قصيدة رائعة للشاعر شافي البيضاني

السلام عليكم

اهدي لكم هذه القصيدة للشاعر شافي بن عبدالعزيز البيضاني.


[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله ما مروي ضما ممحل البيد = ومرجع ورق غصنٍ تقافت محوله
إلك الثناء ياخالقي والتحاميد= ولك الشكر في فعل عبدك وقوله
يارب أنا عبدٍ شكى وأنته السيد = تعب وثقل حمله ونوخ ذلوله
بحماك يامن يبدي الأمر ويعيد = يامن عباده بالظلام اسجدوا له
بحماك ياكاسر بطر كل رعديد = ومفرقٍ جيشه ومفني فلوله
نرفع يدينا لك عبادة وتوحيد = ياطول من قصر عن الفعل طوله
يارب كم من مسلمٍ ذله القيد = وأقدام رجله بالحديد معقوله
ماكن له في سالف المجد تمجيد= مكبلٍ يعرض على أرهاب دوله
وكم مسلمٍ شرد وكم مسلمٍ بِيد = أبسط حقوق العيش عجزت تنوله
وكم مسلمٍ يركع تحت ذل عربيد= ذلٍ يذلٍ الذل من قّو هوله
رمل وثكالى حزن فرقى وتشريد= وأهل الطغى والظلم ما ناظروا له
وكم من رضيعٍ ما أهتنى رضعة الديد= روع بمرضعته قبل حل حوله
ويارب جاء للكفر نبت وعناقيد= ويوم استوى يالله ببطشك تزوله
يارب جرد له بقدرتك تجريد سيفٍ يبته لين يفني سموله
يارب لجل الراكعين السواجيد= يارب لجل أطفالنا والكهوله
يوم اتأمل صفحة المجد وأعيد = أنظر لها والعين منها خجوله
وشلون مات المجد وجدودنا الصيد = الصين لجل الله تعالى عنوا له
كانت لنا الدنيا صدور ومواريد = كنا نقود الكون عرضه وطوله
كنا (عمر) كنا ولد حارثة (زيد) = كنا (علي) كنا العلا والبطوله
كنا البطولة بأمهات المواليد = أقروا عن (الخنساء) وعن فعل (خوله)
وصرنا نردد ماضي المجد ترديد = ونفخر بماضٍ ماقدرنا ننوله
يارب قيض لأمر الإسلام تجديد= ونصرٍ مثل نصرك لدولة رسوله
وأحفظ بلدنا من هل الغدر والكيد= والغدر نقصٍ بالوفى والرجوله
الخاينين الضايعين المقاريد = تبت مساعيهم وسعيٍ سعوا له
ياللي تدور في بلدنا مناقيد = وتاخذ على فعل الجرايم عمولة
الدار من دونه رجالٍ صناديد = ليا نامت عيون النيام سْهروا له
وإن ترجمت فعل الرجال البواريد = عيبٍ على اللي مايجي قد قوله
أقولها وأوكد القول توكيد = من كل فج وكل قوم وحموله
ويالله ما مروي ضما ممحل البيد = ومرجع ورق غصنٍ تقافت محوله
إلك الثناء ياخالقي والتحاميد= ولك الشكر في فعل عبدك وقوله[/POEM]

يارب قيض لأمـر الإسـلام تجديـد
ونصرٍ مثل نصـرك لدولـة رسولـه
وأحفظ بلدنا من هـل الغـدر والكيـد
والغـدر نقـصٍ بالوفـى والرجولـه
الخاينـيـن الضايعـيـن المقـاريـد
تبت مساعيهـم وسعـيٍ سعـوا لـه


اللهم آمين آمين آمين ..


محمّد ،

لله درّك يارجل ..


اختيار موفّق وذائقه جميله كالعاده ..!



أُلاحظ:
بحمـاك ياكاسـر بـط كـل رعديـد ؟؟؟

أيضاً :
ذلٍ يـذلٍ الــذل مــن قّ هـولـه ؟؟؟

وسلامتك .

الف شكر يامحمد

وصح لسان شاعرها

لك كل الود

أخي العزيز عبدربة

شكرا لك على ، وقد نبهتني للأخطاء الطباعية وقمت بتعديلها

لاعدمناك يالغالي

محمد البيضاني



واختيااار موفق للغاية ,,



تحيااتي وتقديري

الغالي

محمّد البيضاني


سلم بنانك الذي نقل لنا هذه القمّة الشعريّة ..
وصح لسان شاعرها .. شافي البيضاني
.
.

كانت لنـا الدنيـا صـدور ومواريـد
كنا نقـود الكـون عرضـه وطولـه
كنا (عمر) كنا ولـد حارثـة (زيـد)
كنـا (علـي) كنـا العـلا والبطولـه
كنـا البطولـة بأمـهـات الموالـيـد
أقروا عن (الخنساء) وعن فعل (خوله)
وصرنا نردد ماضـي المجـد ترديـد
ونفخـر بمـاضٍ ماقـدرنـا ننـولـه
يارب قيض لأمـر الإسـلام تجديـد
ونصرٍ مثل نصـرك لدولـة رسولـه
وأحفظ بلدنا من هـل الغـدر والكيـد
والغـدر نقـصٍ بالوفـى والرجولـه
الخاينـيـن الضايعـيـن المقـاريـد
تبت مساعيهـم وسعـيٍ سعـوا لـه
ياللـي تـدور فـي بلدنـا مناقـيـد
وتاخذ علـى فعـل الجرايـم عمولـة
الـدار مـن دونـه رجـالٍ صناديـد
ليا نامت عيـون النيـام سْهـروا لـه
وإن ترجمت فعل الرجـال البواريـد
عيبٍ على اللـي مايجـي قـد قولـه
أقولهـا وأوكــد الـقـول توكـيـد
من كـل فـج وكـل قـوم وحمولـه


أبيات ............. من ذهب




دمتم بخير


..

نواف نايف

شكرا لمرورك الكريم وتقبل تحياتي