صندوق المراسلات من Arab Form خدمه جيدة ..

بسم الله الرحمن الرحيم

أسعد الله جميع اوقاتكم بالخير والمسرات ..



الدعاية الجيدة .. تمشى السلعة الجيدة .. مع الشرح الجيد .. للمرقابيين ..



وخلوني ابدا بالدعايات !!




يقول الشاعر arabform << - ماتعرفونه من ربع بوش ؟؟
سجل أسمك ** الآن مجانا

^
^
صح لساااااااانه

طيب قبل لا نتعمق في الموضوع الحين انتم تتسألون عن صندوق المراسلات !!

صندوق المراسلات من عرب فورم عباره عن نموذج مراسله للاعضاء المشتركين فيه..

مميزاته : <<-- عاد هنيا اهم نقظه



1- من خلال هذا الصندوق تواصل الزوار مع المشترك بتبادل الرسائل ..( يعني الزائر اللي وده يراسل عضو من الاعضاء ولا يقدر بسبب ..
انه ما يقدر يسجل في المرقاب ويستخدم الرسائل الخاصه ولا شاف ان العضو مخلي لا ايميله ولا شي يقدر يراسله .. الحين يقدر يراسله عن طريق هالفورم من غير مشاكل ) <<-- " يالذيذ يارايق"

2- يستطيع العضو المشترك في العرب فورم اخفاء بريده الالكتروني ( E-Mail ) ويستطيع كشفه

( يعني اللي خايف انه اذا نشر ايميله من السرقه تنفع معه الاخفاء -- واسباب أخرى تمنع عدم النشر )<<-- الله اللي يعلم بالاسباب

3- أكثر أمان من اي بريد الكتروني ( مافيه فايروسات بأذن الله لأن مافيه مرفقات )

4- مدعوم باللغة العربية ( سلااام يامعلم )

5- تصلك رساله على ايميلك اذا وصلتك أي رساله إلكترونيه من خلال هذا الفورم ( تمااام التمام )

6- توجد به بعض الخصائص الجيدة ( اكتشفها بنفسك انا تعبت )
^
^
هذي من اجتهاداتي والباقي علمه عند الله

خطوات التسجيل عند ربعنا عرب فورم

ادخل على هاللنك ( رابط بس ادلعه لنك ) http://www.arabform.com/register.php

ها دخلتوا ؟؟

وش رايكم في الصفحه بالعربي وزينه ولونها ازرق "هلاليه" .. يعني نقدر نقول منننننتااااااااازه

تسجل اسم المستخدم اللي تباه بس انتبه ((""اسم المستخدم يجب ان يتكون من حروف انجليزية أو ارقام أو الاثنان معاً""))

هذا عذروبهم الوحيد !! لازم تسجل بأسم يكون بالحروف الانجليزيه أو بالارقام أو حروف وأرقام ..

والسبب انه اذا سجلت عندهم بيعطونك دومين خاص فيك << -- يالبى الدومين الخاص.

مثال : انا سجلت بالـ maheralnemer

والشيخ عبد العزيز هليل سجل بـ abduaziz <<-- شيخ القبيله *-^

^
^
مثالين يكفون

بعد ما تسجل أسم المستخدم تقوم بتعبئة بقية النوذج وهي كلمة المرور ولازم تتكون من خمس خانات أو أكثر أرقام أو حروف أو روموز ولو تخلونها كوكتيل تصير أحسن

بعد ما تسجل كلمة المرور تسجل ايميلك اللي بتاصلك عليه الرسائل من صندوق المراسلات ..


ملاحظه :

تقدر تغير الايميل والرقم السري في أي وقت ..


بعد ما تعبي النموذج تضغط على زر الإرسال "" تنفيذ""

واتبع الخطوات بالصور..... "خمسة صور انتظر التحميل "...

1-

بعد ما تضغط على تنفيذ بتنتقل للصفحة اللي بعدها وكما موضحه بالصورة رقم 2

2-

بعدها تروح وتفتح بريدك الالكتروني وتحصل فيه رساله من موقع عرب فورم وفيها كود التفعيل موضحه بالصوره 3

3-

اضغط على الرابط اللي داخل الرساله وبعدها يفتح لك صفحة يبلغك فيها انه تم تفعيل حسابك بشكل ناجح وسليم ..موضحه بالصور 4 و 5

4-

5-

http://maheralnemr.arabform.com/

الحين طلع لي هالرابط اللي من خلاله يمكن لأي أحد انه يراسلني وانت بعد تقدر تسوي واحد مثله وتحطه في التوقيع وتكتب عبارة راسلني أو تربطه بصوره فيها عبارة المراسله ...

يمكن زيارة صفحة المراسله الخاصة بي على هذا الرابط http://maheralnemr.arabform.com/
وإرسال لي بريد إلكتروني واثنين شكشوكه سفري

هذه طريقة التسجيل المبدئي وهي نافعة للاستخدام الآدمي ؟؟

باقي شرح بعض الخصائص عما قريب "إن شاء الله"

والله الله بالتطبيق تراني ماخذن سنه ونص وانا اشرح هالموضوه <<-- قال وش دراك انها كذبه قال من كبرها -- وياكبرها عند ربي كبراااااااه

ويازين الموضوع زيناه كله ألوان تسني ورع في سادس ابتدائي شاريله ابوه علبة تشاكيل جديده

والسلام خير ختام

السلام عليكم ورحمة الله وبركاته [/align]

طيب يا سياادة المعلم

هو من نااحية رااائـــع ---> فهو رااائــع

ومن ناحــية سهل -----> فهو سهل بعد توضيحااتك

لكن حنا ياالله عرفنا للهوتميل و بعض من اليااهو ما نقدر نتعلم اكثر في الايميلاات .. يضرب المخ

مااهــر ... انت مبدع .. لك كل التقدير دائماً وابداً

^
^
اولا

ولا يهون ماهر النمر

هذى مب ايميل ناصر تراحيب هذي صفحة ارسال رساله

يعني رابط صفحة ارسال توصل لك الرسائل على الايميل

ممكن تربطها بصوره او كلمه

لو تحط الماوس على توقيع ماهر تبين لك

ثانيا

شكراً ماهر النمر موضوع مفيد وقيييم واخف من صفحة رابط الايميل

وشراح واضح جداً

تحيتي

يعطيك الف عافيه اخوي ماهر النمر لموضوعك المتميز

كفيت ووفيت

لك تحيتي

ابشرك تمام الـ تمام

اضغط على توقيعي وتشوف صفحتي
انت يا ماهر ماهر
مدرسه متنقله ما شاء الله تبارك الله


واصل واصل
خل الطلاب اللي ما يذاكرون شروا ابوتراحيب يروحون فيها

8
8

طيب يالشريف

الماهر :
شكرا على زيارتك صفحتي ورسالتك الحلو يا حلو


ابو هليل:
مبروك الصفحه عقبال ما تفتح لك منتدى

ابو تراحيب :
ذاكر ذاكر ازين لك

اللهم زد وبارك

الى الآن جاني رسالتين
والخير مقبل

(1)

أحد زوار نموذج مراسلاتك قام بإرسال هذه الرسالة لك
البريد الإلكتروني للمرسل هو: n>>>@hotmail.com خله مستور
====================================

طيب يا راعي الحركتتااااات

مبرووووك الصندووووق ..

وعقباال الكنز


و

خمســـة عشر رجلاً ماتوا من أجــل صندوووووق




(2)


أحد زوار نموذج مراسلاتك قام بإرسال هذه الرسالة لك
البريد الإلكتروني للمرسل هو: x_maher333@hotmail.com
====================================

ألف مبرووك صفحة المراسلة الجديدة يا غالب

وانت طالب ممتاز طبقة الدرس ودخلت على الخصائص الاضافية من غير ما اشرحها لك ..

اتمنى لك التوفيق

واسعدتني بالتطبيق

ماهر النمر

مودتي ,,




اللي يراسلني مره ثانيه يرسل لي دراهم ازين

8
8



غالب

أكــيد اللي مرسلٍ لك الرساله الاولى .. مستور الذويبي صح .. والا ..لا تقوول مستور العصيمي ابو تركي مايعرف للحركتتات هذي

ترى مهوب انت
هذا بريده يبدا بريده بحرف n

الاخوه ..
ناصر تراحيب & ميثاء & الريم & غالب الشريف & عبد العزيز هليل

أشكر لكم تواجدكم

وتسجيل حضوركم في صفحتي

واتمنى لكم الفائده

من الطريقه

وأي استفسار انا تحت امركم

مودتي ,,

^
^
وشكرا ً لك يابو محارب

ويسعدني حضورك وتسجيل اعجابك بالموضوع

اتمنى لك الفائدة

up

للفائده

.


ماهر النمر


يعطيك مليون عافيه


.