لو تأخر يوم / يومين .... يشغلك الوله

.

[poem=font="Tahoma,4,red,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
السلام عليكم

.


.

راكب اللي ما دفع فيه ( تاجر )... لوريال

.

.

بدايه لتوقيف الأشاعات

.


.


.[/poem]



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
راكـب اللي مـا دفـع فــيـه (تاجـر ) ..لـو ريــال =مـشتريـه اقساط .. والـبـنك يـوم يـسجـله
قـلـت خوذو ما تـبـونـه من فلـوسي حـلال =والله أن الجـيــب هــــــذا مـاعــــاد ابــدلـه
واشتريت اللي مديله جــديـــــــد ولا يزال= تــو .. تـويـوتـا فـي العرض تـــــو تـنـزله
طــوروا شكله وخــلــوه لـلـعــالـم هـبـــال =أي لــون مــن اي الالوان فــوقــه يقــبــله
قـلــت ابــي هالـلي لو تصوّر بجنبه نـوال = ضــاع الأشقــر والـلـي مـعـلـــقٍ بالسلسله
يــوم حــركـتـه تقل في رصيدي راس مال =او تـقــل عـنــدي جـمـيـع الصعاب مــذلـّـله
اول اسـبـوعــين كـنـه يـنـاديــنــي تـعـــال =نـــوب مــاسـك طــارتــه والـعـبـاد مـقـيـله
مـا مـشى الا الـفــين كيلو ولا طب الرمال =عــن طـــريق ٍ مستوي مــا قــــدرت اميله
قسطه الأول يـبــا يـحــل عـقـب اربع ليال= مـثـل مـــولــودٍ بــدا بــالـحـيــاه مــن اوله
ما بــعــد راعيه جــوّد على الراس العقال =يـــوم مـن عـالـي لـواطــي يجـيـك محـوله
مــع نـفــود ٍ لا تمـثـنـيـتـها صوب الشمال =طـيـّحـت عــنــك الـمـسافات وهــي مكـيـّله
والله أنــي مــا نــويـت اركنه تحت الظلال =مـا شـريـتــه فـــوق مـيــه مـن اجـل ادلـّـله
تعــرفـــون اللي يـدلـل ويــزهــاه الــــدلال =والله اللي فـــي جــمــالــه وحـسنـه كــمله
والا مـثــل الجـيــب ودك يعــــدي بالطوال= وأن بـغــيــت تحــمــله مـن زهـابــك حمله
مـثــل لاقــيـل الحفــر سال والصمان سال= والا قـالـوا لك جــمـيــع الــديــار مـسـيــله
والــربــيـع يغـطـي اللي تطـيـح من الدلال =ريحـتــه تطــغــي عــلى كـل ريـح مهـيــله
اشهد أنـك مـا انــت قـاعـد ولا مرتاح بال= لو تـأخــر يــوم يــومـيـن يشغـلـك الــولـه
لـيـن تـزهـمـلـك نشامـا خـيـار من العـيـال= مـا بـهـم واحــد عــلــيـه الشكوك مخـيــله
لـيــلـة ٍ معـهم تعــوضك عـن بعض الليال= كـنـها من بــيــنهن كــنــهـــــا مــتـســلــله
القـصــايــد والسوالـف ومـزح وطيب فال= والـــدلال الـلــي لجـمـر الغـضا مـتـحـمـلـه
لـو سـئـلـنـي واحـد وقـال ياشاعر ســؤال =الســـؤال اللي مـا مـعــنـاه يــومـه يسـئلـه
لــو بـغــيـت تـوجـه الجيب لزحول الرجال= فــي قصيده وين يا ابن الظـواهـــر ترسله
قـلـت لـلي ديـنـهـم .. ديـنهـم كـبــر الجبال= مـا قـــــــدرت اســدده بــالسـنــيــن الأولـه
كــل يـــوم اقول ابا اضرب بهم اروع مثال =لـيـن حــار الـفــكــر والا يـاكــثـر الأمـثــله
والأبـيـات ان كان تـبـغــاني ادمح هالخمال =لا تصـيـر بسجـن غـالـب سعــــــود مطوله
مـا عـلــيـهـا الا تـنـهـّض وتـمــشي بعتدال =وكـل( بشــري) بـيـن ذيـك العـيـون تقـبـله
لابــة ٍ تــاريخـهــم تـقـل مـن صـنع الخيال= صعــب تحــريـفــه عــلى الـعـالم المتسوله
اشهــد أنــه مــرتـفــــع بالسما مثل الهلال= جـمــّل اللـه حــال مــن بـالـفـعــــول يجمله
والله أنــي اعـتـبــر كـل طـيـب لــي خــال= ماهـو بس( الجـدعـي) الـلي بعـال المنزله
شـايـــبٍ كـمّــل مــيــة عـام وفعــوله لحال= بالأمـــــور الكـايــدات الكــبـــار مـحـمــلــه
تـتـــعـــب الــلي وده يـقـلــده فـي كل حـال =الشــجــاع تحـــركـه والـجــبــان تـهــــوله
ويــوم طـــاح الـذيب طاحن معه كل الثقال= والـلـيــالـي كــنــهــا وربــي الـمــتــحــوله
أرزمــت حـتـى نـيــاقــه تـبـي ذرب الفعال= كـنـهـا عــقب اكـــرم القــوم تـقـل مهـمـلـه
اشهــــد أنــه ورّث الطـيــب حـتـى للحـلال= الــنـــيـاق تــدر للضـيــف وهـــي مشمـلــه
يـالله أنــك تـرحـمـه رحـمـتـك يـا ذا الجلال =يـــوم كــلـن فــي حسـابــه يصــيـر لحـيـله
عـبـدك اللي قـــال وأنا اسمعه لحظات قـال= لا اله الا انـت والـعـمــر بــاقـــي مـمــهـله
يـا كــريم اجعــل لـه الجنه الخضراء ظلال =وبـيــن ابــو بكــر ومحمـد يـاربـي نـــــزله[/poem]