احظر احظر يا مساهم - ضروري لاهل الاسهم

السلام عليكم ورحمة الله وبركاتة

صبحكم الله بالخير

يالربع فيه بعضكم يحسب انه اذا فتح حسابه فالبنك على الجهاز
وسكره خلاص انتهى الموضوع وفيه بعضكم يفتح المحفظه ويسكرها
ويقول خلاص سكرتها هذي نصيحه من سعود العنزي يالربع واللهي
كل كلمة مرور تكتبها فالجهاز تتخزن هي والرابط حقها
واسم المستخدم ان كان للبنك او للموقع او للمنتدى او غيره.

انتبهو يا رجال لايجيكم يوم ويصير معكم مثل ماصار مع عمي
شهرين يطالب بالبنك بالكويت وللحينه يطاردهم وازرى ياخذ شين
والسبب جهازه فيه ملفات تجسس حتى مايدري من وين جاه الماخوذ

الهكر يالربع اذا دخل على جهازك صح يقدر ياخذ كل شي بجهازك
يقدر يقفل شاشاتك ويقفل الكيبورد ويقدر ياخذ كل كلمات المرور
والروابط وكل شينن يخصك ،،،، بس متى يقدر ياخذها

السؤال اللي يطرح نفسه متى يقدر ياخذها...!!!!
خلكم معي يا رجال تراها نصيحه لاتستطيلون الموضوع وتقفلونه
بعد مايجيك الهكرو يدخل على جهازك مايقدر ياخذ كلمات المرور هالحين لا
ياخذها بعد ماتسوي اعادة تشغيل لجهازك ،، وغير كذا والله يبطي عظم

الطريقه اللي عندي اليوم باذن الله انها تمنع اي هكر انه يسرق منك كلمات المرور
والطريقه هي كالتالي (يازين الفصحى يالربع كني الزير سالم)

انت هالحين تبي ترقد ولا تبي تطلع من جهازك ولا قضى السوق وتبي تطفي جهازك
اتبع الشرح تحت.



ثم



ثم



هذا يامحفوظين السلامه يمسح كل كلمة مرور ادخلت فالجهاز او اسم مستخدم
يعني تســـنه جهاز جديد ماجاه شين ، مير يالربع اعذروني ماعربت الصور
لان الويندوز عندي انجليزي مير ترا زي اللي عندكم بس شوفو شكل الازرار
وسو مثل مافي الشرح الله لايهينكم

بامر الله الامور تكون زينه ، راح هاك الرجل وجا التويجري عسى الدعوه تكون ازين

سعود العنزي

الله يعطيك العافيه ياسعود

موضوع مهم وجيد جدا ً بل ممتاز

انا معك في ان الهكر يقدر يسيطر على الجهاز سيطره تامه وحسب البرنامج اللي يستخدمه << اسأل مشعان البراق وش صار بيني وبينه مار مشعان مافي جهازه غير الضعوي مالقيت شي اسرقه

حتى لدرجة انك تقدر تاخذ كلمات السر اللي في الجهاز كلها ومنها اذا لك اسم مستخدم في منتدى يجيبه لك وكلمة السر والرابط حقه بعد >> الله يكفيكم الشر ياربعنا المرقابيين


بس ياسعود طريقتك هذي لو سويتها بيحذف كل كلمات السر حقت ملفات الكويكز بعد

يعني كل مره ادخل للانترنت اضطر اني اعيد كتابات كلمات السر ..

طريقتك هذي مفعولها أكيد بس تخيل لو نسيت لا اسويها وقمت من عند الجهاز وجيت ولقيت هكرز شاقه وش السوات وانا اخوك ؟؟ طبعا ً الهكرز ما يشقه الا من بعد ما استقبلت الباتش اللعين

انت دكتور الكمبيوتر ياسعود شف لنا طريقة تفكنا من الهكر بشكل نهائي ..

وانصحنا بفايروول ولا انتي فايروس مفعوله أكيد وممتاز .. وعطنا نصايح الوقايه من ربعي الهكرز

شكرا على الموضوع ياسعود والله يعطيك ألف عافيه ما قصرت ..

تحيتي

اخوك

السلام عليكم ورحمة الله وبركاتة

انت احسن واحد ياخي كذا ابي تفاعل ماهوب تكتب وتشرح واخرتها شكرا

شف يا الذيب ترا ملفات الكوكيز غير عن اللي صار بشرحي

لان اللي صار بشرحي انك تحذف كلمات المرور فقط من الريجستري بدون حذف الكوكيز

اما اذا نسيت عاد الانسان لو ماينسى ماسمي انسان

وبخصوص الفايروول والحمايه للجهاز

ان صار تفاعل بالموضوع ابطرح الموضوع ابشري يا بعدي ماطلبت غير عزك

وان ماصار تفاعل لا والله تجي بشنقي (جنبي) واعلمك باللي تبي

وانت مانت هين ياماهر بس مالك حق بمشعان البراق

وانا اشوف تقولي ادخل الماسنجر ابرسل لك ملف وعطل الحمايه قبل تقبله

اثرها جت بمشعان جلت عني

ويلي من كاتب رزقي

سلام ياصاحبي

على فكره مره ثانيه انت اكوس واحد