قصيدة عصماء للشاعر الكبير غازي بن عون يذكر فيها فضل الشاعر الكبير عبد المعين بن ثعلي

قصيدة للشاعر الكبير غازي بن عون يذكر فيها فضل الشاعر الكبير عبد المعين بن ثعلي ,ويتطرق فيها إلى حال الأعلام الشعبي في تجاهل الأدب الحقيقي وأهله ,وتقديم من لا يستحق .
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مقناص في عرض السماء برقهـا لاح=طلت علينـا عقـب طـول المغيبـه
كم مذهب ٍ منها امتلا صـدره افـراح=بعـد لقـا فيهـا نفـايـس ذهيـبـه
بغى يصيـر لقلبـه جنـاح وجنـاح=يـوم التقـى بعـد الفـراق بحبيبـه
الله يبارك فـي فهـد وابـن مرجـاح=فيها عطونـا اخبـار شاعـر عتيبـه
اللي نهض بيت الادب عقب ما طـاح=وعزه قبـل تركـز عليـه النصيبـه
وضمد طعونه مثل تضميـد الاجـراح=ونال الشفا يوم اعتنـى بـه طبيبـه
عبد المعين من اهل الافتا والاصـلاح=واهـل المعرفـه والمزايـا العجيبـه
نبراس شعره مثـل فـلاج الاصبـاح=مرجع ورمـز وقـدوة ٍ نقتـدي بـه
عملاق مـا نوفيـه حقـه بالامـداح=ولا ننصفـه مهمـا شعبنـا النجيبـه
رمز الشعر من جد ماهيـب الامـزاح=حامـل لـواه وعبقـريـه واديـبـه
شعـره طعـام ٍ للمسـامـع والارواح=وازكى من ازكى زاكي الطيـب طيبـه
لا اوحيت شعر اسطورة الشعر يا صاح=كنك تمشـى فـي فياضـا ً عشيبـه
نباتهـا ينعـش عبيـره ليـا فــاح=وطيبه مـذاق المستمـع يهتنـي بـه
قيم مقام الشعـر فـي ماضـي ٍِ راح=وامامه اللـي مـا يضـام وخطيبـه
واليوم في وقت المصالـح والاربـاح=يدرى باسم غيره وهو مـا دري بـه
اهل الصحافـه والبرامـج بالانصـاح=ما اعطوه واحد فالميه مـن نصيبـه
عن واقع الساحه نشدنا هـل السـاح=وعطونـا اجابـه والاجابـه غريبـه
قالوا لها بيبـان مـن غيـر مفتـاح=ولا تنفتح لـك ليـن تدفـع ضريبـه
وفي شاطي الساحه ثمانيـن تمسـاح=مـا يفهمـون المخطيـه والمصيبـه
وكانك تبى شعـرك يبـروز فالـلاواح=لو كان مـا يعـدى ولا ينبـدي بـه
قدامـك حلـوق التماسـيـح فـتـاح=وفي كل حلق ارم الـك حبـة زبيبـه
ولو ان شعـرك نبـق حطـوه تفـاح=وبالمـدح يكسونـه حلـي ٍ قشيبـه
واستثني اللـي ضـد تيـار الاريـاح=اهـل المبـادي والسلـوم العريـبـه [/poem]