مضمووووون القصيد ...و... الصنعه المدفوووونه

أنقل لكم قصيدتين يدووووور موضوعها حوووووول شاعر المليون

لكن بطريقه لايجيدها ألا الكبار

وأتمنى تنال على رضاكم




القصيده الأولى للشاعر خالد مقبول العصيمي


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اتضح معنى القصيده ونكشف مضمونـه=لاتعلمنـي هـل المعنـى ولا اعلمـهـا
وأنجلى وجه القمر للي تشـوف أعيونـه=كود من غطـا العيـون وذمتـه ظالمهـا
ما بقى شـيء مغطـا مـن وراه ودونـه=صارت أقمار الفضاء تشهد على عالمهـا
أختلف ميـزان وقتـي وختلـف قانونـه=أنهـزع حيـد السفينـه ونكسـر سلمهـا
كنت أحسب أن الحقيقه وزنة(ن)مازونـه=وثرها أحلامي ولا غيري حـدا يحلمهـا
كان قاضي الحق نشبت لقمته في سنونـه=من يفرق كافـر الأديـان مـن مسلمهـا
أعلم أن الغـش جـرم وشغلة(ن)ملعونـه=تطول أضفـار اليديـن وترجـع أتقلمهـا
والسلم والمرخ لو كثر الورق في أغصونه=السيوف اللي تقـص الـروس مايثلمهـا [/POEM]





المجاراة /للشاعر عبدالله الهديريس العتيبي


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بارك الله في الفضاء واقماره المشحونـه=ذبذبة عبر الهـوى وإشـارة ٍ يحكمهـا
بيّنت للنـاس نـوع الصنعـه المدفونـه=من ورى الاهواز قبل الفرس لاتتممهـا
شغلة ( اليورانيوم ) والنيـة المطعونـه=(متكي واحمد نجاد) ومن طمـع نادمهـا
ودهم طبة خليـج العـرب ويمصونـه=تشرب آبار الزيـوت وحوتتـه تلهمهـا
حالهم من وقت ماضي ماتطيب غبونـه=ورثـة ٍ لامـات شايـب للولـد سلمهـا
من فعول العرب في وقت ٍ مضى مغبونه=النفوس اللي سـواد الحقـد قـد غيّمهـا
مشترين الدار لكـن مارضـو بثمونـه=والله انـا قـد قسمنـا بينهـم مسهمهـا
قيمته كانت فعـول سيوفنـا المسنونـه=والرماح اللي من كرام اللحـى نكرمهـا
مع قصار ٍ زادهنـه سحنـة ٍ مسحونـه=من يمين اللي يشـوق لفعلهـا يِلْهمْهـا
والهنادي في يدين اهـل الوفـا مامونـه=كم كريم ٍ من جنوبه فـي اللقـا تيدمهـا
لاركبنا فوق سرد ٍ وصفهـن وش لونـه=مزنة ٍ هلت ويرجـف بالرعـد مقدمهـا
الوطن نخلي هله من باحتـه واركونـه=ومن فتل بيض الشوارب قدمنـا ندقمهـا
فوقهم لمطر غضبنا من سـواد مزونـه=الخليله مـن مداعـب خلّهـا نحرمهـا
دارهم ماجـات غـدر وفنـة ٍ مفنونـه=ولاهدايـا ً كـل عـام ٍ بينهـم نقسمهـا
ولاربضنـا للزعيـم ولانحـب متونـه=حِبته من حد حـدب ٍ منكبـه مطعمهـا
لين نحّى عنه غصب ومن بقـى يقفونـه=ماحلى ركب الحكومه مقتفـن حاكمهـا
جات يعرب غصب ماجت منة ٍ ممنونـه=يوم كان الرمح والسيف الحدب يحكمهـا
لين جانا (مجلس امن)وعالـم ٍ مجنونـه=الحقوق اطبق عليهـا والعـرب يتّمهـا
ومحكمة :لاهاي والناتو: وشـر ٍ دونـه=المظالم كيف يقضي ظلمهـا ظالمهـا ؟
ريّس الجلسه يهودي والمسيـح تعونـه=والمصالح بينهـم عندالعـرب قاسمهـا
الكديش اللـي تثالـغ بالدبـر حنحونـه=مالقت من يفتردهـا يـوم ثـم ياسمهـا
كل ماترغـي تـدلاّ برطـم الملعونـه=وعضدها الايمن تحبه لامسـح برطمهـا
والعوين الثاني اللـي بيّحـت مكنونـه=حجة العميـا تبيّـح سـد مـن قدّمهـا
مير ليته كان رايـه دخّلـه ماعونـه !=صيدته وليا ذبحها الهزل يشـرب دمْهـا
والله انـا لوبنينـا الـسـد مايرقـونـه=البهيمـه كلمـة الرحمـن ماتفهمـهـا
القضاة مـن البعـم والكاتبـه ممحونـه=والحسد والحقد سيد احكامهـم واحكمهـا
العرب لو يطلبـون الحـق مايوحونـه=والمهـادن يبلـع الجابـه ولايبرمـهـا
اختلف وضع العروبه ثـم تغيّـر لونـه=والعـداه الله رزقهـا بيننـا واطعمهـا
هاضني قاف ٍ بناه اللي حكـم مضمونـه=ابو فارس والمعاني ضمّهـا وانضمهـا
لاعقد حبـل المعانـي ماتحـل ممنونـه=عايمن له في بحور ٍ قـل مـن عايمهـا [/POEM]



ولكم خالص ودي وأحترامي

الله الله الله

لاهنت على نقل الدرتين يامشعل

الف شكر ولك كل الود

مع أجمل تحية

أخوك

سلمت يامشعل على نقلها


لاهنت لاهنت


احترامي ،

مشعل الريمان



شكرا جزيلا

يا سلام على هالمجاراه



تسلم يا مشعل على النقل


ولا هنت