امن البحر ياضامـي
ماتنحصـى انجازاتـه العملاقـه =ماجبت منها غير روس اقلامـي
موجز صروح القايـد المتميـز =اللي ملـم ابكـل علـم اللمامـي
يحرص علي شونه وشون الامـه =واعطى القضايا كلهـا اهتمامـي
كل القضايا المعضله تسنـد لـه = يسبح بحرها لو بحرهـا طامـي
بحر السياسه والامـور الصعبـه= ياما تبنـى معظمـات اجسامـي
في كل دوله مـن محيـط العالـم = ماينكرون الفضـل والاسهامـي
حكيم وسياسـي بمعنـى الكلمـه =يطف الفتن ويسايس الاخصامـي
وان عاندوا يفرك خشوم اخصومه =لاصار بخشوم الخصوم اعرامي
ياكثـر وقفاتـه ونذكـر منهـا =يوم الكويـت احتلهـا صدامـي
جاه الصباح وقال ياخـو نـوره =اكويتنـا قفوبـهـا الاقـزامـي
قال ابشر بعد ماجيت ياخو مريـم =يوم اعتزابه فـي لزومـه قامـي
زبنتنـا حنـا كـعـام العـايـل =حنا ضلالـك فالنهـار الحامـي
ماننكر المعروف مثـل الخايـن= انته حزامـك فاللـزوم احزامـي
الارض ماضاقـت ولاضقنابـك =اقلط بشعبـك وستريـح ونامـي
وكويتكم بامـر الولـي مـردوده = تبى تعـود لـك خـلال ايامـي
الظلم شين ولا حدٍ يرضـى بـه =والحق يعلـو والنظـام انظامـي
نجنح بعلـم السلـم وان ماسالـم =الحرب نضرمها عليه اضرامـي
ساق الجيوش وصاح بعلى صوته =اللـي يـدور حـق ماينظامـي
قال وفعل وان قال يحمـى قولـه =ويبرهنـه بالعـزم والاقـدامـي
والنصـر دايـم رايتـه خفاقـه =يهزم جيوش الظلـم والاجرامـي
أجمل صور من منجزات الراحل= بحر النـدى ومأسـس السلامـي
يـاالله يـاالله ترحمـه وتبيحـه =وتسكنـه فـي جنـة الانعامـي
وتحط قبره من ريـاض الجنـه =مع النبي واصحابـه الاكرامـي
وتجزاه بالاحسان عن ماقدم = يامطلع بالغيب ياعلامي
وختامها يامن سمعتوا صلوا = علي محمد سيد الانامي [/poem]


رحمك الله يا الفهد - رحمك الله يا الفهد - رحمك الله يا الفهد

مرثية الفهد ( 61 )
شعر / سالم الجهني
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
هنا ابوفيصل .. لا .. هنا .. لا .. هنيّا=في قلوبنـا عايـش بكامـل صفاتـه
ابكـي وعينـي مـن دموعـي تكيّـا=بعـد تأكـد لـي خبـر عـن وفاتـه
بـدر الليـالـي فهـدنـا والحمـيّـا=نبض العروبه والـوَرَعْ مـن سماتـه
بيـت الله اللـي مـن يدينـه تضيّـا=مثل البشـر يبكـي ويذْكـر صلاتـه
ما ألُوم دمعك يـا الحـرم لـوْ تهيّـا=علـى الزعيـم اللـي نذرلـك حياتـه
وانا ادري انّـك فـي دموعـك تفيّـا=مـن قـوّة الصدمـه تذّكـرْ سواتـه
تكفـى دخيلـك يـا الحـرم لا تريّـا=لا زارك الحاج إدْعِ لـه فـي صلاتـه
والمـوت لـوْ يعْـرف لْقـدره توّيّـا=قبل ما يـا صـل يـمْ روحـه وذاتـه
الموت .. لا .. مالـه صديـقٍ وخيّـا=لا من وصل .. لا .. ما يبيّن جهاتـه
هنا ابوفيصل .. لا .. هنا .. لا .. هنيّا=في قلوبنـا عايـش بكامـل صفاتـه
يـا الله عسـاه بجنـة الخُلـد حـيّـا=بصحبة نبـي الله .. ويذْكـر صلاتـه [/poem]


رحمك الله يا الفهد - رحمك الله يا الفهد - رحمك الله يا الفهد


مرثية الفهد ( 62 )
شعر / رحيم الغنامي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
خبر سته و عشرين سته ضحى الاثنين=مصيبـه علـى كـل البـلاد العربيّـه
سمعت الخبر قدام لا اشاهـده بالعيـن=وقمت انتفض من قوّ وقع الخبر فيّـه
يقول المذيع بكل اساوه و وجه ٍ شين=بيانٍ من الديوان مكتـوب فـي طيّـه
توفى زعيـم المملكـه خـادم البيتـن=فقيـد العروبـه والعلـوم السياسيّـه
عرفناه من عام الف واربع ميه واثنين=سياسيّ ٍ محنّـك و ميّـه علـى ميّـه
بعد بايعوه اخوان نوره حمـاة الديـن=تسلّم مقاليد الحكـم فـي السعوديّـه
نهض بالسعوديه نهوضٍ ليا هالحيـن=ماجا مثلها في الدار نهضه حضاريّـه
على نهضته وانجازه يدلـك البرجيـن=ومدارس مبنّاه و مشافـي حكوميّـه
وطباعة كتاب الله و توزيعه اليا حيـن=وتوسعتـه لبيـت الله وبيـت نبـيّـه
وعمّر مباني للسكن عقب بيت الطيـن=ومعاهد و تجنيد و مطـارات دوليّـه
الين الف و اربع ميّه و ستّه و عشرين=رحل واصعدت روحه لباريه مرضيّـه
تركها لابو متعب بعد فـارق الحييـن=يبا مع طريقه تشتعـل نـاره الحيّـه
عسا الله يمتّعه بنعيـم الجنـان آميـن=يمد النظـر مابيـن هـاذي و هاذيّـه[/poem]


رحمك الله يا الفهد - رحمك الله يا الفهد - رحمك الله يا الفهد