مواصفات الصقر

الاعزاء جميعا

السلام عليكم ورحمة الله

هذه القصيده شاركت فيها و فازت بالمركز الثاني في المسابقة التي أجريت في معرض ابو طبي للصقور 2005 م




الطير له ميزات ياعاشـق الطيـر00000مثايلـن للطيـر دايـم مهـمـات

كلن على قده من أصغير وأكبيـر00000والفعل حظن من بديـع السمـوات

وانا مـرادي فالحـرار المغاتيـر00000حرن تميز به عن الغيـر ميـزات

من موكرن وسط الجبال المشاهير00000جبال فارس لـه مقـر ومحطـات

ماهوب تهجينن ولاهو من الجيـر00000ولاهوب مدغوشن ولا فيه شكـات

اشعل ظهر والراس لون الطباشير000000صدره مسرح والدواغر مضيحات

صافي ووجهه يا صباح التباشيـر00000ماودك تشوفـه عيونـن كريهـات

وعينه اذا شخص تحرابها الخيـر00000عين الشجاع اللي تنومس بهيـات

عاري ولاهو من طوال المناسيـر00000أقطم وله فتحات خشـم وسيعـات

له عاتقن يفرق جماله عـن الغيـر00000وأكحوف من فوق الجواهر مظلات

مناكبه عن كـل صـدره مواخيـر00000بارز نحر فيه الثنـادي عريضـات

طوالن مواوّيـه غـرام الصقاقيـر0000ومشددن من ريشته سبع ريشـات

جبره فخوذه هجر وكراعه أقصير000000كبسن كفوفه والأصابـع جليـلات

صوايـده تشبـه لحـد البواتـيـر00000تضفي سراويله على الكف زافات

شليلـه ثريـا بلـون النـواويـر0000لاشرها طايـر تقـل فيـه لمبّـات

ماهو خساره فيـه دفـع الدنانيـر0000يسوى ميات ألوف وألوف وميـات

هذا مـرادي يالوجيـه المسافيـر0000وترى غرام النفس مايشبع الـذات