النزول على سطح القمر .. حقيقه ام خيال !

السلام عليكم
والله مدري الموضوع هذا قد مر عليكم والا لا ؟
لكن من باب سد وقت الفراغ .. اترككم مع هذا التحليل
/
/
/










- لماذا لا تظهر النجوم في سماء القمر!!

- كيف يرفرف العلم الأمريكي على سطح القمر الخالي من الغلاف الجوي أو الهواء !!

- هل القمر صغير جداً لهذه الدرجه لنرى اخر حدود القمر في الصوره ؟!!!

- ما تفسير ظهور ظلال بعض الأجسام على سطح القمر في اتجاهات مختلفة مخالفة بذلك القوانين الفيزيائية المعروفة؟!




دققوا جيدا في العلم الأمريكي الذي يغرسه رائدا الفضاء الأمريكيين ارمسترونج والدرين معلنين بذلك استعمار بلادهم للقمر... هل لاحظتم أن العلم يرفرف؟


أن رفرفة العلم تعني أن هناك نسيم هواء على سطح القمر... كيف يحدث هذا الشيء المخالف لقوانين الفيزياء التي نعرفها منذ الصغر والتي تقول ان القمر ليس له غلاف جوي أو هواء وأن ما يحويه فضاء القمر هو مجرد فراغ؟!


ولكن انظروا الى الصورة التالية الملتقطة خلال رحلة أبولو 17 ولاحظوا كيف أن ظلي رائدي الفضاء غير متوازيين اطلاقا!




وهذه صورة أخرى التقطت خلال رحلة أبولو 14 توضح كيف أن ظل المركبة القمرية وظلال الصخور غير متوازية.






ويتساءلون كيف نشأ اثر قدم رائد الفضاء هذا على تربة القمر رغم حقيقة أن تربة القمر خالية من الماء تماما وأثر كهذا يحتاج الى أرض طينية أو رطبة؟!



هل نزول الانسان على سطح القمر حقيقه ؟؟!!


موضوع اعجبني وحبيت انقله لكم .. بالنص !


سلام

ياشيب عيني شيباه ... كل هالملاحظات العبقرية طافت على الأمريكان واعدائهم الروس اللي كانو يتصيدون لهم ليل نهار وحنا كشفناها ,,, اهب اثرنا اذكياء هههههههههه



هذي سوالف العاجز ... ام ناصر اللسان طويل والحيل قاصر



خالد هذي سالفه سامعها لي كم سنه ومنتشره في اوساط معينه الله لا يبلانا





تحياتي لأخي العزيز خالد الحصين وشكرا على هذا النقل بغض النظر عن رأيي في الموضوع

^
^

لا هنت على مرورك وسلم على ام ناصر في طريقك

هالمره ماضبطت معاهم الصوره مخرج غبي

والغريب ان مافي احد غير الامريكين نزل علي القمر

بس ماضبطت الحركتات

هلا وغلا ياخالد الحصين

والف شكر على نقلك للموضوع

وانا والله وانا اخوك اني مكذبهم

من مبطي مدري انا معي حق ولامخطي

لك كل الشكر والتقدير والعرفان

مع كامل الود والتقدير

هل نزول الانسان على سطح القمر حقيقه ؟؟!!

حقيقتين .. مهب حقيقة وحده وبس !!

وعز الله هذا حنا يالعرب ماغير .. متكّين ونلعب على بعض بسوالفنا وتحليـلاتنا الي ترتكز على العاطفه قبل كل شئ ..


شكرا ياخالد ..

هل نزول الانسان على سطح القمر حقيقه ؟

نعم ... نعم ياخالد

محاكيك قد قنص قبل عامين هناك
والله يوم يذعذع الغربي ان ودك تعدي المرقاب وتغني

<-- ها توكل على الله بس

هذي الصوره

ياخالد


للثنين من اصدقائي ايام الدراسه في امريكا


اللي هم


جمس و وليم



ههه الله يذكرهم بالخير



شف شف وين رايحين ... القمر ولا علموني الخبلان



بس انا بسئلهم وبعلمكم




وهذا اللي عليهم هبوب والا هواء مراوح الهليكبتر اللي معهم





وباجيكم لا تروحون

الله أعلـم


وش معنى :

قلبه حديد وراتسبٍ له حديده ؟؟!!!!!

هو النزول على القمر شي غير طبيعي ولا نعلم عن صحته

ولكن انا اقول ليتهم مانزلوا وخلوا القمر مثل ماهو من بعيد

منير وجميل ولا بينوا لنا وجهه الحقيقي

شكراً لك خالد الحصين

طيب ياخالد افرض مثلا مثلا يعني ان آرمسترونغ وشلته ماطلعوا للقمر
واثبتنا لهم ذلك .. من اللي يبي يسمع كلامنا
هم يقولون طلعنا ورحنا وجينا .. لا وابشرك المريخ هالحين يخططونه يعني اذا تبي لك أرض هناك
قدم لك معرووض .. على ناسا

برايفت -----> لعبدربه ---> يعني رجل آلي

اولا : اختلف معك في العنوان ليكون (الطلوع الى القمر بدل النزول عليه)
اثنيناً : في اعتقادي لا يوجد فرق بين (انهم هبطوا على القمر ) او انها كذبه
لأنه لا يوجد تأثير لا على مصداقيتهم المتذبذبه ولا على كيانهم الهش ولا على اقتصادهم المقبل على ........
يعني بالعربي

زي ما قلت يا بو نجد
(ناس فاضين وقاموا يحللون ويبربسون فالصور) ويقولون امريكا كذّابه اجل هي صادقه مبطي ؟ !!




ملاحظه بسيطه لمن يقول مافيه جاذبية عشان ركز العلم
(طيب المفروض كيف يصير قاع القمر)!!!
وما هي قيمة الجاذبية هناك ؟



شكرا لك
والمؤشر فوق

والله ان ما اشوف ان الامر غريب

أعتقد ان هناك أمور أكثر تطور من الصعود والنزول على خد القمر ! حدثت في العالم
التكنولجيا الهائله والتي لا ننكرها أعتقد انها حوت ماهو اكثر اثارة للدهشه من ذلك


وبعدين لم يرد ذكر من الله بأن القمر لن يستطيع الانسان الوصول اليه وهذا امر مهم .. حيث ان الله سبحانه يعلّم الانسان ما لا يعلم .. فالوصول للقمر ليست من حيثيات الغيب التي يختص بها الخالق سبحانه . والله خبير بعباده .

بالنسبة للتصوير والظلال .. لا اراها دليل قاطع على عدم صحة علوم الحمران !

عندي البوم لمجموعه من الجماعه والله ماتدري هم مصوّرين في السماء والا على الارض مع مراعاة ان الصور بدون خدع تحميضيّه

إضف لذلك هناك أحد افراد الاسره الحاكمه في الشقيقه السعوديه صاحبهم نص مشوار حسب فهمي او ماشابه ذلك لست متأكد من خط سيره ولا يحضرني اسمه الآن .

لكن اعتقد ان هذا دليل اضافي على صحة وصول الانسان للقمر ..


وأزيدك من الشعر طاورق يا خالد ..
سمعت ان هناك مكاتب عقار في بلاد الغرب لبيع اراضي على سطح القمر .. يعني تبي ارض على نجمتين وإلاّ على ثلاث نجمات وكوكب وهكذا


هذا ورب العالمين أعلم ،