المسعودي وبكر الحضرمي !!!

بكر
هلا يا مرحبا باللي لفا في حزة الرحمن
،،،،،،،،،،،،،،،، تراحيب الوفا وأهل المعاني في معانيها
ولا يا شاعر الهذلان قابل شاعر السلمان
،،،،،،،،،،،،،،،، بعد غابوا عتيبة شرهة الديرة فـ أهاليها

المسعودي
لعل الك البقا يا بكر بن زعزوع بن عدنان
،،،،،،،،،،،،،،،، وأثنيها وأعقلــــــــــها وأعقلها وأثنيها
ما دامك فالبريد ارسل مكاتيبي ليا الصدقان
،،،،،،،،،،،،،،،، أنا أرسل لي رسايل مير ما جاني ردد فيها

بكر
عسى ربي يبارك فيك ياللي تبحث السيسان
،،،،،،،،،،،،،،،، تعيّن في حبالك وانتبه لا تلتوي فيها
ترى دعوتك هذي ضايعة ما جا لها ضمان
،،،،،،،،،،،،،،،، ظليمة والظليمة يا عميلي فوق راعيــها

المسعودي
أنا ما همني اللي يزرعون الخوخ والرمان
،،،،،،،،،،،،،،،، تمد عذوقها وعروقها للسيل يرويها
دريت إنك رضي فالعود وحنيّن على الإخوان
،،،،،،،،،،،،،،،، وكل منتفخ له جبة بالسلم ماليــها

بكر
يا خوي الخوخ والرمان ما يطلع بلا بستان
،،،،،،،،،،،،،،،، لكنك شجرة الزقوم ما تنبت نواميهـــا
أنا دايم رضي فيكم ولا أقبل رجحة الميزان
،،،،،،،،،،،،،،،، لكنّ اللي حفر حفرة لعله ينكفت فيهــا

المسعودي
أنا لوّ أعطي المجنون شاةٍ من سمان الضان
،،،،،،،،،،،،،،،، وأدنّي له مية سكين ما يعرف يذكيها
يقولون الرجال الخال يقعد سبعة الريعان
،،،،،،،،،،،،،،،، لكنّ سليم ما قعدتْ ولا ريع لبنآخــيها

ثم يتدخل الجبرتي ويقول : ــ

يا بن مستور وش مالك ومال فلان وابن فلان
،،،،،،،،،،،،،،،، بليس اللي يشب النار والرحمن يطفيها