ال bmw

بداية ارجوا ان تحوز مشاركتي الاولى
على استحسان جميع متصفحي هذا الصرح الشامخ

قصيدة شكر ورد ثناء
قصيده مهداه
للمهندس / مفرح بن لافي الثبيتي

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/20.gif" border="none,4,gray" type=2 line=0 align=center use=ex num="0,black""]راكب اللي لاعطيته مع الخط السريع=واستوى خطه ماجا للشكامين ادخنه
وارد ال بي ام مركب هل الذوق الرفيع=من غلا تسعيرته تقصر الايدي عنه
لو تصف الجيب هو والشبح جنبه جميع=من فخامة مركبه كلهن غارن منه
صممه فكرن مكلف بما لايستطيع=لين اجاد به التصاميم والشكل اتقنه
اخره عن مقدمه في نظر عيني رفيع=انسيابي مقدمه عن مقفاه خبنه
لااعترض ثم جا لبديه على الضيحه لميع=جيد من يسبي خفا الروح والقلب افتنه
ولااشتغل ووحيت صوته بكا طفل رضيع=يدخلك في جو ثاني ليا وحيت لحنه
قام ينحب مثل شالح على اخوه الفديع=عقب مارز النصايب لقبره وادفنه
ولامشى ثم انحنى للهوى كنه مطيع=انحناية شايب جار وقته واغبنه
المواتر معه دايم هقاويهن تضيع=يقعدن مع ايسره يقعدن مع ايمنه
لادعست اسليتره وانتهض مثل الشجيع=في نهار ساق عمره لموته وارهنه
المواتر من خلافه على الساقع تبيع=لاشتغل ثم فر ويله والانبير اركنه
داخليه يدخلك نشوة ايام الربيع=في فياض عشبها رايح المزن اغشنه
كن طبلونه بنوره ومنظره البديع=شاشة الاسهم بصالات عرض معلنه
وكن قيره من ورى طارته خصرن مجيع=وده المطلاع مير الدرقسون احضنه
وشاشته وازرته شكلها شكل فظيع=قمرة الميراج فازرته هو واكشنه
نصه اللي في لزومه كما السد المنيع=يوم بعض الناس فالازمه يومه سنه
نصه مفرح وكب الوضيع ابن الوضيع=ابوفارس سعد من جار وقته واغبنه
راعي الفزعات والثقل والبال الوسيع=والكرم والعرف والطيب والجود اظمنه
سعد عين للرفاقه عمى عين اللكيع=شاد بيت العز من طيب راسه واسكنه
يوم بعض اصحابنا فالقسا زبده يميع=واخسارة شارب بزرق العود ادهنه
فالسعه يقرع لسانه كما الشنه قريع=وفالقسا يودع بقلبك من الغبن اطعنه
جعل من ينسى صنيع الرجال اهل الصنيع=جعل قسمه عند رب السماوات لعنه[/POEM]