###((((0000القطفه00000))))###

اليكم واتمنى لها القبول








[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دام النصيب اللي علق في جبيني=لزمني الطيب وانا فيه لزمت
فانا على ماكنت ياخابريني=اجي لها راغب ولن عفتها شمت
ارجع ورا خطوه عن الكارهيني=وعشرين خطوه للمحبين قدمت
من قلبي اللي فالهواء مبتليني=اللي تحزم بي وانا به تحزمت
والجادل اللي ما اظنه نسيني=في وعدها من حين ماوافقت قمت
واخذت ورده قاطفتها يميني=لعلها تقبل ملامي اذا لمت
ثم جيت موعدنا وهي تحتريني=وقامت عن الكرسي تسلم وسلمت
قالت يافايز خير قالوا تبيني=وهي تحاكيني وانا فالحكي همت
قالت يافايز قول قلت اعذريني=كل ماشوفك في كلامي تلعثمت
لكن باقول وطالبك تفهميني=وتكفين مابغى احس اني تندمت
قالت وش المطلوب قلت اسمعيني=انا من اللوعات ياما تألمت
صبرت لين الصبر بيح كنيني=وانتي ظلمتيني وانا ماتظلمت
وانا ومن جور الزمان وسنيني=مني اعلمها ومنها تعلمت
انتي تبين الصمت بينك وبيني=طيب احبك كيف تنقال في صمت
قول لي احبك كذا صارحيني=او لمحي والعيب لو ماتفهمت
قالت المح قلت هاخلصيني=وتنهدت وتبسمت ثم تبسمت
قالت بلاش اقول طالع فعيني=وطالعت في عينه وسلهم وسلهمت
وحسيت شي يجرني مع يديني= وبغيت اطيح وفي يدينه تلزمت
وكنه يقول العشق فيكم وفيني=مع انه الساكت وانا ماتكلمت
وعرفت مما صار بينه وبيني=ان الشعور احيان ينقال في صمت[/POEM]