أنواع النساء .. الله يستر !!

خذوا الحكمة ..
حميدان الشويعر .. من شعراء نجد .. وهو من السيايره من بني خالد
عاش في قرية القصب في نجد مابين 1100 هـ -1200هـ في قصيدته
الكثير من الحكمة وخلاصة تجربته مع النساء ربما تنفع المقبلين على
الزواج لتوخي الحذر قبل الوقوع في المحظور لاسمح الله ، والله الموفق

[poem=font="Simplified Arabic,6,black,normal,normal" bkcolor="transparent" bkimage="" border="double,4,black" type=0 line=0 align=center use=ex num="0,black"]
يا صبيّ استمع من عويدٍ قضى = الدهر مدبّه لين ما قصّري
ما بقى منه غير العصب والعظام= مثل عود على الدرب ومقشّري
احترس من سهوم القدر بالحذر = وانت مالك عن اللي لك مقدّري
كل من كان قبلك بيوم وليل = شاوره .. والعلم عنك لا يقصري
حط بالك لما كان اوصيك به = فان هذي وصاة على خاطري
لاتضم التي ماتعرف السوا = تودع الزين شين ولا تستري
يذنّ العصر وغداك امس فوق الرحى = في القدور الوسخ واللبن مخوري
لاتضم التي تشترى باللغا = دايم هرجها بالكلام الزري
لانشدها بعلها بهرج لطيف = طوّحت صوتها : ماادري ..ماادري
لاتضم التي يطوّح طيّها = الضحى وانت في المقبره تقبري
لاتضم التي قد حكِّي بأمها = تحسب العيب باري وهو مابري
لاتضم التي ماتخلّي العباة = دايم كنها تلعب العيفري
من جهلها تخلي ولدها يصيح = ما تسنّع لها مورد ومصدري
يوم تظهر من البيت وش هي تبي = هل تبي عند غيرك طعام طري؟
خلّها يا الخبل يا نكيث الحبل = لا تجزّع إلا قيل يا المثفري
طلّق العاهر وخلّها تـــنطلق = من حبالك عسى بطنها للفري
لا تضم التي عينها واذنها = باالمزاغير والصاير المسفري
ودّها كل من مر مع سوقها = من شريف وطريفٍ يقول : اظهري
لا تضم التي ماتربي الحلال = أغبر ٍ طبعها والزمان اغبري
لاتضم التي ماتملّ الرديف = تسري الليل للّي لها يحتري
لاتضم التي ماتخلّي الرفيق = غايب ٍ رجلها أو بعد حاضري
الوعد مثل ماقال : (كحّي واكحّ = في قيام العشر وان ظهرت اظهري !!
واقعدي عندنا لين ما يوترون = واظهري والمطوّع بهم يوتري )
يا عسى جنسها دايم ٍ مايعيش = عند الاجواد وان عاش مايكثري
لاتضم التي ينخزن دونها = دوم نجّارها بامرها ينجري
لو تقول ارفقي يا مره بالحلال = دبّري مرزقك ذا السنه واصبري
بان منها من العيب ماتكرهه = باشرت من حلالك لها تبذري
لو يخطره ضيوفٍ فلا سرّها = ودّها انّه يخطَّر ولا يِخْطري
إن دخل باشرته بخبيث الكلام = وان ظهر واندبت له يقول :ابشري
سلط الله عليها قُبلها تزوم = والضعيّف بمرضاتها مصخري
من جهلها ومن سوّ تدبيرها = ماعليها من اللبس مايستري
لاتضم التي ماحجبها حجاب = دون حجّانها كنّها تنظري
هي على طبعها عاسي عودها = ما يعدَّل سوى انه يبي يِكسري
لاتضم التي طلّقت مرتين = يوم يطري لها طاري تنكري
كل يوم لها عند اهلها نسيب = واحدٍ داخلْ وآخر ٍ يظهري
شارب مخهّم .. آكل تخّهم = غادي عندهم كنّ‍ه العسكري
لا تضم التي مالها من تهاب = خبلةٍ هبلةٍ مالها ماكري
يوم تصبح تدوّج بوسط البلد = كل سوقٍ تبايع به وتشتري
كل من كان يرضى بدوج المره = ودّك انه على ساطره يٍسْطَري
المره كنّها الشاة بين البيوت = يطمع الكلب فيها ولو هو جري
لاتضم التي عمرها منتهي = كان ترجي عيال بهم تُذكري
لاتضم التي تلتفت في الطريق = حطّ بالك لها في قفا العايري
قل لها : وش مريبك على الإلتفات = يا ضراب الخنا بالثلاث اظهري
يوم قلّ الحيا عندها واتّسع = وجهها ..حلّ في عينها الأنكري
مادرت بالتلفّت سهوم تصيب = بالضماير بها الكسر مايجبري
وش تدوّر وراها وذا طبعها = كنّ ماغيرها في البلد يذكري !!
لو أبوها يهدّ الجموع بعصاه = أو بشلفا على الكبد تفري فري
أو اخوها يخلّي قرينه يخور = مثل ماخار عجل مع السامري
لاتضم التي بارد جمّها = كل شٍ يابس وسقفها يمطري
ماتذوق اللذاذه وعمرك يروح = في قصا لو حلالك من الأحمري[/poem]

ياولد ياولد ياولد ..


ابك حميدان هذاه تحفه ..

ياوجه الله ياوجه الله يالعرب الاولين ،

ياعنك انا ماناب جايين مثلهم لو مدري ويش .


مار الف مليون شكر يافالح على النقل الثمين جدا جدا ..

<- تسنها ناسبته النصائح


سلام’ عليكم

الشاعر الرائع فالح الهاجري

يامرحبا نورت هذا القسم


إضافة جميلة


والشاعر حمد السياري ( حميدان ) شاعر تميز بنقده الساخر للمجتمع قصيدته درة ولا كل درة

شكرا لمن نقلها لنا


تحياتي وتقديري

الشاعر الرائع فالح الهاجري

يامرحبا نورت هذا القسم


إضافة جميلة


والشاعر حمد السياري ( حميدان ) شاعر تميز بنقده الساخر للمجتمع قصيدته درة ولا كل درة

شكرا لمن نقلها لنا


تحياتي وتقديري

الغالي

مشعان البراق


لا تضمّ التي طلقت مرتين !! ..

مهوب شرط نوافقه بالراي لكن لو دقّقت كان لقيت المطلقة مرتين إما
رنانه ولا حنانه ولا منانه ولاّ .. فنانه

مشكور على الرد الطيب يا طيّب

ولا هنت ،،،،،،،،،

الغالي

عبدربه


عسى النصايح تعجبك وتمنهجها وتبتسم وانت تقراها ..

ترى غيرك بتسى ( بكى ) دم وهو تسان ( كان ) يتمهزا بقصايد الشويعر

يلين ودزع ( وقـّع ) على راسه ماحدن سمى عليه .. اعتبروا ياخلق الله

وعدزبه ( عقبه ) اتكلوا على الرحمن !!


لاهنت على ردك الطيب والمثري

الغالي

محمد البيضاني


شرفتنا بردك يا الغالي ..

ووجودك في المنتدى سبب مهم يخلينا ما نغاب عنه إن شاء الله



والشويعر مبروك اللي جابنا لمكم ..


شكرا لك على ردّك يا الغالي

الاخ / فالح الهاجري


شكرا جزيلا يالغالي على هذا النقل الرائع


دمت بـ خير

الغالي

عبدالله الرقيب


مرحبا بك ..


الف شكر لك على ردك


دمت بخير

الله يرحم الشاعر حميدان الشويعر


والله لايهينك يافالح على النقل

الغالي

عبدالله بن قنيص


شكرا لإهتمامك وردّك ..

وفقك الله لما يحب ويرضى

الاخ / فالح الهاجري


شكرا جزيلا يالغالي على هذا النقل الرائع