(( كتبت فيك أبيات وأبيات وأبيات ))

مرحبا مليون بالجميع

صبحكم الله بالخير

قصيده طازجه اتمنى تجد القبول


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كتبت فيك أبيات وأبيات وأبيات = (مسحوب) و (هجيني) وطاروق منكوس
وأجمل قصيدي مبدعه فيك بالذات = قدمت (للجمهور) في وصفك دروس
أخذت في (جزل القوافي) شهادات = طمّنت لي روسٍ ورفّعت لي روس
و (الشعر) في شرواك رام الطويلات = سطرّت في (بحرالغزل) فيك قاموس
واليوم (شعري) مات يوم (الغلا) مات = نفوس تبكي لي وتفرح بي نفوس
وأن قلت بنسى..سابع المستحيلات = زرعت بي في داخل (القلب) فيروس
ذكرى تورّدنى على (الموت) مرات = وذكرى تلبسني مع (الحزن) ملبوس
يمرّني طيفك مع الليل بسكات = أعانقه والدمـع بالعين محبوس
ياوجد حالي كل ماجر ونات = وجد (الحشيم) اللي على راسه الموس
في دار(غرب) وتهمته مالها أثبات =ماله عوين ولا كفالات وفلوس..!!
دمعه على خده وبالصدر ضيقات = الحكم صادر والعفو منه ميئوس
يانور عيني لو تطول الخلافات = غلاك عن كل المخاليق محروس
لك في ربيع القلب منزل ورايات = ما يدخله حاسد وعاذل وجاسوس
كتبت فيك أبيات وأبيات وأبيات = يالين صرت بعالم (الشعر) ناموس
وسلامتكم خالد بن سكران[/POEM]