وَطها و غَطها

السلام عليكم
الأخوه والاخوات في المرقاب الخلاب
خطاريف تعتذر لأذواقكم
وابت الا ان تصافحكم رغم تواضعها


القصيده

[FRAME="9 80"][POEM="font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حط عينك بعيني يا لذيذ النعاس=وَطها لا تفيح وغَطها لا تسيح
ان كتبنا ملينا كل قوس اقتباس=وان قرينا يزعلنا الكلام الصريح
اثر عمر الدقيقه بالثواني يقاس=وصاحب الحاجه اللي ما تجي في قريح
والذهب من عياره فيه نسبة نحاس=صافي الصوغ ليّن يا يدين المليح
امش حافي بوادي كل نبته هراس=ولا تعتب برجلك عند باب الشحيح
القصيده تهوّل والعطيه طفاس=ناس تبغى تعيش وناس تبغى مديح
لا تزوج فلانه كونها بنت ناس= يمكن البنت تطلع ذات وجهٍ قبيح
مثل منقاً تدلى في خيار الغراس=ريحها ريح شيح ودربها شوك شيح
بأيش تفرق تداول عن جماع البساس=فوق بسٍ يصيح وتحت بسٍ يصيح
دام مع كل شايب ما يداني الحساس=بنت لا قام يرقص تسنده لا يطيح
رح لها في الكرسمس جب لها قرط ماس=س: ويش الكرسمس؟ ج: عيد المسيح
وقل لجسمك يشغل كل خمس الحواس=لين ترتاح دنياً ما بها مستريح
راحت البال ولّت مع سنين اليباس=ودمعت العين حلّت في مكانٍ مريح
حايره في جفوني تحتري هز راس= حولت من عيوني بس عيت تطيح[/POEM][/FRAME]
وسلامتكم