صوت وصدى .. الشاعرين .. ثواب الحارثي وحميد الذيابي

بسم الله الرحمن الرحيم
قصيدتين متبادلتين بين الشاعرين :
البادى الشاعر .. ثواب بن زيد الحارثي
المردود من الشاعر .. حميد بن رازن الذيابي

طلبها الكثير واخوكم كسول والليله يسرها الله



البادى ... الشاعر .... ثواب زيد الحارثي :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسعود مني دوك خطن أمزرف = نقله خفيف ولاب نقله كلافه
كانك تبا الطايف ولك فالسفر شف = يحفظك من كل البريه تخافه
واليا توجه موترك لاتوقف = واصل ولو طالت عليك المسافه
وليا وصل حد الحويه وشرف = انشد عن اللي مجلسه ماتعافه
المجلس اللي في حضوره تشرف = واهل الوفا مصطكتن في رفافه
تلقا حميد ايزف تريحبته زف = لا حل ضيفه في محله وشافه
ايفز لك لا جيت له ويتلهف = حتى يكملك حقوق الضيافه
ثم عطه خطي يالنديب المكلف = ومعه السلام اموضحن في غلافه
حميد قلبي لاتشافا ولاخف = أمن الذي ماشفت مثل اتصافه
تحير في وصفه وصوف الموصف = ويقود خفرات الصبايا خلافه
أ كذب عليك ان قلت انا خاطري عف = ياكود صبري ياصل اخر مطافه
أتعب معاليقي وحتى القلم جف = غرون علي أن راح والله حسافه
ماهوب عشقن للرخوم الملقف = حتى ايش لو تملك بنوك الصرافه
والله لو صفو كنوز الذهب صف = ماينظفون امن الخنا والضعافه
اللي تدف انفوسها فالهوا دف = وتلقى محبتها محبة كسافه
وجعل السحاب اللي بروقه تكاشف = يسقي وطن راع الثمان الرهافه
الله وكبر كيف قام أيتصرف = في خافقي من دون رحمه ورافه
ليته بعد تعذيب روحي تأسف = يومه عسفني من غرامه اعسافه
سبة هواه أيلف كل الحشا لف = ماله وصيف وكل حكيه لطافه
حميد جتك ابيات شعري ترادف = قدام تنشرها سطور الصحافه
حتى على شكوا فوادي تعرف = تعبير شاعر مايعرف الخرافه[/poem]


المردود من الوالد أطال الله بعمره الشاعر \ حميد بن رازن الذيابي :


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه يوم انه الليل طرف = وتاليه يمضي للنهار اعترافه
جتني هجوس الشعر صفن ورا صف = مثل الضوامي فوق جال اللصافه
واخذت لي ساعه وانا ادور والتف = وادير الأريا في نديمي وقافه
ورحبت بالمرسول من يوم شرف = ألفين اله وألفين للي خلافه
ياسعود حيثك بالرساله مكلف = بلغ خليفة زيد نعم الخلافه
قله تراني في لزومه موظف = أن كان ماتكفي بطاين لحافه
أقوم له في واجبه ماتخلف = لانه نظيفن من بيوت النظافه
حفيد من في واجبه ماتخلف = عاشق طريق اهل العلى واستضافه
ان كانها بالمال لو اتسلف = أبشر بلامى اللي على قلبك افه
ولا اذا حجيرها عنك ماكف = أبشر بجاه امومنين المخافه
أحفاد مروية الحديد المرهف = منزلة راس العدو عن قلافه
اللي يفكون الحبيس المكتف = لو هو عليه أكتاف فكو كتافه
عتبان غير الطيبه مالهم شف = وقاسين في ميل الدهر واختلافه
تشهد لهم في ماضي الوقت خنذف = يوم الامور ابها جهاد وكلافه
حلفت لك بالله ماني محلف = ليجيك خلك كود يعلن عيافه
وانا ادري ان العارفه مايعرف = ولاينخدع لاجاه منها كسافه
واهل الهوا فيهم عواين مشعف = ليا من محبوبه سعى في تلافه
منهم عواين من هوا البيض تختف = اليا دخل بيت المحبه وطافه
فالبدو والا فالحضاره مثقف = مايمرح الا لايف الحب لافه
وياكبر حظي لو نزفك لها زف = ويلين قلبك عقب قرب جفافه[/poem]


وسلامتكم

الله الله الله


شكراً خالد على النقل المميز .........

ردة راااائعة من شعراء مشهود لهم ....بالعرف والمعرفة ...والشاعرية الجزلة

وهلها والله ...

وتحيتي لك اخي

وأنت سالم وغانم يا خالد
عز الله إن الجزاله ما يجيبها الا الجزل


قصايدة فخمة من شعار نشفق على قصيدهم يا السناافي
لا عدمناك والله يا خالد وبيض الله وجهك


وصح الله ألسنتهم ولالالاهنت والله




كل التقدير لك اخيك





العجمــ بــــــدر ــي...@@

شكراً لناقل القصايد

وصح لسان الشعراء

قصائد رائعه

لاهنت خالد الذيابي

تحيتي

ياسلام يا هالمساجله


شعر صافي


مرسول ومردود وافي



وياكبر حظي لـو نزفـك لهـا زف
ويلين قلبـك عقـب قـرب جفافـه




هذا الكلام اللي عليه الدلايل



لاهنت ياخالد وصح لسان والدنا وشاعرنا الكبير حميد الذيابي ولسان الشاعر المعروف ثواب الحارثي
ولاهانوا ،،

لله درهم وبيض الله وجهك

والقصيدتين هذي يشهد الله من عيون المساجلات ومن اطيبها يقوله الكبير والصغير

صح لسان الحارثي وصح لسان شاعر الاد ذايب والله يمد بعمرك يابو خالد



اخووكم