اسماء المطر ودرجاته عند العرب

بما ان اليوم يوم صلاة الاستسقاء بالمملكه حطيت لكم اسامي المطر




الرَّذاذ : السَّاكن الصَّغير القطر كالغبار

الطَّلُّ : أخفُّ المطر وأضعفه

الرَّشّ والطَّشّ : أول المطر

الدِّيمة : المطر الذي يدوم أياماً في سكون بلا رعد وبرق

المُزْنَة : المطْرة

النَّضْح والبَغْش والدَّثُ والرَّكّ والرِّهْمَة : أقوى من الرذاذ

الهَطْل والهْتَـان : المطر الغزير السُّقوط

الغَيْث : الذي يأتي عند الحاجة إليه

الحَيا : الذي يُحيي الأرض بعد موتها

العُباب : المطر الكثير

الوابِل والصَّنْدِيْد والجَوْد : المطر الضَّخم القطر الشَّديد الوقع

الوَدْق : المطر المستمر

حَبُّ المُزن وحبُّ الغَمَام : البَرَد .

الحميم : المطر الصيفي العظيم القطر والشديد الوقع

الوليّ : المطر بعد المطر

واللى عنده اسامي اخرى يزودنا فيها

تحيتي

الاخت ميثااء

كل عاام وانتى بخير

ولاهنتى على مااجبتى

وداائماً تأتين بالمفيد

دمتى بخير

لا هنتي ياميثاء

كل مواضيعك مميزه لاهنتي

تحياتي لك

اخوك

بعلمك بوصف البدو


يقولون :

اللي يغبّـي الجرّه ( يغبي= يغطي)
واللي يبيـّـض - يعني مطر زين لاهوب واجد ولاهوب شوي ويصير له اثر على ظاهر الارض
واللي يوسّـم فالارض
واللي يغسل الرمث ( الرمث= نبات يعيش في الارض ) <-- والله الشرح الزين
واللي يسيـّـل - يعني تسيل على اثره الأوديه والشعاب<-- النشره الجويه
والدث - يعني المطر خفيف
والرشاش - يعني يرش خفيف ( لا احد يقراها الرشـّاش همن نروح مع يدها )
مابه لون أو يقولون جانا مطر ما يذكر - يعني خفيييييييف مررره ولا له اثر

وعاد حنا يالشباب التالي نقول جانا اللي يغبـّـر السياره : <-- هذي يعرفونها اهل الدداسن شروى بن حصيـّن
وهي مصطلحات واجد لكن هذا اللي يحضرني حاليا"
ويمكن تلقون عند شيبان المنتدى اللي قد طاحت ضروسهم معلومات ازين من اللي انا جايبها

وسلامة الجميع

مشكوره



يا ميثاء



والله يرحم الارض والعباد

المشاركة الأصلية كتبت بواسطة غالب الشريف

واللي يغسل الرمث ( الرمث= نبات يعيش في الارض ) <-- والله الشرح الزين
واللي يسيـّـل - يعني تسيل على اثره الأوديه والشعاب<-- النشره الجويه

حسبي على شيطانك ياغالي



والله اني ضحكة اللين عجزت



ويش ذا الشرح نبات يعيش في الارض اجل وين يعيش


الله يرجك ياشيييييييخ

:
:
:
ميثــاء ..
موضـوع بـوقـتة صـح ..
فــالك طيب أن شــاء الله ..
الله يغيث البـلاد والعــباد .. الحــاضر والبـاد ..!!

لــم تتطــرقي (( للشعـف )) <-- يالله فـال منـك طيب ..
وبصــراحـة أتصــور أن زميلنــا عـبدربة عنـدة معلـومات قيمــة عنـة
<-- عبـدربة زميـل لـ" حــسن كــراني "
فيــاليت يتحفنــا بشـي مما يعلــم عنهــا ..!!
بــأنتظـار شعف عبــدربة ..!!

^
^

الأخـوان المصـدّع اللي عانهم اضحكونـي هـنا <--- لأنك مصـدوووع


غــالب ، وما أدراك مـاغــالب

ههههههههههههههههههههههههههه

وأبو داحــم
<--- تسنـّه تحشــّد ماعاد يمزح معه ، عقب فضح الرسائـل


لكـن موضوع قمـّه يامثمـث
<--- هـاذي عـاد اللي ماينسكت علاها

ههههههههههه


طيّب نرجـع حق محور حـديثنا
<--- الصيـرفـي علـى غفلــه


غويـلب ،

بالنسبـه للي يغبّي الجـرّه ، في روايه ثانيه :
( اللي يقتل الجـرّه )
>>> وش الفرق ؟


أمـّا شعف أبو حمـد ،

فهـو المطـر المصحوب بهواء شديـد <-- لاصدقت الروايه أنه زميل لكراني

لايامال الشعــاف اي والله


المهــمّ :

فيه أسمـاء واجـد ماذكرتوها ،

>>> مثــل ؟


مثـــل :


القَـشـِـع :
وهـذا مطرٍ زين يقشع الأوديـه والصْمِـدِي <-- ارض صلبه تحتوي على قليل من الحصى المتوسط والصغير الحجـم

الفعـم :

غيـر خويـّنا مبارك الفعم

هـذا سلّمكم الله أقوى شوي من القشـع ،

الجــارح :

أقوى بعـد شوي ، وهـو اللي من شدّة مسيله مع الحزم يجرح الأرض الحشـاط <-- هاذي تفسيرها عند رحيّم


الهديــمه :

الله يدفع البلااااء ،

من اسمها واضحه ،
وهي السحابه اللي ماتخلّي دابــّةٍ في جحرهـا
وتهدّم المساكن والجرفه والجحاره <-- لايبالجحاره هههههه


وغيرها اسماء نسيتها ؟

بمشيئة الله عند ما اذكـرها جيتكم

>>> يالله انه مايذكرها



سلام, عليكم

التصميم جاء بوقته



المطر الخفيف هذا اسمه رشاش علي قولة غالب؟ولا الدث؟

رقم ثنين اسمه ( الودّان )

وش رشاش ؟

كل المطـر معروف انه رشاش

<--- حصــل خير

شدراني غالب يقول رشاش

قلت يمكن معلومه مب عندنا

ياعيني يا عيني

عبدربــه (كراني) .. وغالب (العيوني ).. وميثاء ( العشماوي )

نشرة احوال جويــه .. بأشكال متنوعــه وثقافات مختلفه

لكن ما علمتونا عن اللي يقض الحشــاط .. وشهو ======> ياقرب كراني من حلّها

!
!


موضوع .. جدير بالمناقشــه .. ومهم للجمـــيع .. حيث انه احياناً تجي لك عند شايب ويقول علوم المطر ثم اقعد بها .. هاك السااعــه


...


تقديري للجميع هنا

ميثاء

الرشاش والدث

مطر خفييييييييف مهوب مثل ذا
هذا مثل ما قال ( أبد ربـّـو ) هذا ودّان

وعلى ما قال ابو تراحيب
مفروض اننا نحفظ ذالمصطلحات خصوص ان الشيبان بعضهم ينشب في حلدزك في مجلس مليان
عاد حللللللللها :
طراه سالفة واحد جاي من الرياض ((( لحاله ))) وينقز له ذاك الشايب قال وش لون المطر اللي على الخط ؟؟
قال والله مدري كنت راااااقد :

^
^

هههههههههههههههههههه الله يرجك ياغالب


وزيدوا عندكم معلووومه = جانا اللي يكثّر الما

في ما بعد المطر تأتي مرحله تسمى بالحفر ودايم يتهادون الشيبان فيها

الشيبان في عملاق وقزم طبعا مثل باقي البشريه ودايم يتهاوشون العملاق والقزم

القزم يقول حفرت ولا لحقت .. يعني جا مطر واجد

والعملاق يقول لا الحفر بسيط

طبعا لا اختلاف الحجم ..


المهم هناك مسميات للحفر

منها ..

شد الوطي .. يعني ما يمديك تحفر

ومنها الكف وملتحم ذراع وكرسوع

وفيه مصطلح مره سمعته وضحكت .. يقوله شايب مهوب قزم ولا عملاق يعني طبيعي

يقول حفرت لين توسدتها



وفيه لحق الندى الندى يعني المطر الحالي وصل للمطر الاول <---- ايه هيّن عز الله وضحتها

اما شد الوطي يامبارك هالايام مكثرين منها

معلوماتكم عجيبه ومختلفه باختلاف مناطقها

بعد زيدونا؟

ياهلا بديمه المنتدى

ميــثاء

موضوع جميل جدا ..

وانا من عشاااااق المطر بجنون

الله يرزقنا ويسقينا من فضله


لاعدمنااااااااااااااك

هلا بج ياسراب

نورتي الموضوع عزيزتي

تحيتي لج

ميثاء مشكوره على هالموضوع الجميل


وأعجبني تعليق غالب واجتهاده وصدق والله أغلب الشباب يتصبب جبينه عرقا عندما سأله شايب عن المطر خصوصا إذا كان الشاب جاي من سفر ومن مدينه بعيده وحصل هذا فعلا مع شاب سأله شايب والمجلس مليان قال عينت المطر ؟ قال الشاب : والله المطر كثير حتى الجبل صار كله شلالات !!!! طبعا ماإن قال كلمته هذي حتى ساد المجلس صمت رهيب ونظرات استغراب من كبار السن يحاولون يفهمون وش شلالات ماقدروا 0 والشاب وجهه صار ألوان مايدري وش سوى0
عشان كذا مهم موضوعك ومهم أيضا تعليق غالب حتى يستطيع معشر الشباب الإلمام بالمصطلحات المتعلقه بالمطر0

شكرا للجميع والله يغيث قلوبنا بالإيمان وبلادنا بالقطر النافع 0000