سـر يا قلـم وأكـتب على ما تـورا

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]طار الكرى من موق عيني وفـرا = وفزيت من نومي طرا لي طواري
وأبديت من جاش الحشا ما تـورا = وأسهرت من حولي بكثر الهذاري
خطـن لفانـي زاد قلبـي بحـرا = من شاكي ضيم النيـا والعـزاوي
سر يا قلم وإكتب على ما تـورا = أزكى سلام لأبن عمـي مشـاري
شيخ على درب الشجاعة مضـرا = من لابة يـوم الملاقـا ضـواري
يا ما سهرنا حاكمـن مـا يطـرا = واليوم دنيا ضاع فيهـا إفتكـاري
أشكي لمن يبكي له الجود طـرا = ضراب هامات العدا مـا يـداري
يا حيف يا خطو الشجاع المضرا = في مصر مملوك لحمر العتـاري
من الزاد غاد لـه سنـام وسـرا = من الذل شبعان من العز عـاري
وش عاد لو تلبس حريـر يجـرا = وامتوج تاج الذهـب بالـزراري
دنياك يا إبن العـم هـذي مغـرا = ولا خير في دنيا حلاها مـراري
تسقيك حلـو ثـم تسقيـك مـرا = ولذاتهـا بيـن البرايـا عـواري
اكفح بجنحـان السعـد لا تـدرا = فالعمر ما ياقـاه كثـر المـداري
ما في يد المخلوق نفـع وضـرا = ما قدر الباري على العبد جـاري
وإسلم وسلم لي على مـن تـورا = وأذكر لهم حالي وما كان جـاري
ان سايلوا عنـي فحالـي تسـرا = قبقب شراع العز لو كنـت داري
اليـوم كـل مـن عميلـه تبـرا = وحطيت الأجرب لي عميل مباري
رميت عنـي برقـع الـذل بـرا = ولا خير فيمن لا يدوس المحاري
ونزلتها غصـب بخيـر وشـرا = وجمعت شمل بالقرايـا وقـاري
وحصنت نجد عقب ما هي تطـرا = مصيونة عن حر لفـح المـذاري
والشرع فيها قد مشـى واستقـرا = ويقرا بنا درس الضحى كل قاري
زال الهوى وألغى عنهـا وفـرا = ويقضى بها القاضي بليا مصاري
وإن سلت عمن قال لي ما تـزرا = نجد غـدت بـاب بليـا سـواري
نعم الصديق إليا سطا ثـم جـرا = يودع مناعيـر النشامـا حبـاري
ومن أمن الجاني كفا مـا تحـرا = وتازي حريمه بالقرايـا وقـاري [/POEM]


الأميـر :- عبدالله بن تركي آل سعـود

أشكرك أخي
عبدالرحمن على إيراد قصيدة الأمير / تركي بن عبدالله آل سعود
والتى قام بإرسالها الى الأمير / مشاري بن سعود آل سعود عندما قامت الدولة العثمانيه
بإعتقاله وإرساله الى مصر " أسيرا ً" لدى محمد علي باشا .....


فلك خالص الشكر والتقدير ،،،

شكرا اخوي عبدالرحمن
وشكرن للاخ الغالي محمدمشوط على هذا الايضاح

اكفح بجنحـان السعـد لا تـدرا
فالعمر ما ياقـاه كثـر المـداري
ما في يد المخلوق نفـع وضـرا
ما قدر الباري على العبد جـاري


لاهنت على إيراد هذه الدرة .. واللتي لازالت ابياتها منقوشة على عشاق الجزالة ..

لاهنت

تقديري

ابو نايف

هذه القصيدة تعد من عيون الشعر النبطي

قصيدة رااائعة الى ابعد الحدود ..

حفظت ورددت ..


عبدالرحمن الراشد ... شكرا جزيلا على النقل .

محمد بن مشوط


لاهنت على المرور

وعلى التوضيح وتسلم يالغالي

وهـذه القصيده تسمى " شيخة القصيد "

تقبل تحيااتي

لاهنت يالراشـد ..

وأسأل الله أن يجعلك راشداً مرشداً


سـلام’ عليكم

عبدالرحمن الراشـد


تسلم على النقل وعلى الاختيار الجميل


اي والله صدقت انها شيخة القصيــد

ولها تأثير كبير في النفس

تقبل اجمل التحاايا

سعود بن غنام


تسلم على تعقيبك ومرورك


وموفق خير

عبد الرحمن الراشد

لاهنت لى نقل هذه القصيدة وتسلم يمينك يالغالي

وصح لسان الأمير : تركي بن عبدالله آل سعود

وتقبلي شكري وتقديري

أخوك

محمد المطيري