ما يجيه الضيم وابوه الحصاني (رد على خالد الروقي)

خالد الروقي شاعر مجيد خصنى بلطف منه بابيات رائعة في قصيدة ولا اروع مبداها:

[poet font="Simplified Arabic,4,darkblue,normal,normal" bkcolor="white" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
نسنس الغربي على العاشق iوغنى=لين عانق صوته النجم iiاليماني

حالفاً ماينثني عن iiماتمنى=وراغباً مبدى الرفاع عن iiالطماني
[/poet]

وان كانت ابياتي تميل للتقليديه اكثر من خالد ولا انافسه في ابيات لها عذوبة الماء ورنين الاجراس .. اترككم مع الأبيات التي ارجوا ان تحوز على رضا الشاعر خالد وان تسمولتعانق ذائقتكم :

[poet font="Simplified Arabic,4,darkblue,normal,normal" bkcolor="white" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
قال منهو يوم مر الحي غنّا=عن سنام يسار ويمين المباني

حادر ن والقلب خبري يوم ونّا=ثم فقدته يوم عقبت المحاني

يوم داع الشوق صوت ما تونّا=قاطع ن مفتول قيده والعناني

عارضوني كلهم عتبان منّا=وقفه وياعنك مافيهم هداني

وسندوا في ضفهم منهو شحنّا=ياحجاز العز جاك اللي براني

لد في وابتسم ثم صدعنّا=ورحت اخط الارض مدري وش دهاني

لو على قلبي مصاريع المهنّا=تنكسر مابين رفه وخفقاني

رحت مثل الوصف بالبيت المبنّى=عاشق ن شاف العشر تصفي ثمان

ياعيون الريم سود ن واخلفنّا=ويابروق الخد مع بيض الثواني

وياطواري خافق ن ما يرجهنّا=لامشيتوا درب عج القحوياني

الذهب لامس كف اخوه دنّا=وابن عمك ذرب يكفيه البياني

كان قلت اروح منا رحت منّا=حرك بامر الغلا حلو اللساني

ماني لحالي ابعشقى مستجنّا=كم غريق ن بالهوى غيري ايعاني

يابيوت ن من غلاهن يملكنّا=واشهد ان الحر تملكه الحساني

ويامواقيف اهل الوفا ما يعتقنّا=لين ارد لراعي المعروف ثاني

ويامعان ن مثل بيض ن طوحنّا=بالشيال الزري في عرض المغاني

مايصخرهن سوا مسكون جنّا=صاحب العباقره شرف الأذاني

ولايصخرهن ياكود المكنّى=(بن رجا) اللي خصنى باغلى معاني

وياغروب الشعر لوستين طنّا=(خالد الروقي) يركّبها السواني

ان بغا يمشن ولا وقفنّا=وان نوى يصفهن للصف باني

وان عرضله صدفه الظبي الاغنّا=ما يجيه الضيم وابوه الحصاني
[/poet]

اخوكم
داهم العصيمي